Kulturë

Fan Noli, një nga figurat qendrore të kombit shqiptar

Published

on

Fan Stilian Noli, një nga emrat më të ndritur të historisë së kombit shqiptar, erdhi në jetë më 6 janar 1882, duke shënuar fillimin e një rrugëtimi të paharrueshëm, të përmbushur me kontribute të jashtëzakonshme në shumë fusha. Ai ishte njëri nga ndihmësit kryesorë në themelimin e Kishës Autoqefale Shqiptare, një nismë që do të ndryshonte përherë rrjedhën e historisë së shqiptarëve dhe të besimit ortodoks në Shqipëri. Megjithëse Noli është i njohur për veprimtarinë e tij kishtare dhe politike, kontributet e tij janë të shumta, duke përfshirë përkthimin, poezinë, dramaturgjinë, muzikën dhe historinë.

Lindur në një familje blegtorësh në Ibrik-Tepe të Turqisë evropiane, Noli ishte i dyti nga trembëdhjetë fëmijë, por vetëm gjashtë arritën të mbërrinin moshën e pjekurisë. Gjatë fëmijërisë së tij, Noli u rrit me ndjenjën e thellë të përkatësisë kombëtare dhe atdhedashurisë, një ndjenjë që do të përcillte të gjithë jetën e tij. Ai do të angazhohej në mënyrë të vazhdueshme në çështjen kombëtare, duke e lidhur jetën e tij me fatin e shqiptarëve, si nëpërmjet veprimtarisë parlamentare ashtu edhe përmes krijimtarisë letrare. Pas zgjedhjeve të vitit 1921, Noli u bë deputet i Kolonisë së Amerikës, dhe më vonë shërbeu si ministër i Jashtëm në qeverinë e Xhaferr Ypit. Ai u bë një figurë kyçe e Lëvizjes së Qershorit 1924, një ngjarje që i ndryshoi përfundimisht rrjedhën e karrierës politike, duke e çuar në një periudhë të internimit dhe përndjekjeve.

Në vitet e fundit të jetës së tij, Noli nuk e kufizoi veten vetëm në politikë dhe fe, por gjithashtu iu përkushtua pasionit të tij të vjetër për muzikën. Pas shërbimit të tij si klerik dhe politikan, Noli u regjistrua në Konservatorin e Muzikës të Nju-England në Boston, ku arriti të diplomojë në vitin 1938. Në këtë periudhë, ai mbrojti monografinë e tij mbi “Bethovenin dhe Revolucionin Francez”, një studim që e shpalli si një kontribues të rëndësishëm në muzikologji. Noli, i cili ishte njohur edhe si themelues i Kishës Ortodokse Shqiptare në Boston, solli një reformë të rëndësishme në jetën kishtare shqiptare. Ai u bë pionier i këndimit shqip në kishë, duke e sjellë këtë traditë në përputhje me stilin perëndimor të këngëve dhe himneve.

Një nga arritjet më të mëdha të Fan Nolit mbetet kontributi i tij në themelimin e Kishës Ortodokse Shqiptare dhe përkthimi i himneve kishtare në shqip, që thelluan lidhjet e shqiptarëve me besimin ortodoks dhe forcuan identitetin e tyre kombëtar. Figura e Fan Nolit do të mbetet një simbol i pandashëm i dashurisë për atdhenë, për lirinë dhe për kulturën shqiptare, një personalitet që shenoi një epokë të tërë në jetën kombëtare dhe që do të kujtohet përherë si një nga ata që i shërbyen kombit në mënyra të ndryshme, duke lënë një trashëgimi të paharrueshme për brezat që do të vijnë./UBTNews/

 

Magazinë

Pedro Pascal flet për jetën private dhe tregon nëse ka në plan të bëhet baba

Published

on

Pedro Pascal ka folur për mënyrën se si e mban jetën e tij personale larg syrit të publikut, në një intervistë të fundit për Vanity Fair.

Aktori 50-vjeçar, i cili ka arritur majat e karrierës me rolet e tij në serialet “The Last of Us” dhe “The Mandalorian”, theksoi se ruajtja e privatësisë është thjesht dhe vetëm një mbrojtje nga ekspozimi mediatik.

“Gjithmonë ndihem në siklet kur më përshkruajnë si një person të rezervuar në media, sepse është krejt e kundërta e asaj që jam në të vërtetë,” tha ai.

“Jam shumë i hapur me njerëzit e mi, me rrethin tim personal. Thjesht e di që marrëdhëniet mes njerëzve janë mjaft të ndërlikuara edhe pa qenë nën dritën e kamerave apo përmes një lenteje që zmadhohet gjithmonë.”

I pyetur për mendimin e tij mbi prindërimin dhe nëse ka dëshirë të ketë fëmijë, Pascal u tregua i sinqertë:

“Nuk është diçka për të cilën e vras mendjen çdo ditë. Sigurisht, kam ëndërruar ta përjetoj atë që më kanë dhënë prindërit, t’i çoj fëmijët në kinema, siç më çonin mua. Ndoshta dua një ‘bashkudhëtar të vogël’, qenie njerëzore interesante që është fëmija im, e që më shoqëron të shohim filma që dua t’i shoh unë.”

Kur biseda kaloi te mënyra si interneti e ka shndërruar në një simbol seksi, Pascal u duk më shumë i habitur sesa i ngazëllyer:

“E mendoni me të vërtetë se dukem seksi? Faleminderit Zotit!,” tha ai.

Continue Reading

Magazinë

Vdes në moshën 74-vjeçare aktori i njohur italian

Published

on

Bota e kinemasë italiane është sot në zi. Alvaro Vitali, një nga figurat më të dashura dhe ikonike të komedisë italiane, është ndarë nga jeta në moshën 74-vjeçare, në Romë.

Aktori ishte shtruar në spital dy javë më parë për një bronkopneumoni të përsëritur, por kishte vendosur të rikthehej në shtëpi, ku ndërroi jetë pasdite.

I njohur për rolin e tij të paharrueshëm si Pierino, Vitali u bë një figurë kult e komedisë italiane, por edhe një personazh shumë i dashur për publikun e ri, falë imitimeve të suksesshme, si ajo e Jean Todt në “Striscia la Notizia”.

I lindur më 3 shkurt 1950, Vitali u zbulua nga Federico Fellini, i cili i dha rolin e parë në “Fellini Satyricon” (1969), ai u shfaq në filma të tjerë të regjisorit të famshëm si “I Clowns” dhe “Roma”.

Në vitet ’70-’80, Vitali u bë një nga aktorët më të kërkuar të zhanrit komik, duke luajtur krah emrave si Lino Banfi, Edwige Fenech dhe Renzo Montagnani.

Continue Reading

Magazinë

Mesazhi i Rita Orës për botën: Respektoni njerëzit pasi s’e dini si mund të kthehen në jetën tuaj

Published

on

Këngëtarja me rrënjë nga Kosova e me famë botërore, Rita Ora, ka dhënë mesazhin e saj për botën dhe njerëzit e rinj, në një deklaratë për “Dose of Society” që ka mision të sjellë zërin e njerëzve për inspirim dhe lidhje me të tjerët.

Në një video të publikuar në kanalin e “Dose of Society” në Instagram me 1.7 milionë ndjekës, Rita ka treguar edhe se çka do t’i thoshte vetes së vet më të re.

“Mos u brengos. Gjithmonë gjithçka do të jetë në rregull. Gjithçka lidhet me rrugëtimin. Ky është rrëfimi juaj. Dhe kurrë mos mendo e ndjej sikur rrëfimi juaj duhet të jetë si i dikujt tjetër”, ka thënë ajo.

Se pse e ka fituar këtë përshtypje, Rita ka thënë se gjërat “nuk po ecnin shpejt mjaftueshëm”. “Kam menduar se gjërat do të duhej të ishin më shpejt, por se ato kanë ndodhur ashtu siç ishte paraparë të ndodhnin”. Ajo ndihet e bekuar dhe me fat që e bën punën që gjithmonë ka ëndërruar.

Ajo ka treguar edhe se çka ka mësuar përgjatë rrugëtimit të saj.

“Që e dua atë që bëj dhe që jam me fat që e bëj atë që e bëj dhe që jam e bekuar. Më duhet ta kujtoj këtë, që po bëj një punë që gjithmonë kam dashur ta bëja. Disa njerëz kanë punë që nuk donin t’i bënin”, ka thënë ajo.

Këngëtarja është shprehur se duhet të respektohen të gjithë njerëzit “pasi ju nuk e dini se si mund të kthehen këta njerëz në jetën tuaj”.

“Se këdo që e takoni e meriton të njëjtin respekt sepse po ashtu nuk e dini si mund të kthehen këta njerëz në jetë, si mund t’ju ndihmojë në të ardhmen apo çfarë raportesh mund të bëni me ta…Ti mjafton. Ju mund të gjeni dyshime se nuk po bëni mjaftueshëm, se s’keni sukses, pasuri, por mos harroni se ju vetëm si person jeni mjaftueshëm. Je vetëm një. Mos e harro kurrë”, ka shtuar Rita Ora.

Continue Reading

Magazinë

Brad Pitt pranoi se pas divorcit nga Angelina Jolie ka lënë edhe alkoolin

Published

on

Brad Pitt, kujtoi vizitën e tij të parë në një takim të ‘Alkoolistëve Anonimë’ pas divorcit nga Angelina Jolie. Kjo periudhë e jetës së tij ishte e trazuar për të dhe ai vendosi të kërkonte ndihmë profesionale.

“Isha në gjunjë. Kisha nevojë të vija në vete për disa gjëra. Provova gjithçka dhe çdo gjë, gjithçka që më ofronin njerëzit. Ishte periudhë e vështirë. Kisha nevojë për një rifillim të jetës”, tha ai gjatë një paraqitjeje në podcast-in “Armchair Expert”.

Ai shkoi në një takim të ‘Alkoolistëve Anonimë’ për një vit e gjysmë, pas ndarjes nga Angelina Jolie në vitin 2016.

Tani thotë se u ndje i frikësuar kur erdhi radha e tij për të folur për alkoolizmin, por se u inkurajua nga të tjerët që flisnin hapur për problemin e tyre.

“Të inkurajon të thuash: ‘Në rregull, do të dal nga zona e rehatisë dhe do të shoh çfarë ndodh’, pastaj më pëlqeu shumë”, tha ai, duke shtuar se është rritur në një mjedis ku burrat këmbëngulnin që jeta e tyre të ishte e mrekullueshme.

“Ishte e pabesueshme. Burrat ndanë përvojat e tyre, folën për të metat, lëvizjet e gabuara, dëshirat dhe atë që i lëndon me shumë humor”, tha ai.

Alkoolizmi luajti një rol të madh në divorcin nga Angelina Jolie. Ajo pretendoi se sulmoi fizikisht atë dhe fëmijët e tyre në një aeroplan ndërsa ishte nën ndikimin e alkoolit. Ata u divorcuan zyrtarisht në vitin 2019 dhe aktualisht ai është në një lidhje me Ines de Ramon.

Continue Reading

Të kërkuara