Lajmet nga UBT
Eurotripi i ëndrrave: Horizonte të reja për studentët e UBT-së
Studentët e UBT-së kanë pasur mundësinë të përjetojnë një udhëtim të paharrueshëm në disa nga qytetet më të bukura dhe historike të Evropës. Ky udhëtim u organizua dhe u udhëhoq nga profesorët Ajhan Bajmaku dhe Bashkim Shala, duke përfshirë ndalesa në disa prej qyteteve më të njohura dhe më të rëndësishme të Evropës.
Verona, Itali
Verona ishte një mundësi spontane që studentët nuk e humbën. Duke mbërritur më herët në Itali, ata shfrytëzuan rastin për të eksploruar qendrën historike të qytetit. Arkitektura e Veronës dhe atmosfera e saj romantike lanë mbresa të thella, duke përfshirë vizita në sheshet kryesore dhe ndërtesat e vjetra me vlera të rralla kulturore.
Venedik, Itali
Vizita në Venedik nisi me analizimin e fasadave dhe objekteve historike, duke ndjekur rrugët ujore deri te qendra, në Sheshin San Marco. Studentët u njohën me historinë e qytetit, arkitekturën unike dhe sistemin inovativ të transportit ujor. Kjo eksperiencë shërbeu si frymëzim për shumë prej tyre, sidomos për ata që studiojnë arkitekturë dhe infrastrukturë urbane.
Paris, Francë
Udhëtimi në Paris filloi me një vizitë te Kulla e Ajfellit, simboli i qytetit dhe një mrekulli inxhinierike. Studentët shijuan pamjet panoramike dhe kapën momente të veçanta me fotografi në afërsi të muzeut të Arkitekturës.
Vizita vazhdoi në Palais de Tokyo, një muze bashkëkohor i artit, ku studentët u njohën me punimet e artistëve të njohur dhe eksploruan instalacione dhe hapësira inovative. Një tjetër ndalesë ishte Pompidou Center, i famshëm për arkitekturën e tij futuriste, projektuar nga Richard Rogers dhe Renzo Piano. Ky muze ishte një mundësi për studentët që të përjetonin ndërthurjen e artit dhe teknologjisë.
Delft, Holandë
Në Delft, vizita ishte e përqendruar te Universiteti i Arkitekturës, një nga më të njohurit në Evropë. Studentët eksploruan laboratorët e pajisur me teknologji moderne dhe studimet e realizuara nga studentët vendas. Një veçori e vizitës ishte ligjërata nga profesori i njohur Mark Pimlott, i cili ndau këshilla dhe eksperienca mbi dizajnin e enterierit. Vizita vazhdoi te Fakulteti i Dizajnit Industrial, ku studentët panë proceset e zhvillimit të patentimeve të makinerive dhe produkteve që kanë ndikim të gjerë në tregun evropian.
Rotterdam, Holandë
Pas vizitave në qytetet e tjera, udhëtimi vazhdoi në Rotterdam, një qytet i njohur për arkitekturën moderne dhe urbane. Studentët eksploruan qendrën e qytetit, ku kombinimi i traditës dhe modernitetit është evident në çdo hap. Një nga pikat kryesore të vizitës ishte Tregu i Gjelbër i Qytetit, një strukturë ikonike e projektuar nga studioja ndërkombëtare MVRDV, e cila është e njohur për qasjen vizionare ndaj arkitekturës urbane. Ky treg ofron një shembull të shkëlqyer të mënyrës se si arkitektura bashkëkohore mund të krijojë hapësira funksionale dhe estetike për komunitetin.
Amsterdam, Holandë
Vizita në Amsterdam filloi me eksplorimin e Stedelijk Museum, një qendër ikonike arti dhe dizajni, e projektuar nga studioja e mirënjohur Benthem Crouwel Architects. Ky muze ofron një koleksion të pasur të artit modern dhe bashkëkohor. Pas kësaj, studentët vizituan Muzeun Vincent van Gogh, ku patën mundësinë të shohin nga afër disa prej veprave më të famshme të piktorit legjendar dhe të përjetojnë një udhëtim të jashtëzakonshëm në botën e artit dhe kreativitetit.
Berlin, Gjermani
Në Berlin, vizita filloi me Portën e Triumfit (Brandenburger Tor), një nga simbolet më të njohura të qytetit dhe një monument historik. Më pas, studentët eksploruan Peizazhin Përkujtimor të Holokaustit, një vepër emocionuese dhe domethënëse e arkitektit Peter Eisenman, që reflekton mbi historinë dhe kujtesën kolektive. Vizita vazhdoi në Muzeun e Filmit, ku studentët patën mundësinë të mësojnë më shumë rreth industrisë së filmit dhe festivaleve të famshme si Berlinalja, duke ndjerë atmosferën historike të Berlinit.
Pragë, Çeki
Vizita në Pragë filloi me eksplorimin e Qytetit të Vjetër, një nga zonat më historike dhe piktoreske të qytetit. Si pjesë e kësaj, studentët vizituan ndërtesën ikonike Dancing House, një kryevepër arkitekturore e krijuar nga Frank Gehry, e njohur për format e saj unike dhe dinamike. Më pas, udhëtimi vazhdoi drejt Urës së Karlit (Charles Bridge), një nga atraksionet më të famshme dhe të dashura të Pragës, që ofron një peizazh magjepsës të qytetit dhe lumit Vltava. Kjo vizitë i dha studentëve një përvojë të veçantë në zemrën kulturore të Pragës.
Vjenë, Austri
Eurotripi përfundoi në Universitetin e Vjenës, ku studentët patën mundësinë të bashkëpunojnë me profesorët Skender Kosumi dhe Tomas Dilinger. Ata morën pjesë në diskutime dhe aktivitete që shtriheshin nga arkitektura deri te teknologjitë moderne. Vjena, me trashëgiminë e saj të pasur kulturore dhe institucionet arsimore të nivelit të lartë, ishte një pikë kulminante e këtij udhëtimi.
Ky Eurotrip konfirmoi edhe një herë përkushtimin e UBT-së për të ofruar mundësi që i pasurojnë studentët jo vetëm me dije teorike, por edhe me përvoja praktike dhe kulturore të rëndësishme. Vizitat në këto qytete të njohura evropiane ndihmuan studentët të zgjeronin horizontet e tyre, duke u frymëzuar nga arkitektura, arti dhe kultura e pasur që ofron secila prej tyre./UBTNews/
Studentët e programit master “Planifikim Urban dhe Zhvillim i Qëndrueshëm” në UBT realizuan një vizitë të veçantë studimore në kompleksin Lura Agroturizëm në Novobërd, duke eksploruar rolin dhe potencialin e agroturizmit në zhvillimin ekonomik dhe qëndrueshmërinë rurale.
Kjo vizitë u zhvillua në kuadër të lëndës “Periferia Urbane dhe Zonat Rurale si Ekosisteme Ekonomike”, një platformë që i frymëzon studentët të lidhin teorinë me praktikën përmes shembujve konkretë.
Të mirëpritur nga pronari, Gani Buca, dhe drejtori, Genc Buca – një ish-student i UBT-së, studentët u njohën me historinë, aktivitetet dhe filozofinë e këtij kompleksi agroturistik. Me pasion dhe profesionalizëm, ata ndanë përvojën e tyre mbi menaxhimin e një biznesi të tillë inovativ dhe ndikimin e tij në komunitetin lokal.
Gjatë vizitës, studentët patën mundësinë të shohin nga afër proceset e prodhimit dhe përpunimit të lëndëve të para ushqimore, përgatitjen e ushqimeve tradicionale, si dhe të eksplorojnë galerinë e kompleksit, shtëpitë për mysafirë dhe terrenet sportive. Ky kompleks ilustron në mënyrë të përkryer se si një biznes rural mund të ndërthurë traditën dhe inovacionin për të krijuar një ekosistem ekonomik të qëndrueshëm.
Një moment i veçantë ishte theksimi i përfshirjes së prodhuesve lokalë në këtë iniciativë, duke u treguar studentëve se si agroturizmi mund të jetë një motor zhvillimi për komunitetin përreth. Për më tepër, studentët realizuan një shëtitje studimore në zonë për të identifikuar mundësi të reja për zhvillimin e agroturizmit dhe për të dhënë rekomandime konkrete për projekte të ardhshme.
Përmes këtyre përvojave, studentët jo vetëm që fitojnë kompetenca dhe aftësi të avancuara, por gjithashtu bëhen pjesë aktive e ndryshimeve pozitive në komunitet. Agroturizmi, si një sektor që mbart potencial të madh për zhvillimin ekonomik të Kosovës, paraqet një fushë të rëndësishme ku studentët e UBT-së do të kontribuojnë në ndërtimin e një të ardhme më të gjelbër, më të qëndrueshme dhe më të prosperuar për vendin./UBTNews/
Lajmet nga UBT
Profesorët e Fakultetit të Ndërtimtarisë publikojnë punimin shkencor në revistën prestigjioze ‘Buildings’
Fakulteti i Ndërtimtarisë dhe Infrastrukturës në UBT vazhdon të rrisë nivelin akademik dhe shkencor, duke kontribuar në fushën e kërkimit dhe zhvillimit. Në kuadër të aktiviteteve shkencore, Dekani i Fakultetit, Prof. Visar Krelani, së bashku me profesorët Prof. Muhamet Ahmeti dhe Prof. Driton Kryeziu, kanë publikuar një punim shkencor në revistën Buildings, e cila është pjesë e grupit të revistave të cilat përfshihen në Çerekun e Parë (First Quarter) të revistave të njohura dhe me ndikim (Q1), nën botimin e MDPI.
Ky punim, i titulluar “Increased Durability of Concrete Structures Under Severe Conditions Using Crystalline Admixtures- Rritja e qëndrueshmërisë së strukturave të betonit në kushte të rënda mjedisore duke përdorur aditive kristaline”, është një studim i rëndësishëm që trajton përdorimin e aditivëve kristaline për përmirësimin e qëndrueshmërisë së strukturave betoni në kushte ekstreme. Artikulli është vendosur gjithashtu në një pjesë të veçantë, të cilës i është dhënë rëndësi në temën “Materialet dhe teknologjitë e avancuara të ndërtimit për një të ardhme të qëndrueshme”.
Punimi jo vetëm që ka një aspekt teorik të rëndësishëm, por lidhet ngushtë edhe me industrinë, duke pasur një komponent eksperimental dhe një aplikim të rëndësishëm praktik në laboratorët e testimit. Në këtë kuadër, Prof. Driton Kryeziu ka pasur një angazhim të veçantë për zhvillimin dhe implementimin e kësaj teknologjie inovative.
Ky publikim është një dëshmi tjetër e angazhimit të Fakultetit të Ndërtimit dhe Infrastrukturës në UBT për të pasur një lidhje të fortë me industrinë dhe për të promovuar kërkimin shkencor që ka vlerë praktike, si dhe për të rritur cilësinë didaktike. Fakulteti vazhdon të zhvillojë kapacitetet shkencore, praktike dhe didaktike, duke e forcuar gjithnjë e më shumë pozicionin e tij në fushën e kërkimit dhe arsimit të lartë.
Fakulteti i Ndërtimtarisë dhe Infrastruktures në UBT vazhdon të mbajë një lidhje të fortë dhe të rëndësishme me industrinë, duke përforcuar gjithashtu zhvillimin e aspektit shkencor, i cili kontribuon në ngritjen e cilësisë didaktike.
Stafi i Fakultetit ka shënuar një avancim të jashtëzakonshëm në fushën shkencore vitet e fundit dhe është i angazhuar vazhdimisht në forcimin e kapaciteteve të tij shkencore, praktike dhe didaktike, duke e bërë gjithnjë e më të rëndësishëm kontributin e tij në përparimin e sektorit të ndërtimit dhe infrastrukturës./UBTNews/
Artikulli i plotë: https://www.mdpi.com/2075-5309/15/3/352
Lajmet nga UBT
Profesoresha Hajdi Xhixha dhe bashkautorët publikojnë studimin krahasues mbi demokracinë dhe modelin e ‘citizen- soldier’ në Kosovë dhe Izrael
Hajdi Xhixha, profesoresha e Shkencave Politike në UBT, në bashkëautorësi me Ronen Itsik dhe Alona Hagay Frey, ka publikuar një punim shkencor të titulluar “Democracy and the ‘citizen-soldier’ military: The case of Kosovo and Israel”, i cili është publikuar në Security and Defence Quarterly. Ky punim ka si qëllim të shqyrtojë mundësinë e implementimit të modelit të “citizen-soldier” në Kosovë, duke u krahasuar me praktikat dhe përvojat e Izraelit. Ky studim ka si fokus të analizojë mënyrën se si një shtet i ri dhe i vogël demokratik si Kosova mund të krijojë një ushtri që ka jo vetëm funksion mbrojtës, por edhe një rol të rëndësishëm social.
Ky studim është krahasues dhe i orientuar në dy shtete që kanë kaluar përmes periudhave të luftës dhe që janë shtete të vogla demokratike: Izraeli dhe Kosova. Izraeli ka implementuar modelin e “citizen- soldier” që nga themelimi i tij në vitin 1948, ndërsa Kosova, pas një periudhe të mbështetjes nga NATO, po shqyrton mundësinë e adoptimit të këtij modeli për forcën e saj ushtarake. Kjo është një mundësi për të krijuar një ushtri që do të mbrojë shtetin dhe, njëkohësisht, do të ketë një ndikim pozitiv në forcimin e kohezionit shoqëror dhe stabilitetit kombëtar të Kosovës.
Në artikull, autorët kanë trajtuar disa elemente të rëndësishme të modelit të “citizen- soldier”. Ata theksojnë se për të zbatuar një model të tillë, ai duhet të mbështetet në kulturën dhe kushtetutën e një shteti demokratik, pasi një balancim i duhur mes të drejtave dhe detyrimeve të qytetarëve është jetik për të shmangur tensionet sociale. Në këtë drejtim, hulumtimi i autorëve përfshin analizën e aspektëve kushtetuese, kulturore dhe shoqërore të një ushtrie të tillë, duke shqyrtuar mundësitë dhe sfidat që mund të dalin nëse modelin do të përdorte Kosova.
Një pjesë e rëndësishme e hulumtimit është vlerësimi i mënyrës se si grupe të ndryshme shoqërore dhe kulturore, që mund të jenë të përjashtuara nga shërbimi ushtarak në përvoja si ato të Izraelit, mund të integrohen dhe të kontribuojnë në forcimin e unitetit kombëtar dhe shoqëror në Kosovë.
Autorët theksojnë se Kosova mund të adoptojë praktikat pozitive të Izraelit për të siguruar një integrim social të qytetarëve të saj në ushtrinë e Kosovës. Ky proces mund të përfshijë menaxhimin e diversitetit shoqëror dhe balancimin e përjashtimeve që mund të ndodhin për arsye kulturore ose fetare, duke u bazuar në përvojën izraelite dhe duke minimizuar disa nga dobësitë që ka pasur ky model në Izrael.
Një pjesë e rëndësishme e studimit është identifikimi i sfidave që lidhen me implementimin e modelit të “citizen- soldier” në një shoqëri demokratike. Autorët theksojnë se është e nevojshme një analizë e thellë e ndarjeve shoqërore dhe kulturore që mund të shfaqen kur një shtet kërkon që qytetarët të marrin pjesë në shërbimin ushtarak. Pjesë e rëndësishme e këtij procesi është përdorimi i sistemit arsimor si një agjent të socializimit, për të ndihmuar qytetarët që të kuptojnë rëndësinë e detyrës kombëtare dhe të jenë të gatshëm të kontribuojnë për forcimin e shtetit.
Qëllimi i këtij punimi është të ofrojë përgjigje për pyetjen kërkimore kryesore: Çfarë mund të mësojë qeveria e Kosovës nga përvoja e Izraelit në lidhje me modelin e “citizen- soldier?”.
Studimi shqyrton gjithashtu se si Kosova mund të ndjekë një qasje të tillë për të ndërtuar një ushtri që ka një rol shoqëror dhe mbrojtës, duke forcuar stabilitetin kombëtar dhe aftësinë mbrojtëse të shtetit, dhe duke siguruar një balancim të drejtë mes të drejtave dhe detyrimeve të qytetarëve.
Ky punim sjell një analizë të rëndësishme dhe ofron një perspektivë të re për ndërtimin e një ushtrie moderne dhe demokratike, duke nxjerrë mësime nga praktikat e Izraelit dhe duke theksuar rëndësinë e një qasjeje të balancuar që synon përforcimin e unitetit shoqëror dhe të sigurisë kombëtare në shtete si Kosova./UBTNews/D.E.
Lajmet nga UBT
Publikohet hulumtimi nga profesorët Alfred Marleku dhe Ridvan Peshkopia mbi preferencat e studentëve për mësimin online, tradicional dhe të përzier
Studentët e UBT-së sjellin ide për projekte të reja në sektorin e agroturizmit
Pas kryeministrit serb, dorëhiqet edhe kryetari i Novi Sadit
KQZ merr vendim për mbylljen e tri qendrave të votimit në përfaqësi diplomatike, miraton edhe sloganin
Aktakuzë kundër një të dyshuari për dhunë seksuale gjatë luftës në Kosovë
Profesorët e Fakultetit të Ndërtimtarisë publikojnë punimin shkencor në revistën prestigjioze ‘Buildings’
Homazhe për akademik Minir Dushin: Një jetë e shërbyer për shkencën dhe atdheun
Profesoresha Hajdi Xhixha dhe bashkautorët publikojnë studimin krahasues mbi demokracinë dhe modelin e ‘citizen- soldier’ në Kosovë dhe Izrael
Gjysmëfinalet e zjarrta të Kupës së Kosovës në basketboll
Bislimi uron Sorensenin: Qasja e balancuar ndaj palëve, parakusht për sukses në dialog
-
Bota3 months agoTrump premton paqe në Liban nëse rikthehet në Shtëpinë e Bardhë
-
Bota3 months agoKoreja e Veriut rrit frikën në botë, lëshon raketën e re balistike ndërkontinentale
-
Bota3 months ago“Ethet” e kthimit të Trump! Takohen Macron e Starmer, zbardhet fokusi i diskutimeve
-
Lajmet2 months agoRektori Hajrizi: Çdo sukses i joni është një sukses për Kosovën!