Lajmet

Energoatom: Reaktori i fundit operativ i Zaporizhzhia-s u shkëput nga rrjeti pas granatimeve ruse

Energoatom po punon për rivendosjen e lidhjes.

Publikuar

Reaktori i fundit operativ në termocentralin bërthamor Zaporizhzhia është shkëputur nga rrjeti ukrainas, tha të hënën agjencia bërthamore e vendit Energoatom, duke thënë se ishte rezultat i një zjarri të shkaktuar nga granatimet ruse.

“Si rezultat, njësia e energjisë nr. 6 u shkarkua dhe u shkëput nga rrjeti, i cili aktualisht furnizon nevojat e vetë ZNPP-së”, tha agjencia në deklaratën e saj.

Energoatom po punon për rivendosjen e lidhjes, tha një zëdhënës për CNN të hënën.

“Ka një shans për të rivendosur transmetimin e energjisë në rrjetin ukrainas”, shtoi zëdhënësi, duke thënë se ai nuk mund të detajojë oraret pasi situata mbeti e tensionuar.

Zëdhënësi vuri në dukje se situata nuk konsiderohej emergjente.

Administrata ushtarako-civile ruse e qytetit Enerhodar, ku ndodhet termocentrali, nuk pohoi nëse termocentrali ishte shkëputur nga rrjeti ukrainas, por tha se situata në termocentral ishte normale.

Zëdhënësi i Energoatom tha poashtu se shkëputja e termocentralit nga rrjeti ukrainas nuk do ta bënte më të lehtë lidhjen e centralit me rrjetin rus, për shkak të dëmtimit të linjave të transmetimit./UBTNews/

Lajmet

Rritja e partive të ekstremit të djathtë, sa rrezikohen proceset integruese dhe zgjerimi i BE-së?

Publikuar

nga

Zgjedhjet e Parlamentit Evropian u mbajtën nga 6 deri më 9 qershor në 27 vendet e Bashkimit Evropian. Por dinamika e këtyre zgjedhjeve ishte rritja e partive të djathta ekstreme, ndonëse partitë e qendrës liberale dhe socialiste ruajtën shumicën në Parlament. 

Në një prononcim për UBTnews profesori Veton Zejnullahu thotë se këto rezultate ishin të pritshme si rezultat i nisjes së luftës në Ukrainë dhe çështjes së emigracionit në disa vende.

“Mirëpo ajo se çfarë e karakterizon këto zgjedhje është se vendet demokratike si Franca dhe Blegjika menjëherë pas këtij rezultati kanë shpallur zgjedhjet nacionale, do të thotë demokracia në nivelin e lartë, udhëheqësit e tyre e dërgojnë vetën e tyre në verifikim para sovranit”, deklaroi ai.

Por sa paraqet rrezik për demokracinë brenda Bashkimit Evropian rritja e këtyre partive të djathta?

“Unë mendoj se rreziku ekziston sa këto janë në opozitë, në momentin pastaj kur vijnë në pushtet automatikisht ndërrojnë qëndrimet, sepse pushteti po mbushet me përgjegjësi edhe më e lehtë të flasësh  në opozitë se sa kur vjen në pushtet, sepse janë obligime të cilat i kalojnë qëndrimet paraprake dhe rasti më i mirë është ai i Italisë”, deklaroi ai tutje.

Rritja e tyre nuk pritet të ketë ndikim as në proceset integruese të Kosovës.

“Kosovën nuk e rrezikojnë këto parti sepse zakonisht janë vende të cilat e kanë njohur shtetin tonë si shtet edhe fitorja e djathta do të thotë edhe atyre ekstreme nuk e prek zgjerimin e Bashkimit Evropian, ajo ka më shumë të bëjë me politikat e emigracionit dhe do të ndalë emigracionin në disa vende të ndryshme sesa që ka të bëjë me zgjerimin e Bashkimit Evropian, megjithatë këto janë parti të cilat e përkrahin vlerat e përbashkëta evropiane”, tha Zejnullahu.

Partitë e të djathtës ekstreme shënuan rritje të konsiderueshme në Gjermani, Austri dhe Francë. Parlamenti Evropian ka 720 deputetë, ndërkaq seanca konstituive do të mbahet më 16 korrik./UBTNews/

Teksti: Dea Berisha

Vazhdo të lexosh

Lajmet

Lushtaku: Skulptura e Leotrim Ahmetit, simbol i sakrificës së 1432 fëmijëve të rënë për liri

Publikuar

nga

Nënkryetari i komunës së Skenderajt, Sami Lushtaku, përurimin e skulpturës së Leotrim Ahmetit, e ka quajtur simbol të sakrificës së mbi 1 mijë e 400 fëmijëve të rënë për liri.

Skulptura e 7-vjeçarit, u zbulua sot në Skenderaj në 25-vjetorin e çlirimit të këtij qyteti.

“Tashmë Leotrim Ahmeti është përjetësuar në qendër të Skenderajt, për të qëndruar përgjithmonë si simbol i sakrificës së 1432 fëmijëve të rënë për lirinë e Kosovës! Lavdi e përjetshme!”, ka shkruar Lushtaku në rrjetin social Facebook.

Vazhdo të lexosh

Lajmet

Kryeministri Kurti pas takimit me Ministrin e Brendshëm të Izraelit: U nënvizua rëndësia e fuqizimit edhe më tej të bashkëpunimit ekonomik

Publikuar

nga

Kryeministri i Kosovës, Albin Kurti i uroi fillimisht mirëseardhje ministrit Arbel, veçanërisht me rastin e marrëveshjes e cila do të nënshkruhet sot mes dy shteteve tona për heqjen e regjimit të vizave për shtetasit e Kosovës. Ai e vlerësoi këtë marrëveshje si zhvillim pozitiv në marrëdhëniet Kosovë-Izrael, por edhe lajm i mirë për qytetarët tanë, i cili vjen 6 muaj pasi u arrit dhe liberalizimi i vizave me zonën Shengen.

Vizitat e ndërsjella dhe marrëveshjet e nënshkruara në fusha e sektorë të ndryshëm mes nesh, janë rezultat i zgjerimit të marrëdhënieve mes Kosovës dhe Izraelit. U nënvizua rëndësia e fuqizimit edhe më tej të bashkëpunimit ekonomik, rritjes dhe promovimit të shkëmbimeve tregtare, për të cilën kryeministri dhe i ftoi kompanitë dhe investitorët izraelit që të hulumtojnë e njohin prej së afërmi ambientin e përshtatshëm të të bërit biznes që ofron Kosova.

Kryeministri Kurti përmendi dhe iniciativën për renovimin e Qendrës Kulturore Hebraike në Prizren projekt ky i financuar nga Ministria e Kulturës, Rinisë dhe Sportit. Në përfundim të takimit, ai falënderoi ministrin Arbel për vizitën dhe bisedën e frytshme.

Vazhdo të lexosh

Bota

Tajlanda aprovon ligjin për martesat brenda së njëjtës gjini

Publikuar

nga

Ligjvënësit tajlandezë votuan për të miratuar një projektligj për martesat e së njëjtës gjini, një lëvizje që e vendos vendin në rrugën e duhur për t’u bërë i pari në Azinë Juglindore që legalizon këtë lloj martese, shkruan nytimes.com.

Senati tajlandez miratoi projektligjin me 130 vota pro, katër kundër dhe disa abstenime. Ai u miratua nga Dhoma e Përfaqësuesve në muajin mars. Legjislacioni do të bëhet ligj pasi të shqyrtohet nga një komision i Senatit dhe Gjykata Kushtetuese dhe të marrë miratimin mbretëror nga mbreti, një formalitet që pritet gjerësisht të jepet.

Kalimi i projektligjit nxjerr në pah statusin e Tajlandës si një strehë relative për çiftet homoseksuale në Azi. Deri më tani vetëm Tajvani dhe Nepali kanë legalizuar martesat e të njëjtës gjini./UBTNews/

Vazhdo të lexosh

Të kërkuara