Aktualitet

Emërohet zëvendëskomandanti i ri i KFOR-it

Detyra iu dorëzua gjeneralit hungarez, Jezsef Szpisnjak.

Published

on

Në kampin e KFOR-it në Prishtinë sot është bërë ndërrimi i komandës së zëvendëskomandantit të KFOR-it. Gjatë kësaj ceremonie zëvendëskomandanti i deritanishëm, gjenerali italian, Luca Piperni ia dorëzoi detyrën, gjeneralit hungarez, Jozsef Szpisnjak.

Komandanti i KFOR-it në Kosovë, Angelo Michele Ristuccia e ka uruar ish-zëvendëskomandantin tashmë të KFOR-it për punën e mirë që ka bërë gjatë misionit të tij.

Ristuccia tha se përkundër që ka qenë vit sfidues, nën udhëheqjen e gjeneralit italian, Luca Piperni janë bërë hapa dhe përparime që kanë ndihmuar në përmbushjen e mandatit të KFOR-it në Kosovë.

“Ndikimi juaj ishte aq i madh 20 vjet më parë sa NATO ju riktheu për të vazhduar traditën e ekselencës si zëvendëskomandant i KFOR-it. E di që ky vit ka qenë sfidues, por ju keni bërë hapa dhe përparim të jashtëzakonshëm për të ndihmuar në përmbushjen e mandatit tonë dhe për të ofruar asgjë tjetër përveç më të mirës këtu në Kosovë. Më lejoni të nënvizoj disa nga arritjet tuaja që përmirësojnë aftësitë tona si organizatë. Ju drejtuat përpjekjet në bashkëpunimin tonë kolektiv dhe dialogun transparent me Policinë e Kosovës; ju keni qenë në gjendje të zhvilloni programe dhe praktika në të cilat ndihmuan dekonfliktin dhe koordinimin e hapësirës sonë ajrore për Sistemet e Avionëve pa Pilot – UAS; keni krijuar një metodologji dhe sistem në të cilin Ekipet e Monitorimit të Ndërlidhjes – LMT mund të ofrojnë funksionalisht informacion për atmosferat e bazuara në tokë në pamjen strategjike operacionale, dhe keni qenë të dobishëm në ofrimin e mbikëqyrjes dhe udhëheqjes gjatë GOLDEN SABER & FROZEN SABRE”, tha ai.

Komandanti i KFOR-it duke i uruar mirëseardhje zëvendëskomandantit të ri të KFOR-it, Jozsef Szpisjak, i shprehu besimin e tij se do të sjell profesionalizëm dhe integritet.

“Për gjeneral brigade Jozsef Szpisjak, mirë se vini në KFOR. Juve padyshim ju presin përgjegjësi të mëdha. Kam besim të plotë se ju do të sillni profesionalizëm, udhëheqje, integritet dhe një qëndrim të palodhur në këtë rol të ri”, theksoi ai.

Gjenerali italian, Luca Piperni u shpreh se përkundër që ka qenë dëshmitar i shumë ndryshimeve në Kosovës, sipas tij asgjë nuk ka ndryshuar në gatishmërinë e NATO-s për të kontribuar në stabilitetin e Kosovës.

“Kam qenë dëshmitar i shumë ndryshimeve të pabesueshme në Kosovë në këto vite; por asgjë nuk ka ndryshuar në gatishmërinë e NATO-s për të kontribuar në stabilitetin e kësaj zone. Prania e trupave të Aleancës në Kosovë është fija ideale lidhëse gjatë këtyre 23 viteve dhe jam krenar që kam shërbyer këtu si zëvendëskomandant si dhe kam shërbyer njëzet vjet më parë si komandant i ri i kompanisë. Është mjaft e vështirë të përmblidhet një periudhë kaq intensive me pak fjalë. Ka qenë vërtet shumë sfiduese: faza e gjatë përgatitore në Itali, pastaj në Camp Film City, pranim-dorëzimi me paraardhësin tim, të gjitha autoritetet civile dhe ushtarake që kam takuar, rutina e përditshme, anëtarët profesionistë të jashtëzakonshëm të KFOR-it, me të cilët kam punuar. Në një farë mënyre, unë mbajta pozicionin më të mirë në grupin komandues sepse zëvendëskomandanti është ai që viziton të gjitha njësitë për të vlerësuar nivelin e tyre të trajnimit dhe pajtueshmërinë me procedurat e KFOR-it”, u shpreh ai.

Lajmet

Ish-deputetët austriakë vizitojnë UBT-në

Published

on

Një grup i ish-deputetëve të Parlamentit Federal të Austrisë, bashkë me politikanë dhe ekspertë të angazhuar në fushën e arsimit dhe çështjeve sociale, vizituan Parkun Shkencor, Inovativ dhe Teknologjik të UBT-së.

Rektori i UBT-së, Prof. Dr. Edmond Hajrizi, e mirëpriti delegacionin dhe theksoi rëndësinë e vazhdimit të bashkëpunimit me universitetet austriake, duke u angazhuar për të forcuar edhe më tej lidhjet akademike dhe shkencore. Ai gjithashtu falënderoi për ndihmën dhe mbështetjen që Austria ka ofruar për zhvillimin e arsimit dhe kërkimit në Kosovë.

Delegacioni austriak ishte i udhëhequr nga prof. Josef Höchtl dhe përfshinte personalitete të rëndësishme si dr. Ernst Wurz, Stefanie Zobl, dhe Franz Fuchs, ndërsa takimi u zhvillua në praninë e drejtuesve të UBT-së, si dhe të stafit akademik dhe administrativ të universitetit.

Delegacioni u informua për sukseset dhe arritjet e UBT-së, si institucioni më inovativ në Kosovë, që ka një pozicion të fortë si lider në fushën e arsimit dhe kërkimit shkencor, si dhe për angazhimin e tij në zhvillimin e teknologjisë dhe bizneseve inovative.

Continue Reading

Lajmet

Eksperti ndërkombëtar i harduerit open source, Jo Hinchliffe, mbajti ligjëratë në UBT

Published

on

Në Parkun Shkencor, Inovativ dhe Teknologjik të UBT-së, u zhvillua një ligjëratë e veçantë tematike nga eksperti ndërkombëtar në fushën e harduerit open source, Jo Hinchliffe, në kuadër të aktiviteteve para konferencës Software Freedom Kosova (SFK).

Ligjërata u organizua në bashkëpunim me FLOSSK dhe tërhoqi studentë, profesionistë dhe entuziastë të teknologjisë nga fusha e inxhinierisë dhe harduerit inovativ.

Jo Hinchliffe, i njohur për projektet e tij kreative dhe pasionin që përcjell tek audienca, ka kontribuar rregullisht në Raspberry Pi Magazine, ndërsa gjatë karrierës së tij ka punuar në projekte të ndryshme të harduerit, përfshirë ndërtimin e raketave dhe zhvillimin e sistemeve inovative harduerike.

Në kuadër të ligjëratës me temën “Certifikimi i një projekti harduerik open source”, Jo Hinchliffe demonstronte dizajnimin e një komponenti në KiCad dhe shpjegonte procesin e aplikimit për certifikim të një projekti open source. Studentët u njohën me standardet ndërkombëtare të dizajnimit dhe certifikimit të projekteve harduerike open source, duke marrë këshilla praktike për zhvillimin e projekteve të tyre inovative.

Ky aktivitet ishte veçanërisht i përshtatshëm për studentët e Fakultetit të Inxhinierisë Mekatronike dhe fushave të ngjashme, të cilët shprehën interes të madh për zhvillimin e sistemeve harduerike dhe teknologjive moderne. Pjesëmarrësit vlerësuan mundësinë e jashtëzakonshme për të mësuar direkt nga një ekspert ndërkombëtar dhe për të marrë njohuri të vlefshme mbi praktikat më të mira në fushën e harduerit open source.

Continue Reading

Lajmet

Profesori i UBT-së, Gazmend Ejupi, i ftuar në pritjen mbretërore të Mbreti Charles III për ekonominë krijuese

Published

on

Më 21 tetor 2025, profesori i Fakultetit të Artit dhe Medias Digjitale në UBT, Gazmend Ejupi, mori pjesë në një ngjarje të veçantë, me ftesë të British Council, organizuar në nder të Ekonomisë Krijuese të Ballkanit Perëndimor. Pritja u zhvillua nga Madhëria e Tij, Mbreti Charles III, në një atmosferë solemne dhe prestigjioze, ku u promovuan iniciativat që mbështesin krijimtarinë, artin dhe inovacionin në rajon.

Për profesor Ejupin, ky moment kishte një domethënie të veçantë personale. Si ish-banues i Londrës për 20 vite, ai u ndje i lidhur ngushtë me qytetin dhe kulturën britanike, duke shijuar një përvojë që ndërthurte kreativitetin, rrjetëzimin profesional dhe njohjen ndërkombëtare. Pjesëmarrja e tij thekson edhe njëherë kontributin e Kosovës në fushën e ekonomisë krijuese dhe artit digjital.

Gjatë pritjes, përfaqësues të artit, medias, teknologjisë dhe sektorit krijues nga e gjithë Ballkani Perëndimor patën mundësinë të ndajnë eksperiencat e tyre, të diskutojnë sfidat dhe mundësitë e zhvillimit të ekonomisë krijuese dhe të ngrenë bashkëpunime të reja ndërkufitare.

Continue Reading

Lajmet nga UBT

Rindërtimi pas konfliktit: Ekspertët e UBT-së prezantojnë sukseset e Kosovës në Pragë

Published

on

Profesori Lulzim Beqiri dhe profesori Bekim Ceko nga Fakulteti i Arkitekturës dhe Planifikimit Hapësinor në UBT morën pjesë në konferencën ndërkombëtare “Towards Sustainable Reconstruction of Ukraine Cities”, të organizuar nën drejtimin e profesoreshës Vladimira Silhankova nga MIAS (Masaryk Institute for Advanced Studies) në kuadër të Czech Technical University në Pragë.

Konferenca kishte për qëllim identifikimin e sfidave të rindërtimit në Ukrainë pas përfundimit të konfliktit dhe hartimin e strategjive zhvillimore nga ekspertë ndërkombëtarë dhe vendore. Në këtë forum morën pjesë përfaqësues të universiteteve nga Çekia, Polonia, Sllovakia, Austria, Finlanda dhe Gjermania, si dhe universitete nga Ukraina, duke krijuar një platformë të rëndësishme për shkëmbimin e përvojave dhe ideve në fushën e rindërtimit urban dhe zhvillimit të qëndrueshëm.

Pjesëmarrja e Kosovës në këtë konferencë ishte veçanërisht e rëndësishme, pasi profesori Beqiri dhe profesori Ceko ndanë eksperiencat e vendit tonë në rindërtimin pas luftës. Ata prezantuan modele të strategjive të zhvillimit urban dhe praktika të suksesshme të projektimit dhe planifikimit hapësinor, të cilat mund të shërbejnë si shembull për Ukrainën në procesin e saj të rindërtimit.

Profesorët e UBT-së theksuan rëndësinë e bashkëpunimeve ndërkombëtare në fushën e urbanistikës dhe arkitekturës, duke vënë në pah se përvoja e Kosovës mund të ofrojë mësime të vlefshme për vendet që kalojnë periudha të vështira pas konflikteve. Konferenca gjithashtu shërbeu si një mundësi për rrjetëzim dhe zhvillimin e projekteve të përbashkëta akademike mes universiteteve të Evropës dhe Ukrainës.

Pjesëmarrja e profesorëve të UBT-së në këtë forum ndërkombëtar nënvizon angazhimin e institucionit për të kontribuar në diskutime globale mbi rindërtimin e qyteteve, zhvillimin urban të qëndrueshëm dhe bashkëpunimin shkencor ndërkufitar.

Continue Reading

Të kërkuara