Muzeu Historik Kombëtar, në Tiranë, zhvilloi sot një ngjarje përkujtimore në nder të Aleksandër Stavre Drenovës, i njohur në botën letrare si Asdreni, për të shënuar 77-vjetorin e ndarjes së tij nga jeta. Asdreni, një nga figurat më të shquara të letërsisë dhe aktivizmit kombëtar, u nda nga jeta më 11 dhjetor të vitit 1947 në Bukuresht, duke lënë një trashëgimi të pasur letrare dhe atdhetarizmi.

Poezia e tij ka pasur një ndikim të thellë në formimin e identitetit kombëtar shqiptar, duke u botuar në gazetat më të rëndësishme të kohës, si “Kalendari Kombëtar”, “Albania” dhe “Drita”. Asdreni përdorte emrin e tij artistik për të firmosur veprat që depërtonin thellë në shpirtin e atdhetarizmit shqiptar. Lindi më 11 prill të vitit 1872 në Drenovë të Korçës dhe u rrit në një atmosferë që frymëzonte dashurinë për atdhenë. Edhe pse i mbetur jetim që në moshë të vogël, ai udhëhoqi një jetë të pasionuar për arsim, kulturë dhe çështjen kombëtare.

Në vitin 1885, Asdreni u detyrua të largohej në Rumani për shkak të kushteve të vështira, por pas një periudhe të shkurtër u rikthye në Shqipëri në vitin 1889, për të vijuar më pas udhëtimin e tij atdhetar në periudha të ndryshme deri në vitin 1937. Shkollimin e mesëm e nisi në gjimnazin e Korçës, ndërsa studimet e larta i nisi në Akademinë Tregtare të Bukureshtit, për të vijuar më pas në Fakultetin e Shkencave Politike, por që nuk mundi t’i përfundonte.

Asdreni nuk ishte thjesht poet, por një figurë kyçe e kolonisë shqiptare në Rumani, ku shërbeu si sekretar i saj për një periudhë të gjatë mes viteve 1913-1925. Ai gjithashtu shërbeu si sekretar i Konsullatës Shqiptare të Bukureshtit nga viti 1922 deri në 1934, duke kontribuar në konsolidimin e marrëdhënieve diplomatike mes Shqipërisë dhe shtetit rumun. Një nga ngjarjet më të rëndësishme në të cilat Asdreni mori pjesë ishte mbledhja e Bukureshtit të 5 nëntorit 1912, një moment kyç në shpalljen e Pavarësisë së Shqipërisë.

Poetika e tij, me vjershat dhe himnet që shkroi, si “Betimi mbi flamur” dhe shumë të tjera, pati një ndikim të thellë në forcimin e ndërgjegjes kombëtare shqiptare, veçanërisht në periudhën kritike të Shpalljes së Pavarësisë dhe më pas në konsolidimin e shtetit shqiptar. Vepra e Asdrenit mbetet një simbol i dashurisë dhe përkushtimit të tij ndaj atdheut, dhe një pasuri e paçmueshme për kulturën dhe historinë shqiptare./UBTNews/

Finalistët u shpallën në emisionin Today të NBC-së dhe fituesi do të shpallet të enjten.

Dhjetë kandidatët që u përzgjodhën si finalistë si “Personi i vitit”:

Kamala Harris
Kate Middleton
Elon Musk
Julija Navalna
Benjamin Netanyahu
Jerome Powell
Joe Rogan
Claudia Sheinbaum
Donald Trump
Mark Zuckerberg.

Se cili do të fitojë, mbetet të kuptohet pas mbajtjes së garës ku sigurisht do të ketë një triumfues. /UBT News/

Kanë kaluar dy muaj nga vdekja e Liam Payne, por hetimi për ngjarjen tragjike vazhdon ende.

Disa dokumente të mara nga “Rolling Stone”, gjykatësi në këtë rast paditi dy punonjës hoteli, duke përfshirë menaxherin e recepsionit që lajmëroi ambulancën.

Gjykata la të pandehur menaxherin dhe recepsionistin dhe i urdhëroi ata të dëshmonin, megjithëse përmbajtja e saktë e akuzave nuk është bërë e qartë.

Më 10 dhjetor 1922, u përurua Biblioteka Kombëtare e Shqipërisë (BKSH), institucioni i parë shtetëror, publik dhe laik në vend. Ajo u themelua më 10 korrik 1920 dhe në kohën e inaugurimit numëronte 6000 tituj librash. Drejtuesi i parë ishte Karl Gurakuqi, një nga personalitetet më të shquara të kohës.

Gjatë periudhës së mbretërisë shqiptare, veprimtaria e bibliotekës mori një hov të madh, veçanërisht nga viti 1928 deri më 1937, nën drejtimin e “babait” të bibliotekonomisë shqiptare, Sotir Kolesë. Pas Luftës së Dytë Botërore, fondi i bibliotekës arriti në 15.000 vëllime dhe në fund të vitit 1947 kishte rreth 100.000.

Një ndikim të madh në pasurimin e fondit pati dekreti i vitit 1948, i cili garantoi dërgimin e detyrueshëm të çdo shtypshkrimi në bibliotekë, duke e bërë atë një qendër të rëndësishme arkivore. Pas rënies së regjimit diktatorial, Biblioteka Kombëtare filloi të heqë barrierat në sigurimin e informacionit dhe aksesin në literaturën e ndryshme, duke kontribuar në zhvillimin e kulturës dhe arsimit në Shqipëri./UBTNews/