Lajmet

Ekspertët diskutojnë për zhvillimin urban dhe arkitekturën bashkëkohore në Konferencën Ndërkombëtare të Arkitekturës dhe Planifikimit Hapësinor në UBT

Published

2 years ago

on

UBT ka organizuar me sukses Konferencën e 13-të Ndërkombëtare, duke sjellë së bashku ekspertë dhe profesionistë të fushës së arkitekturës dhe planifikimit hapësinor. Ngjarja, e cila u mbajt në kampusin e UBT-së, përfshiu një gamë të gjerë diskutimesh dhe prezantimesh rreth trendeve dhe inovacioneve më të fundit. 

Fjalën kryesore e mbajti Aleksi Neuvonen nga Demos Helsinki, i njohur për kontributet e tij në zhvillimin e qyteteve të qëndrueshme. Ai theksoi rëndësinë e integrimit të dizajnit në planifikimin hapësinor dhe ofroi shembuj konkretë nga praktikat e suksesshme në Finlandë. Pas tij fjalën mori edhe Penetron Hellas që ishte sponsor kryesor i konferencës, duke mbështetur iniciativat për qëndrueshmëri dhe inovacion në ndërtim. 

Prof. Bruno Dal Lago nga Universiteti i Insubria paraqiti një perspektivë mbi bashkëpunimin ndërkombëtar në arkitekturë, duke ndarë eksperiencat e tij nga projekte të ndryshme. 

Gjatë konferencës, pjesëmarrësit patën mundësinë të dëgjojnë prezantime mbi tema si potencialet e Prishtinës në ekonominë e njohurive, zhvillimin e hartave të zonimit dhe analiza mbi hapësirat e gjelbra urbane. 

Në kuadër të Konferencës Ndërkombëtare të UBT 2024, sesioni i parë u drejtoi vëmendjen potencialeve dhe sfidave të zhvillimit urban në Kosovë. Ky sesion, i moderuar nga Elvida Pallaska si kryetare dhe Shqiprim Ahmeti si nënkryetar, ofroi një platformë për diskutime të thelluara mbi tema të rëndësishme, duke u fokusuar në ekonomi, qëndrueshmëri dhe identitet urban. Pjesëmarrësit patën mundësinë të dëgjojnë prezantime të ndryshme që trajtonin aspektet kyçe të zhvillimit të qyteteve dhe planifikimit hapësinor. 

Prezantimet e sesionit të parë: 

The potentials of the city of Prishtina towards the Knowledge Economy during the period 2004 – 2024, Elvida Pallaska
Ky prezantim shqyrtoi mundësitë e zhvillimit të Prishtinës si një qendër për ekonominë e njohurive, duke analizuar faktorët që kanë ndikuar në këtë proces gjatë dy dekadave të fundit. 

Urban unsustainability and the complex journey of searching for alternative paradigms: New Urbanism, Traditional Neighborhood, and Compact City as alternative concepts towards urban sustainability, Shqiprim Ahmeti, Medina Shalaku, Anita Ymeri
Autorët trajtuan çështjet e qëndrueshmërisë urbane dhe eksploruan paradigma alternative si New Urbanism, lagjet tradicionale dhe qytetet kompakte, duke ofruar zgjidhje për sfidat e urbanizmit. 

The process of developing zoning maps in Kosovo, Binak Beqaj, Egzon Bajraktari
Prezantimi u fokusa në procesin e hartimit të hartave të zonimit në Kosovë, duke diskutuar rëndësinë e planifikimit të mirëfilltë për zhvillimin urban. 

Multicriteria analysis for identification of potential urban green spaces in Gjakova (Kosova), Eli Binxhija, Edon Maliqi
Studiuesit paraqitën një analizë për identifikimin e hapësirave të gjelbra potenciale në Gjakovë, duke theksuar rëndësinë e këtyre hapësirave për cilësinë e jetës urbane. 

The Impact of the facades of Collective Housing on Urban Identity: Case Study of Ferizaj, Rineta Jashari, Mimoza Sylejmani, Safete Veliu
Ky studim analizoi ndikimin e fasadave të banuara në identitetin urban të Ferizajt, duke shqyrtuar mënyrat si dizajni arkitektonik formon perceptimin e qytetit. 

Sesioni i dytë i Konferencës Ndërkombëtare të UBT 2024 u përqendrua në tema të rëndësishme lidhur me ndërtimin e qëndrueshëm dhe dizajnin arkitektonik. I moderuar nga Egzon Bajraktari si kryetar dhe Mimoza Sylejmani si nënkryetare, ky sesion paraqiti një gamë të gjerë prezantimesh që trajtojnë inovacionet në arkitekturë dhe planifikimin hapësinor, duke u fokusuar në marrëdhëniet ndërmjet natyrës dhe ndërtimit, si dhe rolin e hapësirave publike. 

Prezantimet e sesionit të dytë: 

Regenerative Construction and Operation, Blerta Vula Rizvanolli, Gent Hasimja
Prezantimi fokusoi konceptin e ndërtimit dhe funksionimit regjenerues, duke diskutuar praktikat që kontribuojnë në riparimin dhe përmirësimin e mjedisit urban. 

Observations regarding building placement and site planning in contemporary architecture in Prishtina, Egzon Bajraktari
Një analizë e vendosjes së ndërtesave dhe planifikimit të siteve në arkitekturën bashkëkohore në Prishtinë, me fokus në sfidat dhe mundësitë për zhvillimin e mëtejshëm. 

The Dynamic Landscape: Design, ecology and urban green spaces
Nexhat Balaj, Hyzer Rizani, Sami Gashi, Naser Kamberi
Autorët diskutuan rëndësinë e hapësirave të gjelbra urbane dhe ndikimin e tyre në dizajnin dhe ekologjinë e peizazhit urban. 

Urban Symbiosis: Rethinking Public Space in Vushtrri, Gazmend Uka
Prezantimi shqyrtoi konceptin e simbiozës urbane dhe risitë në projektimin e hapësirave publike në Vushtrri, duke promovuar ide të reja për përmirësimin e jetës qytetare. 

Biophilic Design in Architecture and its Side Effects: Potential Side Effects and Challenges of Biophilic Design, Visar Shllaku, Kaltrina Veselaj Shllaku
Studiuesit analizuan dizajnin ‘biophilic’ dhe sfidat që lidhen me të, duke vënë në dukje ndikimet e mundshme në shëndet dhe mirëqenie. 

 New Concepts for Sustainability Living: Vertical Farming, Bard Bajçinovci
Prezantimi u përqendrua në konceptet e reja për jetesë të qëndrueshme, duke diskutuar rëndësinë dhe avantazhet e bujqësisë në kontekstin urban. 

AI in Architecture: Achieving a Balance Between Computational Insights and Human Creativity, Gazmend Uka
Ky prezantim shqyrtoi mënyrat se si inteligjenca artificiale mund të kontribuojë në proceset arkitektonike, duke ruajtur një ekuilibër mes analizave kompjuterike dhe krijimtarisë njerëzore. 

The Importance of Lighting in the Architectural Design of Individual Houses
Ermal Canaj, Lulzim Beqiri
Autorët theksuan rolin e ndriçimit në dizajnin arkitektonik të shtëpive individuale, duke shqyrtuar ndikimin e tij në atmosferën dhe funksionalitetin e hapësirave. 

Vernacular Architecture and National Identity Bosnia and Macedonia Revisited
Kujtim Elezi, Nuran Saliu
Ky studim analizoi arkitekturën “vernacular architecture” si një reflektim të identitetit kombëtar në Bosnjë dhe Maqedoni, duke shqyrtuar ndikimet kulturore dhe historike. 

The Tower as a Residential Object in the Area of Shala e Bajgora, Pajazit Hajzeri
Prezantimi u përqendrua në rolin e kullës si një objekt rezidencial në Shala e Bajgora, duke diskutuar veçoritë e saj arkitektonike dhe socio-kulturore. 

The Hearth as a Social Category and its Significance in Vernacular Architecture
Nexhat Çoçaj
Studimi trajtoi rëndësinë e zjarrit si një kategori sociale dhe simbolikën e tij në arkitekturën veranakulare, duke nxjerrë në pah lidhjet e forta mes hapësirës dhe jetës së përditshme. 

Pas përfundimit të prezantimeve, u organizua një diskutim i hapur në të cilin pjesëmarrësit patën mundësinë të ndajnë mendime, të bëjnë pyetje dhe të shkëmbejnë ide mbi temat e trajtuara gjatë konferencës. Ky moment përfundimtar inkurajoi bashkëbisedimin dhe reflektimin mbi sfidat dhe mundësitë në arkitekturë dhe planifikim hapësinor. Sesionet përfunduan duke lënë një atmosferë frymëzuese dhe shpresëdhënëse për hulumtime dhe zhvillime të ardhshme në këtë fushë./UBTNews/ 

Related Topics:
Continue Reading

Vendi

Një grua goditet për vdekje nga treni në Pejë

Published

25 minutes ago

on

August 3, 2026

By

Mëngjesin e sotëm në Pejë, një grua ka humbur jetën si pasojë e goditjes nga treni.

Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili bëri me dije se incidenti ka ndodhur rreth orës 05:35.

Mjeku kujdestar që doli në vendngjarje konstatoi vdekjen e viktimës./E.A/

Continue Reading

Lajmet

Mot me diell dhe temperatura deri në 36 gradë

Published

31 minutes ago

on

August 3, 2026

By

Sipas Institutit Hidrometeorologjik të Kosovës, ato minimale do të lëvizin nga 11 deri në 16 gradë celsius, ndërsa maksimalet pritet të arrijnë nga 31 deri në 36 gradë celsius.

“Do të fryjë erë e lehtë deri mesatare nga verilindja, me shpejtësi 1–5 m/s.

Rajoni ynë do të vazhdojë të jetë nën ndikimin e masave të ngrohta ajrore me origjinë nga Afrika Veriore, duke sjellë temperatura paksa më të larta, të cilat janë normale për këtë periudhë të verës”, ka njoftuar IHMK. /E.A/

Continue Reading

Vendi

Pas gjetjes së varrezës masive në Kalludër, zbulohet një tjetër në Jabukë të Zubin-Potokut

Published

54 minutes ago

on

August 3, 2026

By

Pas zbulimit të një varreze masive në Kalludër të Zubin Potokut, është gjetur një tjetër vatër me mbetje mortore të viktimave të luftës së fundit në Kosovë, kësaj radhe në fshatin Jabukë të së njëjtës komunë. Lajmin e ka bërë të ditur Ministri në detyrë i Brendshëm i Kosovës, Xhelal Sveçla.

“Pas gjetjes së mbetjeve mortore në një varr masiv në Kalludër të Zubin-Potokut, ku ende po vazhdojnë kërkimet dhe gjurmimet, sot, vetëm 10 kilometra më tutje, në fshatin Jabukë të po kësaj komune, u gjet edhe një varr tjetër masiv me mbetje mortore të viktimave të luftës së fundit në Kosovë. Falënderoj Policinë e Kosovës, njësitë përkatëse për hetimin e krimeve të luftës, Agjencinë e Kosovës për Inteligjencë, Institutin e Mjekësisë Ligjore dhe Prokurorinë e Kosovës për punën e ndërmarrë në drejtim të hulumtimit, hetimit dhe identifikimit të këtyre lokacioneve”, ka shkruar Sveçla.

Përmes një reagimi në rrjetin social Facebook, Sveçla ka akuzuar Serbinë se po ruan të njëjtën linjë politike dhe qasje si gjatë regjimit të Sllobodan Millosheviqit. Sipas tij, Beogradi zyrtar nuk po bashkëpunon për zbardhjen e fatit të të zhdukurve me dhunë, ndërsa ushtron presion dhe masa ndëshkuese ndaj qytetarëve serbë që ndihmojnë në lokalizimin e varrezave masive.

“Serbia vazhdon të mbetet e njëjtë si në kohën e Millosheviqit, jo vetëm përmes figurave si Aleksandar Vuçiqi dhe Ivica Daçiqi. Vuçiq ishte numri dy i Sheshelit, Daçiq ishte numri dy i Millosheviqit e Vulin numri dy i Mira Markoviqit. Të tre këta janë ende në pushtet në Serbi dhe ky shtet nuk ka ndërruar asgjë. Serbia vazhdon të mbetet e njëjtë në formë dhe në përmbajtje. Ky shtet, në njërën anë, refuzon të japë informacione për personat e zhdukur, të marrë me dhunë, ndërsa, në anën tjetër, kërcënon dhe burgos qytetarët e saj që bashkëpunojnë për gjetjen e këtyre varreve. Po ashtu, ajo glorifikon përmes memorialeve brigada si ajo 37, pjesëtarët e së cilës janë përgjegjëse për shumë masakra në Kosovë”, ka shkruar Sveçla.

Në vijim të deklaratës së tij, ai kërkoi reagim institucional dhe masa nga faktori ndërkombëtar ndaj veprimeve të Beogradit.

“Ftoj partnerët ndërkombëtarë të dënojnë dhe ndëshkojnë ashpër këtë sjellje të Serbisë. Pa një gjë të tillë jo që do të jetë i pamundur çfarëdo hapi drejt të drejtësisë, por ky shtet do të cenojë çdo ditë paqen në Ballkanin Perëndimor. Megjithatë, pavarësisht kësaj, ne mbetemi të përkushtuar dhe të palëkundur për të gjurmuar çdo pëllëmbë, në mënyrë që të zbardhim fatin e secilit person të vrarë dhe zhdukur nga shteti serb gjatë luftës së fundit në Kosovë dhe të sjellim para drejtësisë secilin kriminel përgjegjës për krimet e asaj kohe”, ka shkruar Sveçla.

Ndërkohë, në lokacionin paraprak në Kalludër të Vogël, ku u zbuluan mbetje mortore të martën, ekzistojnë dyshime se ndodhen trupat e 23 civilëve shqiptarë nga Mitrovica, të njohur si “grupi i intelektualëve”, të cilët u rrëmbyen më 19 prill 1999 dhe fati i të cilëve mbetet i pazbardhur prej 27 vitesh. Po ashtu, gjatë kësaj jave, autoritetet kanë arrestuar tre persona të dyshuar për krime lufte në zonën e Zubin-Potokut. /E.A/

 

Continue Reading

Lajmet

Ditari: Lajmet kryesore që shënuan datën 2 gusht 1993-1998?

Published

21 hours ago

on

August 2, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.
 
 
Foto: Për çdo ditë njoftime për të vrarë në rajonin e Drenicës: Skënderaj
 
 
2 gusht 1993
 
Bastisje në Prishtinë dhe Obiliq
Sot, rreth orës 5 të mëngjesit, policia serbe bastisi shtëpinë e Hamit Avdiut, në rrugën “Xhemail Ibishi” në Prishtinë. Policët kërkonin Ramadan Avdiun, ish-i burgosur i ndërgjegjes, i cili nuk gjendej në shtëpi.
Gjatë bastisjes, policët serbë me vandalizëm thyen dhe demoluan orenditë e shtëpisë, ndërsa me vete morën Hamitin dhe vëllain e Ramadanit, Rexhepin, të cilët ende po mbahen në organet e policisë në Prishtinë.
Në lagjen “Kodra e Trimave” në Prishtinë, rreth orës 8.30 u bastis shtëpia e Hajdin Krasniqit. Policia serbe kërkoi Xhavit Hazirin, ish i burgosur politik, i cili banon te Hajdini. Gjatë bastisjes policia u soll brutalisht ndaj familjes Krasniqi. Xhavit Haziri u arrestua.
Po ashtu sot rreth orës 5 të mëngjesit, policia serbe bastisi familjen e Bajram Hazirit, të cilët kërkuan djalin e tij Hazirin, ish i burgosur i ndërgjegjes.
Sot, rreth orës 5 të mëngjesit, tetë policë serbë bastisën familjet e Idriz Sveçlës dhe të Ahmet Haxhiut, ish i burgosur i ndërgjegjes. Përveç Ahmetit, policët arrestuan edhe Ismail Haxhiun, të cilët siç merret vesh ende po mbahen në lokalet e policisë në Prishtinë.
 
2 gusht 1994
Dje vazhdoi seanca në procesin e montuar në Prishtinë
Dje në Gjyqin e Qarkut në Prishtinë (të udhëhequr nga pushteti okupues serb) përfundoi marrja në pyetje e të shtatë shqiptarëve të akuzuar për gjoja ushtrime ushtarake në Fushën e Labinotit në Shqipëri.
Gjyqtarët e instaluar serbë dje morën në pytje Luan Hetën, Beqir Mulecin, Hysni Francën dhe Bajram Gallapenin. Këta të akuzuar rrëfyen për torturat që ua kishin bërë inspektorët gjatë hetuesisë.
– Nuk kemi bërë kurrfarë ushtrimesh ushtarake në Fushë të Labinotit. Ajo që shkruan në aktakuzë është rrenë. Inspektorët na rrahën e na shanë, na detyruan të nënshkruajmë deklaratat, duke na u kërcënuar edhe me likuidim, deklaruan dje para
gjykatës këta të akuzuar.
Fehmi Leshtrani madje është liruar si i paaftë për ushtri për rekrutim në Nish, meqenëse mbanë syzat minus 12. I paaftë për ushtri ishte edhe Luan Heta. Beqir Muleci nga ish-APJ e patën lëshuar si të paaftë pas gjashtë muajsh shërbimi. Beqiri është i sëmurë mentalisht.
Kryetari i trupit gjykues të të treve Zoran Saveliq kumtoi se seanca do të vazhdojë nesër, kur pritet të lexohen disa shkresa të lëndës. Shtatë mbrojtësit do të paraqesin edhe propozimet e tyre në fazën e procedurës së provave.
 
2 gusht 1995
Në burgun e Dubravës së Istogut – keqtrajtohen të burgosurit shqiptarë
Në burgun e Dubravës në Istog, në të cilin po vuajnë dënimet edhe një numër i madh të burgosurish politikë shqiptarë të Kosovës, më 23 korrik të këtij viti nga gardianët e burgut u keqtrajtuan rëndë, Hysen Gega nga Sallagrazhda e Suharekës, i cili është i dënuar për herë të dytë me 2,5 vjet burg, derisa dënimin e parë e vuajti me 10 vjet. Po për të njëjtën vepër në këtë burg gjendet edhe Gëzim Lushi, po ashtu i burgosur politik, njofton KI i Degës së LDK-së në Suharekë.
Njoftohet se ata nga gardianët e burgut janë keqtrajtuar rëndë, vetëm pse kanë përcjellë programin televiziv në gjuhën shqipe.
Bëhet e ditur se Gëzim Lushit të keqtrajtuar rëndë i është ofruar ndihmë mjekësore vetëm pas tre ditësh, ndërsa Hysen Gega pas një ndëshkimi është duke bërë grevë urie.
Ndërkaq, KI i Degës së LDK-së në Suharekë njofton se në Burgun e Qarkut në Prizren është keqtrajtuar rëndë fizikisht edhe Shaip Mustafa, i cili po mbahet nën hetime, kinse për formimin e SPB-së të Republikës së Kosovës.
Shaip Mustafa momentalisht për shkak të keqtrajtimeve të rënda fizike gjendet i shtrirë në spitalin e Prizrenit.
 
 
2 gusht 1997
Mitrovicë: Policia plaçkiti tre të rinj shqiptarë
Pardje, policia serbe plaçkiti disa tregtarë shqiptarë në lagjen Bair të Mitrovicës.
Policia ndaloi Lulzim M. Nulin (18), ia plaçkiti mallin që po e dërgonte në treg dhe pastaj e ktheu në shtëpinë e tij ku i plaçkiti mallin me vlerë prej 1500 DM.
Policia plaçkiti edhe Burhan Sahatçiun (20) duke i marrë mall me vlerë prej mbi 300 DM dhe Fadil Abitin (20) të cilit i mori mall me vlerë prej mbi 2000 DM.
Të tre tregtarët e plaçkitur u dërguan në lokalet e policisë në Mitrovicë ku u mbajtën rreth tri orë.
Lulëzim Nulit, më 28 korrik policia i pat plaçkitur mall me vlerë prej 700 DM, njofton KI i Degës së LDK-së në Mitrovicë.
 
2 gusht 1998
 
Njoftohet për 8 shqiptarë të vrarë në fshatrat e Drenicës
Gjatë sulmeve të sotme të forcave policore ushtarake serbe në disa fshatra të Drenicës, deri më tash dihet për 8 shqiptarë të vrarë.
Burimet e KMDLNJ njoftojnë se në fshatin Jashanicë të Klinës janë vrarë tre pjesëtarë të UÇK. Ndërkaq në fshatin Shtuticë të Skënderajt janë vrarë katër shqiptarë, për identitetin e të cilëve ende nuk dihet.
Në fshatin Polac dihet se është vrarë Fatmir Xhemajl Veliqi (20).
Njoftohet se sot janë sulmuar edhe fshatrat Polluzhë e Tërstenik.
 
Forcat serbe vranë katër e plagosën katër anëtarë të tjerë të familjes Zeqiri në fshatin Shtuticë të Gllogocit
Sot në fshatin Shtuticë të Gllogocit forcat serbe vranë katër dhe plagosën katër anëtarë të tjerë të familjes Zeqiri, njofton KI i degës së LDK.
Tragjedia mbi këtë familje ndodhi derisa forcat serbe po granatonin në drejtim të fshatrave Polac, Kryshec, Morinë e Shtuticë. Gjatë këtyre momenteve familja Zeqiri derisa po dilte nga shtëpia, për t’i ikur granatimeve të parreshtura të ushtrisë serbe, në oborrin e kësaj familjeje ra një granatë që ishte fatale. Me atë rast u vranë: Sofije Zeqiri (60), Vahide Zeqiri (20), Kada Zeqiri (17) dhe gruaja e Halimit, Emine Zeqiri. Ndërkaq u plagosën: Halim Zeqiri, (flitet se ka vdekur), Besim Zeqiri, Sherif Zeqiri dhe Rizah Zeqiri.
Gjithashtu sulmet serbe shkaktuan dëme të mëdha materiale, duke shkatërruar shtëpi, makina bujqësore, shtalla, e të tjera.

Continue Reading

Të kërkuara