Lajmet nga UBT

Ekipi i Kosovës suksesshëm vazhdon të prezantojë vendin në garën e robotikës “FIRS Global Challenge”

Publikuar

4 vjet më parë

më

Ekipi i përbërë nga Elta Bajrami, Albana Hajdini, Vlera Saraçi dhe Penda Smajlaj, nën mentorimin e Elita Hajrizit, për disa muaj me radhë, janë duke përfaqësuar Kosovën në garën më të madhe ndëkombëtare në fushën e Robotikës, FIRST Global Challenge, që për shkak të situatës aktuale me COVID-19, po mbahet online.

Në këtë garë po marrin pjesë të rinjtë nga 170 vende të ndryshme të botës,  të cilët këtë vit, ndryshe nga garat e organizuara më herët po përdorin njohuritë teknologjike dhe kreative për zgjidhjen e problemeve të ndryshme në komunitetin ku jetojnë ata.

Ekipi i Kosovës, përfaqësuar nga UBT, suksesshëm ka arritur të shënoj fitore në shumë rundë të kësaj gare, e cila po mbahet virtualisht.

Sipas garuesve të ekipit nga Kosova, përfaqësuar nga UBT, pjesëmarrja në këtë garë kaq të rëndësishme është një eksperiencë e jashtëzakonshme, që po synojnë ta bartin te të gjithë të rinjtë e Kosovës.

“Jam e lumtur që jam edhe këtë vit pjesë e grupit të robotikës të Kosovës dhe që po mundohemi dinjitetshëm të përfaqësojmë Kosovën në këtë garë. Ne si vajza të reja, të gjitha eksperiencat që po i marrim nga First Global po mundohemi që t’i promovojmë edhe tek të rinjtë e Kosovës, që edhe ata t’i marrin eksperiencat dhe të gjitha ndjenjat që ne po i përjetojmë gjatë kësaj gare”, ka thënë garuesja Elta Bajrami, që po përfaqëson Kosovën në FIRST Global Challenge.

Pjesëtarja tjetër e ekipit të Kosovës Vlera Saraçi, është shprehur e lumtur për faktin se pjesëmarrja në këtë garë po e ndihmon atë që të zhvillojë më tutje aftësitë e saj falë mundësisë që përmes UBT-së ta përfaqësojë Kosovën në gara ndërkombëtare.

“Përshtypjet e mia mbi garën STEM janë të jashtëzakonshme për shkak se si nga ana teknike dhe ajo sociale kam pasur mundësi që t’i zhvillojë aftësitë e mia, si për shembull në fushën e teknikës kam pasur aftësi që t’i zhvillojë njohuritë në fushën e animacionit”, është shprehur me entuziazëm anëtarja e ekipit nga Kosova Vlera Saraçi.

Albana Hajdini, pjesëtare e skuadrës së Kosovës në garat e robotikës, që këtë vit po mbahen online, ka thënë se këtë vit garat kanë qenë më ndryshe dhe më sfiduese, si shkak i pandemisë COVID-19.

“Këtë vit një prej sfidave ka qenë që ne të sjellim një ndryshim në Kosovë dhe për të rinjtë e Kosovës, duke sjellë një lëndë zgjedhore që inkuadron lëndët ose fushat e shkencës, teknologjisë, inxhinierisë dhe matematikës. Mënyra se si ne kemi vendosur ta bëjmë këtë është duke shtuar realizimin e projekteve në bazë të STEM, të cilat do të bëjnë zgjidhjen e problemeve reale të komunitetit tonë, në arsimimin e nxënësve, në kuadër të lëndës zgjedhore. Kjo do të mundësoj që nxënësit e Kosovës të mësojnë më shumë se thjesht teori, madje që të jenë më se të aftë të ulen nëpër tryezat ndërkombëtare dhe të bëjnë ndryshime.”, ka thënë Albana Hajdini, pjesëmarrëse e garës së robotikës, me ekipin nga Kosova.

UBT e përfaqëson Kosovën  në këtë garë tash e disa vite, ku përmes ekipit të përbërë nga studentë të UBT-së, përgatiten profesionalisht në laboratorët inovativë të mekatronikës.

UBT është vlerësuar nga organizatorët dhe ka marrë medalje të artë për kontributin dhe mbështetjen që po jep për FIRST Global./UBTNEWS/

Etiketa
Vazhdo të lexosh

Lajmet nga UBT

Rektori i UBT-së uron qytetarët për Festën e Kurban Bajramit

Publikuar

17 orë më parë

më

16 Qershor, 2024

nga

Me rastin e Festës së Kurban Bajramit, Rektori i UBT-së, Prof. Dr. Edmond Hajrizi, ka uruar besimtarët e fesë islame, duke u dëshiruar harmoni, respekt të ndërsjellët dhe solidaritet.

“Në emër të UBT-së dhe timin personal, gjithë besimtarëve myslimanë, ju uroj Kurban Bajramin, këtë festë të mirëkuptimit, harmonisë në familje dhe solidaritetit ndërmjet njerëzve. Uroj që Kurban Bajramin ta festoni me familjet tuaja në lumturi dhe shëndet. Le të shërbejë kjo festë si mesazh i paqes, lirisë dhe përpjekjes së përbashkët në realizimin e synimeve tona”, thuhet mes tjerash në urimin e Rektorit Hajrizi.

Vazhdo të lexosh

Lajmet nga UBT

Po vazhdojnë sesionet informuese për maturantë në kuadër të Programit Përgatitor të Maturës 2024

Publikuar

3 ditë më parë

më

14 Qershor, 2024

nga

UBT është duke vazhduar me Programin Përgatitor të Maturës 2024. Mijëra maturantë të shkollave të mesme në mbarë vendin, këtë vit po përgatiten t’i nënshtrohen testit shtetëror të maturës.

Nën organizimin e UBT-së, janë duke vazhduar sesionet informuese për maturantët e shumtë, që janë duke shprehur interesim të madh për programet e UBT-së, si institucion lider i arsimit të lartë.

Maturantët ndër të tjera, janë duke u informuar me shërbimet e Qendrës së Karrierës, teksa dekanët e Fakulteteve që janë në UBT, po prezantojnë programet unike të studimit që janë në UBT.

Programi Përgatitor i Maturës 2024 është pa pagesë dhe është duke u organizuar në lëndët: Gjuhë Shqipe, Matematikë, Gjuhë Angleze, Biologji, Fizikë, Kimi, TIK, Matematikë II, Ekonomi dhe Mjekësi.

Vazhdo të lexosh

Lajmet nga UBT

Delegacioni i UBT-së po merr pjesë në takimet dhe punëtoritë për IoT-ECO në Universitetin e Patras në Greqi

Publikuar

3 ditë më parë

më

13 Qershor, 2024

nga

Një delegacion i përbërë nga profesorë dhe studentë të UBT-së, po marrin pjesë në takimet dhe punëtoritë për IoT-ECO në Universitetin e Patras në Greqi.

Në kuadër të këtyre punëtorive, me mbi 54 profesionistë të huaj, Rektori i UBT-së, Prof. Dr. Edmond Hajrizi ka prezantuar rreth temës: “Implementation of the IoT hub and Digital Tëins at the UBT smart and self-sustainable city”.

Prezantimi i Rektorit Hajrizi ka vënë në pah zhvillimet e Qytetit të Mençur dhe të Qëndrueshëm të UBT-së, duke përdorur teknologjinë IoT dhe modele digjitale të dyfishta për të monitoruar dhe menaxhuar burimet në mënyrë më efikase.

Përveç Rektorit, edhe Dekani i Shkencave Kompjuterike dhe Inxhinierisë në UBT, Besnik Qehaja, ka prezantuar në këto punëtori, duke sjellë kontributet dhe arritjet e fakultetit në fushën e teknologjisë dhe inxhinierisë. Prezantimet e tjera janë mbajtur nga Elita Hajrizi, Elton Boshnjaku, Saranda Dreshaj, Betim Gashi, Lavdim Menxhiqi, Blerim Zylfiu, Behar Haxhiismaili, Naim Llumnica dhe Milot Morina, të cilët kanë ndarë eksperiencat dhe projektet e tyre në zhvillimin dhe implementimin e zgjidhjeve IoT.

Këto punëtori dhe takime jo vetëm që kanë lehtësuar shkëmbimin e njohurive dhe përvojave midis profesionistëve të fushës, por gjithashtu kanë hapur rrugën për bashkëpunime të reja ndërkombëtare në fushën e teknologjisë së avancuar dhe inovacionit.

Vazhdo të lexosh

Lajmet

UBT i bën Kosovës një dhuratë të veçantë në Ditën e Çlirimit: Rangohet në mesin e më të mirëve në Times Higher Education Impact Ranking

Publikuar

4 ditë më parë

më

12 Qershor, 2024

nga

Times Higher Education ka publikuar sot rangimin e vitit 2024 të universiteteve në kategorinë Impact Ranking. Në këtë rangim ndërkombëtar i cili matë dhe vlerëson punën dhe angazhimin e universiteteve në raport me zhvillimin e qëndrueshëm në përgjithësi dhe në raport me adresimin e Objektivave të Zhvillimit të Qëndrueshëm të OKB-së në veçanti, UBT është ranguar në mesin e 300-400 universiteteve me impaktin më të madh në një sërë kategorish.

Në këtë mënyrë, UBT është ranguar në mesin e Top 300-400 universiteteve në botë në SDG 1 – Luftimi i Varfërisë; SDG 2 – Politikat Kundër Urisë; SDG 6 – Në politikat për ujë të pastër dhe trajtim të ujërave të zeza, ndërsa është ranguar në mesin e Top 400-600 universiteteve me impaktin më të madh në SDG 9 – Fushën e Inovacionit Industrial dhe Infrastrukturës, e po ashtu edhe në mesin e 400-600 universiteteve me impaktin më të madh në SDG 11 – Për Qytete dhe Komunitete të Qëndrueshme.

Në secilën kategori tjetër të adresimit të SDG-ve, UBT është ranguar në mesin e top universiteteve botërore, duke dëshmuar kështu rëndësinë që u jep përmbushjes së objektivave globale për zhvillim të qëndrueshëm.

Ky rangim i radhës i UBT-së përveç që vazhdon ta avancojë emrin e Republikës së Kosovës në instancat më prestigjioze të rangimeve ndërkombëtare, ai njëkohësisht dëshmon përkushtimin dhe konsistencën e institucionit në krijimin e një ambienti të qëndrueshëm shkencor, ekonomik, mjedisor, infrastrukturor dhe inovativ duke adresuar dhe promovuar të gjitha dimensionet dhe fushat e zhvillimit të qëndrueshëm të gjithmbarshëm.

Vazhdo të lexosh

Të kërkuara