Lajmet

Edward Luttwak: Sa herë që rusët nisin një luftë dështojnë, kur mbrohen fitojnë

Ai thotë se plani i Putinit ka dështuar tashmë.

Publikuar

Strategu i njohur amerikan, Edward Luttwak, që ka shërbyer për shumë vite në Pentagon dhe Shtëpinë e Bardhë, thotë se katastrofa ushtarake e Rusisë në Ukrainë, do të studiohet ndër breza. Ai thotë se plani i Putinit ka dështuar tashmë, dhe ai nuk ka asgjë për të festuar në paradën e 9 Majit. Lutwak është i bindur se për Carin, ka vetëm një rrugëdalje nga lufta në Ukrainë.

Parada vjetore për të përkujtuar fitoren e sovjetikëve ndaj nazistëve do të organizohet të hënën. A mund të pretendojë Putin se ka fituar në Ukrainë?

Sigurisht që jo. Ushtria ruse luftoi shumë keq, dhe plani i saj i luftës dështoi që në fillim. Putin synonte një grusht shteti në Kiev, duke e marrë si të mirëqenë arratisjen e Zelensky jashtë vendit, shpërbërjen e qeverisë ukrainase, dhe rebelimin e ushtrisë së saj ndaj udhëheqjes.

Por gjërat shkuan ndryshe…

Një katastrofë. Ata u përpoqën ta pushtonin kryeqytetin ukrainas me një forcë prej më pak se 300 parashutistësh, të cilët u transportuan me helikopterë. Më pas u përpoqën të merrnin në kontroll aeroportin Gostomel, në rrethinat e Kievit, plan që gjithashtu dështoi. Dhe e gjithë kjo falë një supozimi dramatikisht të gabuar.

Cilit?

Rusët menduan se ushtria ukrainase ishte e njëjtë me atë afgane apo siriane, dhe jo një ushtri e patriotëve evropianë. Rusët e ndërtuan fushatën ushtarake me supozimin e rezultatit më të mirë të mundshëm, atë të një skenari ideal. Është një gabim, për të cilin gjithmonë paguhet.

Në këto kushte, a ka Putin një rrugëdalje?

Po, dhe unë e di që edhe ju jeni në dijeni të saj. Duhet rënë dakord që të mbahen dy referendume në rajonet e kontestuara Donetsk dhe Luhansk. Më pas të nënshkruhet një armëpushim midis palëve, me kushtin që Evropa dhe Shtetet e Bashkuara të heqin të gjitha sanksionet për të siguruar respektimin e tij.

Por ka një problem:Ukraina nuk do të pranojë të dorëzojë territoret e pushtuara…

Duhet gjetur gjithsesi një kompromis. Referendumi duhet të organizohet me të gjitha rregullat e lojës. Cilido që ka banon në ato zona mund të marrë pjesë në të, dhe duhet ta vërtetojë pa mëdyshje identitetin e tij.

Ju keni shkruar libra të rëndësishëm mbi strategjitë ushtarake. Çfarë duhet të mësojnë brezat e ardhshëm të strategëve rusë nga lufta në Ukrainë?

Rusët duhet t’i kishin përvetësuar tashmë leksionet e historisë së tyre. Ata e sulmuan Finlandën në vitin 1939 me një disproporcion të madh forcash. Kishin rreth 1500 tanke, ndërsa Finlanda vetëm 15. Edhe ato në një muze ushtarak. E megjithatë rusët humbën 100.000 ushtarë në atë luftë.

Çfarë do të thotë kjo?

Mësimi është i thjeshtë:kur rusët nisin një luftë, ata dështojnë. Kur mbrohen, fitojnë. Pësojnë vërtet humbje, por më pas tërhiqen, dhe rezistojnë, derisa e lodhin armikun.

Por ata kanë një “As” nën mëngë, të cilin ne po e harrojmë: armët bërthamore. A mund të konkurrojë Rusia me arsenalin perëndimor?

Me armët bërthamore nuk ka konkurrencë:mjafton lëshimi i një bombe, dhe gjithçka merr fund. Armët bërthamore taktike janë një fantazi e viteve 1960. Prandaj si Shtetet e Bashkuara ashtu edhe Rusia, kanë çmontuar përgjatë viteve në mënyrë të njëanshme mijëra bomba, silurë dhe raketa bërthamore. Me luftën bërthamore humbasin të gjithë.

Lajmet

Klinaku para shpalljes së vendimit për Gucatin e Haradinajn: Nëse ka drejtësi, do të shpallen të pafajshëm

Dhomat e Specializuara duhet të hetojnë veten për shkak të rrjedhës së dokumenteve e më pas të tjerët, sipas tij.

Publikuar

nga

Ushtruesi i detyrës së kryetarit të Organizatës së Veteranëve të Luftës së UÇK-së, Faton Klinaku, para shpalljes së vendimit për Hysni Gucatin e Nasim Haradinajn deklaroi se nëse do të kishte drejtësi, të dy do të shpalleshin të pafajshëm.

Në një deklaratë për KosovaPress, Klinaku u shpreh se Dhomat e Specializuara duhet të hetojnë fillimisht veten për shkak të rrjedhës së dokumenteve dhe më pas të tjerët.

“Faktikisht ne Gjykatën Speciale e kemi konsideruar gjykatë politike e njëanshme dhe nuk mund të paragjykoj se çfarë do të ndodhë. Nëse do të kishte drejtësi të mirëfilltë këta do të shpalleshin të pafajshëm sepse nuk ka pasur arsyeje t’i dërgojnë atje, por edhe të mos i marrin por ta hetojnë veten për skandalet qe i kanë ndodhur atje, nëse do të kishte drejtësi ata do duhej ta hetojnë veten pastaj të vijnë tek ne, ne shpresojmë që gjykatësit apo trupi gjykues të bien pre e provokimeve të prokurorisë e cila është një prokurori e skandaleve prokurori që nuk e heton veten por as të tjerët dhe shpresojmë të marrin vendim lirues për ta”, tha Klinaku.

Hysni Gucati dhe Nasim Haradinaj janë arrestuar më 25 shtator 2020 në Prishtinë prej ku janë dërguar në paraburgim në Hagë.

Arrestimi i tyre dhe hapja e procesit gjyqësor ishte bërë pasi disa dokumente kishin arritur në zyrat e OVL-UÇK, nga persona ende të panjohur, ndërsa krejt këto ishin bërë publike nga Gucati dhe Haradinaj. ZPS nuk ka hetime të hapura se si kanë rrjedhë këto dokumente nga gjykata.

Trupi gjykues në krye me Charles L. Smith III do të shpallë aktgjykimin ndaj tyre.

Vazhdo të lexosh

Lajmet

Ministria e Mbrojtjes e MB: Ushtria ruse në Ukrainë po përballet me një sërë problemesh

Sipas tyre, Rusia “përdori personelin ndihmës” për të kapërcyer rezistencën.

Publikuar

nga

Rusia ka një “problem të rëndësishëm burimesh” në Ukrainë dhe një “komandë të pabashkuar” që pengon operacionet e saj, tha ministria e mbrojtjes së Mbretërisë së Bashkuar.

Në konferencën e fundit, ministria tha se pavarësisht se trupat ruse kishin rrethuar qytetin port të Mariupol për më shumë se dhjetë javë, rezistenca e ashpër e Ukrainës i vonoi ata të fitonin kontrollin e plotë të qytetit.

Ministria tha se Rusia “përdori në mënyrë të konsiderueshme personelin ndihmës” për të kapërcyer rezistencën, e cila përfshinte vendosjen e forcave çeçene. Ndërsa udhëheqësi çeçen, Ramzan Kadyrov ruan mbikëqyrjen dislokimin, kushëriri i tij vepron si komandant në terren i forcave në Mariupol.

Kjo strukturë e ndryshme “po kontribuon në një komandë të përçarë që vazhdon të pengojë operacionet e Rusisë”, përfundoi ministria./UBTNews/

Vazhdo të lexosh

Lajmet

300 mijë ton grurë të blerë nga Egjipti janë bllokuar në Ukrainë

Egjipti varej shumë nga dërgesat e grurit të Detit të Zi që u ndërprenë nga lufta në Ukrainë.

Publikuar

nga

Rreth 300 mijë ton grurë ukrainas të rezervuar nga blerësi shtetëror i drithërave të Egjiptit për t’u dorëzuar në shkurt dhe mars nuk janë dërguar ende, me një ngarkesë të ngecur në port dhe katër të tjera ende për t’u ngarkuar, kanë thënë katër tregtarë, sipas Reuters.

Egjipti, zakonisht importuesi më i madh i grurit në botë, varej shumë nga dërgesat e grurit të Detit të Zi që u ndërprenë nga pushtimi rus i Ukrainës.

Lufta ka ngritur shqetësime mbi aftësinë e Egjiptit për të mbajtur rezervat e tij strategjike dhe për të siguruar grurë të përballueshëm që përdoret për të bërë bukën e subvencionuar shumë të disponueshme për gati dy të tretat e popullsisë.

Kryeministri i Egjiptit tha këtë javë se qeveria kishte rezerva gruri për katër muaj. Tregtarët thonë se çdo grurë që është blerë, llogaritet në rezervat strategjike të vendit, edhe nëse ende nuk është dorëzuar./UBTNews/

Vazhdo të lexosh

Bota

Ukrainasit në Gjermani kërkojnë ndihmë nga Turqia për evakuimin e civilëve

Ukrainasët kërkojnë ndihmë nga Turqia për evakuimin e civilëve në Mariupol

Publikuar

nga

Më shumë se 200 ukrainas që jetojnë në Gjermani u mblodhën të martën përpara ambasadës turke në Berlin me flamuj dhe pankarta ukrainase duke i kërkuar liderit turk të ndihmojë ukrainasit në mes të luftës së tyre të vazhdueshme me Rusinë.

Duke brohoritur “Turqi, shpëto Mariupolin” në gjuhën turke, protestuesit i kërkuan presidentit turk Rexhep Tajip Erdogan të ndihmojë ushtarët dhe civilët ukrainas të bllokuar në qytetin port të rrethuar të Mariupolit.

Demonstruesi Eva Yakubovska tha se protestuesit bënë një thirrje të ngjashme për ndihmë para Ambasadës Turke në Berlin dy javë më parë, duke vënë në dukje se banorët kanë ngecur në Mariupol për më shumë se dy muaj.

Është e pabesueshme. Këta njerëz duhet të gjejnë ujë dhe ushqim. Rreth 500 civilë janë gjithashtu të bllokuar në qytet“, tha ajo.

Yakubovska tha se banorët duhet të evakuohen sa më shpejt të jetë e mundur.

Siguria e evakuimit të këtyre njerëzve nuk duhet të sigurohet vetëm nga Ukraina dhe Rusia, duhet të përfshihet edhe shteti turk për evakuim të sigurt“, shtoi Yakubovska.

Ajo theksoi se alternativa më e mirë për evakuimin e ushtarëve dhe civilëve të bllokuar në Mariupol është përmes detit.

Në të njëjtën kohë, Turqia është një vend i fortë dhe mund të arrijë evakuimin duke ofruar sigurinë”, përfundoi ajo. /UBTNews/

Vazhdo të lexosh

Të kërkuara