Lajmet
Edhe një i arrestuar për sulmin në Zubin Potok
Policia e Kosovës ka njoftuar se ka arrestuar edhe një person të dyshuar për sulmin e 29 nëntorit në Zubin Potok.
Më herët autoritetet kanë njoftuar për tetë të arrestuar të tjerë.
I dyshuari me inicialet J.V u arrestua mbrëmë, sipas policisë, “nën dyshimin që mund të ketë pasur rol të rëndësishëm në kuadër të grupit përgjegjës për rastin e sulmit terrorist ndaj infrastrukturës kritike”.
Ndaj të dyshuarit është caktuar masa e ndalimit prej 48 orësh.
Policia ka bërë të ditur se është kryer kontrollë në shtëpinë ku banonte i dyshuari dhe janë sekuestruar dëshmi dhe prova materiale.
Sipas policisë, janë gjetur katër granate dore, një pushkë gjuetie, mbi 500 copë municion të kalibrave të ndryshëm, karikatorë, radiolidhje, uniforma ushtarake, dokumente, dylbi e kamerë kamufluese.
“Situata e sigurisë në veri të vendit aktualisht vlerësohet e qetë, por siç e kemi bërë të ditur në vazhdimësi është një situatë e brishtë, e përcjellë me raste të natyrave të ndryshme kriminale, si rasti i fundit i sulmit kriminal terrorist i ndodhur ndaj infrastrukturës kritike në kanalin e ujit, dhe për këtë vazhdojnë masat shtesë të PK-së”, thuhet në njoftimin e Policisë së Kosovës.
Mbrëmjen e 29 nëntorit ka ndodhur një shpërthim në fshatin Varagë të komunës së Zubin Potokut, në pjesën veriore të Kosovës.
Shpërthimi ka dëmtuar kanalin e ujit të Ibër-Lepencit.
Autoritetet e Kosovës kanë deklaruar se sulmi është kriminal e terrorist dhe vjen nga bandat e orkestruara nga Beogradi.
Kryeministri Albin Kurti ka thënë se sulmi ka pasur synim dëmtimin e infrastrukturës “mbase edhe më të rëndësishmen që kemi”.
Prej Ibër-Lepencit furnizohen me ujë nga Liqeni i Ujmanit disa qytete të Kosovës, gjithashtu Koorporata Energjetike e Kosovës.
Kreu i Lëvizjes Vetëvendosje, Albin Kurti, ka dhënë dorëheqje nga posti i kryeministrit, në mënyrë që të mund të bëjë betimin si deputet i legjislaturës së nëntë.
Dorëheqje kanë dhënë edhe anëtarët e tjerë të Qeverisë në detyrë të Kosovës, që janë zgjedhur deputetë në zgjedhjet e 9 shkurtit.
Ndërkohë nuk është miratuar raporti i komisionit të përkohshëm për verifikimin e mandateve të deputetëve në Kosovë.
Kjo është hera e parë që ndodhë një gjë e tillë, e çon në ndërprerjen e seancës konstituive.
Një pjesë e deputetëve janë larguar nga salla e seancave plenare. Ndërkohë që anëtarët e komisionit janë duke diskutuar me kryesuesin e seancës për të vendosur si do të vazhdohet më tej.
Katër ushqimet që i zhbllokojnë arteriet në mënyrë natyrale
Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin
Përfitimet shëndetësore të pirjes së ujit para gjumit
Diamanti blu ne ankand/ Guri i çmuar, pjesë e trashëgimisë mbretërore të Indisë
Përballja mes Shqipërisë dhe Serbisë, UEFA zbulon vendin ku do të mbahet ndeshja
Katy Perry do të udhëtojë në hapësirë, ja imazhi që postoi para nisjes
Sfidat vendimtare për të kaluar në gjysmëfinale
Ndryshimet klimatike e përkeqësojnë alergjinë nga poleni
Audi ndërpret eksportet në SHBA
-
Bota3 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months agoFluturimet e dëbimit kanë filluar, thotë Shtëpia e Bardhë
-
Bota3 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë