Jennifer Abbott, një ish-regjisore dhe aktore filmi 69-vjeçare, u gjet e vdekur në apartamentin e saj në veri të Londrës, dhe policia dyshon se motivi i vrasjes është grabitja, pasi ora e saj Rolex e zbukuruar me diamante mungonte.

Trupi i saj, i mbështjellë me një batanije dhe me gojën e mbyllur me shirit ngjitës, u gjet nga mbesa e saj e shqetësuar, sipas British Independent, e cila u kërkoi fqinjëve të ndihmonin për të thyer derën e apartamentit të saj në Mornington Place, Camden.

E njohur me emrin e saj artistik Sara Steinberg, Abbott u pa për herë të fundit më 10 qershor duke shëtitur qenin e saj korgi në atë pjesë të Londrës. Një autopsi përcaktoi se ajo vdiq nga plagët me thikë dhe prerjet.

Një ambulancë u thirr në mbrëmjen e 13 qershorit, por mjekët nuk mundën ta shpëtonin jetën e saj. Policia dyshon se motivi i vrasjes ishte një orë luksoze që ishte zhdukur nga vendi i ngjarjes.

Abbott, me origjinë nga Arizona, u arsimua në Londër dhe më vonë u transferua në Los Angeles ku punoi si producente filmash. Ajo ishte gjithashtu CEO e Atlantis Rising Productions dhe autore e disa romaneve. Kreu i njësisë së vrasjeve në polici, Jason Stewart, i bëri thirrje publikut të ndihmojë në hetim, duke shtuar se çdo informacion është i rëndësishëm dhe se qytetarët duhet të raportojnë çdo aktivitet të dyshimtë në kohën e krimit.

Johnny Depp vendosi të bënte një mirësi duke u bërë një vizitë të befasishme spitalit të fëmijëve në Spanjë, derisa u vesh si personazhi i famshëm Jack Sparrow nga “Piratët e Karaibeve”.

Derisa punonte në projektin e tij të fundit “Day Drinker” në Spanjë, aktori vendosi të vishte kostumin e njohur të Jack Sparrow dhe të vizitonte fëmijët në një spital të Madridit.

Me humorin e tij të mirë dhe energjinë pozitive, Depp u solli buzëqeshje shumë fëmijëve në spital. Gjithashtu, kjo nuk ishte hera e parë që Depp vizitonte një spital për fëmijë.

Ai vizitoi fëmijët në Spitalin Donostia në San Sebastian në shtator 2024. Në atë spital, ai vizitoi fëmijët e shtruar në departamentin e pediatrisë dhe onkologjisë dhe vendosi t’i gëzonte ata me vizitën e tij.

Depp vizitoi gjithashtu repartet e fëmijëve të spitaleve në Vancouver, Paris, Londër, Brisbane dhe disa qytete në SHBA, i veshur si Jack Sparrow.

Princesha e Uellsit, Kate është tërhequr nga pjesëmarrja e saj e planifikuar në garat prestigjioze të Royal Ascot, ndërsa vazhdon rikthimin e kujdesshëm në jetën publike pas diagnozës së kancerit vitin e kaluar.

Sipas burimeve mbretërore, ajo po përpiqet të gjejë ekuilibrin e duhur në rikthimin e saj të plotë në detyrat zyrtare.

Thuhet se princesha ishte e zhgënjyer që nuk mundi të ishte e pranishme në këtë ngjarje të rëndësishme në Berkshire, ku do të kishte marrë pjesë në procesionin tradicional me karrocë.

Ajo pritej të merrte pjesë të mërkurën, së bashku me bashkëshortin e saj, Princin William, si dhe Mbretin Charles dhe Mbretëreshën Camilla.

Megjithatë, Pallati Kensington ka konfirmuar zyrtarisht se ajo nuk do të jetë e pranishme këtë vit.

Në vend të saj, procesioni mbretëror u hap me Mbretin Charles, Mbretëreshën Camilla dhe Princin William në karrocën e parë, të shoqëruar nga Princi Saud bin Khalid Al Saud, një anëtar i familjes mbretërore saudite.

Princi dhe Princesha e Uellsit kishin qenë planifikuar të udhëtonin në karrocën e dytë, së bashku me golfistin Justin Rose dhe bashkëshorten e tij, Kate Phillips.

Princi William do të jetë përgjegjës për ndarjen e çmimeve gjatë ditës së dytë të garave.

Në mungesë të Kate, mori pjesë nëna Carole Middleton, e cila mbërriti në shoqërinë e nuses së djalit, Alizée Thevenet – bashkëshortja e James Middleton.

R. Kelly është dërguar me urgjencë në spital pas një mbidoze droge, teksa ndodhet në qeli.

Ai po vuan një dënim prej 30 vitesh burg për zhvatje dhe shfrytëzim seksual.

Sipas një dokumenti ligjor, këngëtari 57-vjeçar, emri i vërtetë i të cilit është Robert Sylvester Kelly, u vendos në izolim më 10 qershor dhe iu dhanë ilaçe kundër ankthit nga personeli i burgut.

Avokati i tij deklaroi se atë ditë atij iu dhanë edhe ilaçe shtesë dhe iu kërkua që t’i merrte me patjetër.

Tre ditë më vonë, Kelly raportoi se ndiente “marramendje” dhe “dobësi”, si dhe u ankua se kishte shikim të turbullt.

Pas këtyre simptomave, ai humbi ndjenjat dhe u transportua menjëherë në Spitalin Universitar “Duke”.

Incidenti po hetohet ndërsa janë ngritur pikëpyetje mbi mënyrën se si autoritetet e burgut e kanë menaxhuar situatën.

R. Kelly po vuan një dënim me 30 vjet heqje lirie, pasi u shpall fajtor për disa akuza të rënda që dolën në pah në kuadër të lëvizjes #MeToo, e cila ekspozoi natyrën sistematike të abuzimeve të tij seksuale.