Kulturë

Dua Lipa kritikon reklamën ku akuzohej ajo dhe familja Hadid për ‘antisemitizëm’

Published

5 years ago

on

Dua Lipa është shprehur kundër një reklame që doli në New York Times e cila e akuzonte atë dhe modelet Gigi dhe Bella Hadid për “antisemitizëm” pasi që ato kishin shprehur mbështetjen e tyre publike të anti-okupimit të Palestinës, pas ndodhive të fundit atje që lanë të vdekur mbi 240 palestinezë, ndër ta 63 fëmijë.

Reklama, e cila u prodhua dhe u pagua nga Rrjeti i Vlerave Botërore të Rabbi Shmuley Boteach, përmbante foto të Dua Lipës dhe modeleve Hadid të mbivendosura në një imazh të raketave të Hamasit, me shkronja të mëdha ku thuhej: “Bella, Gigi dhe Dua, Hamas po bëjnë thirrje për një Holokaust të dytë. Dënoni ato tani!”.

Teksti në pjesën e poshtme të reklamës pretendon se “tre mega-ndikuesit kanë poshtëruar shtetin hebre” duke përhapur “shpifje të neveritshme”.

Mirëpo Dua iu përgjigj reklamës në një deklaratë të postuar në Twitter.

Në deklaratë thuhej:

“Unë plotësisht hedh poshtë pretendimet e rreme dhe të tmerrshme që u botuan në reklamën e New York Times”, dhe se “Rrjeti i Vlerave Botërore po përdorin paturpësisht emrin tim për të avancuar fushatën e tyre të shëmtuar me gënjeshtra dhe keqinterpretime të dukshme lidhur me atë se kush jam dhe për çfarë përfaqësoj. Unë qëndroj në solidaritet me të gjithë njerëzit e shtypur dhe hedh poshtë të gjitha format e racizmit”.

Lipa sqaron gjithashtu: “Unë besoj se të gjithë – hebrenjtë, myslimanët dhe të krishterët – kanë të drejtë të jetojnë në paqe si qytetarë të barabartë të një shteti që ata zgjedhin”./UBTNews

(Arjeta Ibishi, Media dhe Komunikim)

Related Topics:
Continue Reading

Lajmet

“The Fortress” nga Italia vjen në Festivalin Ndërkombëtar të Teatrit në Prishtinë

Published

33 minutes ago

on

May 21, 2026

By

Festivali Ndërkombëtar i Teatrit në Prishtinë do të sjellë në skenë shfaqjen “The Fortress”, një produksion nga Italia i frymëzuar nga romani i Meša Selimović.

Shfaqja trajton tema si drejtësia, liria dhe identiteti, duke u ndërtuar përmes teatrit fizik, muzikës live dhe lëvizjes rituale, transmeton KultPlus. Organizatorët e festivalit kanë bërë të ditur se kjo vepër sjell një përvojë unike skenike dhe fton publikun të bëhet pjesë e një interpretimi bashkëkohor teatral.

“Ju ftojmë të bëheni pjesë e kësaj përvoje unike skenike”, thuhet në njoftimin e festivalit.

Shfaqja është pjesë e programit ndërkombëtar të festivalit, i cili synon të sjellë në Prishtinë produksione teatrore nga vende të ndryshme dhe të nxisë shkëmbimin kulturor.

Continue Reading

Lajmet

Promovohet libri “TRENI – në kufirin mes tmerrit dhe lirisë”, sjell 20 dëshmi të dëbimeve të vitit 1999

Published

3 hours ago

on

May 21, 2026

By

Më 26 maj 2026, në Qendra Barabar, do të mbahet ceremonia e promovimit të librit me kujtime “TRENI – në kufirin mes tmerrit dhe lirisë”, i cili sjell 20 dëshmi autentike të qytetarëve të dëbuar me forcë gjatë pranverës së vitit 1999.

Libri trajton përvojat e dëbimeve masive nga Kosova gjatë luftës, ku qytetarët u detyruan të largohen me trena drejt kufirit në Bllacë të Hanit të Elezit dhe më pas si refugjatë drejt Maqedonisë së Veriut. Përmes rrëfimeve personale, botimi dokumenton eksodin e asaj periudhe dhe traumat e përjetuara, duke e paraqitur trenin si simbol të zhvendosjes së dhunshme.

Sipas organizatorëve, libri synon të shërbejë si dokument historik dhe edukativ, duke nxitur kujtesën kolektive, dialogun dhe reflektimin mbi pasojat e konfliktit.

Continue Reading

Lajmet

Shqipëria dhe Kosova përfaqësohen me sukses në Marché du Film në Kanë

Published

3 hours ago

on

May 21, 2026

By

Ka përfunduar edicioni i sivjetmë i Marché du Film në Kanë, një nga ngjarjet më të rëndësishme ndërkombëtare të industrisë së filmit, ku Shqipëria dhe Kosova janë prezantuar me një stendë të përbashkët përmes Qendrës Kombëtare të Kinematografisë dhe Qendrës Kinematografike të Kosovës.

Gjatë ditëve të panairit, përfaqësuesit e të dy institucioneve kanë zhvilluar një sërë takimesh me institucione të filmit, producentë dhe përfaqësues të rëndësishëm të industrisë globale audiovizuale. Në këto takime është diskutuar edhe ligji i ri shqiptar për kinematografinë dhe audiovizualin, i cili ka ngjallur interes të konsiderueshëm tek partnerët ndërkombëtarë.

Sipas njoftimit zyrtar, pjesëmarrja e përbashkët në këtë aktivitet synon forcimin e bashkëpunimit rajonal dhe ndërkombëtar, si dhe rritjen e prezencës së Shqipërisë në hartën globale të filmit, përmes nxitjes së bashkëprodhimeve dhe projekteve të reja.

Në përmbyllje të aktivitetit, Qendra Kombëtare e Kinematografisë ka falënderuar të gjithë partnerët dhe kineastët që kanë vizituar stendën shqiptaro-kosovare gjatë zhvillimit të Marché du Film në Kanë.

Continue Reading

Lajmet

Në New York promovohet romani “Një fije shprese, Një fije shkrepëse” i Ag Apollonit

Published

5 hours ago

on

May 21, 2026

By

Në ambientet e Konsullatës së Përgjithshme të Republikës së Kosovës në New York do të mbahet promovimi i romanit “Një fije shprese, Një fije shkrepëse” të autorit Ag Apolloni.

Ngjarja organizohet nën kujdesin e ambasadorit Blerim Reka dhe do të ketë si folës profesorin David Damrosch. Promovimi do të zhvillohet sot, më 21 maj 2026, në orën 17:30, në adresën 801 2nd Ave, Suite 301, New York.

Romani “Një fije shprese, Një fije shkrepëse”, i botuar në vitin 2020, është një vepër dokumentare që trajton pasojat e luftës në Kosovë përmes historive të nënave që humbën familjarët e tyre, përfshirë Ferdonije Qerkezin nga Gjakova dhe Pashke Markun nga Zllakuqani.

Vepra sjell një reflektim të thellë mbi dhimbjen, kujtesën dhe qëndresën njerëzore, ndërsa aktiviteti pritet të mbledhë komunitetin shqiptar dhe dashamirësit e letërsisë në SHBA.

Continue Reading

Të kërkuara