Kulturë

Dua Lipa krahas Angelina Jolie e Rihannës në listen e 12 yjeve me paraqitjet më të bukura

Zoe Kravitz e Kate Moss janë gjithashtu pjesë e listës.

Published

4 years ago

on

Revista prestigjioze e modës, Vogue, ka publikuar një listë prej 12 figurash të njohura të cilat sipas revistës, kanë pasur paraqitjet më të bukura apo janë veshur më së miri vitin që lamë pas.

Disa nga emrat mund të ju habisin, megjithatë jo edhe emri i ikonës Dua Lipa, këngëtares Rihanna apo aktores të shumënjohur, Angelina Jolie.

Këto janë gratë ‘fashionista’ të vitit 2021, sipas Vogue:

LADY GAGA

Nuk është për t’u habitur që emri i Lady Gaga-s të jetë në këtë listë, madje është hera e tretë që ajo është pjesë e listës. Kjo për shkak të zgjedhjes së pazakontë të kostumeve dhe padyshim një arsye e fortë ka qenë edhe fakti që ajo është ndër artistet që nuk është frikësuar të eksperimentojë që nga fillmet e saj.

RIHANNA

Ndonëse ishte kritikuar për veshjen e saj të koordinuar me të dashurin A$AP Rocky në Met Gala këtë vit, ajo prapë mbetet e preferuara e revistes Vogue. Pavarësisht zgjedhjeve të modës që mund të keni, Vogue u tha lexuesve të saj që t’i ‘përuleshin’ stilit të këngëtares!

DUA LIPA

Sikur nuk i mjaftoi që hyri në histori me shumë të arritura në muzikë, ikona me origjinë kosovare, Dua Lipa, vendosi emrin e saj edhe në këtë listë të revistës më të njohur në botë për modë.

Kryqëzimi i këngëtares nga muzika në modë, i dha asaj vëmendje të madhe. Pas Versace, ajo bashkëpunoi edhe me markën e shumënjohur PUMA, ku e titulloi koleksionin e saj “Flutur”.

Me stilin e saj unik, Dua u përshkrua nga Vogue si ‘fytyra e një talenti të ri të modes’.

ZENDAYA

Aktorja e njohur, e cila së fundi ka tërhequr vëmendje me fustanet e saj unike në premierat e filmit “Spider-Man: No Way Home” është gjithashtu pjesë e kësaj liste. Megjithatë, ndonëse Zendaya këtë vit ka pasur më shumë vëmendje për shkak të filmave të suksesshëm në të cilët mori pjesë dhe gjithashtu sezonit të ri të serisë “Euphoria”, vlen të përmendet se paraqitjet e saj në tapetin e kuq kanë qenë gjithmonë të vlerësuara për thjeshtësinë dhe bukurinë.

ANGELINA JOLIE

Jo vetëm që është pjesë e listës, por Vogue i’a kushtoi edhe një artikull aktores para ca ditësh me titullin “Në vitin 2021, Angelina Jolie ripërcaktoi stilin e yllit të filmit”, e që fillon me fjalinë “Angelina Jolie duket e mirë në çdo gjë”. Duke parë paraqitjet e saj këtë vit, me të vërtetë kjo nuk mund të mohohet!

Yjet tjera në këtë listë janë: Kate Moss, Jourdan Dunn, Isabelle Huppert, Gemma Chan, Zoë Kravitz, Cynthia Erivo dhe Nicola Coughlan./UBTNews/

Related Topics:
Continue Reading

Magazinë

Jessie J flet pas operimit: Flokët po më bien si të çmendura!

Published

20 hours ago

on

August 14, 2025

By

Jessie J ka ndarë me ndjekësit e saj në Instagram detaje të reja për gjendjen shëndetësore, pas heqjes kirurgjikale të gjirit. 37-vjeçarja tregoi se trupi i saj ka pësuar ndryshime të mëdha dhe se prej operacionit flokët i kanë filluar të bien.

“Përshëndetje, sot po xhiroj një program televiziv. Mund ta shihni sa kaçurrela i kam flokët. Do t’i bëj flokët dhe do të bëj grimin vetë. Flokët po më ‘bien’ si të çmendura nga operacioni”, u shpreh ajo në një video të publikuar.

Jessie J tha se kanë kaluar pesë javë nga procedura kirurgjikale, por se gjendja e saj është përmirësuar: “Ndihem mirë. Kam ende shumë përgjegjësi, kështu që ky është fokusi im kryesor”.

Këngëtarja theksoi se gjinjtë e saj “ende nuk janë të sheshtë”, duke shpjeguar se ka implante dhe se zona është shumë e dhimbshme.

Ajo ndau edhe një detaj personal, duke treguar se djali i saj, Sky, ka qenë larg për dy javë:

“Jam e vetëdijshme që nuk mund të bëj gjithçka që duhet, por dua që gjithçka të shkojë sa më mirë për të gjithë, përfshirë djalin tim dhe fansat”.

Continue Reading

Magazinë

Ky detaj zbulon statusin e aktorit të njohur Liam Hemsworth

Published

22 hours ago

on

August 14, 2025

By

Liam Hemsworth dhe Gabriella Brooks mund të janë fejuar, pasi modelja u pa duke mbajtur një unazë diamanti në gishtin e fejesës.

Fundjavën e kaluar, Gabby u fotografua duke ecur përgjatë një hapësire me jahte në Ibiza, Spanjë, me një diamant që shkëlqente në gishtin e unazës në dorën e majtë. Në disa foto, ajo buzëqeshte teksa ia tregonte diamantit gjigant disa personave.

Gabriella dhe Liam, 35 vjeç, po bëjnë një udhëtim në Europë për të festuar ditëlindjen e vëllait të aktorit, Chris Hemsworth, që mbushi 42 vjeç.

Në ditëlindjen e yllit të “Thor”, më 11 gusht, Liam postoi një foto me dy vëllezërit e tij më të mëdhenj, Chris dhe Luke, dhe uroi djalin e ditëlindjes. Në këtë udhëtim u panë Matt Damon dhe Rita Ora me bashkëshortin Taika Waititi.

Liam dhe Gabby u lidhën për herë të parë në dhjetor 2019. Dalja publike ndodhi katër muaj pas ndarjes së Liam nga Miley Cyrus, me të cilën ishte i martuar për më pak se një vit dhe kishte një lidhje me ulje-ngritje për 1 dekadë.

Çifti e bëri lidhjen zyrtare në Instagram në nëntor 2020 e u shfaqën në tapetin e kuq në nëntor 2022 për premierën e “Poker Face” në Sydney.

Continue Reading

Lifestyle

Këshilla si ta shfaqni personalitetin në një intervistë pune

Published

23 hours ago

on

August 14, 2025

By

Të gjithë e kemi dëgjuar ” të jesh vetvetja dhe me vetëbesim” në një intervistë pune e duket se profesionistët e rekrutimit të punonjësve bien dakord me këtë shprehje.

Ja disa këshilla që do ju vlejnë për intervista të suksesshme dhe të shprehni personalitetin përveç aftësive dhe kualifikimeve që keni.

Bëni “detyrat e shtëpisë” paraprakisht

Bëni kërkime çfarë tiparesh të personalitetit puna kërkon. Kërkoni në çdo faqe të kompanisë për të parë çfarë lloj “kulture” po përpiqet ta paraqesë. Në këtë mënyrë do të dini se ku duhet të praktikoheni dhe të fokusoheni.

Tregoni personalitetin tuaj përmes veshjesh që do të zgjidhni në intervistë

Kodi i veshjesh së intervistës duhet të jetë elegante, profesionale, larg ekstravagantes por e fuqishme e të përfaqësojë stilin brenda saj.

Veproni dhe flini me vetëbesim

Jo të gjitha CV janë të pasura me eksperienca apo kualifikime, por kjo nuk do të thotë se këto persona nuk janë të denjë për atë punë. Ajo që mungon në CV tuaj mundohuni ta plotësoni me vetëbesimin që shfaqni në prezantimin e kualifikimeve që keni.

Jepni përgjigje që do të mbahen mend gjatë

Gjatë intervistave, ju kërkohet pyetje të bazuara në kompetencat lidhur me një detyrë. Sigurohuni të identifikoni Situatën, Detyrën, Veprimin dhe Rezultatin e kohës dhe të jeni sa më specifik që të jetë e mundur lidhur me idenë tuaj për zgjidhjen e problemit.

Mos harroni të bëni një bisedë personale

Punëdhënësit pyesin bazuar në kompetenca për zgjidhjen e problemeve apo detyrave, mos hezitoni të tregoni eksperiencat personale në situata që i keni kaluar me sukses.

Bëni pyetjet e duhura

Në fund të intervistës kur ju pyesin se nëse keni ndonjë pyetje, sigurohuni të pyesni lidhur me ndonjë informacion shtesë të kompanisë apo mënyrën si punohet në ekip aty. Interesi që tregoni do të ju bëjë të shkëlqeni.

Continue Reading

Magazinë

Lil Wayne anulon koncertin për shkak të një sëmundjeje të paparashikuar

Published

1 day ago

on

August 14, 2025

By

Lil Wayne ishte planifikuar të performonte në Budweiser Stage në Toronto të hënën, por organizatorët thonë se performanca e tij është anuluar për shkak të një “sëmundjeje të paparashikuar”.

Organizatorët përdorën rrjetet sociale për të njoftuar se reperi 42-vjeçar ishte detyruar ta anulonte koncertin.

“Për shkak të një sëmundjeje të paparashikuar, koncerti i Wayne në Toronto sonte do të shtyhet. Siç e dinë fansat e tij, atij i pëlqen të japë shfaqjet më të mira për ata që vijnë dhe ishte shumë i emocionuar për këtë”, deklaruan organizatorët.

Organizatorët u njoftuan përsëri në rrjet, duke deklaruar se fansat duhet të ndjekin lajmet se së shpejti do të njoftojnë një datë të re për koncertin.

“Ju lutemi qëndroni të sintonizuar pasi një datë e re do të dalë së shpejti. Të gjitha biletat e blera do të përdoren për datën e re sapo të shpallet”, thanë ata.

Edhe pse bënë reklamë, këtë herë nuk specifikuan për çfarë bëhej fjalë. Mediat u dërguan një kërkesë përfaqësuesve, por ende nuk kanë marrë një përgjigje.

Nga rruga, Wayne është në mes të turneut “Tha Carter VI”, i cili filloi në Virxhinia më 1 gusht e përfshin shfaqje në Detroit, Los Angeles, Dallas dhe vende tjera para se të përfundojë më 2 tetor në West Palm Beach, Florida.

Të ftuar specialë, përfshirë French Montana, Tyga dhe NoCap, i bashkohen në data të caktuara, e Belly Gang Cushington performon në të gjitha shfaqjet.

Continue Reading

Të kërkuara