Sport

Driton Kuka reagon ashpër për mungesën e medaljeve në Lojërat Evropiane

Kuka ka reaguar përmes një postimi në Facebook.

Published

on

Trajneri i xhudos Driton Kuka është shprehur i zhgënjyer me mungesën e medaljeve të sportistëve kosovarë në Lojërat Evropiane që po zhvillohen në Krakov të Polonisë.

Kuka ka reaguar përmes një postimi në Facebook, ku ndër të tjera ka bërë thirrje që Ministria e Sportit dhe Komiteti Olimpik i Kosovës të kujdesen që njerëzit që nuk kanë të bëjnë me sportin te qëndrojnë sa më larg këtyre ngjarjeve sportive, por që aty të ketë njerëz kompetent në mënyrë që të arrihen rezultate më të mira.

Ai ka vlerësuar paraqitjen e boksieres Donjeta Sadiku e cila arriti deri në çerekfinale, por që mbeti pa medalje.

Ai ka thënë se mbështetja nga MKRS-së dhe KOK-ut për sportet nuk po mungon, por rezultatet nuk po shihen.

Ky është reagimi i plotë i Kukës në Facebook:

Kosova si duket do mbes pa medalje.

Komplimente boksieres Sadiku që pati prezantim dinjitoz dhe u afrua te medalja, tjerët ishin shumë larg medaljeve e në anën tjetër nga media të ndryshme e besa edhe institucione sportive u munduan disa rezultate të paraqiten si të mëdha e në anën tjetër ato janë pa vlerë e shumë larg medaljeve!

Jepini fund lojës me fjalë kjo nuk na bën nder!

Për sinqeritet Ministria edhe KOK materialisht po përkrahin më shumë se kurrë sportistët e trajnerët por rezultatet janë duke munguar.

Gjithmonë atje në gara shihen persona që janë zyrtar por në fakt askush se kupton në çfarë roli janë dhe pse janë shkuar kur as sportet e tyre që u përkasin nuk janë pjesë e garave!

Federata e KOK të kujdeset që të afroj profesionistë nga lëmia e sportit për ti avancuar rezultatet e jo njerëz që në sport janë aksidentalisht!

Nuk po e zgjas ma shumë por të kuptohet drejt gjendja e sportit dhe si të ecet përpara, ktheni njerëz me vlera në institucione sportive!

Në fund Kuka ka postuar një fotografi të Majlinda Kelmendit në finalen e Lojërave Evropiane 2019 në Minsk ku kishte mposhtur Rusen Kuzjutina.

Sport

Trajneri i Lille flet për të ardhmen e Edon Zhegrovës

Published

on

By

Pas fitores së Lille ndaj Monacos, trajneri Bruno Genesio u pyet për të ardhmen e sulmuesit kosovar, Edon Zhegrova. E ardhmja e 26-vjeçarit ka qenë objekt diskutimesh gjatë afatit kalimtar veror, me spekulime për qëndrimin e tij në Lille ose një transferim në klub tjetër.

Juventusi kishte shfaqur interes konkret për Zhegrovën, por presidenti i Lille, Olivier Letang, konfirmoi se nuk është arritur ndonjë marrëveshje dhe shpreson që sulmuesi të qëndrojë në klub edhe për këtë sezon.

Megjithatë, Genesio tregoi më pak siguri për vazhdimësinë e lojtarit: “Ai është aktualisht me ne, por do të shohim nëse do të qëndrojë deri në fund të sezonit. Edoni ka nevojë për kohë, pasi nuk ka luajtur për një periudhë të gjatë.”

Trajneri shtoi se Zhegrova ka patur një lodhje të lehtë muskulore që u shfaq para ndeshjes së fundit.

Javën e ardhshme, Lille do të luajë në transfertë ndaj Lorient dhe mbetet të shihet nëse Zhegrova do të marrë minuta në fushë.

Continue Reading

Sport

Milani rikthen interesin për Rasmus Hojlund pas dështimit të Boniface

Published

on

By

Kalimi i sulmuesit të Manchester United, Rasmus Hojlund, te Milani mund të kthehet në skenë, pas anulimit të transferimit të Victor Boniface nga Bayer Leverkusen në “San Siro”.

Boniface nuk kaloi testin mjekësor te Milani dhe pritet të rikthehet te Leverkuseni, duke anuluar marrëveshjen që parashikonte huazimin e tij me një tarifë prej 5 milionë eurosh dhe një klauzolë blerjeje prej 24 milionë eurosh, sipas raportimeve të Fabrizio Romano.

Ky zhvillim i jep mundësi Milanit të rihapë negociatat për Hojlund, i cili nuk bën pjesë në planet e trajnerit të Manchester United, Ruben Amorim, dhe është përfolur gjerësisht për një largim nga “Old Trafford”.

Në të njëjtën kohë, Napoli po konsideron huazimin e sulmuesit danez për të forcuar repartin ofensiv, pas dëmtimit të Romelu Lukakut në kofshë në fillim të sezonit.

Tani mbetet të shihet nëse Milani do të paraqesë një ofertë zyrtare për Hojlund dhe do të rivalizojë me Napolin për shërbimet e tij.

Continue Reading

Sport

Stefan Bajcetic pritet të largohet nga Liverpool para mbylljes së afatit kalimtar

Published

on

By

Mesfushori 20-vjeçar nuk ka pasur minuta që kur Arne Slot mori drejtimin e Liverpoolit verën e kaluar. Trajneri i ri vendosi që Bajcetic të huazohej te RB Salzburg në fillim të sezonit 2024/2025, por ai nuk arriti të marrë hapësirat e pritura në klubin austriak dhe u rikthye në Liverpool në fillim të vitit 2025.

Megjithatë, qëndrimi në “Anfield” ishte i shkurtër, pasi Bajcetic u huazua sërish te Las Palmas për gjysmën e dytë të sezonit. Pas rikthimit të fundit, ai nuk ka ende vend në skuadrën e Slot, dhe me konkurrencën e madhe në mesfushë, lojtarit i është dhënë drita jeshile për largim.

Liverpooli po kërkon të shesë Bajcetic për të mbledhur fonde, pas një vere me investime të mëdha në skuadër. Sipas raportimeve të Estadio Deportivo, lojtari dëshiron të kthehet në La Liga dhe negociatat me Gironën janë në fazat përfundimtare. Empire of the Kop thekson se Bajcetic është rikuperuar plotësisht nga operacioni në muskujt e pasmë të kofshës, por kjo nuk ka ndryshuar vendimin e trajnerit Slot.

Liverpooli është i hapur për të dy opsionet, huazimin njëvjeçar ose shitjen përfundimtare, ndërsa afati kalimtar po afrohet.

Continue Reading

Sport

Nico Paz zgjedh të qëndrojë te Como, refuzon Tottenham

Published

on

By

Tottenham ka bërë një ofertë prej 70 milionë eurosh për mesfushorin argjentinas Nico Paz, i cili aktualisht luan te Como, por kjo ofertë është refuzuar, sipas raportimeve të Fabrizio Romano.

20-vjeçari dëshiron të qëndrojë te Como edhe për sezonin e ardhshëm, me synimin për t’u rikthyer më vonë te Real Madrid. Klubi spanjoll ka një klauzolë riblerjeje prej 10 milionë eurosh që hyn në fuqi në vitin 2026 dhe planifikon të kompensojë Comon për të ruajtur kontrollin mbi të ardhmen e lojtarit.

Edhe pse Tottenham ka ofruar një shifër të lartë, 70 milionë euro, Como ka vendosur të mos e pranojë.

Sezoni i fundit i Paz ka qenë i mirë, duke shënuar 6 gola dhe dhënë 9 asiste nën drejtimin e trajnerit Cesc Fabregas, duke tërhequr vëmendjen e disa klubeve evropiane, përfshirë Tottenham.

Continue Reading

Të kërkuara