Lajmet

Dreshaj kërkon mbështetjen për largimin e kushtit për 15 vjet përvojë pune për pensionim

Sipas Dreshajt, qytetarët që kanë kontribuar me vite nuk po e gëzojnë pensionin e plotë.

Published

3 years ago

on

Aleanca për Ardhmërinë e Kosovës ka kërkuar mbështetjen e deputetëve të Kuvendit për nismën e tyre legjislative për plotësim-ndryshimin e Ligjit të skemës pensionale, që parasheh heqjen e kushtëzimit të 15 vjetëve përvojë pune për të gëzuar pension të plotë kontributdhënës.

Deputeti i AAK-së, Shemsedin Dreshaj duke e quajtur ligjin aktual si diskriminues tha se qytetarët e Kosovës që kanë kontribuar me vite nuk po e gëzojnë pensionin e plotë.

“Është një ligj diskriminues, një ligj i cili qytetarët e vendit që kanë kontribuar me vite nuk e gëzojnë më të drejtën që të shkojnë kontributet e tyre në pension meritor. E themi këtë për shkak se neni 8, pika 2 e këtij ligji sanksionon në mënyrë të prerë që kush nuk posedon 15 vite deri më 1 janar 1999 nuk e gëzon të drejtën e pensionit të plotë kontributdhënës. Ky nen duhet të largohet me urgjencë për shkak se nga viti i kaluar asnjë punëtorë i Kosovës nuk shkon në pension kontributdhënës qoftë për 1 ditë apo 1 javë që nuk e plotëson 15 vjetshin. E themi me qëllim që të bëjmë apel tek të gjithë deputetët qofshin të pozitës apo opozitës që të mbështesin këtë ligj për të mirën e vendit në këto ditë të vështira të krizës”, u shpreh ai.

Kjo nismë legjislative e cila është iniciuar nga AAK, siç tha Dreshaj, kërkon mbështetjen me qëllim që të largohet kjo padrejtësi që po u bëhet qytetarëve në Kosovë.

“Kjo nismë legjislative e nisur nga deputetët e AAK-së e cila është bërë më datën 13.05.2022 të gëzojë mbështetjen e komplet Parlamentit me qëllim që kjo padrejtësi e bërë të largohet njëherë e përgjithmonë“, theksoi Dreshaj.

Related Topics:
Continue Reading

Lajmet

Klinë: Dy të arrestuar për lojëra të fatit të jashtëligjshme, sekuestrohen katër vetura

Published

4 seconds ago

on

September 9, 2025

By

Dy persona janë arrestuar gjatë një aksioni kundër organizimit të lojërave të fatit të jashtëligjshme. Gjatë operacionit policor, përveç arrestimit të dy personave, janë sekuestruar edhe katër automjete, të cilat dyshohet se janë përdorur nga të implikuarit për zhvillimin e veprimtarisë së jashtëligjshme ose për t’u larguar nga vendi i ngjarjes.

“Klinë / 08.09.2025 – 21:40. Janë arrestuar dy të dyshuar meshkuj kosovarë për shkak se të njëjtit dyshohet se bashkë me disa persona tjerë kanë kryer veprën penale të lartëcekur. Po ashtu në vendin e ngjarjes janë sekuestruar katër vetura që dyshohet se u takojnë personave që janë të implikuar në rast dhe me të vërejtur policinë kanë ikur nga vendi i ngjarjes. Në konsultim me prokurorin pas inicimit të rastit dy të dyshuarit janë dërguar në mbajtje.” thuhet në njoftim nga Policia e Kosovës./D.B/UBTNews

Continue Reading

Lajmet

Kosova ballafaqohet sot me Spanjën për Euro U21

Published

7 minutes ago

on

September 9, 2025

By

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Continue Reading

Bota

Bombardimet e sotme në Gaza, vriten 11 persona, 20 rezultojnë të zhdukur

Published

8 minutes ago

on

September 9, 2025

By

Të paktën 11 persona janë vrarë dhe mbi 20 rezultojnë të zhdukur pas sulmeve ajrore izraelite në Rripin e Gazës që nga agimi i ditës së sotme.

Sipas Al Jazeera, sulmet kanë shkaktuar shkatërrime të mëdha dhe rritje të shqetësimeve për gjendjen humanitare në rajon./D.B/EO

Continue Reading

Lajmet

​Arrestohet një shtetas serb në Kamenicë, solli mall ilegalisht nga Serbia

Published

9 minutes ago

on

September 9, 2025

By

Policia e Kosovës njofton se kanë parandaluar kontrabandimin me mallra nga Serbia në Kamenicë.

Sipas policisë, një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale, në vlerë rreth 10 mijë euro.

“Kamenicë / 08.09.2025 – 20:20. Njësia policore ka ndaluar një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale. Vlera e mallit llogaritet rreth 10.000 €”, thuhet në raportin 24 orësh të Policisë.

Policia njofton po ashtu se i dyshuari është arrestuar dhe pas inicimit të rastit me vendim të prokurorit është dërguar në mbajtje, ndërsa malli është dërguar në terminalin doganor./D.B/KP

Continue Reading

Të kërkuara