Lajmet

Drejtori i Policisë së Kosovës jep garancinë për mbajtjen e Kadri Veselit në arrest shtëpiak

Kjo është bërë e ditur nga shkresa e mbrojtjes që i është dorëzuar gjykatës.

Publikuar

Mbrojtja e Kadri Veselit ka kërkuar nga gjykatësi i procedurës paraprake, Nicolas Guillou, që i mbrojturi i tyre të lirohet në arrest shtëpiak, me arsyetimin se drejtori i Policisë së Kosovës, Samedin Mehmeti, ka dhënë garanci të qartë.

Kjo është bërë e ditur nga shkresa e mbrojtjes që i është dorëzuar gjykatës.

Në shkresën e mbrojtjes, ata pohojnë se për momentin ka dy ndryshime të qarta në rrethana që kanë lindur që nga vendimi i fundit i rishikimit të paraburgimit. Sipas tyre, të dyja ato ofrojnë një bazë të qartë për t’i dhënë fund paraburgimit të Veselit në Njësinë e Paraburgimit të Gjykatës Speciale dhe për ta kthyer atë në arrest shtëpie në kushtet strikte të propozuara nga Mbrojtja dhe të detajuara në Aneksin 2 nga Drejtori i Policisë.

“Së pari, Drejtori i Policisë tani ka dhënë një garanci të qartë, e cila drejtpërsëdrejti adreson dhe zbut rrezikun e vetëm të identifikuar nga gjyqtari i procedurës paraprake në vendimin e tij të mëparshëm: konkretisht se bisedat e pamonitoruara mes z. Veseli dhe familjes së tij dhe vizitorëve mund të pengojnë progresin e procedurave të gjykatave apo për shkak të rrezikut të kryerjes së së krimeve të mëtejshme”, thuhet në shkresën e mbrojtjes.

Sipas mbrojtjes, letra konfirmon se forcat policore të Kosovës janë më se të afta dhe të gatshme për të zbatuar çdo kusht apo urdhër të caktuar nga gjyqtari i procedurës paraprake për lirim të përkohshëm apo ndonjë çështje tjetër.

Tutje, thuhet se një rishikim i kujdesshëm i masave specifike që Forcat Policore të Kosovës janë të gatshme dhe në gjendje për të ndërmarrë, sugjeron që në disa aspekte se Forcat Policore të Kosovës janë më të pajisura për të zbatuar kushtet e gjykatave sesa homologët e tyre në Njësinë e Paraburgimit të Gjykatës Speciale.

Sipas shkresës, angazhimi i detajuar i ndërmarrë nga Policia e Kosovës është një ndryshim i qartë i rrethanave dhe zbut drejtpërdrejtë rrezikun e identifikueshëm që gjyqtari i procedurës paraprake paraprakisht konstatoi se përbënte arresti shtëpiak.

Tutje, thuhet se mbrojtja pohon se qëllimi parandalues ​​i paraburgimit të Veselit tani mund të arrihet qartë përmes mjeteve më pak kufizuese.

Në vijim thuhet se siç u përmend më lart, më 2 korrik 2021, gjyqtari i procedurës paraprake konstatoi se lirimi i përkohshëm do të zbuste rrezikun e arratisjes.

Por sipas mbrojtjes, duke pasur parasysh natyrën e përgjithësuar të përgjigjes së mëparshme nga Drejtori i Policisë, kushtet e propozuara dhe asnjë kusht tjetër të vendosur nga Gjyqtari i procedurës paraprake nuk mundi të zbusë nenin 41(6)(b)(ii) dhe (iii) të Ligjit.

“Gjykatësi i procedurës paraprake vuri në dukje veçanërisht rrezikun e bisedave të pamonitoruara ndërmjet z. Veseli dhe anëtarëve të familjes së tij dhe vizitorëve”, thuhet në këtë shkresë.

Sipas mbrojtjes, nga letra e Mehmetit dhe përkushtimi i tij për zbatimin e urdhrave të Gjykatës, është e qartë se forcat e tij policore do të zbusin plotësisht çdo rrezik të paraqitur nga Lirimi i Përkohshëm.

“Nga pikëpamja e sigurisë, arresti shtëpiak i parashikuar nga këto kushte është kategorikisht një protokoll sigurie po aq i fortë sa ato të parashikuara nga Njësia e Paraburgimit të Gjykatës Speciale. Dallimi i vetëm i rëndësishëm është se këto protokolle i lejojnë z. Veseli të kalojë periudhën paraprake me gruan dhe fëmijët e tij të vegjël”, thotë mbrojtja./betimiperdrejtesi.com/

Lajmet

Asociacioni kusht për anëtarësim në KiE?

Publikuar

nga

Pas gati dy vitesh nga koha e aplikimit për anëtarësim në Këshillin e Evropës, në mes të muajit maj pritet që të votohet në fazën finale për anëtarësimin e Kosovës në këtë Këshill. Por ende Kosova po përballet me pasigurinë e anëtarësimit të plotë.

Së fundmi edhe i dërguari amerikan për Ballkanin Perëndimor, Gabriel Escobar, tha se anëtarësimi është i lidhur me themelimin e asociacionit të komunave me shumicë serbe.

Deklaratat e tilla politologu Albinot Maloku i quan presion për asociacionin, duke shfrytëzuar momentumin kritik kur Kosova është vetëm një hap pranimit.

“Tani po shfrytëzohet momentumi që t’i bëhet presion Kosovës për Asociacionin e Komunave me Shumicë Serbe, çdo çështje që ndërlidhet tani ndërlidhet me pjesën e sektorit politikë të shfrytëzimit të momentumit ndaj Kosovës, a është i drejtë asesi nuk është i drejtë, por që republika e Kosovës ka pasur eksperienca me këso lloj presione dhe me këso lloj kushtëzimesh për të gjitha proceset, kujtojmë çështjen e liberalizimit të vizave që ndërlidhej me demarkacionin në mes kufirit Kosovës dhe Malit të Zi dhe çështjeve të tjera”, deklaroi ai.

E në rast se Kosova nuk arrin të anëtarësohet në këtë Këshill, atëherë sipas Malokut ky do të ishte dështim.

“Mosfutja e Kosovës në këtë proces do të jetë dështim i llojit dhe praktikë e përsëritur që merr kohë për diçka që do duhej të kryhej në kohën e duhur siç ishte edhe çështja e liberalizimit të vizave që na mori kohë si pasojë e veprimeve në lidhje me demarkacionin edhe që më në fund ndodhi për qeverinë aktuale pavarësisht se ishte kundështuese e madhe e atij procesi ndodhi dhe u bë që të jetë çështje e mbyllur”, shtoi ai.

Por çështja e anëtarësimit ose jo në Këshill të Evropës, ndërlidhet edhe me një faktor tjetër.

“Ka pasur një angazhim qoftë të parlamentit të republikës së Kosovës dhe komisioneve përkatëse, por edhe të politikës së jashtme, mirëpo kam përshtypjen për arsyejnë kjo ndërlidhet me veprimet e kryeministrit të vendit dmth të qeverisjes së Kosovës sa i përket kërkesave decidive të faktorit ndërkombëtar, dhe Shteteve të Bashkuara të Amerikës që të ecet drejt implementimit të po-s së kryeministrit Kurtit të thënë në Bruksel dhe në Ohër”, deklaroi ai.

Takimi i Këshillit të Evropës pritet të mbahet më 16 maj, ku së paku dy e treta e 46 anëtarëve të këtij Këshilli duhet të jenë në favor të vendit./UBTNews/

Realizoi: Dea Berisha

Vazhdo të lexosh

Lajmet

Pezullimi i armëve nga SHBA për Izraelin nuk do të ketë ndikim në operacionet e Izraelit në Rafah

Publikuar

nga

Elijah Magnier, një analist ushtarak dhe politik, thotë se masa e presidentit amerikan, Joe Biden për të kufizuar disa armë në Izrael nuk do të ndryshojë strategjinë e kryeministrit izraelit, Benjamin Netanyahu në Rafah.

“Kjo nuk do të ndryshojë asnjë nga planet e Netanyahut për të pushtuar Rafahun”, tha Magnier për Al Jazeera.

“Përkundrazi, do t’i japë atij kohë të mjaftueshme për të kaluar më shumë kohë në Rafah dhe për të ecur shumë ngadalë për t’u siguruar që kjo luftë do të zgjasë sa më gjatë të jetë e mundur”, shtoi ai.

Magnier shtoi se pauza e armëve amerikane është e parëndësishme sepse zbatohet vetëm për “bombat inteligjente, jo bombat memece, të cilat Izraeli i ka mjaft dhe i ka përdorur për shtatë muajt e fundit”./UBTNews/

Vazhdo të lexosh

Lajmet

​Kërkohet paraburgim ndaj të dyshuarit për ngacmim të vazhdueshëm seksual

Publikuar

nga

Prokuroria Themelore në Gjakovë ka marrë aktvendim për fillimin e hetimeve dhe ka paraqitur kërkesë, në Gjykatën Themelore në Gjakovë, për caktimin e masës së paraburgimit në kohëzgjatje prej 30 ditësh ndaj të pandehurit me inicialet A.D.

Sipas kërkesës së Prokurorisë, ekziston dyshimi i bazuar se i pandehuri nga muaji dhjetor i vitit 2023 e deri me datën 08 maj 2024, në Gjakovë, e ka ngacmuar seksualisht në vazhdimësi një të mitur.

“Sipas kërkesës së Prokurorisë, ndër të tjera ceket se ekziston dyshimi i bazuar se i pandehuri me inicialet A.D., nga muaji Dhjetor i vitit 2023 e deri me dt.08.05.2024, në Gjakovë, e ngacmon seksualisht në vazhdimësi personin e dobët të dëmtuarën/e mitur, në formë të sjelljes së padëshiruar verbale dhe jo verbale të natyrës seksuale me qellim të cenimit të dinjitetit, në atë mënyre që pasi që i pandehuri dhe e dëmtuara/e mitur ishin njoftuar përmes rrjeteve sociale, i dërgon mesazhe të natyrës seksuale, me të cilat veprime të dëmtuarës ia cenon dinjitetin dhe tek e njëjta krijon një mjedis i cili objektivisht është frikësues, degradues dhe poshtërues”, thuhet në njoftimin e prokurorisë.

Tutje sipas njoftimit me këto veprime formohet dyshimi i bazuar se i pandehuri ka kryer veprën penale, ngacmim seksual në vazhdimësi.

Vazhdo të lexosh

Kulturë, Lifestyle

Televizioni belg ndërpret transmetimin e Eurovisionit

Publikuar

nga

Televizioni i Belgjikës, VRT ndërpreu transmetimin e kompeticionit të këngës, Eurovision, të enjten mbrëma, për të dhënë një mesazh përmes së cilit dënon luftën e Izraelit në Gaza dhe shtypjen e lirisë së shtypit.

“Ne dënojmë shkeljet e të drejtave të njeriut nga shteti izraelit. Përveç kësaj, Izraeli po shkatërron lirinë e shtypit”, thuhet në mesazhin e transmetuar. “Prandaj, ne po bëjmë një pushim të përkohshëm nga transmetimi ynë. Tani, armëpushim”.

Thirrjet ndaj Eurovisionit për t’ia ndaluar pjesëmarrjen Izraelit, i cili tashmë ka rezervuar biletën për finalen e madhe të konkursit, janë rritur në mes të luftës në Gaza.

Eurovision i rezistoi thirrjeve për të larguar Izraelin, por i kërkoi vendit të modifikojë tekstin e këngës së tij origjinale, “October Rain”, e cila dukej se i referohej sulmit të 7 tetorit të Hamasit./UBTNews/

Vazhdo të lexosh

Të kërkuara