Lajmet

Dobësohuni duke ngrënë këto ushqime

Luleshtrydhet – Jo vetëm shumë të shijshme, por përmbajnë enzima të cilat ndikojnë në rritjen e konsumit të trupit.

Published

4 years ago

August 7, 2022

UBT.News

Ju paraqesim një listë me ushqime të dobishme për të gjithë ata që kërkojnë të humbin disa kilogramë nga pesha e tyre.

Mandarina – Një produkt i pasur me vitaminë C, mandarina përmban përqindje të larta uji dhe këshillohet ngrënia e tyre në momente të ndryshme të ditës, për të bërë të mundur mbajtjen e një niveli të lartë të metabolizmit.

Portokalli – Ashtu si mandarinat janë shumë të pasur me vitamina C dhe përmbajnë vetëm 45 kalori.

Luleshtrydhet – Jo vetëm shumë të shijshme, por përmbajnë enzima të cilat ndikojnë në rritjen e konsumit të trupit.

Karota – Të gjithëve u kanë thënë që të vegjël që të bëjnë mirë për shikimin dhe kjo është e vërtetë. Ato përdoren gjerësisht edhe në shumicën e dietave të rekomanduara.

Kungulli – 100 gramë kungull përmbajnë vetëm 15 kalori. Kungulli është një produkt që të ngop, por në të njëjtën kohë nuk të shëndosh.

Speci – Të përdorur prej shumë kohësh si shoqërues të shumë pjatave, specat kanë meritën që përshpejtojnë metabolizmin, ndërsa speciat djegës janë shumë më të rekomanduar se salcat pikante apo tabasko, të pasura me shumë kalori.

Lajmet

Zbulim i ri arkeologjik në Spanjë: Një dhomë romake mendohet të ketë qenë bibliotekë e lashtë

Published

39 minutes ago

July 30, 2026

UBT News

Një zbulim i ri arkeologjik në kompleksin romak Fuente Álamo, në Kordobë të Spanjës, mund të ndryshojë mënyrën se si kuptohet historia e këtij vendbanimi antik.

Sipas një studimi të publikuar në Journal of Mediterranean Archaeology, një dhomë që më parë besohej se ishte një faltore kushtuar perëndisë Mithra, mund të ketë shërbyer si bibliotekë romake.

Studiuesit nga universitetet e Kordobës dhe Granadës kanë arritur në përfundimin se Dhoma 10 është rimodeluar në shekullin e IV pas Krishtit dhe mund të jetë protobiblioteka më e vjetër e zbuluar deri më sot në Gadishullin Iberik, si dhe biblioteka më perëndimore e njohur në Perandorinë Romake.

Analizat arkitekturore kanë zbuluar elemente tipike të bibliotekave romake, përfshirë një absidë, kamare për ruajtjen e dorëshkrimeve, podium dhe hapësira që mund të kenë shërbyer për punë ose magazinim.

Nëse konfirmohet përfundimisht, kjo bibliotekë do të përbënte një nga zbulimet më të rëndësishme për studimin e jetës kulturore dhe intelektuale në Perandorinë Romake./A.K/

Lajmet

Sulm ndaj zyrtarëve policorë në Rahovec, një person dërgohet në mbajtje

Published

49 minutes ago

July 30, 2026

UBT News

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Lajmet

Inspektim në 65 auto-parkingje në Prishtinë, evidentohen shkelje tatimore

Published

49 minutes ago

July 30, 2026

UBT News

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Lajmet

Arrestohet një person në Lipjan për ngacmim seksual

Published

51 minutes ago

July 30, 2026

UBT News

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/