Aktualitet

Dita Botërore e Turizmit, Kumbaro: Të promovojmë bukuritë e Shqipërisë

“Ky vit na dha optimiziëm në Shqipëri, duke shkuar në nivelet e atij 2019 për numrin e vizitorëve”.

Published

4 years ago

September 27, 2021

Betim Gashi

Ministrja e Turizmit, Mirela Kumbaro tha sot se “27 shtatori, Dita Botërore e Turizmit, këtë herë më fort se ndonjëherë thërret për nevojën e një zhvillimi gjithëpërfshirës e të qëndrueshëm”.

Kumbaro shprehet se “një ditë mund të mos mjaftojë për ta bërë turizmin, por një ditë kushtuar turizmit na shërben për të reflektuar vizionin ku duhet e ku duam të shkojmë. Pas një viti shumë të vështirë në të cilin pandemia goditi shëndetin, por edhe ekonomitë dhe planet zhvillimore, ku të gjithëve, por sidomos operatorëve turistikë iu desh të shtrëngonin dhëmbët për të përballuar një situatë që as do ta kishim imagjinuar ndonjëherë në skenarët më pesimistë, ky vit na dha optimiziëm në Shqipëri, duke shkuar në nivelet e atij 2019 për numrin e vizitorëve”.

“Arsye për t’u gëzuar, por ende jo për të festuar. Janë të dhëna që tregojnë se në Shqipëri ka dashuri gëluese për detin, rërën, alpet dhe liqenet, për bujtinat dhe agroturizmin, për festat e koncertet në peizazhe të pashoqa. Ama na vendos po ashtu në tehun e përgjegjësisë reale, jo thjesht për demagogji se kështu na e do detyra, por për të vazhduar politikat e mira, për ta promovuar bukurinë që kemi brenda nesh, për të bashkëpunuar me më shumë partnerë. E përpos së gjithave, për t’u zhvilluar të gjithë së bashku për një turizëm gjithëpërfshirës, siç është tematika që ka zgjedhur këtë herë Organizata Botërore e Turizmit, përgjatë gjithë vitit, që mendon shumë për plazhin, por edhe më shumë për fshatrat”, nënvizon Kumbaro.Kumabro thekson se “për vendet tipike ku turistët mezi ç’presin të shkojnë, por çmon fort edhe zonat e fshehta që ruajnë perla natyrore. Që ndihmon investitorët strategjikë për struktura me pesë yje, por nxit edhe ekoturizmin si formën më të mirë për njohjen e kulturës dhe historisë natyrore të mjedisit, mbrojtjen e ekosistemit dhe krijimin e mundësive ekonomike duke ruajtur me fanatizëm natyrën. Për turizmin si mundësi zhvillimi, në Shqipërinë tonë. Në shtëpinë tonë”.

Kumbaro në Ditën Botërore të Turizmit publikoi një video nga Peshtani, midis Tepelenës dhe Përmetit, duke e cilësuar një ekoturizëm në territor.

Rajoni

UBT sjell programin e mençur për sigurinë kibernetike në Konferencën më të madhe të IEEE-së për Teknologji dhe Siguri – “Smart Security for Smart Cities”

Published

1 day ago

November 10, 2025

Driton Iseni

Rektori i UBT-së, Prof. Dr. Edmond Hajrizi, prezantoi në Romë rezultatet e punës shkencore dhe inovative të ekipit të UBT-së dhe Universitetit të Sofjes për zhvillimin e programit të mençur për sigurinë kibernetike, i cili po implementohet tashmë në qytetin e mençur të UBT-së. Ky prezantim rriti interesimin e pjesëmarrësve, të cilët shtruan pyetje dhe shprehën kërkesën për implementimin e këtij modeli edhe në vende dhe sisteme të tjera në botë.

Gjatë Konferencës më të madhe të IEEE-së për Teknologji dhe Siguri, Rektori Hajrizi prezantoi temën “Advanced Techniques for Reconnaissance and Enumeration in Internal Network Security Assessments”, duke përfshirë rezultatet e punimeve shkencore të realizuara nga ai dhe kolegët nga UBT dhe Universiteti i Sofjes për Teknologji, në kuadër të programit për avancime shkencore.

Në kuadër të konferencës dhe panairit të teknologjisë, Rektori pati mundësinë të takojë përfaqësues dhe ekspertë nga ushtritë pjesë e Aleancës së NATO-s, ushtria italiane dhe amerikane, universitete të ndryshme nga e gjithë bota, si dhe përfaqësues të kompanive kryesore të sektorit teknologjik. Ai gjithashtu takoi Prof. DePonte, udhëheqësin e konferencës, me të cilin ranë dakord për nismat dhe marrëveshjet e bashkëpunimit në fusha specifike.

Rektori Hajrizi prezantoi punën e bërë në UBT në fushat e shkencës dhe teknologjisë që lidhen me sektorin e mbrojtjes, sigurisë dhe menaxhimit të infrastrukturës kritike dhe të qëndrueshme, duke vënë theks të veçantë në sigurinë kibernetike, robotikë, teknologjinë e droneve, 5G, Internet of Things, Digital Twins dhe Inteligjencën Artificiale. Ai prezantoi gjithashtu një sërë projektesh të financuara nga UBT dhe Bashkimi Evropian, të cilat kanë rezultuar me produkte dhe aplikacione inovative.

IEEE është një nga organizatat më prestigjioze në botë, dhe punimet e saj vlerësohen jashtëzakonisht shumë ndërkombëtarisht. Prof. Dr. Edmond Hajrizi është anëtar i rregullt i IEEE-së dhe kontribuon prej vitesh me punime dhe organizimin e eventeve të saj. UBT ka një kontribut të spikatur në kuadër të konferencave të IEEE-së.

Vendi

Exit Polli e nxjerrë fitues Përparim Ramën në Prishtinë

Published

2 days ago

November 9, 2025

Driton Iseni

Përparim Rama nga LDK ka dalë i pari në sondazhet e televizionit Dukagjini.

Sipas këtij exit pollit të UBO-Consulting, rezulton që Rama merr 54.1 për qind, ndërsa kundër kandidati i tij, Hajrulla Çeku 45.9 për qind.

Ndërsa sipas exit pollit të Klan Kosovës, përparim Rama ka 53.62 për qind, ndërsa Hjarulla Çeku 46.38 për qind.

Rajoni

Rektori Hajrizi viziton UniMarconi në Romë

Published

3 days ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.