Lajmet

​Dita Botërore e Higjienës Menstruale, kërkohet të hiqet taksa për produktet esenciale

Published

on

Me fushatën “Peceta nuk është luks”, Qendra për Informim Kritik dhe Aksion (QIKA), në ditën ndërkombëtare të higjienës, kanë nisur kampanjën një javore me qellim të heqjes së taksës 18% nga institucionet e Kosovës për pecetat menstruale.

Sipas organizatores nga QIKA, Medinë Dauti, është shumë e rëndësishme që taksa të hiqet pasi siç ka thënë ajo, pecetat menstruale nuk duhet të konsiderohen si tabu apo luks por duhet të jenë të qasshme për secilën femër falas ose zvogëlim të taksës për këto produkte.

“Kjo taksë përpos që është seksiste, njëkohësisht i konsideron produktet menstruale si produkte luksi, ne që katër vite radhazi jemi duke kërkuar të hiqet kjo taksë ose të paktën me u zvogëlu meqenëse qasja në produkte menstruale nuk duhet konsideruar si luks por domosdoshmëri për secilën grua apo vajzë ose person që menstruon. Sot kemi dal me shpërnda peceta menstruale falas në shesh”, tha ajo.

Ajo gjithashtu ka theksuar se QIKA, është munduar në katër vitet e fundit të krijojë fushata për heqjen e stigmatizimit për ciklin menstrual dhe për Dautin e rëndësishme është që edhe institucionet të merren me zgjedhjen e këtij problemi sa më shpejt.

“Kemi dalë në shesh për ta festuar ditën ndërkombëtarë të higjienës menstruale, QIKA për të katërtin vit radhazi organizon kampanjën e cila është një javore, kampanja titullohet fushata kundër varfërisë menstruale dhe stigmatizimit të menstruacioneve njëkohësisht në kuadër të kampanjës kemi specifikisht fushatën që e zhvillojmë “peceta nuk është luks” ku përmes kësaj kampanje ne bëjmë thirrje në institucione të Kosovës për ta hequr taksen prej 18% që i taksojnë produktet menstruale”, tha ajo.

Ndërsa për disa nga qytetarët, këto kampanja që janë ndërmarrë nga organizata QIKA janë mjaft të qëlluara dhe e përqafojnë idenë e krijuar për shpërndarjen e pecetave menstruale falas për femrat.

Për Shefkie Deliun kjo kampanjë është e mirë dhe duhet të vazhdohet ndërgjegjësimi i qytetarëve dhe të bëhet përkrahje më e madhe për gjininë femërore në lidhje me ciklin menstrual.

“Unë jam e gëzuar që po dilni kështu e po i përkrahni femrat, shumë, shumë. Ma mirë nuk ka”, tha ajo.

“Kampanja kundër varfërisë dhe stigmatizimit të menstruacioneve”, do të vazhdojë të jetë e qasshme për qytetarët për një javë ditë rresht, në të cilën do të jepen peceta menstruale falas me qëllim të ndërgjegjësimit dhe heqjes së tabuve në lidhje me ciklin menstrual.

Aktualitet

UBT përgatit liderët e së ardhmes në energji: Edhe pak vende të lira për regjistrim

Published

on

UBT njofton se kanë mbetur edhe pak vende të lira për regjistrim në programin Inxhinieri e Energjisë, një ndër drejtimet më inovative dhe më me perspektivë për të ardhmen.

Ky program synon të përgatisë profesionistë të aftë të kombinojnë energjitë tradicionale dhe burimet e rinovueshme, të përdorin teknologjitë më të fundit dhe të menaxhojnë në mënyrë efikase resurset energjetike, duke kontribuar në ndërtimin e një të ardhmeje të gjelbër dhe të qëndrueshme.

Të gjithë të interesuarit që regjistrohen përfitojnë nga bursa 20%, një lehtësim i rëndësishëm për të rinjtë që duan të jenë pjesë e gjeneratës së re që transformon industrinë energjetike.

Falë qasjes moderne të mësimdhënies, laboratorëve të pajisur me teknologjitë më të reja dhe stafit akademik me përvojë, studentët e UBT-së jo vetëm që fitojnë njohuri teorike, por edhe aftësi praktike që i bëjnë të kërkuar në tregun vendor dhe ndërkombëtar të punës.

Regjistrimi bëhet thjeshtë dhe shpejt përmes linkut: APLIKO TANI ONLINE!

Continue Reading

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Bota

Presidenti serb Vuçiq do të jetë pjesëmarrës në paradën ushtarake në Kinë

Published

on

Presidenti i Serbisë Aleksandar Vuçiq do të jetë pjesë e paradës ushtarake në Kinë, duke dëshmuar kështu lidhjet e ngushta të Beogradit zyrtar me regjimin komunist në Pekin.

Me ftesë të presidentit kinez Xi Jinping, 26 liderë të huaj do të marrin pjesë në përkujtimet e Ditës së Fitores në Pekin, njoftoi të enjten ndihmës ministri i Jashtëm Hong Lei.

Kina do të organizojë një paradë masive ushtarake më 3 shtator për të përkujtuar 80-vjetorin e fitores ndaj Japonisë dhe përfundimin zyrtar të Luftës së Dytë Botërore.

Në mesin e shumë liderëve që do të marrin pjesë janë edhe lideri rus Vladimir Putin, me të cilin regjimi në Beograd mban lidhje të ngushta, lideri veri-korean Kim Jong-Un dhe përfaqësues nga Vietnami, Laosi Mongolia, Nepali, Kazakistani, Uzbekistani, Irani, Kongo, Zimbabveja, Sllovakia, Kuba etj.

Continue Reading

Aktualitet

Gjykata Supreme refuzon ankesën e Korab Mushkolajt për certifikim në zgjedhjet lokale

Published

on

Gjykata Supreme e ka hedhur poshtë ankesën e kandidatit të Partisë Demokratike të Kosovës për kryetar të Deçanit, Korab Mushkolaj, paraqitur kundër vendimit të PZAP-së pasi iu refuzua certifikimi për zgjedhjet e 12 tetorit.

“Ankesa është e pa themeltë”, ka vendosur Supremja.

Zyra për Regjistrim, Certifikim dhe Kontrollin Financiar të Subjekteve Politike pas vërtetimit se Mushkolaj është i angazhuar me aktemërim të përhershëm të Ministrisë së Jashtme si zyrtar i lartë, i pati kërkuar PDK-së që ta zëvendësojë atë, por partia pati refuzuar ta bëjë këtë gjë. Zyra më pas ka rekomanduar certifikimin e të gjithë kandidatëve të tjerë të PDK-së, përveç Mushkolajt. PZAP po ashtu ia ka refuzuar ankesën Mushkolajt, siç parashihet me Ligjin për Shërbimin e Jashtëm, i cili nuk lejon kandidimin e një anëtari të shërbimit të jashtëm.

Gjykata Supreme e ka pranuar konstatimin e PZAP-së, teksa ka theksuar se moscertifikimi i Mushkolajt nuk është i kundërligjshëm.

“Prandaj, nga këtu, kjo Gjykatë, konsideron se në rastin konkret juridik, është marrë vendim i drejtë, me të cilin nuk është bërë diskriminim dhe lidhur me rastin konkret nuk është cenuar e drejta zgjedhore dhe ndonjë e drejtë themelore e paraparë me Ligj dhe me Kushtetutën e Republikës së Kosovës, nuk janë shkelur parimet themelore të procesit zgjedhor të parapara shprehimisht me dispozitat e nenit 4 të Ligjit Për Zgjedhjet e Përgjithshme në Republikën e Kosovës dhe me dispozitat përkatëse të Konventës Evropiane të Drejtave të Njeriut”, thuhet në vendim.

Continue Reading

Të kërkuara