Lajmet

Disney heq një episod të “The Simpsons” në të cilin flet për punën e detyruar në Hong Kong

Episodi nuk është më i disponueshëm në platformën Disney+ në Hong Kong.

Published

3 years ago

on

Disney hoqi një episod të “The Simpsons” që flet për “kampet e punës së detyruar” në Kinë nga platforma e saj e transmetimit në Hong Kong.

Episodi që u shfaq për herë të parë në tetor të vitit të kaluar dhe titullohet “One Angry Lisa”, flet për një skenë në të cilën Marge Simpson ndjek një klasë virtuale për biçikletë me një instruktor para një sfondi virtual të Murit të Madh të Kinës. Instruktori thotë: “Shikoni mrekullitë e Kinës. Minierat e Bitcoin, kampet e punës së detyruar ku fëmijët prodhojnë smartfonë dhe romanca”.

Përdorimi i punës së detyruar nga Kina dhe kampet e internimit masiv për të kontrolluar pakicën myslimane ujgure në rajonin e Xinjiang-ut kulmoi me një vlerësim të OKB-së, sipas të cilit veprimet e Pekinit mund të përbëjnë krime kundër njerëzimit. Megjithatë Kina hedh poshtë çdo pretendim për shkelje të të drejtave të njeriut në Xinjiang.

Episodi nuk është më i disponueshëm në platformën Disney+ në Hong Kong.

Kjo është hera e dytë që platforma akuzohet për autocensurë në Hong Kong. Në vitin 2021, thuhet se publikoi një episod të “The Simpsons” që i referohej sheshit Tiananmen, vendi ku u krye masakra brutale kundër protestuesve pro-demokracisë në Pekin në vitin 1989./UBTNews/

Related Topics:
Continue Reading

Lajmet

Zbulim i ri arkeologjik në Spanjë: Një dhomë romake mendohet të ketë qenë bibliotekë e lashtë

Published

57 minutes ago

on

July 30, 2026

By

Një zbulim i ri arkeologjik në kompleksin romak Fuente Álamo, në Kordobë të Spanjës, mund të ndryshojë mënyrën se si kuptohet historia e këtij vendbanimi antik.

Sipas një studimi të publikuar në Journal of Mediterranean Archaeology, një dhomë që më parë besohej se ishte një faltore kushtuar perëndisë Mithra, mund të ketë shërbyer si bibliotekë romake.

Studiuesit nga universitetet e Kordobës dhe Granadës kanë arritur në përfundimin se Dhoma 10 është rimodeluar në shekullin e IV pas Krishtit dhe mund të jetë protobiblioteka më e vjetër e zbuluar deri më sot në Gadishullin Iberik, si dhe biblioteka më perëndimore e njohur në Perandorinë Romake.

Analizat arkitekturore kanë zbuluar elemente tipike të bibliotekave romake, përfshirë një absidë, kamare për ruajtjen e dorëshkrimeve, podium dhe hapësira që mund të kenë shërbyer për punë ose magazinim.

Nëse konfirmohet përfundimisht, kjo bibliotekë do të përbënte një nga zbulimet më të rëndësishme për studimin e jetës kulturore dhe intelektuale në Perandorinë Romake./A.K/

Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

1 hour ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

1 hour ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

1 hour ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Të kërkuara