Lajmet nga UBT

Diplomohen tetë studentë të Gjuhës Angleze në UBT, gati për botën ndërkombëtare

Published

on

Në kampusin modern dhe inovativ të UBT-së, u zhvillua një ngjarje e rëndësishme, ku tetë studentë të Fakultetit të Gjuhës Angleze arritën të mbrojnë me sukses temën e diplomës, duke shënuar një arritje të shquar në një kohë kur njohuritë dhe aftësitë në gjuhën angleze janë më të rëndësishme se kurrë. Në një botë ku gjuha angleze është kthyer në një kërkesë themelore për tregun e punës dhe për të gjithë ata që dëshirojnë të jenë konkurrent në nivel ndërkombëtar, ky diplomim është një hap i domosdoshëm drejt mundësive të pafundme.

Ky moment triumfi është kulmi i një periudhe të gjatë përkushtimi dhe angazhimi të thellë, gjatë së cilës këta të rinj kanë investuar ditë e natë për të arritur majat e dijes dhe për t’u përgatitur për sfidat që i presin në karrierën e tyre profesionale. Ata kanë përvetësuar jo vetëm gramatikën dhe fjalorin e gjuhës angleze, por gjithashtu kanë studiuar thellësisht kulturën, letërsinë dhe traditat e pasura që e shoqërojnë atë, duke u bërë kështu profesionistë të vërtetë të një fushe që ofron mundësi të pafundme në tregjet e punës, jo vetëm kombëtare, por edhe ndërkombëtare.

Në këtë ngjarje të shënuar, Dekania e Fakultetit, Prof. Dr. Alma Lama, shprehu një krenari të thellë për suksesin e studentëve dhe nënvizoi rëndësinë e përgatitjes akademike që ata kanë marrë. Ajo theksoi se gjuha angleze është një nga asetet më të vlefshme që mund të kenë ata, jo vetëm për t’u integruar në tregun e punës, por edhe për të kontribuar në avancimin e shoqërisë dhe për të pasur mundësi të realizojnë karriera ndërkombëtare. Prof. Lama gjithashtu falënderoi profesorët për përkushtimin dhe punën e tyre të palodhur, të cilët me pasion kanë formuar dhe edukuar këtë brez të ri profesionistësh.

E sipas dekanes, këta të diplomuar tani janë më të gatshëm se kurrë të përballojnë sfidat e tregut të punës dhe të kontribuojnë në zhvillimin e shoqërisë, duke sjellë njohuri të thella dhe ide të reja, të mbështetura nga një arsim i shëndoshë dhe një angazhim i palëkundur. Ky diplomim është një dëshmi e mundësive të jashtëzakonshme që gjuha angleze ofron dhe një hap i sigurt në një rrugëtim të suksesshëm për të gjithë të diplomuarit, të cilët tashmë janë të gatshëm të ndërtojnë të ardhmen e tyre në një botë gjithnjë e më të ndërlidhur dhe ndërkombëtare./UBTNews/

Lajmet nga UBT

Rektori i UBT-së merr pjesë në Kosova Health Forum 2025, duke theksuar rolin kyç të arsimit në zhvillimin e sektorit të shëndetësisë

Published

on

Rektori i UBT-së, Prof. Dr. Edmond Hajrizi, mori pjesë në Kosova Health Forum 2025, ku u diskutuan zhvillimet, sfidat dhe transformimet e nevojshme për avancimin e sistemit shëndetësor në Kosovë. Gjatë forumit, Rektori Hajrizi solli perspektivën e arsimit të lartë si një komponent thelbësor në formimin e profesionistëve të shëndetësisë dhe në forcimin e kapaciteteve të sektorit.

Në fjalën e tij, Rektori Hajrizi theksoi se UBT ka luajtur një rol vendimtar në krijimin dhe zhvillimin e programeve të reja shëndetësore, duke ndërtuar kapacitete që dikur nuk ekzistonin në vend. Ai nënvizoi se Kosova ka bërë përparime të rëndësishme në harmonizimin e kurrikulave me standardet dhe direktivat ndërkombëtare, duke arritur një nivel që shpesh krahasohet me vendet evropiane.

“Kosova ka hyrë në një proces të rregullimit të sistemit arsimor dhe të kurrikulave me direktiva të veçanta që e përcaktojnë qartë strukturën e kompetencave, dhe në shumë raste kemi qenë më përpara se disa vende evropiane”, tha Rektori Hajrizi.

Ai foli gjithashtu për sfidat aktuale të tregut të punës në sektorin shëndetësor, duke theksuar se rritja e kërkesës për profesionistë është ndikuar ndjeshëm nga situata në vendet evropiane, të cilat po përballen me plakjen e popullsisë dhe mungesën e fuqisë punëtore.

Continue Reading

Lajmet nga UBT

Studentët e UBT dëgjojnë historinë e mbijetesës dhe guximit nga Vasfije Buqe Goodman

Published

on

Në kuadër të 16 Ditëve të Aktivizmit kundër Dhunës me Bazë Gjinore, QKRMT, në bashkëpunim me UBT , organizoi një takim të veçantë me studentët e UBT-së.

Në takim ishte e pranishme Vasfije Buqe Goodman, gruaja që theu heshtjen dhe u bë zëri i parë që i dha dinjitet dhe vend të merituar mbijetuesve të dhunës seksuale gjatë luftës. Ky takim prekës u fokusua në ballafaqimin me të kaluarën – një proces thelbësor për shërim dhe drejtësi.

Vasfija ndau me studentët forcën e saj, rrugëtimin e vështirë drejt së vërtetës dhe mesazhin e saj të fuqishëm për mbështetjen, empatinë dhe rolin jetik të brezit të ri në thyerjen e stigmas dhe në ndërtimin e një shoqërie që nuk hesht më.

Studentët dëgjuan, reflektuan dhe u frymëzuan nga një histori që nuk është vetëm personale, por edhe një thirrje kombëtare për dinjitet, drejtësi dhe ndryshim shoqëror.

Ky aktivitet u mbështet nga Ambasada e Mbretërisë së Bashkuar, duke nxitur përpjekjet e përbashkëta për të siguruar që askush të mos mbetet vetëm përballë dhimbjes së së kaluarës.

Continue Reading

Lajmet nga UBT

Doktoresha Marianne Herzog sjell një ligjëratë inspiruese për studentët e psikologjisë në UBT

Published

on

Studentët e Psikologjisë në UBT patën mundësinë të ndjekin një ligjëratë nga Doktoresha Marianne Herzog, e cila ofroi një perspektivë të re mbi mënyrën se si frika dhe trauma mund të transformohen në histori frymëzuese dhe të fuqishme.

Gjatë ligjëratës, Doktoresha Herzog ndau përvojat dhe njohuritë e saj mbi procesin e përballimit të sfidave të jetës dhe tejkalimit të pengesave personale. Ajo tregoi se çdo moshë ka mundësinë të shfrytëzojë potencialin e vet njerëzor dhe të kthejë vështirësitë në mundësi për rritje dhe zhvillim.

Një pjesë e veçantë e ngjarjes ishte prezantimi i librit të saj, i cili trajton historitë e dhimbshme dhe traumat që shpesh fillojnë që nga fëmijëria, duke ofruar qasje praktike dhe inspiruese për përballimin e frikës dhe zhvillimin e kapaciteteve personale.

Doktoresha Marianne Herzog, e ftuar nga profesoresha Anita Sadikaj u organizua në ambientet e UBT-së nga Doktoresha Xhida Lumi dhe ekipi i saj, duke mundësuar një përvojë të pasur dhe të drejtëpërdrejtë për studentët.

Continue Reading

Lajmet nga UBT

UBT-CERT trajnon studentët në ofensivën e sigurisë kibernetike me fokus në sistemet linux

Published

on

Divizioni UBT-CERT realizoi një trajnim të specializuar për studentët e nivelit Bachelor, me tematikë në ofensivën e sigurisë kibernetike. Trajnimi, i titulluar “Attacking Linux Systems”, përfshiu pjesën teorike dhe praktike, duke u bazuar në një cybersecurity drill të simuluar brenda laboratorëve virtualë të sigurise kibernetike të UBT-së.

Gjatë këtij trajnimi, studentët u njohën me tema kyçe si Linux kernel workflow, GNU Project, dhe operacionet ofensive ndaj sistemeve Linux, duke fituar një kuptim më të thellë mbi arkitekturën dhe përdorimin e sistemeve Linux.

Pjesëmarrësit patën mundësinë të zbatojnë në praktikë njohuritë e fituara përmes një simulimi real të sigurisë, ku secili student përdori një laborator virtual për fazën e cybersecurity drill, duke aplikuar direkt konceptet e trajnuara.

Ky aktivitet është një tjetër shembull i angazhimit të UBT-së për të siguruar edukim praktik dhe të avancuar në fushën e sigurisë kibernetike, falë Laboratorit të Sigurisë Kibernetike të UBT-së, i cili ka mbi 400 laboratore virtuale që mbulojnë të gjitha shtyllat kryesore të sigurisë kibernetike në nivel praktik.

Ky trajnim jo vetëm që rrit aftësitë teknike të studentëve, por i përgatit ata edhe për sfidat reale profesionale në fushën e sigurisë kibernetike dhe teknologjisë informative.

Continue Reading

Të kërkuara