Lajmet nga UBT

Diplomohen tetë studentë të Gjuhës Angleze në UBT, gati për botën ndërkombëtare

Published

on

Në kampusin modern dhe inovativ të UBT-së, u zhvillua një ngjarje e rëndësishme, ku tetë studentë të Fakultetit të Gjuhës Angleze arritën të mbrojnë me sukses temën e diplomës, duke shënuar një arritje të shquar në një kohë kur njohuritë dhe aftësitë në gjuhën angleze janë më të rëndësishme se kurrë. Në një botë ku gjuha angleze është kthyer në një kërkesë themelore për tregun e punës dhe për të gjithë ata që dëshirojnë të jenë konkurrent në nivel ndërkombëtar, ky diplomim është një hap i domosdoshëm drejt mundësive të pafundme.

Ky moment triumfi është kulmi i një periudhe të gjatë përkushtimi dhe angazhimi të thellë, gjatë së cilës këta të rinj kanë investuar ditë e natë për të arritur majat e dijes dhe për t’u përgatitur për sfidat që i presin në karrierën e tyre profesionale. Ata kanë përvetësuar jo vetëm gramatikën dhe fjalorin e gjuhës angleze, por gjithashtu kanë studiuar thellësisht kulturën, letërsinë dhe traditat e pasura që e shoqërojnë atë, duke u bërë kështu profesionistë të vërtetë të një fushe që ofron mundësi të pafundme në tregjet e punës, jo vetëm kombëtare, por edhe ndërkombëtare.

Në këtë ngjarje të shënuar, Dekania e Fakultetit, Prof. Dr. Alma Lama, shprehu një krenari të thellë për suksesin e studentëve dhe nënvizoi rëndësinë e përgatitjes akademike që ata kanë marrë. Ajo theksoi se gjuha angleze është një nga asetet më të vlefshme që mund të kenë ata, jo vetëm për t’u integruar në tregun e punës, por edhe për të kontribuar në avancimin e shoqërisë dhe për të pasur mundësi të realizojnë karriera ndërkombëtare. Prof. Lama gjithashtu falënderoi profesorët për përkushtimin dhe punën e tyre të palodhur, të cilët me pasion kanë formuar dhe edukuar këtë brez të ri profesionistësh.

E sipas dekanes, këta të diplomuar tani janë më të gatshëm se kurrë të përballojnë sfidat e tregut të punës dhe të kontribuojnë në zhvillimin e shoqërisë, duke sjellë njohuri të thella dhe ide të reja, të mbështetura nga një arsim i shëndoshë dhe një angazhim i palëkundur. Ky diplomim është një dëshmi e mundësive të jashtëzakonshme që gjuha angleze ofron dhe një hap i sigurt në një rrugëtim të suksesshëm për të gjithë të diplomuarit, të cilët tashmë janë të gatshëm të ndërtojnë të ardhmen e tyre në një botë gjithnjë e më të ndërlidhur dhe ndërkombëtare./UBTNews/

Lajmet nga UBT

UBT përgatit liderët e së nesërmes – Studentët e Menaxhmentit në vizitë studimore në Solaborate

Published

on

By

Studentët e Fakultetit të Menaxhmentit, Biznesit dhe Ekonomisë në UBT, nën udhëheqjen e profesorit Kujtim Zylfijaj, zhvilluan një vizitë studimore në ambientet e kompanisë Solaborate – një kompani ndërkombëtare, inovative dhe me rritje të shpejtë, e cila ka shtrirë me sukses aktivitetin e saj në tregun amerikan dhe atë global.

Kjo vizitë, më shumë sesa një ekspozim ndaj realitetit të biznesit, ishte një dëshmi e drejtpërdrejtë e asaj që programi Menaxhment, Biznes dhe Ekonomi në UBT ofron për studentët: edukim bashkëkohor të ndërlidhur me praktikat më të mira të tregut, përgatitje reale për sfidat e ekonomisë moderne dhe lidhje të fuqishme me industrinë.

Gjatë vizitës, studentët patën mundësinë të kuptojnë nga afër se si funksionon një kompani që ndërthur teknologjinë, inovacionin dhe menaxhimin efikas për të ndërtuar produkte të orientuara drejt së ardhmes. Temat e diskutuara përfshinë:

  • Rekrutimin dhe mbajtjen e talenteve në një treg dinamik dhe konkurrues
  • Investimet në zhvillimin profesional të punonjësve
  • Rolin strategjik të inovacionit dhe teknologjisë në zhvillimin e biznesit
  • Menaxhimin e sfidave të tregut global dhe strategjitë për të mbetur konkurrues
  • Krijimin e një kulture organizative që nxit rritjen dhe kreativitetin

Studentët u angazhuan aktivisht me pyetje që prekën thelbin e menaxhimit modern: si të krijosh një organizatë që rritet në mënyrë të qëndrueshme, si të integrosh inteligjencën artificiale në produkte dhe shërbime, dhe cilat janë trendët globale që duhet të ndjekin liderët e së nesërmes në biznes.

Ky aktivitet konfirmon edhe një herë rëndësinë e studimit të programit Menaxhment, Biznes dhe Ekonomi në UBT, i cili u jep studentëve jo vetëm njohuri teorike, por i përgatit ata për realitetin e tregut përmes metodave interaktive të mësimdhënies, vizitave në kompani dhe kontakteve me profesionistë të fushës.

Të studiosh në UBT do të thotë të ndërtosh që në studime një urë të fortë me botën reale të biznesit. Tregu i punës kërkon ekspertë të përgatitur, fleksibël dhe të aftë për të menaxhuar ndryshimin – dhe pikërisht këta po i formojmë ne”, theksoi prof. Kujtim Zylfijaj gjatë vizitës.

Për studentët, kjo vizitë ishte një inspirim për rrugëtimin e tyre profesional dhe një shembull se si praktika e integruar në studime i ndihmon ata të bëhen liderët, menaxherët dhe sipërmarrësit e së ardhmes.

UBT, me programin e saj në Menaxhment, Biznes dhe Ekonomi, mbetet një ndër institucionet më të avancuara në rajon për përgatitjen e profesionistëve të rinj që duan të ndikojnë në zhvillimin ekonomik dhe inovativ të vendit dhe më gjerë.

Continue Reading

Lajmet nga UBT

Fakulteti i Gjuhës Angleze në UBT, model i edukimit të lidhur me praktikën profesionale

Published

on

By

Në ambientet e Fakultetit të Gjuhës Angleze në UBT u zhvillua një ligjëratë tematike me rëndësi të veçantë për studentët e këtij programi, me temën “Rëndësia e përkthimit në tregun e punës”. Kjo ngjarje u organizua në kuadër të lëndës “Praktikat e përkthimit në institucionet private dhe publike”, e ligjëruar nga Prof. Rina Sefiu, dhe kishte për qëllim të ofronte një pasqyrë të qartë mbi rolin profesional të përkthyesit në botën bashkëkohore të punës.

“Lingua”, një ndër zyrat më të njohura të përkthimit në vend, përfaqësuar nga Anyla Zajmi dhe Flamur Latifi. Ata ndanë me studentët përvojat e tyre nga terreni profesional, duke sjellë raste konkrete dhe sfida të përditshme me të cilat përballen përkthyesit në institucione private dhe publike.

Studentët e programit të Gjuhës Angleze u angazhuan aktivisht në diskutime, duke ngritur pyetje të cilat preknin thelbin e profesionit të përkthyesit:

  • Si ruhet saktësia dhe kuptimi në variantet e ndryshme gjuhësore?
  • Si përkthehen idiomat dhe shprehjet kulturore që nuk kanë ekuivalent të drejtpërdrejtë?
  • Si trajtohet fjalori informal apo “slang”-u në përkthimet moderne?

Këto diskutime nxorën në pah jo vetëm aspektin teknik të përkthimit, por edhe rolin e përkthyesit si një ndërmjetësues kulturor, i cili duhet të kuptojë kontekste të gjera shoqërore dhe kulturore përtej njohurive gjuhësore.

Duke folur për rëndësinë e këtij bashkëpunimi, dekanja e Fakultetit të Gjuhës Angleze, Prof. Alma Lama, theksoi:

UBT dhe Fakulteti i Gjuhës Angleze po dëshmojnë se arsimi modern nuk ndalet te teoria, por shtrihet në jetën reale përmes bashkëpunimeve me industrinë. Studentët po formohen për të qenë të gatshëm që nesër të përkthejnë botën – fjalë për fjalë”.

Ky aktivitet përbën një shembull konkret të përkushtimit të UBT-së për të ndërlidhur procesin akademik me praktikat e tregut të punës. Bashkëpunime të tilla i japin studentëve mundësinë që të zhvillojnë kompetenca profesionale, të kuptojnë realitetin e tregut dhe të ndërtojnë ura që i çojnë drejt një karriere të suksesshme.

Programi i Gjuhës Angleze në UBT vazhdon të afirmohet si një platformë e fuqishme akademike që ofron jo vetëm dije, por edhe aftësi praktike për përgatitjen e përkthyesve të ardhshëm, të cilët do të luajnë rol kyç në një botë gjithnjë e më të ndërlidhur globalisht.

Continue Reading

Lajmet nga UBT

Në UBT shënohet Dita e Tokës: Prof. Dr. Balaj flet për rëndësinë e kësaj dite

Published

on

Në Ditën Ndërkombëtare të Tokës, n’RITËM me autore dhe moderatore Albina Zeneli ka realizuar një intervistë me Prof. Dr. Nexhat Balaj i cili është staf i rregullt në UBT.

Me të biseduam për shënimin e kësaj dite edhe në Parkun Shkencor Inovativ të UBT-së ku studentët kanë mbjellur lule duke treguar edhe njëherë kujdes të veçantë ndaj natyrës.

‘UBT e shënon qe 10 vite Ditën Ndërkombëtare të Tokës me ç’rast mundohemi të japim mesazhin për mbrojtjen e mjedisit dhe për ngritjen e vetëdijes së qytetarit për një mjedis më të pastër dhe më të gjelbëruar”, u shpreh Z. Balaj.

N’RITËM – Çdo ditë pune nga ora 13:00 deri në 15:00 në Campus Radio, 100.7FM.

Në videon e mëposhtme mund të ndiqni sekuenca nga intervista. /UBT News/

https://www.instagram.com/p/DIwMk99AmQv/?hl=en

 

 

Continue Reading

Lajmet nga UBT

Regjistrimet e hershme fillojnë në UBT: Interesim i madh i të rinjve për t’ju bashkuar liderit

Published

on

By

UBT ka nisur me sukses regjistrimet e hershme për vitin e ri akademik, duke tërhequr interesim të madh nga maturantët jo vetëm nga Kosova, por edhe nga rajoni. Ky interesim i lartë konfirmon se UBT është lider i padiskutueshëm në arsimin e lartë në Kosovë dhe rajon. Me një përkushtim të madh ndaj cilësisë, inovacionit dhe shkencës, UBT ofron një përvojë akademike që tejkalon kufijtë tradicionalë të mësimdhënies.

Në UBT, shkenca nuk mbetet vetëm në teori. Përmes laboratorëve të teknologjisë më të fundit, projekteve të përbashkëta me institucione ndërkombëtare, si dhe pjesëmarrjes në konferenca shkencore globale, studentët dhe profesorët janë vazhdimisht të angazhuar në krijimin e zgjidhjeve për sfidat reale të botës.
Me një staf të përkushtuar dhe me përvojë ndërkombëtare, studentët përfitojnë nga mësimi cilësor dhe mentorimi profesional andaj UBT mbetet zgjedhja ideale për të rinjtë që synojnë më shumë se një diplomë – një vend ku edukimi i klasit të parë, teknologjia moderne, përvoja praktike dhe mundësitë ndërkombëtare krijojnë rrugën drejt suksesit.

Arsyeja pse të zgjedhni UBT-në?

UBT ofron një kampus inovativ dhe multifunksional, i ndërtuar sipas standardeve më të avancuara evropiane, ku studentët kanë në dispozicion më shumë se 300 laboratorë modernë, të pajisur me teknologjinë më të fundit për zhvillimin e praktikave profesionale në të gjitha fushat e studimit. Nga laboratorët e IT-së dhe Bioteknologjisë, deri te ata të Inxhinierisë, Arkitekturës dhe Shkencave të Shëndetit, UBT u siguron studentëve mjedis të jashtëzakonshëm për mësim dhe hulumtim.

Një ndër përparësitë më të mëdha që UBT ofron është edhe mundësia për përvoja ndërkombëtare, falë pjesëmarrjes aktive në programin Erasmus+, përmes të cilit studentët mund të ndjekin semestre studimi apo praktika profesionale jashtë vendit. UBT ka krijuar partneritet me mbi 500 universitete në mbarë botën, duke ofruar rrugë të shumta për zgjerim të njohurive, ndërveprim kulturor dhe zhvillim të rrjetit profesional global.


Një nga programet më tërheqëse është Media dhe Komunikimi, falë modelit Dual të studimeve, që ofron përvojë praktike në Radio Campus, UBT News dhe UBT TV. Ky model i avancuar i të mësuarit përgatit studentët për tregun e punës, duke i përfshirë ata në projekte konkrete dhe prodhim mediatik që nga dita e parë.

Ndërsa përveç cilësisë akdemike, UBT ofron mbështetje të vazhdueshme për studentët ndërmjet këshillimit profesionalë, aktiviteteve, praktikave dhe mundësive të shumta për pjesëmarrje në projekte hulumtuese dhe gara ndërkombëtare. Kjo qasje e bën UBT-në jo vetëm një vend ku mësohet, por edhe një hapësirë ku ndërtohet e ardhmja, sepse UBT krijon – UBT është shkencë.

Për më tepër, për të gjithë maturantët që rezervojnë vendin e tyre gjatë fazës së regjistrimeve të hershme, UBT ofron 20% zbritje në tarifat studimore për programin Media dhe Komunikim – një mundësi e shkëlqyer për të hapur dyer të reja për karrierën tënde. UBT gjithashtu ofron bursë 20% edhe për programet më inovative, sikurse, Gjuhë Angleze, Inxhinieri e Energjisë dhe Shkenca Politike.

Regjistrimet e hershme janë të hapura dhe u bëjmë thirrje të gjithë të rinjtë të vijnë dhe të bëhen pjesë e familjes së madhe akademike të UBT-së. Me një përkushtim të palëkundur ndaj cilësisë dhe zhvillimit të studentëve, UBT ofron një përvojë arsimore të pasur, që do t’i përgatisë ata për sukses në karrierë dhe për një ndikim të qëndrueshëm në shoqëri.

Continue Reading

Të kërkuara