Sport
Dinamo e Dajës kap pikët në minutat e fundit ndaj Skënderbeut
Dinamo ka siguruar fitoren e parë nën drejtimin e trajnerit Ilir Daja, duke mundur Skënderbeun me rezultatin 2-1 në një ndeshje të luftuar dhe dramatike të luajtur në “Elbasan Arena”.
Dinamo e filloi ndeshjen me një ritëm të lartë dhe gjeti shpejt rrjetën falë një goli të shënuar nga Zabërgja. Pas këtij goli, blutë ulën ritmin e lojës dhe u munduan të shfrytëzonin dobësitë e prapavijës së Skënderbeut, e cila ishte e papërgatitur në disa momente.
Në pjesën e dytë, Skënderbeu arriti të barazonte rezultatin përmes një penalltie, duke i dhënë një shtysë të re ndeshjes. Të dy ekipet krijuan raste për të kaluar në avantazh, por asnjëra nuk ishte e saktë në përfundim të mundësive të tyre. Megjithatë, në minutën e 90, Mandela, i cili kishte qenë në hije gjatë pjesës më të madhe të ndeshjes, shfrytëzoi një gabim në prapavijën e Skënderbeut dhe shënoi një gol të pakapshëm për portierin Alia, duke i siguruar Dinamos fitoren 2-1.
Pas ndeshjes, trajneri i Dinamos, Ilir Daja, foli për mediat dhe e vlerësoi këtë fitore si një hap të rëndësishëm për ekipin e tij. “Unë e thashë edhe në derbin me Partizanin që koha e pakët do na ndikonte në manovër. Kjo plotësohet me mentalitetin që kanë çunat që nuk dorëzohen. Pas barazimit me Partizanin, kjo fitore u shkon çunave. Dëshira dhe mentaliteti bëjnë që edhe problemet të sfumohen. Na duhej ky 3 pikësh për qetësi. E përsëris për herë të dytë që fitorja i shkon lojtarëve të mi,” tha Daja.
Ai vazhdoi të flasë për performancën e Zabërgjës dhe ndikimin e tij në ekip. “Besoj që Zabërgja është një djalë që unë e kam pasur dëshirë ta merrja te Ballkani para 2 vitesh pasi ka potencial shumë të mirë. Ka aftësi individuale, por punon shumë edhe për ekipin. Besoj që rënia në fund na ndodhi dhe me Partizanin dhe sot me Skënderbeun. Është e natyrshme kur bën tranzicione të shpeshta dhe prishen ekuilibrat në lojë.”
Daja përfundoi duke theksuar përpjekjet e ekipit dhe synimet e ardhshme: “Deri më tani djemtë më kanë ndjekur për aq sa kemi pasur kohë të punojmë. Kur të konsolidojmë formacionin me 11-shen më të mirë, jo Dinamo e Ilir Dajës, por është e dinamovitëve, por do të themi që kemi filluar një bashkëpunim stafi bashkë me lojtarët.”/UBTNews/
Klubi i tij e bëri publik lajmin e dhimbshëm, duke shprehur ngushëllime për familjen dhe komunitetin sportiv që është prekur rëndë nga kjo tragjedi. Hitchcock ishte i martuar dhe baba i një fëmije, çka e bën humbjen edhe më të rëndë.
Policia Britanike ndërmori masa të menjëhershme duke arrestuar 21-vjeçarin Mckenzie Dicicco, një sulmues i njohur në ekipet e vogla angleze, si i dyshuar për vrasjen. Ngjarja ka tronditur jo vetëm futbollin rajonal, por edhe publikun më të gjerë, duke hapur debate mbi sigurinë dhe dhunën jashtë fushës së sportit.
Hetimet vazhdojnë për të zbardhur rrethanat e incidentit që i mori jetën portierit të ri./UBTNews/
Gianluigi Donnarumma ka pësuar një “traumë në fytyrë” me “plagë të shumta”, sipas diagnozës fillestare të stafit mjekësor të Paris Saint-Germain, pasi u godit në mënyrë të dhunshme nga Wilfried Singo gjatë ndeshjes së luajtur të mërkurën kundër Monakos. Portieri i PSG-së ka marrë 10 qepje në fytyrë dhe një prerje shumë të rëndë. Imazhet e incidentit janë përhapur shpejt nëpër botë dhe kanë tërhequr vëmendjen e tifozëve dhe mediave.
Për momentin, nuk ka një datë të saktë për rikthimin e Donnarumma-s në fushë. PSG ka lëshuar një komunikatë në të cilën njofton se portieri i Kombëtares italiane është kthyer në Paris me pjesën tjetër të grupit dhe do t’i nënshtrohet disa ekzaminimeve të mëtejshme për të vlerësuar shkallën e dëmtimit dhe për të përcaktuar nëse ka ndonjë dëmtim të mundshëm të kockave të fytyrës. Klubin francez ka konfirmuar gjithashtu se Donnarumma do të duhet të qëndrojë pa aktivitet për disa ditë dhe do të mungojë në ndeshjen kundër Lens, e cila do të luhet të dielën e ardhshme.
Kërkesa për falje ka ardhur nga vetë Wilfried Singo, i cili ka shprehur keqardhjen e tij për incidentin. Në një postim në Instagram, ai shkruan: “Dua të kërkoj falje nga Gianluigi Donnarumma. Gjesti im nuk ishte natyrisht i qëllimshëm, vetëm më vonë pata mundësinë të shihja se ai kishte një plagë të rëndë në fytyrë. Të uroj shërim të shpejtë”. Singo ka luajtur te Torino nga 2019 deri në 2023, dhe ka theksuar se nuk kishte pasur asnjë qëllim të keq në veprimin e tij./UBTNews/
UBT nderon bashkëpunëtorët profesionistë për dekadën e tyre të angazhimit
Dekadat e suksesit: UBT kurorëzon 2024 me vizionin 20-vjeçar të së ardhmes
Pirro i’a fshiu këngën Parashqevit, flasin nga kompania menaxhuese për të drejtat e autorit
Kosova dhe Shqipëria zyrtarisht bashkë në Lojërat Mesdhetare
Dëmtohet ambasada e Maqedonisë së Veriut nga sulmet ruse në Kiev
“Nuk rri dot pa ua thënë vëllazërisht”, Rama iu drejtohet deputetëve për Specialen
BE-ja me mision vëzhgues për zgjedhjet e shkurtit në Kosovë
Diplomatët amerikanë vizitojnë Sirinë për herë të parë pas rënies së Assadit
Berisha: Çdo ndërhyrje e Shqipërisë në dialogun Kosovë-Serbi është antikombëtare
-
Bota2 months agoTrump premton paqe në Liban nëse rikthehet në Shtëpinë e Bardhë
-
Bota2 months agoKoreja e Veriut rrit frikën në botë, lëshon raketën e re balistike ndërkontinentale
-
Bota1 month ago“Ethet” e kthimit të Trump! Takohen Macron e Starmer, zbardhet fokusi i diskutimeve
-
Kulturë3 months agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman