Lajmet

Dhjetë tërmetet më vdekjeprurëse të shekullit të 21-të

Një listë e dhjetë tërmeteve më të fuqishme që nga viti 2000, të renditura sipas numrit të të vdekurve.

Published

on

Tërmeti i fuqishëm që goditi Turqinë dhe Sirinë më 6 shkurt është i pesti më vdekjeprurës këtë shekull.

Këtu është një listë e dhjetë tërmeteve më të fuqishme që nga viti 2000, të renditura sipas numrit të të vdekurve:

2004: 230 mijë të vdekur, Azia Juglindore

Më 26 dhjetor, një tërmet i fuqishëm me magnitudë 9.1 goditi brigjet e Sumatrës, duke shkaktuar një cunami që la të vdekur mbi 230 mijë njerëz në të gjithë rajonin, 170 mijë vetëm në Indonezi.

2010: 200 mijë të vdekur, Haiti

Një tërmet me magnitudë 7 më 12 janar shkatërroi kryeqytetin Port-au-Prince dhe rajonin përreth.

Tërmeti e shkëput vendin nga pjesa tjetër e botës për 24 orë, duke lënë të vdekur mbi 200 mijë njerëz, 1.5 milion të pastrehë dhe duke shkatërruar një pjesë të madhe të infrastrukturës së dobët të Haitit.

Në tetor të po atij viti, Haiti u godit gjithashtu nga një epidemi kolere e prezantuar nga paqeruajtësit nepalezë që mbërritën pas tërmetit. Kjo epidemi la të vdekur mbi 10 mijë njerëz.

2008: 87 mijë të vdekur, Sichuan

Më shumë se 87 mijë njerëz, në mesin e tyre edhe nxënës shkolle, kanë mbetur të vdekur ose të zhdukur si pasojë e një tërmeti me magnitudë 7.9 që goditi provincën jugperëndimore të Sichuan më 12 maj.

Tërmeti ngjalli kritika të shumta, pasiqë 7 mijë shkolla u dëmtuan rëndë, u ngritën akuza për ndërtime të dobëta, korrupsion, etj.

2005: 73 mijë të vdekur, Kashmir

Një tërmet la të vdekur mbi 73 mijë persona, shumica dërrmuese në Provincën Kufitare Veri-Perëndimore të Pakistanit dhe në zonën e Kashmirit të administruar nga Pakistani. 3.5 milionë të tjerë janë të zhvendosur.

2023: 46 mijë të vdekur, Turqi dhe Siri

Më 6 shkurt, një tërmet me magnitudë 7.8 goditi qytetin turk të Gaziantepit, afër kufirit me Sirinë.

Tërmeti më i madh në Turqi në gati një shekull, i cili pasohet nga një lëkundje me magnitudë 7.5 ballë, rrënon lagje të tëra qytetesh në Turqinë juglindore dhe veriun e Sirisë së shkatërruar nga lufta.

2003: 31 mijë të vdekur, Bam (Iran)

Një tërmet me magnitudë 6.6 në Iranin juglindor më 26 dhjetor shkatërroi qytetin e lashtë Bam me tulla balte, duke lënë të vdekur të paktën 31 mijë njerëz.

Gati 80 për qind e infrastrukturës së Bamit është dëmtuar dhe kështjella e shkretëtirës, dikur e konsideruar si ndërtesa më e madhe prej qerpiçi në botë, shembet.

2001: 20 mijë të vdekur, Indi

Një tërmet i fuqishëm me magnitudë 7.7 më 26 janar goditi shtetin perëndimor indian të Gujaratit, duke lënë të vdekur mbi 20 mijë njerëz. Tërmeti rrafshon ndërtesat në të gjithë shtetin, me shumë viktima në qytetin Bhuj pranë kufirit me Pakistanin.

2011: 18 mijë e 500 të vdekur, Japoni

Më 11 mars, Japonia goditet nga një tërmet i madh me magnitudë 9.0, duke shkaktuar një cunami të tmerrshëm.

Rreth 18 mijë e 500 njerëz kanë mbetur të vdekur ose të zhdukur, pasi muri i ujit që udhëton me shpejtësinë e një aeroplani reaktiv, nivelon komunitetet përgjatë bregut verilindor.

Shkrirja që pasoi në centralin bërthamor të Fukushima Daiichi mbulon zonat e afërta me rrezatim, duke i bërë disa qytete të pabanueshme për vite dhe duke zhvendosur dhjetëra mijëra banorë.

2015: 9 mijë të vdekur, Nepal

Një tërmet me magnitudë 7.8 më 25 prill goditi Nepalin qendror, duke shkaktuar ortekë dhe rrëshqitje dheu në të gjithë vendin Himalayan, duke shkatërruar shkollat dhe spitalet.

Tërmeti la të vdekur pothuajse 9 mijë njerëz dhe miliona të pastrehë. Tërmeti rrënoi më shumë se 100 monumente, në mesin e tyre tempuj shekullorë dhe pallatet mbretërore në luginën e Katmandus.

2006: 6 mijë të vdekur, Java

Më 26 maj, një tërmet me magnitudë 6.3 goditi bregun jugor të ishullit indonezian Java, pranë qytetit të Yogyakarta, lënë të vdekur 6 mijë njerëz.

Më shumë se 420 mijë të tjerë mbeten të pastrehë dhe rreth 157 mijë shtëpi janë shkatërruar./UBTNews/

Botë

Flamuri i Kosovës valon në mesin e mbi 190 shteteve në ceremoninë e hapjes së First Global Challenge 2025 në Panama

Published

on

Në një atmosferë madhështore, mes flamujve të mbi 190 shteteve dhe duartrokitjeve të mijëra pjesëmarrësve nga e gjithë bota, flamuri i Kosovës u valëvit me krenari në ceremoninë e hapjes së First Global Challenge 2025 në Panama. Ky është momenti kur rinia e Kosovës, përmes ekipit First Kosovo, hyn në arenën botërore të inovacionit, teknologjisë dhe kreativitetit.

Në këtë ngjarje madhështore, ekipi përfaqësues i Kosovës – First Kosovo, i përbërë nga të rinj të talentuar që janë përgatitur me muaj në laboratorët e UBT-së, do të garojë për të treguar kreativitetin, dijen dhe shpirtin inovativ të rinisë kosovare. Ata do të përfaqësojnë Kosovën në një nga garat më të rëndësishme botërore në fushën e robotikës dhe teknologjisë.

Tema e sivjetshme e garës, “Biodiversiteti dhe ndryshimet klimatike”, synon të nxisë të rinjtë të krijojnë zgjidhje teknologjike që ndihmojnë në mbrojtjen e mjedisit dhe ruajtjen e jetës në planetin tonë.

UBT, si partneri institucional që ka mbështetur këtë iniciativë që nga fillimi, është vlerësuar më herët me medalje të artë ndërkombëtare për kontributin e jashtëzakonshëm në promovimin e edukimit STEM dhe pjesëmarrjen e suksesshme të ekipeve kosovare në garat globale të robotikës.

Në këtë garë të dijes dhe inovacionit, të rinjtë e Kosovës po e bëjnë vendin tonë të njihet si një forcë e re kreative në hartën teknologjike botërore.

Continue Reading

Lajmet

Basha në shënimin e 102-vjetorit të Republikës së Turqisë: Ka qëndruar krah nesh me mbështetje institucionale

Published

on

By

Kryetari i Kuvendit të Republikës së Kosovës, Dimal Basha, mori pjesë dhe mbajti fjalë përshëndetëse në ceremoninë e mbrëmshme solemne të shënimit të 102-vjetorit të Republikës së Turqisë, të organizuar nga Ambasada turke në Prishtinë.

Duke përcjell urimet më të sinqerta për popullin dhe shtetin turk kryetari Basha theksoi miqësinë e thellë mes dy popujve tanë, e cila shtrihet përtej kohës dhe lidhet ngushtë me historinë tonë.

Në komunikatën për media Basha citohet të ketë thënë se shqiptarët përgjatë shekujve kanë lënë gjurmë të pashlyeshme në historinë dhe zhvillimin e Turqisë.

“Që nga ditët më të vështira të luftës, periudhës së rindërtimit e deri në forcimin e kapaciteteve shtetërore, Republika e Turqisë ka qëndruar krah nesh me mbështetje institucionale, ekonomike e humanitare. Sot, marrëdhëniet tona po ndërtohen mbi arritje konkrete, projekte zhvillimore dhe partneritet të fuqishëm politik e institucional”, deklaroi kryetari i Kuvendit, duke shprehur mirënjohje të veçantë për Gjeneralin Ulutash dhe 730 ushtarët e kontingjentit turk që shërbejnë në kuadër të KFOR-it, forca këto që, siç tha kryetari Basha, vazhdojnë të jenë të pranishme për shkak të politikave hegjemoniste të shtetit serb, i cili nuk e pranon realitetin tonë dhe vazhdon të ketë pretendime territoriale mbi ne.

“Republika e Kosovës e vlerëson Turqinë si partner strategjik me të cilin ndajmë vlera të përbashkëta për zhvillim, stabilitet rajonal dhe prosperitet për popujt tanë. Në emër të Kuvendit të Republikës së Kosovës dhe qytetarëve tanë, urojmë popullin turk për 102-vjetorin e Republikës së Turqisë, me dëshirën që miqësia dhe bashkëpunimi ynë i shkëlqyeshëm të forcohen edhe më shumë në shërbim të paqes, mirëqenies dhe të ardhmes sonë të përbashkët”, tha në fjalën e tij kryetari Dimal Basha./EO

Continue Reading

Lajmet

Rasti 400 kg kokainë, i akuzuari Kadri Sheqiri do ta jap mbrojtjen një ditë tjetër

Published

on

By

Në Departamentin Special ka nisur shqyrtimi gjyqësor në rastin e 400 kilogramëve kokainë të ardhur nga Brazili, ku të akuzuar janë pronari i kompanisë “MC FOOD”, Izet Sheqiri, dhe katër të tjerë: Faton Vrajolli, Kadri Sheqiri, Kadri Brahimi, Fehmi Bytyqi.

Gjatë ditës së sotme ishte paraparë që mbrojtjen e tij i akuzuari Kadri Sheqiri, por për shkak të gjendjes shëndetësore të tij ai kërkoi qe të jap mbrojtjen e tij ndonjë datë tjetër.

Ndërsa, tani mbrojtjen e tij po e jep Kadri Brahimi.

Javën e kaluar mbrojtjen e tij e ma dhënë i akuzuar, Izet Shaqiri i cili është pronar i kompanisë “MC FOOD”.

Kujtojmë që për këtë rast ishte i akuzuar edhe Hysni Sheqiri i cili pas arritjes së marrëveshjes për pranim fajësie me Prokurorinë është dënuar me 7 muaj burgim efektiv për pengim të procedurës penela. Ndërsa, i akuzuari tjetër ishte edhe Naim Morina i cili pas arritjes së marrëveshjes për pranim fajësisë është dënuar me 6 muaj burgim efektive për pengim të procedurës penale./KP

Continue Reading

Lajmet

Presidentja i fton nesër në takim liderët e partive politike

Published

on

By

Presidentja e Republikës së Kosovës, Vjosa Osmani, u ka dërguar ftesë për takim kryetarëve të partive politike parlamentare, me qëllim diskutimin e çështjes së formimit të Qeverisë së re.

Takimi, pritet të mbahet nesër dhe do të shërbejë për konsultime pas zhvillimeve të fundit në skenën politike në vend.

Më tutje dhe këshilltari për media i presidentes Vjosa Osmani e ka konfirmuar se liderët e partive politike janë ftuar në takim nga ora 12:00.

Continue Reading

Të kërkuara