Lajmet
Debati Vance-Walz: Dialog politik me respekt, por me diferenca të mëdha politike
Përballja politike mes senatorit JD Vance dhe guvernatorit të Minnesota, Tim Walz, ishte një debat që sfidoi pritshmëritë për antagonizëm të ashpër, duke u fokusuar më shumë në dallimet e politikave sesa në sulme personale.
Ndryshe nga përplasjet presidenciale më të ashpra, si ajo mes Trump dhe Harris, Vance dhe Walz ruajtën një ton civil, duke kombinuar respektin reciprok me thumbime të mprehta ndaj kandidatëve të tjerë.
Senatori JD Vance (R-Ohio), majtas dhe guvernatori i Minnesota Tim Walz (D) në debatin e nënpresidentit të së martës mbrëma në Qendrën e Transmetimeve CBS në Nju Jork.
Vance, një përkrahës i fortë i politikave të Trump, nuk u ndal në kritikat e tij për administratën Harris, duke e fajësuar atë për përkeqësimin e sigurisë në kufi dhe ndikimin e politikave të saj në situatën globale. Nga ana tjetër, Walz e sulmoi politikisht Trumpin për diplomacinë e tij të dobët dhe qasjen e tij ndaj sigurisë kombëtare, duke e kritikuar për shpërfillje ndaj çështjeve serioze si dëmtimet e trupave amerikane.
Debati u ndez veçanërisht kur Walz e pyeti Vance nëse Trump kishte humbur zgjedhjet e vitit 2020, një pyetje të cilën Vance e shmangu duke u fokusuar në të ardhmen. Kjo lëvizje u kritikua ashpër nga Walz, i cili e cilësoi përgjigjen e Vance-it si një “mospërgjigje dënuese.”
Ndërsa çështja e abortit mbeti një nga temat më të ndjeshme, Walz vuri theksin mbi historitë e njerëzve që përballen me vështirësi për të marrë kujdes shëndetësor për shkak të kufizimeve në rritje të abortit, duke e lidhur këtë me përmbysjen e Roe v. Wade. Vance mbrojti qëndrimin republikan, duke e konsideruar këtë çështje si një vendim që duhet lënë në duart e shteteve individuale.
Debati, pasqyroi ndarjet e thella ideologjike dhe sfidat me të cilat përballen kandidatët. Të dy u përpoqën të theksonin fuqishëm pikat e tyre politike, por në fund të natës mbeti një ndjenjë e përbashkët respekti, e cila u manifestua edhe në shkëmbimet miqësore pas debatit, kur prezantuan gratë e tyre njëra-tjetrës./UBTnews/
Lajmet
Osmani pas takimit me Rutte: Riafirmuam partneritetin tonë me Aleancën më të fuqishme të sigurisë në botë
Presidentja e Kosovës, Vjosa Osmani, pas takimit me shefin e NATO’s, Mark Rutte, ka thënë se kanë riafirmuar partneritetin me Aleancën.
Osmani ka thënë se synimi i Kosovës është anëtarësimi në NATO.
“Kosova në NATO nuk është vetëm përcaktim strategjik – por domosdoshmëri për paqen. Në takim me Sekretarin e Përgjithshëm të NATO-s, Mark Rutte, riafirmuam partneritetin tonë me Aleancën më të fuqishme të sigurisë në botë. Si vend që ka tejkaluar objektivin e NATO-s për investime në mbrojtje prej 2% të GDP-së dhe po ndërton një forcë moderne të sigurisë, në përputhje me standardet e Aleancës, synimi ynë është i qartë: anëtarësimi në NATO si një kontribuues i palëkundur për sigurinë rajonale dhe globale”, ka shkruar ajo.
Shefi i NATO-s, Mark Rutte tha se do të vazhdojnë të mbështesin procesin e normalizimit të marrëdhënieve mes Kosovës dhe Serbisë.
“Për ta shtyrë përpara këtë dialog, të dyja palët duhet të bëjnë kompromise. Kjo kërkon vendime të vështira, normalizomi sjell stabilitet më të madh dhe siguri me afatgjatë për gjithë rajonin. Ky është mesazhi që unë do të vazhdojë te theksojë para të gjitha palëve në rajon”, tha Rutte të martën në konferencë për media me presidenten e Kosovës, Vjosa Osmani.
“Prania e sotme këtu është një demonstrim i qartë i përkushtimit për siguri afatgjatë në Kosovë. NATO ka mbështetur paqen dhe stabilitetin në Ballkanin Perëndimor. Ekipet e ndërlidhjes së KFOR-it vazhdojnë të mbështesin institucionet e tjera të sigurisë. Një rajon më i sigurt nënkupton më shumë siguri për zonën e NATO-s. NATO do të vazhdojë të luaj rolin e vet, këtë e bëjmë në bashkërendim me Policinë dhe Eulexin”, tha ai.
UBT organizoi diskutim mbi zhvillimin e sigurisë së Kosovës dhe transformimin e FSK-së, me Gjeneralmajor dhe ZVKOMFSK, Enver Cikaqi
Osmani pas takimit me Rutte: Riafirmuam partneritetin tonë me Aleancën më të fuqishme të sigurisë në botë
I dërguari i Trumpit për Lindjen e Mesme do të vizitojë Moskën për bisedime me Putinin
Drita mposhtë Ballkanin
Trump urdhëron tarifa 50% për çelikun dhe aluminin kanadez
Waltz: Po përparojnë bisedimet SHBA-Ukrainë
Sekretari Rutte pritet nga Kurti
“Palët duhet të bëjnë kompromise”, Rutte për dialogun Kosovë-Serbi
“Palët duhet të bëjnë kompromise”, Rutte për dialogun Kosovë-Serbi
-
Magazinë3 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt