

Teknologji
Cila është aryseja që Bitcoin po bie ndjeshëm që prej shtatorit 2021?
Që prej fillimit të vitit, Bitcoin ka humbur rreth 12 % të vlerës së tij.
Published
4 years agoon
By
Betim GashiShumë e kanë komentuar rënien masive të Bitcoin kohët e fundit duke ja fajësuar atë protestave në Kazakistan – por a është kjo realisht aryseja?
Me shumë mundësi, jo.
Arsyeja përse komentet rreth Kazakistanit kanë qenë të shumta këto ditë është sepse, ky shtet në Azinë Qendrore, është i treti në rang global për sa i përket prodhimit të Bitcoin (18%).
Ky proces i njohur edhe si ‘gërmim’ kërkon sasi të mëdha të elektricitetit si pasojë e fuqisë së lart që përdorin procesoret e nevojitur në ‘gërmimin’ e Bitcoin.
Dhe nëse marrim parasysh çmimet e ulta të elektricitetit në Kazakistan, sigurisht që ai kthehet në vendin perfekt për shumë prodhues të Bitcoin, shumë prej të cilëve kanë lënë Kinën (vendin e dytë për prodhimin e Bitcoin) për t’u shpërngulur në Kazakistan, si pasojë e vendimit të Pekinit për të ndaluar gërmimin e çdo lloj kriptovalute.
Protestat e ditëve të fundit në Kazakistan, së bashku me prerjet e energjisë elektrike në vend, thuhet të kenë kontribuuar në këtë ulje madhështore të Bitcoin, i cili këtë të hënë shkoi për herë të parë në muaj të tërë, posht vlerës së $40,000 dollarëve.
Sidoqoftë, kjo nuk është aryseja kryesore.
- Së pari, vlera e Bitcoin nuk është e lidhur drejtëpërsëdrejti me rrjetin elektrik apo më sakt, vlera e Bitcoin nuk është e varur nga prodhimi apo jo i monedhës – sepse 90% e Bitcoin është gërrmuar tashmë – edhe pse, kjo i jep një ide të përgjithshme investitorëve rreth sigurisë së kriptovalutës.
- Së dyti, vlera e Bitcoin ca qenë duke rënë prej muajsh të tërë, gjë që sugjeron se aryeja e vërtetë për këtë rënie, nuk mund të jenë trazirat në Kazakistan por pikërisht kriza globale që ka prekur të gjithë sektorët e tjerë të ekonomisë.
- Së treti, komentet e bëra së fundmi nga Rezerva Federale apo Banka Qendrore Amerikane shërbyen për t’i dhënë ‘goditjen e fundit’.
Këto komente përfshinë disa paralajmërime për shtrëngimin e politikave monetare të Bankës Qëndrore Amerikane, që mbi të gjitha do të përfshijnë ngritjen e normave të interesit.
Pse po ndikon Banka Qendrore Amerikane tek Bitcoin?
Arsyeja është e thjesht.
Prej kohësh, kriza globale sidomos kriza e naftës ka bërë që shifrat e inflacionit kudo të arrijnë nivele shqetësuese. Me rritjen e inflacionit, autoritetet amerikane po paralajmërojnë se do të jenë të detyruar të rrisin normat e interesit në mënyrë që të mbajnë nën kontroll inflacionin dhe të mundohen ta ndalojnë rritjen e mëtejshme të tij.
Kjo ka shkaktaur panik mes investitorëve në tregun global të bursës, përfshi këtu edhe Bitcoin. Ata i janë frikësuar një mundësie të rritjes së normave të interesit, që do t’i bënte investimet e tyre më të paqëndrueshme dhe të rrezikuara.
“Aksionet e kompanive të teknologjisë ndikohen në mënyrë të veçantë nga këto politika të reja, pasi ato janë tejet të ndjeshme ndaj një rritjeje në normat e interesit, “ – thotë Fiona Cincotta, analiste në City Index.
Një tjetër fakt që mund ta përkeqësojë sitautën edhe më tej, është publikimi i shifrave të përditësuara të inflacionit nga Banka Qendrore Amerikane, këtë të premte, që mund të kontribuuojë në përhapjen edhe më të theksuar të panikut mes investitorëve të kriptovalutave, që do të thotë se ata do të nisin shumë shpejt t’i shesin për të mos rrezikuar humbje të thellë.
Që prej fillimit të vitit, Bitcoin ka humbur rreth 12 % të vlerës së tij.
Edhe kriptovaluta tjetër më e fuqishme, Ethereum ka humbur 12% dhe kriptovaluta të tjera po ashtu si Solana etj.
Ekspertë të ndryshëm thanë për Wall Street Journal që këto ulje drastike janë shenjë që kriptovalutat janë investime të rrezikshme për shumicën e njerëzve.
“Kjo provon që Bitcoin sillet si një aset me risk të lartë,” tha Noell Acheson, drejtore e Genesis Global Trading për Wall Street Journal.
Ka nga ata që besojnë pa kushte në ‘imunitetin’ e monedhës Bitcoin ndaj inflacionit, por nga ana tjetër ka edhe nga ata që vazhdojnë të mendojnë që kriptovalutat kanë natyrë spekulative dhe se ato janë direkt të lidhura me valutat e tjera fiat.
You may like
Teknologji
Nepali drejt bllokimit të Facebook, X, YouTube dhe platformave tjera
Published
18 hours agoon
September 6, 2025By
UBT News
Qeveria e Nepalit ka thënë se do të ndërpresë qasjen në platformat kryesore të mediave sociale, përfshirë Facebook dhe X, pasi ato nuk arritën të përmbushnin kërkesat e regjistrimit të autoriteteve.
Lëvizja, e njoftuar të enjten, është pjesë e asaj që qeveria e quan një përpjekje për të frenuar urrejtjen online, thashethemet dhe krimin kibernetik.
Kompanive iu dha një afat deri të mërkurën për t’u regjistruar në Ministrinë e Komunikimit dhe Teknologjisë së Informacionit dhe për të siguruar një kontakt lokal, një përpunues ankesash dhe një person përgjegjës për vetërregullimin – ose do të përballen me mbyllje.
“Platformat e paregjistruara të mediave sociale do të çaktivizohen nga sot e tutje”, ka thënë zëdhënësi i ministrisë Gajendra Kumar Thakur.
Ministri i Komunikimit dhe IT-së Prithvi Subba Gurung tha: “Ne u dhamë atyre kohë të mjaftueshme për t’u regjistruar dhe u kërkuam vazhdimisht që të përmbushnin kërkesën tonë, por ata e injoruan [këtë] dhe ne u desh të mbyllnim operacionet e tyre në Nepal”,
Meta, e cila zotëron Facebook, Instagram dhe WhatsApp, Alphabet, kompania prindërore e YouTube, X, Reddit dhe LinkedIn u kërkuan të regjistroheshin deri në afatin e së mërkurës.
Kufizimet online vijnë pas një direktive të vitit 2023 që u kërkon platformave të mediave sociale – të cilat kanë miliona përdorues në Nepal me llogari për argëtim, lajme dhe biznes – të regjistrohen dhe të krijojnë një prani lokale.
Vetëm pesë, përfshirë TikTok dhe Viber, janë regjistruar zyrtarisht që atëherë, ndërsa dy të tjera janë në proces.
Teknologji
Google shmang shitjen, por duhet të ndajë të dhëna me rivalët
Published
23 hours agoon
September 6, 2025By
UBT News
Google nuk do të jetë i detyruar të shesë shfletuesin Chrome, por duhet të ndajë informacion me konkurrentët, ka urdhëruar një gjykatës federal amerikan.
Mjetet juridike të vendosura nga gjykatësi i qarkut Amit Mehta kanë dalë në dritë pas një beteje gjyqësore disavjeçare mbi dominimin e Google në kërkimin online.
Çështja u përqendrua rreth pozicionit të Google si motori i kërkimit parazgjedhur në një gamë të produkteve të veta, si Android dhe Chrome, si dhe të tjera të prodhuara nga kompani të ngjashme me Apple.
Departamenti Amerikan i Drejtësisë kishte kërkuar që Google të shiste Chrome – vendimi i së martës do të thotë që gjigandi i teknologjisë mund ta mbajë atë, por do të ndalohet të ketë kontrata ekskluzive dhe duhet të ndajë të dhënat e kërkimit me rivalët.
Google kishte propozuar zgjidhje më pak drastike, të tilla si kufizimi i marrëveshjeve të ndarjes së të ardhurave me firma si Apple për ta bërë motorin e saj të kërkimit si motorin e parazgjedhur në pajisjet dhe shfletuesit e tyre .
Të martën, kompania tregoi se e shihte vendimin si fitore e tha se rritja e inteligjencës artificiale ndoshta kontribuoi në rezultat.
Gjigandi i teknologjisë kishte mohuar çdo shkelje që kur u ngritën akuzat e para kundër tij më 2020, duke thënë se dominimi i tij në treg është për shkak se motori i tij i kërkimit është një produkt superior ndaj të tjerëve dhe konsumatorët thjesht e preferojnë atë ndaj të tjerëve.
Vitin e kaluar, gjykatësi Mehta vendosi që Google kishte përdorur metoda të padrejta për të vendosur një monopol mbi tregun e kërkimit online, duke punuar në mënyrë aktive për të ruajtur një nivel dominimi deri në masën që shkelte ligjin amerikan.
Teknologji
Elon Musk drejt titullit të parë të “trilionerit” në botë
Published
2 days agoon
September 5, 2025By
UBT News
Elon Musk mund të bëhet personi i parë në botë që arrin një pasuri prej trilioni dollarësh, nëse aksionerët e Teslës miratojnë një paketë të re pagese që parashikon shpërblime marramendëse nëse kompania arrin objektiva të caktuara.
Sipas raportimeve të CNN, Musk mund të përfitojë deri në 423.7 milionë aksione shtesë të Teslës, me një vlerë të mundshme prej mbi 143 miliardë dollarësh me çmimin aktual.
Për ta realizuar këtë, vlera e përgjithshme e Teslës duhet të arrijë në rreth 8.5 trilionë dollarë, gati tetë herë më shumë se vlera aktuale e tregut. Kjo paketë përfshin propozim që Tesla të marrë pjesë në kompaninë e inteligjencës artificiale xAI, e cila është në pronësi të Musk.
Ky plan shihet si një mënyrë për të konsoliduar edhe më shumë perandorinë e tij të biznesit.
Musk zotëron rreth 410 milionë aksione të Teslës me një vlerë prej 139 miliardë dollarësh. Së bashku me pronësinë në xAI, SpaceX dhe kompani të tjera, kjo e ka bërë atë njeriun më të pasur në botë, me pasuri që arrin rreth 378 miliardë dollarë sipas Bloomberg.
Megjithatë, rruga drejt “trilionit” nuk është e lehtë. Ai përballet me sfida ligjore mbi paketat e pagave dhe me luhatje të forta të aksioneve të Teslës, të cilat ende qëndrojnë 26% më poshtë nga kulmi i dhjetorit 2024.
Automobilizëm elektrikë
BMW zbulon modelin e ri iX3
Published
2 days agoon
September 5, 2025By
UBT News
BMW ka publikuar një njoftim paraprak për modelin e ardhshëm iX3, i cili do të jetë lider i markës në epokën e platformës Neue Klasse.
Të gjitha automjetet e ardhshme elektrike të kësaj marke do të bazohen në këtë platformë, e cila do të debutojë me një dizajn të ri dallues.
Sipas të dhënave paraprake, me një karikim të vetëm iX3 do të përshkojë rreth 640 kilometra.
Do të përfshijë versione me tërheqje në rrotat e pasme dhe në të gjitha rrotat, dhe pritet edhe një version M Sport.
Brendësia do të ketë një planimetri krejtësisht të re me panelin Panoramic iDrive. Premiera e BMW iX3 do të zhvillohet në Panairin e Automobilave të Mynihut këtë fundjavë.

Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën

Reese Witherspoon bën thirrje që gratë ta përdorin AI-në

Doni një mëlçi më të shëndetshme? Kjo perime bën mrekulli

Real Madridi po përgatit largimin e njërit prej yjeve të tij më të mëdhenj

Nepali drejt bllokimit të Facebook, X, YouTube dhe platformave tjera

Ja filmat që ju duhen! Shtatori është muaji ku rikthehet atmosfera e kinemasë

Një tjetër surprizë! Justin Bieber publikon albumin e ri

Conor McGregor, “ylli” i UFC-së, kërkon të bëhet president!

Projekti i fundit i David Bowie, një muzikal i shekullit XVIII
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet2 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës