Kulturë

Chrissy Teigen rishfaqet në Instagram pas skandalit ku kishte ngacmuar Courtney Stodden

Muajin e kaluar, Teigen i kërkoi falje publikisht Stodden.

Published

5 years ago

on

Modelja dhe autorja e librit të gatimit, 35 vjeçe, u rishfaq në llogarinë e burrit John Legend në Instagram këtë fundjavë, duke shënuar paraqitjen e saj të parë në platformë në disa javë që nga zbulimi se ajo ngacmoi në internet Courtney Stodden një dekadë më parë.

“Krenar për balerinen tonë të vogël!” John Legend mbishkroi postimin, i cili paraqiste vajzën e çiftit, Luna, duke veshur një kostum të kuq kërcimi, ndërsa ajo buzëqeshte në krahët e nënës së saj.

Postimi i tij mori shumë komente nga miqtë dhe fansat, dhe midis tyre kishte edhe mesazhe që i luteshin Teigen të kthehej në mediat sociale.

Të premten, u njoftua se një paraqitje nga Teigen në Sezonin 2 të serialit ‘Never Have I Ever’ ishte hequr, tha një zëdhënës i Netflix për The Wrap. Ndërsa nuk u dha asnjë arsye për largimin e saj. Largimi erdhi vetëm tre javë pasi Courtney Stodden, zbuloi në një intervistë se Teigen e kishte bullizuar në internet një dekadë më parë, kur Stodden atëherë adoleshente, zuri titujt kryesorë pasi u martua me aktorin Doug Hutchison, atëherë 51 vjeç.

“Ajo më thoshte të vrisja veten”, tha Stodden. “Gjëra të tilla si: “Mezi pres që të vdesësh”. Dhe jo vetëm ajo, por Joy Behar kaloi një ditë duke më quajtur ‘lavire’. Kishte shumë të famshëm që vepronin si bullizues në shesh lojërash. Disa nga trajtimet më të këqija që kam pasur ishin nga gratë dhe ne nuk do të përparojmë askund nëse vazhdojmë ta gjunjëzojmë njëra-tjetrën”.

Muajin e kaluar, Teigen i kërkoi falje publikisht Stodden.

“Jo shumë njerëz janë me fat që të mbajnë përgjegjësi për të gjithë dëmin e tyre të kaluar përpara të gjithë botës. Unë jam e dëshpëruar dhe e trishtuar për atë që isha dikur. Unë isha e pasigurt, duke kërkuar vëmendje”, shkroi Teigen në Twitter. “Unë jam e turpëruar dhe plotësisht e zënë ngushtë nga sjellja ime, por kjo nuk është asgjë në krahasim me atë që e bëra Courtney të ndihet”, shtoi ajo.

Teigen shtoi se ajo ishte përpjekur të fliste me Courtney privatisht, por e dinte që kërkohej falje publike.

Stodden më vonë tha se pranoi faljen publike të Teigen, por nuk kishte dëgjuar nga Teigen privatisht. Stodden gjithashtu zbuloi se ajo ishte ende e bllokuar në Twitter nga Teigen./UBTNews

Related Topics:
Continue Reading

Lajmet

Galeria Lumi91 hap dyert me një ekspozitë të rrallë fotografike për Prishtinën

Published

2 hours ago

on

August 31, 2026

By

Galeria e re Lumi91 hapet në Prishtinë me ekspozitën “1928 – Rexhep Rakovica, Portrete”, e cila sjell para publikut një përzgjedhje të fotografive të fotografit Rexhep Rakovica (1909–1988).

Ekspozita përfshin portrete individuale, familjare dhe grupore, duke ofruar një pasqyrë të rrallë të jetës dhe kujtesës së Prishtinës së dikurshme. Rakovica nisi të merrej me fotografinë në vitin 1928 dhe gjatë veprimtarisë së tij dokumentoi momente të rëndësishme të jetës së qytetit.

Hapja e galerisë dhe ekspozitës synon të sjellë një hapësirë të re për artin dhe kulturën në kryeqytet, ndërsa fotografitë e Rakovicës rikthejnë për publikun një pjesë të rëndësishme të trashëgimisë vizuale të Prishtinës./A.K/

Continue Reading

Lajmet

Inspektorati nis kontrollet, udhërrëfyesit turistikë duhet të jenë të licencuar

Published

4 hours ago

on

August 31, 2026

By

Inspektorati Qendror i Mbikëqyrjes së Tregut ka nisur inspektimet në terren për të kontrolluar ushtrimin e veprimtarisë së udhërrëfyesve turistikë në Kosovë.

Sipas njoftimit, rastet e ushtrimit të kësaj veprimtarie pa licencë po ndëshkohen me gjoba, në përputhje me legjislacionin në fuqi.

Inspektorati u ka bërë thirrje të gjithë personave që ushtrojnë këtë veprimtari pa licencë që të kryejnë procedurat e licencimit dhe të vazhdojnë punën në mënyrë të rregullt dhe profesionale.

Sipas autoriteteve, licencimi përbën një detyrim ligjor, por njëkohësisht edhe një garanci për ofrimin e shërbimeve më profesionale dhe cilësore për turistët.

“Një turizëm i zhvilluar kërkon rregulla të qarta, zbatim të ligjit dhe shërbime cilësore për vizitorët”, thuhet në njoftim./A.K/

Continue Reading

Lajmet

Përvjetori i lindjes së Ali Podrimjes, një prej zërave më të fuqishëm të poezisë shqiptare

Published

3 days ago

on

August 28, 2026

By

Sot shënohet përvjetori i lindjes së poetit të madh shqiptar, Ali Podrimja, një prej figurave më të shquara të letërsisë shqipe bashkëkohore.

Ali Podrimja lindi më 28 gusht 1942 në Gjakovë dhe gjatë karrierës së tij letrare ndërtoi një prej opuseve më të rëndësishme të poezisë shqiptare.

Ndër veprat më të njohura të tij është “Lum Lumi”, një vepër e fuqishme dhe e ndjeshme që është bërë pjesë e rëndësishme e trashëgimisë së letërsisë shqipe.

Poezia e Podrimjes u dallua për gjuhën e veçantë, figuracionin e pasur dhe temat që lidhen me jetën, humbjen, dashurinë, atdheun dhe identitetin.

Ai u nda nga jeta më 21 korrik 2012, por vargjet dhe krijimtaria e tij vazhdojnë të lexohen dhe të vlerësohen nga breza të ndryshëm.

Emri i Ali Podrimjes mbetet i lidhur ngushtë me poezinë moderne shqiptare dhe me një trashëgimi letrare që vazhdon të ketë ndikim edhe sot./A.K/

Continue Reading

Lajmet

Nisin xhirimet e filmit të shkurtër “Deltar” me regji të Ibër Dearit

Published

4 days ago

on

August 27, 2026

By

Kanë nisur xhirimet e filmit me metrazh të shkurtër “Deltar”, me regji të Ibër Dearit, ndërsa producent dhe skenarist është Afrim Muçaj. Filmi është i subvencionuar nga Qendra Kinematografike e Kosovës.

“Deltar” sjell historinë e një djaloshi i cili detyrohet të largohet nga shtëpia së bashku me familjen, ndërsa qeni i tij mbetet pas, i lidhur në zinxhir.

Filmi trajton tema si lufta, braktisja, humbja, ikja dhe ndarja nga gjithçka që një fëmijë njeh dhe do, duke e sjellë luftën dhe pasojat e saj përmes përjetimit të një fëmije.

Në kastin e filmit janë Ledion Mulaki, Afrim Muçaj, Gentrit Shala, Mia Muçaj dhe Valon Nuhiu, së bashku me aktorë të tjerë./A.K/

Continue Reading

Të kërkuara