Kulturë

Chris Rock është dëshmi pse nuk duhet t’i jepni kurrë shuplakë një komediani

Mësimi nga e gjithë kjo histori është i thjeshtë: Asnjëherë mos e godisni me shuplakë një komedian, veçanërisht një të famshëm.

Published

on

Nga Dean Obeidallah

U bë pothuajse një vit qëkur i tërë vendi, në mos e gjithë bota, po fliste rreth “asaj shuplake”.

Shuplaka në fjalë ndodhi, natyrisht, kur ylli i Hollywood-it, Will Smith doli në skenë gjatë ndarjes së çmimeve nga Akademia dhe e goditi prezantuesin Chris Rock pas një shakaje që komediani bëri rreth gruas së tij.

Pasi e goditi Rock-un, Smith bërtiti duke i kërkuar që mos ta përmend më gruan e tij. Dhe Rock së fundi iu kundërpërgjigj. Ai realizoi një stand-up komedi në Netflix, dhe ia dëshmoi Smithit dhe botës se çfarë ndodh kur godet një humorist të famshëm. Komedia titullohej “Chris Rock: Selective Outrage”. Dihej se Rock po e shprehte tërbimin e tij ndaj një personi: Will Smith. Por kjo komedi kishte në shënjestër në një masë më të vogël, edhe gruan e aktorit, Jada Pinkett Smith, për të cilën Smith i kërkoi Rock-ut të mos fliste.

Pas kësaj komedie, Rock u bë trend në Twitter, dhe me arsye të mirë. Komediani mes tjerash duke folur për incidentin tha, “Njerëzit thonë gjithmonë se fjalët lëndojnë”, kushdo që thotë ashtu “s’është goditur asnjëherë”. Më pas ai foli edhe për tema tjera, sikurse varësia, aborti, racizmi, e të tjera. Rock-u nuk u ankua për atë shuplakë derisa e realizoi këtë komedi në Netflix, për të barazuar partiturën.

Pastaj ai ofroi një histori të vogël, duke i kujtuar audiencës se si Smith dhe gruaja Jada Pinkett Smith kishin treguar publikisht se ajo e tradhtoi atë me një nga miqtë e djalit të tyre. Rock përmendi emra të njohur që ishin tallur me Smithin pas kësaj historie, nga drejtuesit e “The View” e deri te reperët e njohur. Të gjithë, tha ai, folën rreth kësaj.

“Të gjithë! Të gjithë!” tha humoristi me ironi.“Dhe kë e goditi? Mua!”

Gjithashtu ai tregoi se në të kaluarën e kishte dashur Smithin. Ai e përmbylli këtë komedi me pyetjen që iu parashtrua vazhdimisht: “Si nuk bëre asgjë atë natë?”

Ai e dha përgjigjen në fund të emisionit: “Sepse kam prindër. E dini çfarë më mësuan prindërit e mi. Të mos luftojmë para njerëzve të bardhë”. Pas kësaj, Rocku e hoqi mikrofonin dhe audienca u ngrit në këmbë.

Ai do të mund të kishte thënë se nuk ka pasur nevojë të luftonte Smithin sepse ajo që bëri Rock me komedinë e tij është shumë më e dhimbshme për Smith-in dhe shumë më katartike për Rock-un, sesa nëse ai do ta godiste aktorin në ceremoni.

Në ceremoninë e Oscars një vit më parë, Smith u kthye në skenë pas shuplakës për të marrë çmimin për aktorin më të mirë, një kulm i karrierës për portretizimin e babait të Serena dhe Venus Williams në filmin biografik “King Richard”.

“Dashuria ju shtyn të bëni gjëra të çmendura”, tha aktori para audiencës derisa po pranonte çmimin.

Një muaj më vonë, Smith-it iu pezullua pjesëmarrja nga Akademia për dhjetë vjet. Kurse gjatë muajit korrik, aktori publikoi një video ku shprehu pendesën rreth sulmit ndaj Rock-ut. Nuk kam dyshim që edhe me këtë komedi, Rock-u e bëri atë të ndjej keqardhje.

Mësimi nga e gjithë kjo histori është i thjeshtë: Asnjëherë mos e godisni me shuplakë një komedian, veçanërisht një të famshëm. Në përjashtim të rasteve kur ju dëshironi të ktheheni në një pistë për të gjithë botën./UBTNews/

Kulturë

“Ëndrra pa kufi, Opera pa mure” – publikohen datat e Ramë Lahaj International Opera Festival

Published

on

Festivali Ndërkombëtar i Operës Rame Lahaj (RLIOF), do mbahet nga 23 korriku deri më 2 gusht 2025, duke sjellë edicionin e tij të pestë, me temën “Ëndrra pa kufi, Opera pa mure” një thirrje për tejkalimin e barrierave dhe për fuqinë transformuese të artit.

Festivali konsiderohet jo vetëm si një festë e muzikës por një dëshmi e forcës së ëndrrave dhe vizionit për Kosovën.

Më poshtë gjeni njoftimin e plotë të festivalit:

Në një vend ku mungon një shtëpi opere, ne nuk pamë një pengesë, por një mundësi për të ndërtuar diçka më të madhe. Me pasion dhe përkushtim, kemi kthyer çdo hapësirë në një skenë tingujsh që përkëdhelin zemrat e publikut.

“Ëndrra pa kufi, Opera pa mure” është më shumë se një moto, është fryma që do të na udhëheq në këtë edicion. Artistë nga çdo cep i botës na janë bashkuar, duke treguar se muzika është gjuha universale. Ajo nuk njeh barriera, nuk njeh kufi. Kosova është gati. Është e denjë, dhe ka nevojë për një shtëpi ku arti të marrë frymë, ku talenti të lulëzojë, ku brezat e ardhshëm të besojnë se ëndrrat bëhen realitet.

Në këtë 5-vjetor, ne nuk ndalemi. Ne ëndërrojmë më fort, krijojmë më lart dhe ndërtojmë themelet e së ardhmes.

Arti nuk ka nevojë për kufi, ai ka nevojë për zemra që besojnë.  Në këtë edicion jubilar, një rrugëtim që ka shënjuar historinë e artit operistik në vend, RLIOF ka ndërtuar tashmë një traditë, duke vendosur çdo vit një tullë më shumë për shtëpinë e ardhshme të artit muzikor në Kosovë.

Continue Reading

Magazinë

Dua Lipa në mesin e 300 personaliteteve që kërkojnë të mos përkrahet Izraeli

Published

on

Këngëtarja shqiptare me famë botërore, është në mesin e 300 figurave publike që i kanë bërë thirrje kryeministrit britanik, Keir Starmer, të ndërpresë bashkëpunimin me Izraelin, për sulmet e kryera ndaj civilëve në Gaza.

Në letrën drejtuar kryeministrit, ka raportuar Sky News, emra të famshëm nga bota e medias, artit, mjekësisë, akademikë, kanë akuzuar qeverinë se po vazhdon të lejojë shitjen e armëve nga Britania e Madhe në Izrael, e ofron licenca për armë.

Letra, e iniciuar nga organizata bamirëse për refugjatë, “Choose Love”, ka kërkuar të pezullojë menjëherë shitjen e armëve për Izraelin, si dhe të ketë qasje të menjëhershme humanitare në Gaza.

“Ju bëjmë thirrje të ndërmerrni veprime të menjëhershme për t’i dhënë fund bashkëfajësisë së Mbretërisë së Bashkuar në tmerret në Gaza”, thuhet në letër.

Aty u potencua edhe që “fëmijët në Gaza po vdesin nga uria, ndërsa ushqimi e ilaçet janë vetëm pak minuta larg”, duke iu referuar bllokadës 11-javore të Izraelit për ushqimin dhe furnizimet e tjera.

Kryeministri Keir iu bashkua udhëheqësve francezë dhe kanadezë, duke paralajmëruar Izraelin se do ndërmarrin “veprime konkrete” nëse kryeministri izraelit, Benjamin Netanyahu, vazhdon zgjerimin e operacioneve ushtarake në Gaza.

Continue Reading

Magazinë

30 vite “Mission: Impossible”, Tom Cruise ndan emocionet para finales së madhe

Published

on

Filmi ikonik Mission Impossible, i cila kulmon këtë vit me të shumëpriturin The Final Reckoning, ka qenë një aventurë jetësore për Tom Cruise.

Në një postim emocionues në rrjetet sociale, aktori 62-vjeçar bëri një reflektim të ndjerë mbi rrugëtimin e tij si yll dhe producent i serisë së suksesshme filmike. Ai shprehu mirënjohjen për të gjithë ata që kanë qenë pjesë e këtij rrugëtimi.

“Më shumë se 30 vjet më parë, fillova udhëtimin e prodhimit të filmit tim të parë, Mission: Impossible,” shkruan Cruise.
“Që atëherë, këto tetë filma më kanë udhëhequr në aventurën e jetës. Faleminderit regjisorëve, aktorëve, artistëve dhe teknikëve të jashtëzakonshëm nga e gjithë bota që ndihmuan t’i jepnim jetë këtyre historive. Ishte një privilegj të punoja me ju. Më e rëndësishmja, dua të falënderoj publikun. Jemi të emocionuar të ndajmë Llogarinë Finale me ju.”

Me këtë mesazh të ngrohtë dhe personal, Cruise ndan jo vetëm historinë e një suksesi kinematografik, por edhe ndjeshmërinë e një artisti që vlerëson çdo hap të këtij udhëtimi 30-vjeçar.

Continue Reading

Magazinë

Bebe Rexha thyen rekord në Billboard – “Meant To Be” shpallet kënga më e dëgjuar ‘country’ e shekullit 21

Published

on

Bebe Rexha, ka shënuar një tjetër sukses të madh në karrierën e saj ndërkombëtare. Këngëtarja, e cila ka pushtuar skenat më të mëdha të muzikës në botë, ka ndarë me ndjekësit në Instagram një arritje historike.

Gjiganti muzikor Billboard ka publikuar në rrjet istën e 100 këngëve më të dëgjuara në historinë e muzikës country në shekullin 21 – dhe në krye të kësaj liste renditet pikërisht kënga e Bebe Rexhës, “Meant To Be”.

“Grafikët country të shekullit 21. Hidhni një sy listës së Billboard për këngët më të mira country të shekullit 21 në @billboardcharts, bazuar në 25 vitet e para të këtij shekulli. Renditja me 100 pozicione është përpiluar sipas performancës në tabelën javore Top Country Songs, nga fillimi i 2000 deri në fund të vitit 2024. Lëvizni fotot për të parë renditjen e plotë e klikoni linkun në bio për më shumë detaje” – shkruhet në njoftimin zyrtar të Billboard.

“Meant To Be”, e publikuar më 2017 në bashkëpunim me Florida Georgia Line, ka njohur sukses të jashtëzakonshëm në mbarë botën. Ajo numëron mbi një miliard dëgjime në Spotify, mbi një miliard shikime në YouTube dhe ka marrë nominime për çmime prestigjioze si Grammy, MTV VMA, MTV EMA dhe CMA.

Ky hit është i certifikuar me çmimin “Diamond” në Shtetet e Bashkuara, një arritje që pak këngë kanë mundur ta prekin.

 

 

Continue Reading

Të kërkuara