Mjalti dhe kanella janë dy përbërës të njohur për shijet e tyre të veçanta dhe përfitimet shëndetësore që ofrojnë veç e veç. Por a e dini se kombinimi i tyre krijon një super shije dhe ndihmon në përmirësimin e shëndetit tuaj?

Mjalti është i njohur për fuqinë e tij anti-inflamatore dhe përmban përbërës që ndihmojnë në reduktimin e alergjive. Ai përmirëson kujtesën dhe funksionin e qelizave të trurit, mbron fytin dhe është efektiv në trajtimin e djegieve dhe lëndimeve. Mjalti është gjithashtu një burim energjie natyrale, i cili ndihmon në rritjen e vitalitetit.

Nga ana tjetër, kanella është një nga erëzat më të njohura dhe më të mirëbërëse. E pasur me antioksidantë, ajo ndihmon në parandalimin e sëmundjeve dhe ul rrezikun e sëmundjeve të zemrës dhe tensionit të lartë të gjakut. Kanella gjithashtu ndihmon në uljen e kolesterolit dhe triglicerideve, lufton mykun dhe bakteret, duke kontribuar në shëndetin e përgjithshëm.

Përfitimet që i merrni nga kombinimi i kanellës dhe mjaltit

Kombinimi i mjaltit me kanellën sjell një sërë përfitimesh shëndetësore. Të dyja ndihmojnë në përmirësimin e tretjes, luftojnë fryrjet në stomak, plogështinë dhe dhimbjet e kyçeve. Po ashtu, ndihmojnë në reduktimin e rënies së flokëve, infeksioneve të lëkurës, akneve, dhe mbrojnë nga të ftohurat dhe prishja e dhëmbëve. Mjalti me kanellë gjithashtu ndihmon në uljen e kolesterolit, rënien në peshë dhe përmirësimin e shëndetit të zemrës.

Kanellën me mjaltin kombinoni e formoni një pastë të ngrënshme e të shijshme. Në një enë përzieni një lugë çaji me kanellë, një lugë gjelle me mjaltë, nëse doni i shtoni një lugë gjelle me vaj ulliri ekstra të virgjër.

Këtë pastë kombinoni me lëngje të ndryshme frutash e perimesh, ta përdorni për të lyer bukën ose konsumoni një lugë në mëngjes ose në mbrëmje.Merrni këtë kombinim të shijshëm dhe përfitoni nga vlerat e shumta shëndetësore! /UBTNews/

Me hyrjen në nëntor, ndiejmë të ftohtin që na kujton se është koha të vishemi më trashë. Një nga kënaqësitë e kësaj stine është një pjate supe të ngrohtë, e cila na ofron rehatinë e shtëpisë. Stina e vjeshtës na sjell një gamë të pasur frutash dhe perimesh që e bëjnë ushqimin tonë më të shijshëm dhe të shëndetshëm.

Në këtë artikull, do t’ju prezantojmë me disa nga frutat dhe perimet më të mira për t’u konsumuar gjatë këtyre ditëve të ftohta, që jo vetëm do të ngrohin trupin tuaj, por gjithashtu do t’ju ofrojnë vlera ushqyese të rëndësishme. Le të shohim disa nga më të mirat që na ofron ky muaj i bukur!

Panxhari i kuq

Ka vetëm një pamje të bukur, duke qenë se kanë ngjyrë të fortë të kuqe që shkëlqen, por ka dhe një kombinim të shkëlqyer të së ëmblës me tokën. Nëse hyn tek kategoria e atyre që nuk e fusin në gojë panxharin, bëni mirë ta rikonsideroni duke qenë se ka edhe shumë vlera ushqyese.

Lakra

Lakra është një nga perimet më të shëndetshme dhe të përdorura gjerësisht në kuzhinat e shumë vendeve. E pasur me vitamina, veçanërisht vitaminë C dhe K, ajo ofron një sërë përfitimesh shëndetësore që e bëjnë atë një super ushqim.

E pasur me vitaminë C dhe K, është super ushqim për parandalimin e radikaleve të lira, duke ngrënë më shumë lakër  ndihmoni të zvogëloni rrezikun e kancerit të gjirit dhe kancerit në zorrë e prostat.

Mandarina

Mandarina është një frut i vogël dhe i ëmbël, pjesë e familjes së agrumeve, e cila përfshin gjithashtu portokallet dhe limonët. Me lëkurën e saj të hollë dhe të lehtë për t’u hequr, mandarina është e njohur për shijen e saj të freskët dhe lëngshme, duke e bërë atë një zgjedhje ideale për një snack të shëndetshëm.

Për ta ruajtur freskinë, rekomandohet të ruhet në frigorifer, brenda një qese plastike të izoluara mirë, që ndihmon në mbajtjen e lagështisë dhe parandalon tharjen. Një burim i shkëlqyer i vitaminës C, mandarina jo vetëm që është e shijshme, por gjithashtu ndihmon në forcimin e sistemit imunitar dhe është e shkëlqyer për t’u konsumuar gjatë muajve të ftohtë.

Perimet me rrënjë

Përveç karrotës, ka dhe shumë perime tjera me rrënjë që janë të shkëlqyera. Një nga ato është dhe preshi i gatuar në gjellë, byrek apo i shtuar në sallatë.

Ullinj

Një nga pemët më të përmendura në librat e shenjtë, ndërkohë që fruti është krejt shpirti i shijes mesdhetare,  ullinjtë duhet të jenë të fortë e jo të gërvishur apo të dëmtuar.

Sigurohuni ta shijoni nëntorin e mbushur me festa por edhe me ushqime të shëndetshme e plot shije. /UBTNews/

Soda e bukës është ndër komponentet kryesore që e ka secila grua në kuzhinë, edhe pse mund të ketë zëvendësim, kjo gjë nuk e bën atë më pak të vlefshme.

Në rast që e keni harxhuar dhe keni harruar ta blini, ne ju tregojmë se me çka mund ta zëvendësoni sodën e bukës.

Pluhuri pjekës

Ndryshimi mes pluhurit pjekës dhe sodës së bukës është i thjeshtë, pluhuri përmban acide që prodhojnë bulëzat e dioksidit të karbonit për ardhjen e brumit.

Soda bukës ka nevojë për përbërës tjerë të arrijë reagimin kimik, duke qenë se soda e bukës është përbërës aktiv i pluhurit pjekës e bën zëvendësues të mirë.

Nëse receta kërkon 1 lugë çaji sodë, duhet të përdorni 3 lugë çaji pluhur pjekës, ky zëvendësim është i lejuar në disa receta por në kek ofron dendësi të tepruar.

Të bardhat e vezëve

Proteina tek të bardhat e vezëve ofrojnë strukturën fizike të produktit të pjekur, përfshirja e saj uhet të jetë e ngadaltë dhe mund të niset receta me dy të bardha të rrahura dhe me sa më pak ajër.

Ekspertët thonë se në rast se nuk ju gjendet sodë buke në shtëpi dhe nëse receta e mundëson, sodën e bukës mos e përfshini në gatim.

Në rastin e biskotave, ato do të dalin shumë krokante ndërsa krepat dalin më të holla. /UBTNews/