Lajmet

Çfarë duhet të dini me patjetër për datat e skadencës?

Data e afatit të shitjes tregon për sa kohë një produkt duhet të qëndrojë në raftet e dyqanit.

Published

4 years ago

on

Në përpjekje për të rritur ndërgjegjësimin e konsumatorit në lidhje me jetëgjatësinë ose sigurinë e konsumit të një produkti ushqimor, AgroWeb.org synon të japë më shumë informacion në lidhje me nënkuptimin e datave të shtypura në paketimet ushqimore.

Për këtë artikull, AgroWeb.org u konsultua me përfaqësues të një prej rrjeteve më të mëdha të supermarketeve në vend, EcoMarket mbi të vërtetat dhe legjendat e përhapura në lidhje me datat e skadencave.

Nëse shikoni në frigoriferin ose tek raftet ushqimore të shtëpisë, do të vini re se shumë produkte kanë të printuar përveç datës së skadencës, edhe datën e paketimit, madje edhe datën e afatit të shitjes.

Natyrshëm lind dilema; nëse produktin e keni hapur pasi ka përfunduar data e afatit të shitjes, a duhet ta konsumoni apo ta hidhni tutje?

Studimet thonë se mbi 91 përqind e konsumatorëve vendosin për hedhjen në kosh të ushqimeve, bazuar në datën e paketimit.

Sigurisht askush nuk kërkon të helmohet nga ushqimi, por edhe të hedhë ushqime në kosh nuk është një gjë e mirë.

Çfarë nënkupton data?

Ligjet ndërkombëtare nuk detyrojnë kompanitë e prodhimit të vendosin data në paketimet e tyre. Në shumë raste, vetë kompanitë vendosin këto data vullnetarisht. Por kjo nuk do të thotë domosdoshmërisht që data tregon nëse një artikull është i prishur apo thartuar.

Disa data informojnë shitësit mbi afatin optimal të freskisë dhe shijes së produktit.

Ndryshimet në emërtime:

Data e afatit të shitjes tregon për sa kohë një produkt duhet të qëndrojë në raftet e dyqanit. Edhe nëse kalojnë ditë pas këtij kufiri, nëse produktet ruhen në kushte të mira, ato janë sërish të sigurta për konsum.

Emërtimi “Është mirë të përdoret deri në” vjen direkt i printuar nga prodhuesit ushqimorë.

Ky emërtim tregon se produkti ruan freskinë dhe shijen deri në datën e caktuar, por ju mund ta konsumoni edhe pas kësaj date. Pra, kjo datë nuk ka të bëjë me sigurinë ushqimore.

Emërtimi “Duhet përdorur deri në” vjen direkt nga prodhuesit ushqimore dhe nënkupton datën e fundit që konsumatori mund të marrë cilësinë maksimale nga ushqimi.

Pas kësaj date, shija dhe cilësia e ushqimit mund të përkeqësohen, por ushqimi është sërish i ngrënshëm.

Data e skadencës është data e vetme e etiketës së ushqimit që ka të bëjë me të vërtetë me sigurinë ushqimore.

Nëse keni blerë një produkt pas datës së skadencës, hidheni menjëherë.

Kohëzgjatja e cilësisë së disa produkteve bazë

Jeni akoma konfuzë apo të shqetësuar? AgroWeb.org ju rekomandon rregullat e mëposhtme për të qenë të sigurt.

Qumështi mund të konsumohet dy ose tre ditë pasi ka kaluar data e përdorimit. Ruajeni në zonat më të thella të frigoriferit ku temperaturat janë zakonisht më të ftohta.

Gjalpi qëndron i freskët nga dy ditë deri në tre javë pas blerjes.

Margarina zgjat nga katër deri në gjashtë javë pas blerjes.

Vezët janë të sigurta për konsum për 3 deri në 4 javë pas blerjes.

Në lidhje me këto produkte, përfaqësues të EcoMarket sugjerojnë që të ruhen në zonat më të thella të frigoriferit ku temperaturat janë të ftohta dhe mos i mbani në zonën e derës së tij.

Pula, shpendët dhe mishi i grirë mund të qëndrojnë të freskëta nga një deri në dy ditë pas blerjes.

Shpendët e paragatuar mund të konsumohen nga tre deri në 4 ditë.

Peshqit mbesin të freskët nga deri në 3-4 ditë pas blerjes, përderisa ruhen në frigorifer.

Mishi i konservuar mund të konsumohet deri në tre javë pas blerjes përsa kohë nuk është i hapur. Pas hapjes mund ta ruani deri në katër ditë.

Makaronat zgjasin nga një deri në dy vjet pas blerjes.

Perimet dhe frutat e konservuara zgjasin shumë. Por nëse janë të ekspozuara ndaj ngricave apo temperaturave të larta ky rregull nuk vlen. Tregoni kujdes me konservat e dëmtuara.

Duhet të dini që nëse ruani diçka në ngrirje, atëherë produkti do të mund të konsumohet, ndonëse freskia dhe shija mund të zbehen me kalimin e kohës./AgroWeb.org

Related Topics:
Continue Reading

Lajmet

Vendoset mjet shpërthyes dhe letër kërcënuese në derën e një shtëpie në Pejë

Published

2 hours ago

on

June 26, 2026

By

Një mjet shpërthyes dhe një letër me përmbajtje kërcënuese janë gjetur të vendosura në derën e një objekti banimi në Pejë.

Sipas Policisë së Kosovës, rasti ka ndodhur më 25 qershor 2026, rreth orës 23:43. Menjëherë pas raportimit, policia ka siguruar vendin e ngjarjes, ndërsa njësia për deminim ka bërë largimin e mjetit shpërthyes.

Rasti është duke u hetuar./A.K/

Continue Reading

Lajmet

Ndahet nga jeta legjenda e rock-ut David Clayton-Thomas

Published

2 hours ago

on

June 26, 2026

By

David Clayton-Thomas, këngëtari kanadez dhe frontmeni i grupit legjendar Blood, Sweat & Tears, ka ndërruar jetë në moshën 84-vjeçare.

Fituesi i çmimit Grammy u nda nga jeta në mënyrë paqësore të mërkurën në një spital në Toronto, ka bërë të ditur publicisti i tij, Eric Alper. Shkaku i vdekjes nuk është bërë publik.

Clayton-Thomas ishte një nga zërat më të njohur të muzikës jazz-rock dhe interpretoi hite si “You’ve Made Me So Very Happy”, “And When I Die” dhe “Spinning Wheel”. Gjatë karrierës së tij shiti mbi 40 milionë disqe dhe konsiderohet një nga artistët që ndikoi në zhvillimin e këtij zhanri muzikor.

Ai iu bashkua grupit Blood, Sweat & Tears në vitin 1968. Albumi me të njëjtin emër u shit në mbi 10 milionë kopje në mbarë botën, qëndroi shtatë javë në krye të klasifikimit Billboard dhe fitoi pesë çmime Grammy, përfshirë edhe çmimin për Albumin e Vitit, duke lënë pas edhe albumin Abbey Road të The Beatles.

Në vitin 1970, grupi u bë formacioni i parë rock që zhvilloi një turne në Evropën Lindore, pas një kërkese të Departamentit Amerikan të Shtetit. Më vonë u zbulua se Clayton-Thomas ishte përballur me një ultimatum për ta zhvilluar turneun në këmbim të qëndrimit të përhershëm në Shtetet e Bashkuara.

Ai u largua nga grupi në vitin 1972 për shkak të lodhjes nga turnetë e shumta, por më vonë publikoi mbi një duzinë albumesh solo dhe iu rikthye Blood, Sweat & Tears në fillim të viteve 1980.

David Clayton-Thomas lë pas dy vajzat e tij, Ashleigh Clayton-Thomas dhe Christine Graham. Sipas publicistit të tij, në një datë të mëvonshme do të organizohet një koncert përkujtimor në nder të jetës dhe muzikës së tij, ndërsa të ardhurat do t’i dedikohen organizatës bamirëse Peacebuilders Canada. /A.K/

Continue Reading

Lajmet

Spekulimet shtohen, Taylor Swift dhe Travis Kelce mund të martohen në Madison Square Garden

Published

2 hours ago

on

June 26, 2026

By

Spekulimet për martesën e këngëtares me famë botërore Taylor Swift dhe yllit të NFL-së, Travis Kelce, janë shtuar pas raportimeve se është paraqitur një kërkesë për mbylljen e disa rrugëve pranë Madison Square Garden në New York gjatë fundjavës së 4 Korrikut.

Zëdhënësja e zyrës së kryetarit të New Yorkut, Dora Pekec, konfirmoi për BBC se në fillim të qershorit është dorëzuar një kërkesë për mbylljen e rrugëve rreth arenës nga 2 deri më 4 korrik. Megjithatë, ajo nuk bëri të ditur se kush e ka paraqitur kërkesën, ndërsa CNN raportoi se emrat e Swift dhe Kelce nuk figurojnë në dokumentacion.

Sipas The New York Times, disa lojtarë të ekipit Kansas City Chiefs, ku luan Kelce, kanë rezervuar dhoma hoteli në afërsi të arenës. Po ashtu, policët e Amtrak, që kujdesen për sigurinë në stacionin Penn Station poshtë Madison Square Garden, janë njoftuar të jenë të përgatitur për një dasmë të mundshme të Swift gjatë fundjavës festive.

Raportimet thonë se më 2 korrik mund të organizohet një ceremoni private me rreth 100 të ftuar, ndërsa më 3 korrik një festë më e madhe, ku nuk përjashtohen edhe performanca muzikore.

Lajmi ka ngjallur reagime të shumta mes fansave. Disa e kanë cilësuar Madison Square Garden si një zgjedhje të pazakontë për një martesë, duke menduar se Swift do të zgjidhte një ambient më romantik, si rezidenca e saj në Rhode Island. Të tjerë, megjithatë, e konsiderojnë arenën një vend simbolik, pasi ajo lidh botën e muzikës dhe sportit, dy fushat ku çifti ka ndërtuar karrierën.

Një tjetër arsye që përmendet është siguria e lartë që ofron arena, me hyrje private dhe masa të rrepta që do ta bënin të vështirë fotografimin e çiftit dhe të ftuarve nga paparacët.

Taylor Swift dhe Travis Kelce njoftuan fejesën e tyre në muajin gusht, ndërsa deri më tani nuk kanë konfirmuar zyrtarisht datën apo vendin e martesës./A.K/

Continue Reading

Lajmet

Një grua gjendet pa shenja jete në Lipjan, trupi dërgohet për obduksion

Published

2 hours ago

on

June 26, 2026

By

Një grua ka humbur jetën në rrethana ende të panjohura në Lipjan.

Sipas Policisë së Kosovës, rasti është raportuar më 25 qershor, rreth orës 09:55, nga një dëshmitare, e cila ka njoftuar se viktima kishte rënë papritur në tokë.

Në vendin e ngjarjes kanë dalë ekipet e emergjencës, të cilat kanë konstatuar vdekjen e viktimës.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa rasti po hetohet si “Hetim mbi vdekjen”./A.K/

Continue Reading

Të kërkuara