Sport

Cassano fajëson Rrahmanin për eliminimin e Napolit nga Liga e Kampionëve

Ai tha se mbrojtësi kosovar mund ta kishte ndalur aksionin duke shkaktuar ndërhyrje të palejueshme.

Published

on

Në kanalin “Bobo TV”, Antonio Cassano ka komentuar kalimin tutje të Milanit në gjysmëfinale të Ligës së Kampionëve, pasi “Rossonerët” eliminuan skuadrën e Napolit.

Milani eliminoi Napolin brenda dy ndeshjeve me rezultat të përgjithshëm 2:1, dhe e arriti gjysmëfinalen e turneut pas plot 16 vitesh.

Diferencën e bëri ylli portugez Rafael Leao me një super paraqitje, ku vrapoi më shumë se 80 metra me top në këmbë për të asistuar te Olivier Giroud, i cili shënoi golin e parë të ndeshjes duke e kaluar Milanin në epërsi prej 1:0 në pjesën e parë.

Tani, Cassano, analist i zakonshëm në “Bobo TV” dha mendimin e tij për ndeshjen. Ish-ylli i Romas dhe Real Madridit u fokusua në disa probleme të Napolit, ku njëri prej tyre ishte edhe ylli kosovar, Amir Rrahmani.

Cassano e fajësoi Rrahmanin për golin që Napoli e pësoi, duke thënë se mbrojtësi kosovar mund ta kishte ndalur aksionin duke shkaktuar ndërhyrje të palejueshme.

“Milani e luajti ndeshjen si një skuadër e vërtetë dhe diferenca prej 24 pikësh në ligë nuk u ndje. Por pse Rrahmani nuk bëri ndërhyrje për ta ndalur golin? Menjëherë kur Leao morri topin, ai nuk duhej ta lejonte”, tha Cassano.

Më tej, Cassano uroi Napolin për aventurën që e ka bërë deri tani, por tha se Milani kaloi tutje me plot meritë.

“Urime Napolit për aventurën që e ka bërë, por për të bërë një hap para, i duhet edhe një lojtar qendror i një niveli të lartë. Milani kaloi tutje me plot meritë”, tha Cassano.

Lajmet

​FIFA me vendim të rëndësishëm për ndeshjen Shqipëri-Serbi

Published

on

Duket se ndeshja Shqipëri-Serbi, do të luhet para një numri më të vogël spektatorësh në Leskovac ku kapaciteti i “Duboçicës” do të reduktohet me 20 përqind, sipas mediumit “Sport Klub”.

Sipas të njëjtit informacion, Federata e Futbollit të Serbisë (FSS) u gjobit gjithashtu me 80,000 franga zvicerane.

Në të njëjtën kohë, dënimi përfshin edhe një detyrim për të pasur një plan të qartë për të luftuar problemet e mundshme në ndeshjen e ardhshme me Shqipërinë.

FSS është i detyruar të paraqesë një plan ulësesh, jo më vonë se 1 tetori, me mundësinë e mbushjes së një pjese të kapacitetit me grupe me interesa të veçanta: familje, studentë, organizata të përqendruara në luftën kundër diskriminimit. Siç është njoftuar, “plani duhet të përfshijë edhe aktivitete të qarta kundër diskriminimit (si veshja e bluzave ose shfaqja e banderolave me mesazhe të tilla)”.

Praktikisht, vetëm 6,500 spektatorë do të jenë në gjendje të hyjnë në tribuna më 11 tetor.

Në organizimin e ndeshjes me Anglinë u panë disa mangësi dhe delegati çek Emil Ubias , regjistroi çdo detaj, prandaj këto ditë është folur gjithnjë e më shumë për një dënim potencialisht shumë më drastik, përjashtimin me kusht të ekipit kombëtar serb nga gara e organizuar nga FIFA.

Serbia dhe Shqipëria do të luajnë në stadiumin “Dubočica” në Leskovc më 11 tetor në vend të Beogradit./S.K/KP/

 

Continue Reading

Lajmet

​Klopp drejt rikthimit në stol

Published

on

Edhe pse Jurgen Klopp nuk ka qenë në krye të një ekipi për më shumë se një vit, emri i tij është gjithmonë një nga të parët që del në pah kur një trajner shkarkohet ose fillon të lëkundet.

Ky është sigurisht rasti me Al Ittihad.

Ekipi i Benzema-s dhe Kante-s, kampionë në fuqi të Ligës Saudite, sapo e kanë shkarkuar trajnerin Laurent Blanc pas një fillimi zhgënjyes të sezonit.

Ndër emrat e parë që do të zëvendësojnë francezin, sipas gazetës Al Riyadh, është ish-trajneri i Liverpool-it, i cili aktualisht mbikëqyr RB Leipzig, New York Red Bulls dhe Red Bull Salzburg si kreu i ekipit të futbollit të Red Bull./S.K/KP/Al Jazeera

Continue Reading

Lajmet

​Spektakël në Ligën e Kampionëve, sonte zhvillohen përballje të zjarrta

Published

on

Liga e Kampionëve rikthehet sonte me një seri supersfidash, ku në total janë dhjetë ndeshje që do të luhen në kuadër të fazës së grupeve, të ndara në dy orare.

Nga ora 18:45, Atalanta do të përballet me Club Brugge, ndërsa kampionët rekord të kësaj gare, Real Madrid, udhëtojnë drejt Kazakistanit për sfidën kundër Kairat Almaty.

Në orën 21:00, vëmendja zhvendoset tek përballjet gjigante ku Atlético Madrid pret Eintracht Frankfurt në “Civitas Metropolitano”, Bodo/Glimt synon të surprizojë Tottenhamin, Chelsea ndeshet me Benficën në “Stamford Bridge”, Galatasaray përballet me Liverpoolin në një duel të zjarrtë mes dy tifozërive të njohura për atmosferën elektrizuese, si dhe Interi sfidon Slavia Pragën në “San Siro”.

Përballja mes vazhdon ku Marseille pret Ajaxin në një klasike europiane, dhe Pafos nga Qiproja synon të bëjë historinë kundër Bayern Munichut.

Këto sfida janë shumë të rëndësishme në luftën për kualifikim në fazën e eliminimit direkt, ndërkohë që klubet më të mëdha të kontinentit kërkojnë të tregojnë forcën e tyre./S.K/KP/

Continue Reading

Lajmet

​Zyrtare: Merret vendimi për stadiumin ikonik “Giuseppe Meazza”

Published

on

Në mëngjesin e hershëm, Këshilli i Qytetit të Milanos miratoi rezolutën për shitjen e zonës së San Siros te AC Milan dhe Inter për 197 milionë euro. Vendimi u mor pas një seance maratonë me tensione të shumta dhe protesta brenda e jashtë sallës.

Rezultati i votimit ishte 24 pro, 20 kundër dhe 2 abstenime, ndërsa rolin vendimtar e luajti abstenimi i këshilltarëve të Forza Italia.

Investimi i parashikuar për projektin arrin në mbi 1.2 miliardë euro, duke përfshirë ndërtimin e stadiumeve të reja dhe rigjenerimin urban të zonës.

Ky vendim i hap rrugën një epoke të re për futbollin milanez, ndërsa San Siro historik do të hyjë në proces transformimi./S.K/KP/

Continue Reading

Të kërkuara