Magazinë

Carey Mulligan në bisedime për rol në filmin “Narnia” të Greta Gerwigut

Published

1 year ago

on

Carey Mulligan është në negociata për ta luajtur nënën e Digory Kirke në filmin e ardhshëm “Narnia” të regjisores Greta Gerwig për platformën Netflix, ka raportuar “The Hollywood Reporter”. Në filmin nëna e Digoryt është e sëmurë. 

Aktorja britanike pritet t’i bashkohet një kasti yjesh në këtë projekt të pritur, ku përmenden edhe emra si Meryl Streep (si zëri i luanit Aslan), Daniel Craig (si xhaxhai i Digoryt) dhe Emma Mackey (si Magjistarja e Bardhë, Jadis).

Për disa role bisedimet janë në faza të hershme, “bisedimet me aktorin Craig janë në fazë ‘shumë të hershme’ dhe ai ende nuk ka firmosur zyrtarisht.”

Mackey thuhet se ka fituar rolin e Magjistares së Bardhë përballë konkurrenteve të tjera si këngëtarja Charli XCX dhe aktorja Margaret Qualley.

Netflix është ende në kërkim të aktorëve të rinj për rolet kryesore të fëmijëve Digory Kirke dhe Polly Plummer.

Filmi i ri “Narnia” do të bazohet në romanin “The Magician’s Nephew”, botuar më 1955 nga shkrimtari britanik C.S. Lewis, që rrëfen historinë e dy fëmijëve që udhëtojnë në bota të çuditshme përmes unazave magjike e bëhen dëshmitarë të krijimit të Narnias.

Gjatë këtij udhëtimi, ata zgjojnë një mbretëreshë të ligë dhe përballen me vendime që ndryshojnë fatin e të gjithë botëve. Greta Gerwig, 41 vjeç, do të jetë edhe skenaristja e filmit. Në ekipin e prodhimit janë përfshirë emrat e njohur Mark Gordon, Amy Pascal dhe Vincent Sieber. Netflix e kishte njoftuar projektin për herë të parë në vitin 2018, ndërsa Gerwig u konfirmua si regjisore dy vite më pas.

U raportua se Gerwig ka arritur të bindë Netflixin që ta shfaqë filmin në ekranet IMAX në të gjithë botën më 26 nëntor 2026 para se të publikohet në platformën e Netflix më 25 dhjetor 2026 (Krishtlindje). Kjo nuk do të jetë e vetmja përballje e Gerwig me botën e Narnias.

Ajo do të shkruajë dhe drejtojë edhe një film tjetër të bazuar në sagën fantastike të C.S. Lewis. Regjisorja e “Barbie”, ka shpjeguar se ky projekt ka diçka thellësisht të veçantë për të. “Duhet të jetë diçka që më ngacmon në një mënyrë të çuditshme, që më prek deri në palcë”, ka thënë Gerwig.

Për BBC Radio 4, ajo ka folur hapur për ndjeshmërinë që ka ndaj veprës.

“Jam pak e tmerruar, kam respekt për ‘Narnian’. E kam dashur si fëmijë, dhe si e rritur, e vlerësoj C.S. Lewisin si mendimtar dhe shkrimtar. Është një projekt që më frikëson, por në mënyrën më të mirë të mundshme”, ka thënë regjisorja.

Gerwig ka shtuar se, si amerikane, ndjen një përgjegjësi të veçantë për ta trajtuar këtë trashëgimi britanike me kujdes.

“Është pak si kur amerikanët bëjnë Shekspirin, ka ndjenjë nderimi e frike, sikur duhet ta trajtojmë me kujdes të veçantë. Ai nuk është bashkatdhetari ynë”, ka thënë ajo.

Related Topics:
Continue Reading

Lajmet

Rihanna prek zemrat me mesazhin për një grua me kancer: “Mos kërko kurrë falje për pamjen tënde”

Published

2 hours ago

on

July 10, 2026

By

Një takim i rastësishëm i Rihanna-s me një grua që po lufton me kancerin është kthyer në një nga momentet më prekëse të ditëve të fundit, pasi këngëtarja i dha asaj një mesazh të fuqishëm për vetëbesimin dhe pranimin e vetes.

Ngjarja ndodhi në një supermarket në Los Anxhelos, ku gruaja, e identifikuar si Robin, iu afrua artistes për një fotografi. Para se ta kërkonte, ajo i kërkoi falje që nuk mbante paruke, duke thënë se ndihej në siklet për pamjen e saj.

Por Rihanna nuk e la bisedën të vazhdonte në atë drejtim. “Nuk dukesh aspak keq. Dukesh e mrekullueshme,” i tha ajo, përpara se të prekte flokët e saj dhe të shtonte me humor: “Ja si dukem unë me paruken time.”

Artistja e inkurajoi Robin të mos ndihej kurrë e detyruar të kërkonte falje për pamjen e saj.

“Sa herë që takon dikë, mos e bëj më këtë. Je e mrekullueshme pikërisht kështu,” i tha Rihanna.

Takimi u filmua për vlogun e personalitetit mediatik Jason Lee dhe u shpërnda gjerësisht në rrjetet sociale, ku u vlerësua për ngrohtësinë dhe empatinë e artistes.

Gjatë bisedës, Rihanna zbuloi edhe një rastësi të bukur: emri i saj i vërtetë është Robyn, njësoj si ai i gruas që takoi. “Je një Robyn e vërtetë,” i tha ajo me buzëqeshje.

Në fund të takimit, Robin e pyeti nëse mund ta telefononte ndonjëherë, ndërsa Rihanna iu përgjigj me entuziazëm: “Sigurisht!”. Duke e përqafuar me fjalë inkurajuese, artistja e përcolli me mesazhin: “Shihemi në turne. Të dua. Dhe mos e bëj më kurrë atë.”/A.K/

Continue Reading

Teknologji

OpenAI lanson modelet zërore “GPT-Live” që dëgjojnë dhe flasin njëkohësisht

Published

3 hours ago

on

July 10, 2026

By

Kompania OpenAI ka lansuar të mërkurën “GPT-Live”, një familje të re të modeleve zërore, të cilat janë të kapshme të dëgjojnë dhe të flasin në të njëjtën kohë në kohë reale.

Startup-i i inteligjencës artificiale, i cili po përgatitet për të dalë në bursë (IPO), njoftoi se do të nxjerrë në treg dy versione të këtij modeli – GPT-Live-1 dhe GPT-Live-1 mini – për përdoruesit në mbarë botën po të mërkurën.

Në maj, OpenAI prezantoi tre modele audio për platformën e saj të zhvilluesve, me qëllim që t’i bëjë agjentët softuerikë të bazuar në zë më bashkëbisedues dhe më të aftë për të kryer detyra në kohë reale. /Reuters/ /E.A/

Continue Reading

Lajmet

Bonnie Tyler ndërron jetë në moshën 75-vjeçare

Published

21 hours ago

on

July 9, 2026

By

Këngëtarja legjendare uellsiane Bonnie Tyler, e njohur në mbarë botën për hitet ikonike “Total Eclipse of the Heart” dhe “Holding Out for a Hero”, ka ndërruar jetë në moshën 75-vjeçare. Lajmi u konfirmua nga familja dhe ekipi i saj përmes një njoftimi të publikuar në rrjetet zyrtare sociale.

Sipas njoftimit, Tyler ndërroi jetë të mërkurën në një spital në Portugali, ku po trajtohej pas një sëmundjeje.

“Në ditët në vijim do të publikojmë një deklaratë të mëtejshme, por për momentin kërkojmë privatësi për ta përballuar këtë humbje të rëndë”, thuhet në deklaratën e familjes dhe ekipit të artistes.

Bonnie Tyler ishte një nga zërat më të veçantë të muzikës rock dhe pop. Me timbrin e saj karakteristik dhe një karrierë që zgjati për më shumë se pesë dekada, ajo la gjurmë në industrinë muzikore me këngë që vazhdojnë të dëgjohen dhe të pëlqehen nga miliona fansa në mbarë botën./A.K/

Continue Reading

Magazinë

Shqipëria renditet destinacioni më i lirë në Evropë për pushimet verore 2026

Published

1 day ago

on

July 9, 2026

By

Shqipëria është renditur destinacioni më i lirë për pushime verore në Evropë për vitin 2026, sipas një studimi të realizuar nga kompania britanike e kartave të kreditit “Aqua”, të publikuar nga e përditshmja britanike Daily Express.

Studimi ka krahasuar koston e një qëndrimi njëjavor në destinacione turistike në Britaninë e Madhe dhe në Evropë, në një kohë kur 47 për qind e britanikëve që planifikojnë të udhëtojnë kanë vendosur të ulin shpenzimet për shkak të rritjes së kostos së fluturimeve.

Sipas analizës, Shqipëria ofron raportin më të mirë mes kostos dhe përvojës së pushimeve. Fluturimet vajtje-ardhje kushtojnë mesatarisht rreth 100 paund, ndërsa një javë akomodim për dy persona gjatë muajit korrik kushton mesatarisht 381 paund (rreth 447 euro).

Ky vlerësim vjen në një kohë kur turizmi në Shqipëri po vazhdon të rritet me ritme të shpejta. Sipas të dhënave të përfshira në studim, numri i vizitorëve në vend u rrit me 89 për qind në vitin 2025 krahasuar me vitin 2019, duke e bërë Shqipërinë destinacionin turistik me rritjen më të shpejtë në Evropë.

10 destinacionet më të lira në Evropë për pushime verore në vitin 2026:

  • Shqipëri
  • Pragë
  • Porto
  • Madrid
  • Lisbonë
  • Costa del Sol
  • Budapest
  • Tenerife
  • Blackpool
  • Lanzarote

Continue Reading

Të kërkuara