Lajmet

“Can for Balkans”, krijimi i një rrjeti kulturor ndërkufitar lehtëson bashkëpunimin midis artistëve

Qëllimi i projektit është krijimi i një rrjeti kulturor ndërkufitar.

Publikuar

3 vjet më parë

më

ATSH/- Përfundoi me sukses organizimi i takimeve dhe aktiviteteve në Tiranë, në datat 30 Korrik – 02 Gusht 2021, në kuadër të projektit “Can for Balkans – Comics Alliance Network for Balkans – Rrjeti i Aleancës për Novelat Grafike për Ballkanin”, paraqitur nën Programin Kulturor-Europa Krijuese-të BE-së.

Qëllimi i projektit është krijimi i një rrjeti kulturor ndërkufitar për të lehtësuar bashkëpunimin midis artistëve dhe specialistëve në botën e novelave grafike historikë në Ballkanin Perëndimor dhe Bashkimin Evropian, në frymën e vlerave të Bashkimit Evropian.

Në ditën e parë të organizimit të takimeve dhe aktiviteteve në Tiranë në kuadër të projektit, u zhvillua një takim mes koordinatorëve të projektit, ku u diskutua mbi ecurinë e punës dhe caktimit të hapave të radhës që do të ndiqen për të pasur një projekt të suksesshëm edhe në fazat e tjera të zhvillimit të tij.

Më pas pjesëmarrësit në projekt nga Rumania, Maqedonia e Veriut dhe Serbia udhëtuan drejt Durrësit ku zhvilluan një vizitë në Bibliotekën e qytetit, si dhe një guidë në qendrat më kryesore turistike të Durrësit.

Gjatë pasdites pjesëmarrësit nga Rumania, Shqipëria, Maqedonia e Veriut dhe Serbia bënë prezantimin e punës së tyre nga takimi i qershorit në Leskovac, Serbi deri në ditën e takimit në Tiranë.

Në fund të ditës së parë në takimin në Shqipëri gjithë grupi zhvilloi edhe një vizitë zyrtare në Muzeun Arkeologjik Durrës, ku u njohën më shumë me zbulimet arkeologjike të atij qyteti.

Në ditën e dytë të organizimit të aktiviteteve në kuadër të projektit u zhvilluan dhe dy takime kryesore të organizimit në Tiranë.

Takimi i parë ishte ai me temë “Njihuni me mjedisin lokal artistik”, ku u prezantua koncepti i projektit dhe avantazhet e rrjetit kulturor të krijuar nga projekti, identifikimin e problemeve që lidhen me novelën grafike në veçanti apo dhe artet grafike në përgjithësi.

Gjatë këtij takimi u bë një prezantim i detajuar mbi historinë e novelave grafike të Shqipërisë nga prof. Shpend Bengu dhe më pas u vijua me një diskutim mes artistëve grafikë të rinj shqiptarë dhe artistëve të ardhur nga vendet partnere në projekt: Rumania, Belgjika, Maqedonia e Veriut dhe Serbia.

Aktiviteti i dytë që u zhvillua ishte debati me temë “Klishetë dhe stereotipet kulturore dhe shoqërore në Ballkan”, ku u diskutua më së shumti mbi Shqipërinë dhe u bë një përmbledhje e debatit të zhvilluar në Leskovac, Serbi në muajin qershor.

Në të dyja takimet, përveç pjesëmarrësve të projektit nga Rumania, Belgjika, Shqipëria, Maqedonia e Veriut dhe Serbia, kishte të ftuar edhe artistë e studies vendas.

Në fund të ditës së dytë të organizimeve të projektit, gjithë pjesëmarrësit nga Rumania, Belgjika, Maqedonia e Veriut dhe Serbia zhvilluan një vizitë në Muzeun Historik Kombëtar dhe Muzeun Kombëtar të Përgjimeve “Shtëpia me gjethe”.

Pasuria arkeologjike, historike e kulturore e vendit tonë e treguar nëpërmjet objekteve të ekspozuara në pavijonet e Muzeut Historik Kombëtar, si edhe historia e përgjimeve gjatë sistemit të regjimit komunist në Shqipëri i surprizoi dhe befasoi pjesëmarrësit e vendeve partnere në projektin “Can for Balkans”.

Etiketa
Vazhdo të lexosh

Lajmet

​15.1% e popullsisë së Turqisë përbëhej nga të rinjtë në vitin 2023

Publikuar

4 orë më parë

më

17 Maj, 2024

nga

Rinia e Turqisë përbënte 15.1% të popullsisë së saj në fund të vitit 2023, sipas shifrave zyrtare të publikuara të premten.

Në vend kishte gjithsej 12.87 milionë të rinj, të moshës nga 15 deri në 24 vjeç, 51.3% e të cilëve ishin meshkuj dhe 48.7% femra, tha byroja e statistikave e vendit TurkStat.

Raporti i të rinjve në popullsinë e përgjithshme pritet të jetë 14% në vitin 2030, 13.4% në 2040, 11.8% në 2060 dhe 11.1% në 2080.

Krahina me përqindjen më të madhe të të rinjve ishte Hakkari, me 21.5%, në vitin 2023, i ndjekur nga Sirnak dhe Siirt me 21.1% secili dhe Bayburt me 20.2%.

“U pa se përqindja e popullatës së të rinjve të Turqisë me 15,1% ishte më e lartë se ajo e 27 vendeve anëtare të Bashkimit Evropian (BE)”, vuri në dukje byroja e statistikave.

Mesatarja e BE-së e përqindjes së popullsisë rinore ishte 10.6% në vitin 2023./AA/

Vazhdo të lexosh

Lajmet

Ministria e Mbrojtjes shpall konkurs për kadetë të rinj që do të studiojnë në disa qendra universitare

Publikuar

5 orë më parë

më

17 Maj, 2024

nga

Ministria e Mbrojtjes ka shpallë konkurs për pranim të kadetëve të rinj që do të studiojnë në disa qendra universitare.

Konkursi do të jetë i hapur nga data 03.06.2024 deri më 17.06.2024, ndërsa mosha e kërkuar është 18 deri 22 vjeç.

“Ministria e Mbrojtjes u shërben të gjithë qytetarëve të Kosovës dhe mirëpret aplikacione të femrave dhe meshkujve për kadetë të FSK-së, pa dallim nga përkatësia e tyre etnike”, thuhet në njoftimin e shpërndarë nga ministri Ejup Maqedonci.

Njoftimi i plotë:

𝐌𝐢𝐧𝐢𝐬𝐭𝐫𝐢𝐚 𝐞 𝐌𝐛𝐫𝐨𝐣𝐭𝐣𝐞𝐬 𝐬𝐡𝐩𝐚𝐥𝐥 𝐤𝐨𝐧𝐤𝐮𝐫𝐬 𝐩𝐞̈𝐫 𝐯𝐢𝐭𝐢𝐧 𝐚𝐤𝐚𝐝𝐞𝐦𝐢𝐤 𝟐𝟎𝟐𝟒/𝟐𝟎𝟐𝟓 𝐩𝐞̈𝐫 𝐩𝐫𝐚𝐧𝐢𝐦 𝐭𝐞̈ 𝐤𝐚𝐝𝐞𝐭𝐞̈𝐯𝐞 𝐭𝐞̈ 𝐜𝐢𝐥𝐞̈𝐭 𝐝𝐨 𝐭𝐞̈ 𝐬𝐭𝐮𝐝𝐢𝐨𝐣𝐧𝐞̈ 𝐧𝐞̈ 𝐤𝐞̈𝐭𝐨 𝐪𝐞𝐧𝐝𝐫𝐚 𝐮𝐧𝐢𝐯𝐞𝐫𝐬𝐢𝐭𝐚𝐫𝐞:

  1. Qendra për Studime Universitare e FSK-së;

– Universiteti Amerikan në Kosovë

  1. Republika e Shqipërisë/Akademia Ushtarake;

– Teknologji Informative në fushën e mbrojtjes

– Marrëdhënie Ndërkombëtare në fushën e mbrojtjes

– Shkenca Komunikimi në fushën e mbrojtjes

  1. Republika e Turqisë;

-Akademia Ushtarake Tokësore

-Akademia Ushtarake Mjekësore

  1. Republika e Kroacisë- Akademia Ushtarake/Universiteti i Zagrebit;

– Lidershipi dhe Menaxhmenti Ushtarak

𝐊𝐨𝐧𝐤𝐮𝐫𝐬𝐢 𝐝𝐨 𝐭𝐞̈ 𝐣𝐞𝐭𝐞̈ 𝐢 𝐡𝐚𝐩𝐮𝐫 𝐧𝐠𝐚 𝐝𝐚𝐭𝐚 𝟎𝟑.𝟎𝟔.𝟐𝟎𝟐𝟒 𝐝𝐞𝐫𝐢 𝐦𝐞̈ 𝟏𝟕.𝟎𝟔.𝟐𝟎𝟐𝟒.

Aplikimi është online në adresën https://rekrutimi.fsk-rks.org/Apply

Njoftimi për shpalljen e konkursit gjendet në ëeb faqen e MM-së: https://mod.rks-gov.net/Page/15.

Mosha për aplikim 18 deri 22 vjeç (Turqi: Të mos ketë mbushur 21 vjet).

Për informata shtesë, mund të kontaktoni në nr. tel. 038- 555584 2044 dhe 038- 555584 2045 ose në email: [email protected]

Ministria e Mbrojtjes u shërben të gjithë qytetarëve të Kosovës dhe mirëpret aplikacione të femrave dhe meshkujve për kadetë të FSK-së, pa dallim nga përkatësia e tyre etnike.

𝐁𝐞̈𝐡𝐮 𝐨𝐟𝐢𝐜𝐞𝐫 𝐢 𝐮𝐬𝐡𝐭𝐫𝐢𝐬𝐞̈ 𝐬𝐞̈ 𝐊𝐨𝐬𝐨𝐯𝐞̈𝐬!

Vazhdo të lexosh

Lajmet

Dështimi i anëtarësimit të Kosovës në KiE, Çitaku: Fitoi pushteti, jo shteti

Publikuar

5 orë më parë

më

17 Maj, 2024

nga

Pasi Komiteti i Ministrave të Këshillit të Evropës për seancën e 17 majit nuk e ka futur në rend dite anëtarësimin e Kosovës në këtë organizatë, ka reaguar Sekretarja e Përgjithshme e PDK-së, Vlora Çitaku.

Çitaku përmes një postimi në Facebook ka thënë se “Edhe një herë gjatë këtyre katër viteve, fitoi pushteti dhe jo shteti”.

“Sot, Kosova, qytetarët tanë, është dashur të festojnë pranimin në Këshillin e Evropës. Sot, do të duhej të konkretizonim një sukses që do të forconte demokracinë, sundimin e ligjit dhe shtetësinë tonë – për të cilin është punuar gjatë”, ka shkruar Çitaku.

Ajo ka thënë se “pas përjashtimit të Rusisë në vitin 2022, PDK ka insistuar që Kosova të bëhet pjesë e kësaj organizate, duke dhënë mbështetjen e saj të parezervë”.

“Fatkeqësisht, për arsye të ditura tashmë, edhe kjo mundësi u humb – e nuk e dijmë se kur do të na paraqitet prapë”.

Zyrtarja e lartë e PDK-së ka thënë se “Edhe një herë gjatë këtyre katër viteve, fitoi pushteti dhe jo shteti. Shkurtpamësi me pasoja të mëdha e të gjata. Keq – shumë keq!”.

Vazhdo të lexosh

Lajmet

​Degradimi i Drinit të Bardhë, sekuestrohen një kamion dhe eskavator

Publikuar

5 orë më parë

më

17 Maj, 2024

nga

Pas një inspektimi të kryer nga Ministria e Mjedisit dhe Planifikimit Hapësinor në bashkëpunim me Policinë e Kosovës, në disa fshatra të Rahovecit është bërë e ditur se po degradohet ambienti si rezultat i nxjerrjes ilegale të zhavorrit gjatë shtratit të lumit Drini i Bardhë.

Prokuroria Themelore në Gjakovë njofton se prokurori koordinator për hetimin e Krimeve Kundër Mjedisit, Kastriot Memaj, ka urdhëruar inicimin e rastit për veprën penale “Ndotja, degradimi ose shkatërrimi i mjedisit”.

Po ashtu, është urdhëruar sekuestrimi i një kamioni transportues dhe një ekskavatori si mjete të përdorura në kryerjen e veprës penale.

Njëkohësisht, në koordinim me policinë, janë duke u ndërmarrë veprime aktive me drejtim të kapjes së kryesve të kësaj vepre penale.

Vazhdo të lexosh

Të kërkuara