Sport
Bylbyl Sokoli: Zgjedhjet në FFK, nuk ishin legjitime
Trajneri shumëvjeçar, flet edhe për veten e për hapin e ardhshëm që do ta ndërmarrë në karierrë.
Profesori, trajneri e ish futbollisti i njohur Bylbyl Sokoli, në intervistën dhënë për UBTneës, ka folur për disa çështje, me fokus të veçantë për gjendjen e futbollit në Kosovë dhe përfaqësuesen. Sokoli konsideron se zgjedhjet e mbajtura ditë më parë në Federatën e Futbollit, nuk ishin të regullta. Ai vlerëson pozitivisht dy ndeshjet e para të përfaqësueses së Kosovës nën urdhërat e trajnerit të ri Alain Giresse. Kosova, thotë Sokoli, ka kapital të mirë të talentëve të ri, me të cilët, shton se, duhet punuar seriozisht e përcjellur rritjen e tyre. Trajneri shumëvjeçar, flet edhe për veten e për hapin e ardhshëm që do ta ndërmarrë në karierrë. Nuk përjashton përfshirjen e shpejtë në ndonjë skuadër
Intervistoi: Ulis Hamiti, student i vitit të dytë në Fakultetin Media dhe Komunikim në UBT
UBTneës: Si fillim më lejoni të ju pyes lidhur me zgjedhjet kontraverse të cilat kanë ndodhur në Federatën e Futbollit të Kosovës. Si i vlerësoni ju ato dhe çfarë mendimi keni?
Bylbyl Sokoli: Zgjedhjet në Federatën e Futbollit të Kosovës nuk mendoj se kanë qenë legjitime për shkak se Kuvendi u caktua para se të përfundonte afati i kryetarit si dhe nuk është respektuar afati kohor. Si pasojë e gjithë procedura ka qenë e parregullt. Unë e kam cekur edhe më parë në mjete të tjera të informimit, se ky Kuvend nuk është legjitim dhe kur e them këtë, mendoj se kjo mënyrë e zgjedhjes së kryetarit nuk është aspak e shëndetshme për futbollin tonë. Për mua nuk ka rëndësi se kush është në detyrë. Për mua ka rëndësi të ketë një garë të ndershme dhe të drejtë për secilin, me 2 apo 3 kandidatë, ndërkohë rregullorja i lejon 4 kandidatë, por ajo nuk respektohet dhe keqpërdoret duke lejuar vetëm një kandidat. Kur kjo ndodh, nuk ka proces demokratik dhe në këto raste nuk kemi garë apo rivalitet, pra e dëmtojmë veten.
UBTneës: Kur flasim për Federatën, është e rëndësishme ta diskutojmë edhe përfaqësuesen e Kosovës. Çfarë mendimi keni për dy ndeshjet e para nën drejtimin e trajnerit të ri, Alain Giresse?
Bylbyl Sokoli: Dy ndeshjet e para mendoj se janë prezantim mjaft i mirë i lojtarëve dhe trajnerit, por nuk duhet të harrojmë se janë ndeshje miqësore, dhe shërbejnë si njohje mes lojtarëve edhe me trajnerin. Testin e vërtetë do ta shohim kur të luhet për pikë dhe kur rezultati është në plan të parë. Megjithatë mendoj se janë rezultate mjaft të mira të trajnerit dhe lojtarëve dhe premtuese.
UBTneës: Është diskutuar tash e disa vite se Kosova ka një “gjeneratë të artë” të talentëve të cilët luajnë për përfaqësuesen, a mendoni se këta lojtarë kanë kualitet të lartë?
Bylbyl Sokoli: Mendoj se Kosova ka mjaft futbollistë kualitativ jashtë vendit, por edhe këtu brenda. Si rrjedhojë, mendoj se duhet të kërkojmë kualifikim. E kam thënë para 5-6 viteve se Kosova mund të ndeshet me Gjermaninë dhe ta fitojë ndeshjen, përse? Që ta rivalizojë. Sot shohim një Maqedoni të Veriut e cila e mundi Italinë (kampionin aktual të Evropës), ndërkohë që para 1 ose 2 vitesh e kishte mundur edhe Gjermaninë. Kjo tregon që favorit nuk ka dhe secili rezultat mund të ndodhë. Unë jam i sigurt se me këtë ekip që Kosova e ka, nuk duhet të brengosemi dhe se jam i bindur se mund të kualifikohemi.
UBTneës: Duke folur për kualifikim, çfarë mendoni se i nevojitet futbollit të Kosovës për ta dërguar në nivelin tjetër?
Bylbyl Sokoli: Nevojitet organizim më i mirë, planifikim më i mirë, disiplinë më e madhe dhe krijimi i një ambienti që është i domosdoshëm tek ekipet shtetërore, sepse janë skuadra të cilat trajneri nuk i përgatit fizikisht dhe taktikisht. Puna e trajnerit është të shikojë strategjinë dhe nëse mendohet kjo, atëherë duhet të njohë edhe kundërshtarin. Kur njeh skuadrën tënde si dhe kundërshtarin atëherë arritja e rezultateve pozitive është e lehtë.
UBTneës: Pasi u diskutua tema e trajnerëve, për t’iu pyetur ju se përse nuk keni marr një skuadër në drejtimin tuaj për tashmë gati 2 vjet? Për çfarë arsye është ky pushim, nëse mund të konsiderohet i tillë?
Bylbyl Sokoli: Si fillim nuk e kam parë të arsyeshme të shkojë te disa klube të cilat kanë telashe brenda institucionit, qoftë nga ana financiare apo kushteve elementare për punë. Arsyeja e dytë është sepse kam pasur një intervenim për një lëndim të gjurit dhe tashmë jam në fazën përfundimtare të rehabilitimit. Shpresoj që pas shërimit do të kem kontakte dhe do të marr përsipër një sfidë të re.
UBTneës: Ju dëshiroj shërim të shpejtë dhe faleminderit për kohën tuaj.
Bylbyl Sokoli: Faleminderit, faleminderit edhe juve.
UBT zyrtarizon projektin Erasmus + Jean Monnet – Një hap i rëndësishëm drejt integrimit evropian të Kosovës
Komiteti i Medias së UEFA-s mblidhet në Tiranë, Presidenti Duka: Ndihemi të nderuar
Gjermania do t’i mbyllë 3 konsullata iraniane, pas ekzekutimit të shtetasit gjermano-iranian
Në zgjedhjet presidenciale të SHBA-së të vitit 2024, ndryshimet klimatike duket se kanë humbur vëmendjen që patën katër vite më parë
Rritja e turizmit bullgar, mbahet konferenca për lidhjen ndërkombëtare
“Miqtë e Amerikës” kërkojnë nga Osmani e Sveçla dekorimin e Edward Anderson
Kur nxehen, lirojnë helme! Me këta artikuj bëni kujdes
Të bllokuar në makina: Pse përmbytjet e Valencias rezultuan kaq vdekjeprurëse
Feronikeli 74 ankohet për dëmtim nga gjyqtarët në 6 ndeshje të Superligës
-
Lajmet3 months agoMbyllet olimpiada e Parisit 2024- Kurora e sportit i përket Amerikës
-
Lajmet2 months agoZgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Lajmet2 months agoKurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Kulturë1 month agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman