Sport

Buffon e zbulon datën e pensionimit

Published

6 years ago

March 3, 2021

Betim Gashi

Gianluigi Buffon ka zbuluar se mund të vazhdojë të luajë deri në vitin 2023, edhe pse nuk e ka hedhur poshtë mundësinë që ta përfundojë karrierën e gjatë në fund të sezonit 2020/21, pra gjatë kësaj vere.

Buffoni u kthye në Juventus në vitin 2019, pas një viti në Paris Saint-Germain, dhe në dy vjetët e fundit ka qenë zëvendësues i portierit të parë të Juves, Wojciech Szczesny.

43-vjeçari, i cili e zgjati kontratën me bardhezinjtë për edhe një vit verën e kaluar, thotë se mund ta vazhdojë karrierë për edhe dy vjet të tjera edhe pse ka mundësi që t’i thotë lamtumirë futbollit në fund të këtij sezoni.

“Shikoni, në kokën time, vërtet ekziston një shenjë për ndalesën e fundit, maksimumi qershori i vitit 2023”, tha Buffon për Guardian.

“Ai është maksimumi, vërtet, vërtet maksimumi. Por, mund të pensionohem pas katër muajve po ashtu”, shtoi ai.

Që prej emërimit të Andrea Pirlos në verë, Buffoni i ka bërë vetëm 10 paraqitje në të gjitha garat për Juventusin këtë sezon.

Up Next

Gerrardi shihet si zëvendësues i Kloppit nëse gjermani largohet

Don't Miss

Ibra vazhdon kritikat ndaj LeBron James

Vendi

Akil Gjakova mbyll garën pa medalje në Abu Dhabi

Published

13 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

13 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

15 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/