Sport

Ibra vazhdon kritikat ndaj LeBron James

Published

6 years ago

March 3, 2021

Betim Gashi

Zlatan Ibrahimovic i ka dyfishuar kritikat e tij ndaj sportistëve që përziejnë politikën dhe sportin. Sulmuesi i Milanit foli të martën në një konferencë shtypi për festivalin muzikor “San Remo”, në të cilin ai është bashkënikoqir.

“Sportistët bashkojnë botën, politika e ndan atë”, tha Ibra. “Roli ynë është të bashkojmë botën duke bërë atë që bëjmë më së miri. Sportistët duhet të jenë sportistë dhe politikanët duhet të bëjnë politikë”.

Javën e kaluar Ibrahimovic e veçoi yllin e ekipit të NBA-së, Los Angeles Lakers, LeBron James, për sjelljen e politikës në arenën sportive. Sipas tij, James nuk duhet të përzihet në politikë, por të fokusohet në sport.

“Më pëlqen shumë James. Ai është fenomenal, por nuk më pëlqen kur njerëzit me një status flasin për politikë”, ishin fjalët e Ibrahimovicit javën e shkuar. “Unë luaj futboll, sepse jam i mirë në këtë sport, nuk bëj politikë. Nëse do të isha një politikan, do të bëja politikë. Ky është gabimi i parë që njerëzit e famshëm bëjnë kur bëhen të famshëm”.

James, i cili ishte një nga zërat kryesorë të NBA-së kundër padrejtësisë racore dhe brutalitetit të policisë, kundërshtoi komentet e Ibrahimovicit. Madje, basketbollisti amerikan shtoi se gjithmonë do ta përdorë zërin e tij në lidhje me çështjet e barazisë.

“Unë kurrë nuk do të hesht për gjëra që nuk janë në rregull. Unë predikoj për njerëzit e mi dhe predikoj për barazinë, drejtësinë shoqërore, racizmin, shtypjen e votuesve – gjëra që vazhdojnë të na mundojnë në komunitetin tonë”, ishte kundërpërgjigja e Jamesit. “Meqenëse unë isha pjesë e komunitetit tim në një moment dhe pashë gjërat që po ndodhnin, atëherë e ndieja obligim reagimin tim. Unë jam zëri i komunitetit dhe përdor platformën time për të vazhduar të hedh dritë mbi gjithçka që mund të ndodhë, jo vetëm në komunitetin tim, por në këtë vend dhe në botë”.

James gjithashtu theksoi që Ibrahimovic, i cili dikur tha se Muhamed Ali është sportisti i tij i preferuar për shkak të “asaj që ai bëri brenda dhe jashtë ringut”, ka folur për politikën në të kaluarën.

Në konferencën e mbajtur të martën, Ibra foli edhe për kritikat që ka marrë së fundi. Suedezi 39-vjeçar është kritikuar shumë që është pajtuar të marrë pjesë në katër netët e konkursit vjetor të këngës në Liguria, këtë javë. Klubi i tij ka ndeshje në Serie A të mërkurën dhe të dielën. Ibrahimovic, i cili është shënuesi më i mirë i Milanit këtë sezon me 14 gola në 14 ndeshje kampionale, u dëmtua në ndeshjen e fundit dhe për këtë arsye do t’i mungojë ekipit gjatë kësaj jave. Megjithatë, ai këmbënguli se festivali nuk do të jetë një shpërqendrim nga puna e tij ditore.

“Unë jam një profesionist dhe kushdo që më njeh e di atë. Kur luaj futboll unë jam i përqendruar vetëm në këtë. Unë dua ta ndihmoj Milanin dhe t’i jap shumë Italisë për gjithçka që më ka dhënë ndër vite, jo vetëm në futboll. Unë pata shansin të isha mysafir në Festival, një nga më të rëndësishmit në Itali dhe vendosa të marr pjesë”, insistoi Ibrahimovic.

Ai foli edhe në lidhje me përplasjen e tij të fundit me ish-bashkëlojtarin te Manchester Unitedi, belgun Romelu Lukaku. Dyshja u konfrontua në derbin e qytetit të Milanos.

“Nëse ai dëshiron të vijë në San Remo, ai është i mirëpritur”, tha Ibrahimovic. “Ajo që ndodh në fushë mbetet në fushë”.

Up Next

Buffon e zbulon datën e pensionimit

Don't Miss

21 fitore radhazi për Cityn, por janë edhe tri skuadra para anglezëve me numër më të madh të fitoreve

Sport

Vance Jackson shpallet MVP i javës së tretë në ProCredit Superligë

Published

1 minute ago

October 6, 2026

UBTNews

Vance Jackson është shpallur MVP i javës së tretë në ProCredit Superligën e Kosovës në basketboll.

Basketbollisti i Vëllaznimit zhvilloi një paraqitje të jashtëzakonshme, duke qenë ndër protagonistët kryesorë të skuadrës së tij.

Jackson e përfundoi ndeshjen me 29 pikë, 9 kërcime dhe 3 asistime, duke regjistruar një indeks prej 36.

Kjo paraqitje i mjaftoi basketbollistit të Vëllaznimit për të fituar epitetin e MVP-së së javës së tretë në elitën e basketbollit kosovar.

D.L

Sport

Messi i jep lamtumirën Argjentinës, një epokë merr fund

Published

6 hours ago

October 6, 2026

UBTNews

Lionel Messi pritet t’i japë lamtumirën fanellës së kombëtares së Argjentinës sonte, në përballjen ndaj Beninit.

Ndeshja, e cila zhvillohet në orën 20:00 në stadiumin Monumental të Buenos Airesit, pritet të jetë paraqitja e fundit e yllit argjentinas me kombëtaren.

Në prag të kësaj sfide emocionale, tifozët në qytetin e lindjes së Messit, Rosario, kanë zbuluar një fanellë gjigante të kombëtares argjentinase me mbishkrimin “FALEMINDERIT #10”, në nderim të kapitenit legjendar.

Mesazhi i bashkëqytetarëve të tij shpreh mirënjohje për atë që Messi ka bërë për kombëtaren dhe futbollin argjentinas.

“Faleminderit, kapiten. Na dhe gjithçka. Na bëre të besojmë përsëri, të ëndërrojmë të pamundurën dhe na dhe momente të paharrueshme që do të mbeten me ne për gjithë jetën”, thuhet në mesazh.

Në letër theksohet edhe ndjenja e boshllëkut që pritet të lërë largimi i tij nga kombëtarja.

“Asgjë nuk do të jetë më njësoj. Nuk jemi gati të të lëmë të shkosh, por do të të ndjekim kudo që të shkosh”, thuhet më tej.

Lamtumira e Messit shënon fundin e një epoke të artë për futbollin argjentinas. Me kapitenin në krye, Argjentina fitoi Copa América në vitet 2021 dhe 2024, ndërsa kulmi erdhi në Katar 2022, kur Messi udhëhoqi ekipin drejt triumfit në Kupën e Botës.

Për Messin, sfida ndaj Beninit do të jetë paraqitja e 208-të me fanellën e Argjentinës. Deri më tani, ai ka realizuar 125 gola dhe ka dhënë 68 asistime.

Lamtumira pritet të jetë emocionuese edhe në tribuna. Në Argjentinë është njoftuar se i gjithë vendi do të ndalet në minutën e 10-të, në një homazh simbolik për numrin që Messi ka mbajtur për vite me radhë dhe që është bërë sinonim i tij.

Një epokë e madhe e futbollit argjentinas është pranë fundit. Dhe në qendër të saj, si gjithmonë, është Lionel Messi.

D.L

Sport

Dardan Cena nis me fitore në Botërorin e xhudos

Published

6 hours ago

October 6, 2026

UBTNews

Kampionati Botëror i xhudos ka nisur me fitore për Kosovën.

Dardan Cena e ka kaluar me sukses luftën e parë në kategorinë deri në 73 kilogramë, duke e mposhtur xhudistin irlandez Joshua Green.

Cena triumfoi me uazari, duke siguruar kështu kalimin në rundin tjetër të garës.

Në sfidën e radhës, xhudisti kosovar do të përballet me një kundërshtar shumë të fortë, legjendën e xhudos nga Gjeorgjia, Lasha Shavdatuashvili.

Kampionati Botëror i xhudos po zhvillohet në Baku të Azerbajxhanit, ku Kosova po synon rezultate të mira me përfaqësuesit e saj.

D.L

Sport

Akil Gjakova eliminohet në luftën e parë, mposhtet nga kampioni olimpik

Published

6 hours ago

October 6, 2026

UBTNews

Akil Gjakova është eliminuar në luftën e parë në kategorinë deri në 73 kilogramë në Kampionatin Botëror të xhudos, që po mbahet në Baku të Azerbajxhanit.

Xhudisti kosovar e nisi mirë përballjen dhe në minutat e para arriti ta kontrollojë luftën ndaj azerbajxhanasit Hidayat Heydarov, një prej emrave më të mëdhenj të xhudos në dekadën e fundit.

Megjithatë, një moment i pafat ndryshoi rrjedhën e përballjes. Heydarov shfrytëzoi mundësinë dhe realizoi një tjetër aksion të suksesshëm, duke e mbyllur luftën me Ippon.

Kështu, Gjakova u ndal që në paraqitjen e parë në Botëror, ndërsa shorti nuk ishte aspak i favorshëm për të, pasi që në raundin e parë u përball me kampionin olimpik dhe njërin prej xhudistëve më të suksesshëm të viteve të fundit.

Pavarësisht eliminimit të hershëm, Gjakova e nisi luftën me paraqitje të mirë, por një moment vendimtar i dha avantazhin Heydarovit, i cili e shfrytëzoi maksimalisht rastin për ta siguruar fitoren.

D.L