Çdo plan paqeje i besueshëm duhet të ndalojë vrasjet dhe njëkohësisht të mos mbjellë farat për një konflikt të ardhshëm, tha presidentja e Komisionit Evropian, Ursula von der Leyen në një deklaratë, sipas BBC.

“Janë disa elementë kryesorë që Komisioni Evropian kërkon të përfshihen. Së pari kufijtë e Ukrainës nuk mund të ndryshohen me forcë, së dyti të mos ketë asnjë kufizim në forcat e armatosura të Ukrainës që do ta linte atë të cenueshme ndaj sulmeve të ardhshme”, tha Von der Leyen.

“Roli qendror i Bashkimit Evropian duhet të njihet plotësisht në çdo plan paqeje për Ukrainën”, shtoi ajo.

Von der Leyen gjithashtu bëri një thirrje për kthimin e çdo fëmije ukrainas të rrëmbyer nga Rusia”, duke shtuar se dhjetëra mijëra djem dhe vajza kishin mbetur të bllokuar në vend./KP

Ushtria izraelite ka vrarë një anëtar të lartë të grupit militant Hezbollah në një sulm ajror në periferitë jugore të kryeqytetit libanez, Bejrut, pavarësisht një armëpushimi.

Ajo e përshkroi Haitham Ali al-Tabtabai, shefin e shtabit të Hezbollahut, si një veteran të grupit i cili kishte mbajtur një sërë pozicionesh të larta, shkruan BBC.

Ministria e shëndetësisë e Libanit tha se të paktën pesë persona u vranë dhe 28 të tjerë u plagosën në sulmin, i cili goditi një ndërtesë apartamentesh në lagjen me popullsi të dendur Dahieh.

Hezbollah konfirmoi vdekjen e Tabtabai, duke shtuar se Izraeli kishte kaluar një “vijë të kuqe” në kryerjen e sulmit./KP

Negociatorët amerikanë dhe ukrainas kanë hartuar një “kornizë paqeje të përditësuar dhe të rafinuar” dhe planifikojnë të vazhdojnë punën “intensive” mbi një plan paqeje gjatë ditëve në vijim.

Një deklaratë e përbashkët tha se bisedimet mbi një plan të mbështetur nga ShBA në Gjenevë kishin qenë “shumë produktive”, raporton BBC.

Sekretari i Shtetit i ShBA-së, Marco Rubio, tha se ka pasur “jashtëzakonshme përparim” në përsosjen e një plani i cili është mirëpritur me kujdes nga Rusia, por jo nga udhëheqësit në Kiev dhe Evropë, të cilët e shohin atë si shumë të favorshëm për Kremlinin.

Rubio tha se kishte “ende punë për t’u bërë”, ndërsa presidenti ukrainas Volodymyr Zelensky tha se kishte “sinjale se ekipi i Presidentit Donald Trump po na dëgjon”./EO

Sot mbushen tri dekada nga nënshkrimi i Marrëveshjes së Paqes për Bosnjë dhe Hercegovinë, njohur si Marrëveshja e Dejtonit.

Marrëveshja u nënshkrua në bazën ushtarake amerikane “Wright Peterson” në Ohajo, më 21 nëntor 1995.

Një nga parimet kryesore të kësaj marrëveshje, ishte në ndarjen e BeH në 51 për qind në territorin e Federatës së BeH-së dhe 49 për qind në Republikën Serbe.

Nënshkruesit u zotuan për të rregulluar marrëdhëniet e ndërsjella sipas Kartës së Kombeve të Bashkuara, Aktin Final të Helsinkit dhe dokumentet e tjera të OSBE-së, si dhe respekt reciprok për sovranitetin dhe zgjidhjen e kontesteve në mënyrë paqësore.

Ky dokument mundësoi që t’i jepet fund luftës disa vjeçare, ku kishin humbur jetën më shumë 300 mijë qytetarë të BeH-së, e cila luftë kishte filluar pas shpalljes së pavarësisë së Bosnjës nga Jugosllavia.

Agresioni u krye nga Ushtria e Jugosllavisë që udhëhiqej nga Serbia, në mbështetje të serbëve të Bosnjës, që synonin ta mbanin nën kontrollin e tyre territorin e BeH-së./S.K/KP/