Magazinë

Brenda vilës luksoze në Ksamil ku po i bënë pushimet Dua Lipa

Published

on

Pas një angazhimi të madh dhe energjik në festivalin Sunny Hill, Dua Lipa ka nisur disa ditë të merituara pushimi në jug të Shqipërisë.

Ajo ka zgjedhur të pushojë në një prej destinacioneve më luksoze dhe të preferuara të vendit, në resortin ekskluziv Kep Merli, i vendosur në bukurinë natyrore të Ksamilit.

Vila ku po qëndron Dua Lipa është vërtetë e jashtëzakonshme. Me gjashtë dhoma të rehatshme, një pishinë private përpara vilës, dhe madje edhe një plazh të vogël privat, ajo siguron jo vetëm luks dhe komoditet, por edhe një ambient të qetë dhe të sigurt për pushime relaksuese.

Kjo rezidencë është veçuar nga vilat e tjera të resortit, duke i ofruar artistes privatësinë më të madhe, një gjë shumë e rëndësishme për një personazh publik me famë botërore si ajo.

Muaj më parë, gazetari Blendi Fevziu kishte realizuar një reportazh të veçantë për këtë vilë luksoze, duke sjellë në ekran pamje mahnitëse nga brenda saj. Reportazhi tregonte jo vetëm arkitekturën dhe ambientin luksoz, por edhe pamjet spektakolare që ofron rezidenca – me pamje drejt ujërave të kristalta të Ksamilit dhe ishullit të Korfuzit.

Dua Lipa është kthyer disa herë në këtë vend të mrekullueshëm për pushimet e saj, dhe kjo dëshmohet edhe nga numri i madh i fotografive që ajo ndan rregullisht në rrjetet sociale, duke i dhënë ndjekësve mundësinë të ndjekin nga afër momentet e saj të qeta larg skenave të mëdha.

Në këto ditë pushimi, duket se po shijon maksimalisht çdo çast në këtë parajsë shqiptare, duke u rigjeneruar e marrë energji për projektet e ardhshme.

Magazinë

Katy Perry dhe Justin Trudeau konfirmojnë lidhjen e tyre në Paris

Published

on

Këngëtarja Katy Perry dhe ish-kryeministri kanadez Justin Trudeau duket se nuk e fshehin më lidhjen e tyre. Çifti u pa për herë të parë publikisht si partnerë të shtunën, më 25 tetor, në Paris, duke konfirmuar thashethemet që qarkullonin prej muajsh.

Sipas TMZ, Perry dhe Trudeau, morën pjesë në një shfaqje kabareje në klubin “Crazy Horse” për të festuar ditëlindjen e këngëtares. Fotot e publikuara tregojnë çiftin duke dalë dorë për dore nga teatri, të buzëqeshur dhe të relaksuar.

Perry kishte zgjedhur një fustan elegant të kuq, ndërsa Trudeau u shfaq me një kostum klasik të zi, duke ruajtur një profil modest gjatë mbrëmjes në kryeqytetin francez. Thashethemet për lidhje nisën verës, kur u panë për herë të parë bashkë në Montreal, pak pas ndarjes së Perry nga aktori Orlando Bloom.

Trudeau u nda nga bashkëshortja e tij, Sophie Grégoire, më 2023, pas 18 vitesh martesë. Në shtator, ata u fotografuan sërish në një jaht pranë Santa Barbarës, duke shkëmbyer përqafime dhe puthje, një ngjarje që shtoi spekulimet për një lidhje romantike.

Burime pranë revistës People kanë zbuluar se Trudeau “është treguar i këmbëngulës” dhe se mes tyre ka “një lidhje të lehtë, të respektueshme dhe plot kimi”.

Aktualisht, Katy Perry është në mes të turneut botëror “Lifetimes Tour”, me të cilin promovon albumin e saj, 143. Turneu ka nisur në Meksiko Siti dhe ka përfshirë ndalesa në SHBA, Kanada dhe Australi, ndërsa këngëtarja vazhdon të udhëtojë për t’u takuar me fansat në mbarë botën. /A.Z/UBT News/

Continue Reading

Magazinë

George Clooney reflekton për plakjen, famën dhe lidhjen me fansat në filmin e tij të ri në Netflix

Published

on

Aktori i njohur hollivudian George Clooney, ka reflektuar mbi raportin mes yjeve të kinemasë e publikut që rritet duke i parë në ekran, teksa promovon filmin e tij më të ri në Netflix, Jay Kelly, ku interpreton një ikonë të imagjinuar të kinemasë me të njëjtin emër.

“Ne jetojmë jetën tonë përmes aktorëve dhe filmave që duam. Por gjëja e çuditshme është se njerëzit presin që të mos plakesh kurrë. Ndonjëherë më ndalon dikush dhe më thotë: ‘Je më i vjetër se mendoja.’ Dhe unë përgjigjem: ‘Po çfarë prisje? Kam 64 vjeç!’”, ka thënë Clooney me humor.

Në film, personazhi i tij përballet me kujtime nga jeta përmes roleve të mëparshme në filma të vërtetë, ide që pasqyron mënyrën si publiku lidh kujtime personale me figurat e famshme.

“Sa më shumë që plakesh, aq më shumë e kupton sa shpejt kalon koha. Për mua duket si dje. Prandaj më pëlqen ajo pjesë e filmit kur një fans i thotë personazhit tim: ‘Kur shoh ty, shoh gjithë jetën time.’ E kuptoj plotësisht. Ashtu ndihesha edhe unë kur u bëra mik me Gregory Peck – e shihja dhe mendoja: ‘Ky është njeriu që luajti në To Kill a Mockingbird!’”

Clooney tregoi gjithashtu se filmi përfshin edhe njerëz realë nga jeta e tij personale.

“Giovanni [Zeqireya], që luan truprojën time në film, është vërtet truprojë im prej 30 vitesh,” zbuloi ai. “Është mik i dashur dhe kujdeset për shtëpinë tonë në Itali. U njohëm për herë të parë në Festivalin e Filmit në Venecia.”

Duke qeshur, aktori rrëfeu edhe një moment nga xhirimet: “Për një skenë ku duhet të vraponim nëpër një fushë, e përsëritëm tri herë. Dhe unë i thashë: ‘Jam 64 vjeç, s’mund të vrapoj më! Dhe ti je 71!’”

Clooney jo vetëm që rikthehet para kamerës, por reflekton me sinqeritet mbi kalimin e kohës, kujtesën e ndikimin që arti ka në jetët tona. /A.Z/UBT News/

Continue Reading

Magazinë

Nelly Furtado i jep fund performancave live pas 25 vitesh në skenë

Published

on

Këngëtarja e njohur kanadeze Nelly Furtado ka befasuar fansat me një vendim të papritur: ajo ka njoftuar se nuk do të performojë më live, duke mbyllur kështu një kapitull të rëndësishëm të karrierës së saj muzikore.

45-vjeçarja ndau lajmin në rrjetet sociale, duke shprehur mirënjohje për udhëtimin e gjatë që nisi në fillim të viteve 2000 me albumin e suksesshëm “Whoa, Nelly!” dhe hitet që e bënë të famshme në mbarë botën, si “I’m Like a Bird” dhe “Maneater”.

“Faleminderit për këtë udhëtim të jashtëzakonshëm… gjithmonë do të shkruaj këngë,” shkroi ajo, duke ndarë një foto nga koncerti i saj i parë dhe një video nga performanca e fundit në Berlin, si kujtesë e emocioneve që e kanë shoqëruar në skenë.

Në postimin e saj, Furtado foli edhe për presionin e komenteve dhe kritikave lidhur me pamjen e jashtme, duke theksuar se nuk ka bërë ndërhyrje estetike të mëdha dhe se ndihet mirë me veten “ashtu siç është”.

Lajmi ka shkaktuar një valë reagimesh pozitive nga fansat, të cilët e kanë përgëzuar për sinqeritetin dhe ndikimin që ka pasur në muzikën pop ndër vite.

Edhe pse ka vendosur t’i japë fund performancave live, Nelly Furtado mbetet aktive në studio dhe ka paralajmëruar se projektet e reja muzikore do të vazhdojnë, duke ruajtur lidhjen me publikun përmes krijimtarisë së saj. /A.Z/UBT News/

Continue Reading

Magazinë

Keira Knightley tregon pse fëmijët e saj nuk kanë rrjete sociale

Published

on

Aktorja e njohur Keira Knightley ka shpjeguar arsyen pse dy vajzat e saj nuk kanë profile në rrjetet sociale, duke iu bashkuar debatit gjithnjë e më të madh mes prindërve për ndikimin e teknologjisë tek fëmijët.

Në një kohë kur shqetësimet po shtohen rreth rreziqeve të inteligjencës artificiale, dhunës online dhe efekteve negative të përdorimit të tepërt të ekraneve në shëndetin mendor, shumë prindër po tregohen më të kujdesshëm — dhe Knightley është njëra prej tyre, shkruan Unilad.

Në një intervistë për BBC Radio Four, aktorja, nënë e Edie (10 vjeç) dhe Delilah (6 vjeç), që ka me bashkëshortin e saj James Righton, tha: “E gjej shumë të frikshme sepse është një hapësirë e parregulluar. Dhe për fëmijët, një hapësirë e tillë është diçka nga e cila dua t’i mbroj.”

Ajo shtoi se në familjen e tyre ekziston një rregull i qartë: “Ne kemi një rregull ‘pa rrjete sociale’ në shtëpi. Fëmijët nuk lejohen të përdorin pajisje nëse ne nuk mund të shohim se çfarë po shikojnë.”

Knightley shpjegoi gjithashtu se vajzat e saj ndjekin një shkollë që promovon një fëmijëri pa rrjete sociale, ku edhe prindërit janë të përfshirë në këtë qasje.

“Shumica e prindërve në shkollë, pas shumë inkurajimi, bien dakord se kjo është rruga që duam të ndjekim. Sigurisht, jo të gjithë, sepse është një çështje që ndan mendimet e njerëzve,” shtoi ajo. /A.Z/UBT News/

Continue Reading

Të kërkuara