Sport

Brazili barazon ndaj Ekuadorit, por kalon si lider nga Grupi B

Published

5 years ago

June 28, 2021

UBT news

Kombëtarja e Brazilit ka zhvilluar ndeshjen e fundit të fazës së grupeve në Copa Amerika, ku përallë kishte Ekuadorin.

Brazilianët nuk kanë arritur më shumë se një barazim në ndeshjen e tyre të fundit në fazë të grupeve 1-1.

Por përkundër barazimit, brazilianët kanë kaluar tutje në çerekfinale të kësaj gare si lider nga Grupi B.

Trajneri i Brazilit, Tite kishte vendosur që për këtë takim t’iu jap hapësira lojtarëve që kanë luajtur më pak, duke pushuar yjet e skuadrës si Neymar, Thiago Silva, Alex Sandro, Gabriel Jesus e Casemiro.

Megjithatë përkundër se në fushë ishin lojtarët më të rinj, Brazili luajti më mirë dhe kaluan në epërsi në pjesën e parë.

Ishte mbrojtësi qendëror i Real Madrid, Eder Militao që shënoi në minutën e 37-të për 1-0 pas asistimit nga Everton.

Mysafirët nga Ekuadori barazuan gjithçka në pjesën e dytë, kur realizoi Mena për 1-1.

Deri në fund Brazili pati disa raste të mira shënimi, por që gola më nuk pati dhe ndeshja përfundoi baras 1-1.

Pas katër ndeshjeve të zhilluara në Grupin B, Brazili kalon tutje si lider me 10 pikë, derisa Ekuadori si i katërti i këtij grupi kalon me tri pikë.

Vendi

Akil Gjakova mbyll garën pa medalje në Abu Dhabi

Published

16 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

16 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

18 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/