Lajmet

Brahimaj: Vendimi për lirim nga detyra i padrejtë dhe i përgatitur

Ai ka paralajmëruar procedura ligjore.

Published

3 years ago

January 12, 2023

UBT news

Rifat Brahimaj i cili sot është shkarkuar nga pozita e ushtruesit të detyrës së drejtorit të Kardiokirurgjisë në QKUK këtë vendim e konsideron të padrejtë dhe të përgatitur karshi tij, ndërsa paralajmëron edhe procedura ligjore.

Brahimaj në një deklaratë për KP thotë se ende nuk e ka pranuar zyrtarisht vendimin për lirim nga pozita e ushtruesit të detyrës se drejtorit të Kardiokirurgjisë.

Sipas tij, ky vendim ka qenë i përgatitur pasi vendimi ka ardhur ende pa dalë rezultatet nga Inspektorati Shëndetësor dhe organet tjera lidhur me rastin e vdekjes së pacientit që ndodhi ditë më parë në këtë klinikë.

“E di që ajo është bërë zyrtare në faqe të internetit të ShSKUK-së. Unë ende nuk e kam marr vendimin pastaj unë do t’i ndjek procedurat ligjore ndaj këtij vendimi qe mendoj qe është i padrejtë dhe është mirë i përgatitur sepse u marr një vendim ende pa dal rezultatet e Inspektoratit Shëndetësor as të organeve të tjera që po merreshin me çështjen që ndodhi në kohën e fundit prandaj ishte paraprakisht me gjasë i përgatitur. Por unë do ta bëjë një reagim për të gjitha këto kur të marr vendimin për lirim nga detyra”, tha ai.

E gjatë ditës së djeshme ushtruesja e detyrës së drejtorit të Shërbimit Spitalor Klinik Universitar të Kosovës, Pranvera Zejnullahu kishte takuar kardiokirurgët e QKUK-së.

Por, Rifat Brahimaj thotë se nuk kishte marrë ftesë për të qenë i pranishëm në këtë takim, ndonëse thekson se një takim e kishte mbajtur vetëm me Zejnullahun.

“Unë kam mbajtur takim ndaras me të, ajo pastaj ka dëshiruar një takim pa mua, mua nuk më ka ftuar në atë takim”, tha ai.

Kujtojmë që para pak ditës kardiokirurgu, Kushtrim Shala kishte publikuar një ndërhyrje sipas metodës “David” por që më pas pacienti kishte ndërruar jetë.

Pas kësaj kishte reaguar tashmë ish-ushtruesi i detyrës së drejtorit të Klinikës së Kardiologjisë, Rifat Brahimaj, i cili kishte kontestuar aftësinë e kardiokirurgut Shala.

Pas shkarkimit të Brahimajt, si ushtrues i detyrës së drejtorit të Klinikës se Kardiokirurgjisë është emëruar Shpejtim Shurdhiqi.

Vendi

Mbi 100 gramë kokainë dhe marihuanë kapen në Vërmicë

Published

18 hours ago

June 19, 2026

UBT News

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Vendi

Mbyten dy vajza të mitura në Tale

Published

18 hours ago

June 19, 2026

UBTNews

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë. /E.A/

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

20 hours ago

June 19, 2026

UBTNews

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

21 hours ago

June 19, 2026

UBTNews

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/