Kulturë

Billie Eilish bën thirrje për “veprime urgjente” para konferensës për ndryshimet klimatike

Samiti do të filloi nga data 31 tetor dhe do të zgjasë deri më 12 nëntor.

Published

on

Këngëtarja i bashkohet aktivistëve në thirrjet për liderët botërorë që të përshpejtojnë luftën kundër ndryshimeve klimatike, përpara samitit COP26 që do të mbahet në Glasgow, transmeton UBT News.

Ajo u ka bërë thirrje liderëve botërorë që të ndërmarrin “veprim urgjent” sa i përket ndryshimeve klimatike, përpara Konferencës së Kombeve të Bashkuara për Ndryshimet Klimatike 2021.

Këngëtarja ka qenë prej kohësh e hapur për krizën klimatike, duke dhënë mbështetje për projektligjin e Joe Biden për mbrojtjen e klimës dhe duke marrë pjesë në dokumentarin të YouTube, “Dear Earth”.

Në fushatën e re, të krijuar në bashkëpunim me Arctic Basecamp dhe Universitetin e Exeter, asaj i është bashkuar edhe aktori Rainn Wilson, aktivistja Daze Aghaji, dhe shumë të tjerë, përcjell UBT News.

“Ne duhet të qëndrojmë së bashku dhe të flasim për të shpëtuar planetin tonë, jo vetëm për ne, por për brezat e ardhshëm, dhe ne kemi nevojë për veprim urgjent, dhe [kemi nevojë] të punojmë së bashku si një”, tha Eilish.

Duke filluar nga 31 tetori deri më 12 nëntor, samiti COP26 premton “të bashkojë palët për të përshpejtuar veprimet drejt qëllimeve të Marrëveshjes së Parisit dhe Konventës të OKB-së për Ndryshimet Klimatike”./UBTNews/

Shikoni mesazhet e shpërndara nga Billie Eilish, Rainn Wilson dhe Daze Aghaji:

Magazinë

A ka Meghan Markle një vajzë sekrete? Dukesha u përgjigjet thashethemeve

Published

on

Një nga thashethemet më të çuditshme mbretërore të vitit 2024 pretendonte se Meghan Markle kishte një “vajzë sekrete”.

Teoria e pabazë, e amplifikuar në internet dhe nga tabloidët, u rishfaq me nisjen e sezonit të dytë të shfaqjes së saj të stilit të jetesës në Netflix, ‘With Love, Meghan’ (28 gusht 2025).

Në vend që ta injoronte, Meghan e talli me shaka thashethemin gjatë një episodi me Chrissy Teigen, duke bërë shaka për një fëmijë të sajuar me emrin “Honsworth”. Fansat e vlerësuan humorin e saj, duke vënë në dukje si i shndërroi thashethemet në argëtim.

Dukesha dhe Princi vazhdojnë jetën në Montecito me fëmijët e tyre, Archie, 6 vjeç, dhe Lilibet, 4 vjeç. Harry qeshi me thashethemet për fëmijën sekret në Lojërat Invictus, duke thënë se dy fëmijë janë “ndoshta mjaftueshëm”.

Me 12 milionë shikues për episod, seriali Netflix i Meghan tregon talentin e saj për të kthyer skandalet në momente të lehta – atë që The Guardian e quajti “zgjuarsia dhe autenticiteti si mbrojtjet më të forta”.

 

 

 

Continue Reading

Magazinë

Ecin dorë për dore! Zoe Kravitz dhe Harry Styles fotografohen në Brooklyn

Published

on

Në një foto të re, imazhet kapin Zoe Kravitz dhe Harry Styles, të dy duke ecur dorë për dore në Brooklyn, duke shtuar thashethemet se ata janë çift.

Përmes fotove të publikuara nga “Page Six” në X (ish Twitter), dy artistët shihen duke ecur në rrugë. Në imazhe, Kravitz duket i veshur me një kostum të zi, ndërsa Styles zgjodhi pantallona bezhë dhe një xhaketë xhins.

Kjo dalje e re vjen vetëm disa ditë pasi ata u panë së bashku në Londër, me kalimtarët që raportuan se po putheshin në rrugë menjëherë pas një eventi për të promovuar filmin e ri të Kravitz, “Caught Stealing”. Më 24 gusht, të dy u fotografuan duke ecur dorë për dore në Romë.

Kohët e fundit, pati thashetheme se Zoe ishte në një lidhje me Austin Butler. Dy aktorët kishin tërhequr vëmendjen e medias me paraqitjet e  përbashkëta në tapetin e kuq dhe fotot e tyre në një bar në Paris, ku u panë të përqafuar. Lidhja e fundit e njohur e Kravitz ishte me ish-të fejuarin, Channing Tatum, me të cilin ishte së bashku nga 2021 deri më 2024, ndërsa më parë ishte e martuar me Karl Glusman për një vit.

Sa i përket Harry, këngëtari fitues i Grammy u nda nga Taylor Swift më 2024, pas një viti lidhjeje, ndërsa në qershor u pa duke u puthur me një grua në Festivalin Glastonbury.

Continue Reading

Lifestyle

Cilat Janë llojet më të mira të Aloe Verës, bimës së mrekullueshme?

Published

on

Aloe njihet si bima e përjetësisë dhe simbol i parajsës. Vlerat e saj janë të mrekullueshme, këtë bimë mund ta kultivoni edhe në shtëpinë tuaj dhe ta keni gati për urgjenca si gërvishtje, çarje apo djegie.

A e dini se nga kjo bimë mund të përfitoni shumë edhe nëse e pini?

Aloe Vera përmban mbi 200 përbërës biologjikisht aktivë si polisakaride, vitamina, enzima, amino acide dhe minerale që promovojnë përthithjen sa më të mirë të ushqyesve për të cilat trupi ka aq shumë nevojë.

Llojet më të mira të bimës së Aloe Verës

Në botë, gjenden mbi 400 varietete të bimës së saj, por jo të gjitha janë të mira dhe të vlefshme për konsum nga njerëzit.

Shumica e këtyre varieteteve shërbejnë për dekorim, dhe vetëm pak prej tyre kanë efektet çudibërëse për mirëqenien e njeriut. Sipas një publikimi të Medical Plants of the World, varietetet më të mira të Aloe Verës janë:

Aloe Barbadensis, të cilën mund ta gjeni edhe me emrin Aloe Sabila

Aloe Arborescens

Aloe Saponaria, që mund të gjendet edhe me emërtimin Aloe Maculata

Aloe Ferox

Të dhënat e publikuara nga “The Journal of Environmental Science and Health”, tregojnë se Aloe Vera ka vlera të fuqishme në betejën kundër baktereve, virozave dhe mykut. Këto veti e bëjnë të dobishme në pastrimin e organizmit nga toksinat, në fuqizimin e sistemit imunitar. Nëse konsumoni ose përdorni Aloe Vera, do të përmirësoni disponibilitetin e vitaminës B12 në organizëm.

Kjo do të thotë se trupi do ta përthithë dhe përdorë më mirë këtë vitaminë të nevojshme.

Ajo përmban vitaminat A, C, E, acid folik, si edhe vitaminat B1, B2, B3 dhe B6. Kjo bimë e mrekullueshme përmban 20 nga 22 amino acidet esencialë për të cilat ka nevojë organizmi i njeriut, por edhe acid salicilik që lufton inflamacionin dhe bakteret.

Përveç rolit të pastrimit të organizmit, Aloe Vera përqendrohet tek largimi i toksinave nga stomaku, veshkat, shpretka, tëmthi dhe mëlçia.

Ndihmon me tretjen, ulçerën dhe inflamacionin në stomak, forcon sistemin tretës dhe ofron alternativë të shëndetshme për ata që vuajnë nga artriti. Mënyra më e rekomandueshme është të pini lëngun e bimës, të cilën mund ta rrisni vetë në shtëpi.

Kombinoni xhelin në lëngjet e preferuara të frutave dhe perimeve ose pijeni veçmas. Përdorni xhel të pastër që nxirret nga pjesa e brendshme e gjetheve të bimës. Shija mund të jetë pak e athët dhe e hidhur, përzieni me pak mjaltë dhe të përfitoni vlera të shumëfishta.

Continue Reading

Lifestyle

Si ta kaloni një të premte ndryshe dhe plot energji?

Published

on

E premtja është dita që na kujton se java e gjatë e punës po mbyllet dhe po afrohet fundjava. Por shpesh, e kalojmë duke pritur vetëm pushimin, pa e shfrytëzuar si duhet. Ja disa ide se si ta ktheni të premten në një ditë të veçantë:

Mbylle javën me diçka pozitive

Bëj një listë me gjërat që ke arritur gjatë javës e shpërbleje veten. Mund të jetë kafe speciale, një ëmbëlsirë e preferuar apo një shëtitje e qetë.

Kalon kohë me njerëzit e duhur

Organizo një darkë të thjeshtë me miqtë, dil për një koktej ose thjesht kalo pak orë cilësore me familjen. E premtja është perfekte për lidhje sociale dhe energji të mirë.

Jepi vetes pak luks

Një trajtim bukurie, një prerje flokësh, një maskë relaksuese në shtëpi apo një film i mirë – gjëra të vogla që të bëjnë të ndihesh i/e veçantë.

Shkëputu nga rutina

Në vend që të kalosh mbrëmjen në të njëjtin vend, provo diçka ndryshe: një koncert, ekspozitë, apo një shëtitje në një lagje tjetër të qytetit.

Përgatitu për fundjavën

Vendos plane të vogla për ditët në vijim, që të kesh diçka për të pritur me padurim. Kjo të jep motivim dhe energji pozitive.

Mos e shih të premten vetëm si fund të javës – shijoje si një fillim të vogël të diçkaje të bukur.

Përgatiti: A.Z. /UBT News/

Continue Reading

Të kërkuara