Magazinë

Bill Clinton sot feston 76 vjetorin

Bill Clinton është një politikan amerikan i cili shërbeu si president i 42-të i Shteteve të Bashkuara nga viti 1993 deri në vitin 2001.

Published

4 years ago

on

Ish- presidenti i SHBA-së, Bill Clinton sot feston ditëlindjen e 76-të.

Bill Clinton (William Jefferson Clinton) lindi më 19 gusht të vitit 1946 në Hope, Arkansas, SHBA. Bill Clinton është një politikan amerikan i cili shërbeu si president i 42-të i Shteteve të Bashkuara nga viti 1993 deri në vitin 2001.

Babai i tij, William Jefferson Blythe Jr. të cilin ai nuk e njohu kurrë, ishte agjent tregtar dhe humbi jetën në një aksident automobilistik tre muaj para se të lindte Billi. Pas vdekjes së të atit Billi dhe nëna e tij kuptuan se babai i tij ishte i martuar edhe me së paku edhe tri gra tjera në të njëjtën kohë dhe se Billi kishte edhe një vëlla dhe një motër nga babai, të cilët nuk i takoi kurrë.

Si fëmijë i vogël Billi jetoi më të ëmën, Virginia Cassidy Blythe, dhe me prindërit e sajë në Hope. Kur Billi mbushi një vjeç e ëma e tij shkoi në New Orleans për t’u shkolluar për infermiere-anesteziologe dhe dy vitet në vijim për Billin u kujdesën prindërit e së ëmës. Kur Billi i kishte mbushur 4 vjeç e ëma e tij u martua me Roger Clinton, shitës automobilash në Hope dhe Billi mori emrin William Jefferson Clinton. Dy vite më vonë prindërit u shpërngulën në Hot Springs, Arkansas.

Jeta për Billin dhe të ëmën e tij nuk ishte aspak e lehtë. Rogeri ishte alkoolist, luante bixhoz dhe shpesh paratë e fituara i humbte duke luajtur bixhoz, jo vetëm të tij por edhe të bashkëshortes së tij. Ai e rrihte dhe keqtrajtonte gruan e tij, ndërsa Billin dhe vëllain e tij të vogël Roxher Junjorin, i cili kishte lindur në vitin 1956 i keqtrajtonte verbalisht.

Billi ishte shumë i lidhur me të ëmën e vet dhe nganjëherë ishte munduar ta mbronte të ëmën nga njerku që e rrihte. Kjo e solli edhe deri te konfliktet serioze me njerkun e tij. Kur ishte nxënës i shkollës së mesme, Billi më në fund u pajtua me njerkun e tij, i cili vdiq nga kanceri në vitin 1967.

Clintoni vijoi dy vite në shkollën katolike para se të regjistrohej në shkollën publike në Hot Springs. Ai ishte nxënës tërheqës dhe i suksesshëm.

Në vitin 1963 pas vitit të parë të shkollës së mesme, Clintoni u zgjodh si njëri nga dy përfaqësuesit nga Arkansasi në programin e qeverisë për student në Boys Nation.

Në kuadër të këtij programi ishte debatuar për të drejtat e qytetarëve. Me këtë rast në kuadër të këtij programi takohet me presidentin J.F. Kennedy në Shtëpinë e Bardhë.

Clintoni përfundoi gjimnazin në vitin 1964 dhe u regjistrua në Universitetin Georgetown në Washington, ku zgjoi interesin për marrëdhëniet ndërkombëtare. Gjatë viteve të shkollës ai u angazhua të ndihmojë në punët e komitetit të Senatit për punët e jashtme të cilat i udhëhiqte senatori William Fulbright, demokrat nga Arkanzasi.

Clintoni ishte admirues i tij sepse kritikonte rreptë përzierjen amerikane në luftën e Vietnamit. Clintoni gjithashtu ishte simpatizues i lëvizjes së zezakëve të viteve 1960-të.

Pas vrasjes në vitin 1968 të Martin Luther King (disa ditë para se ta kryente shkollimin), që shkaktoi kryengritjen e popullsisë me ngjyrë në disa qytete amerikane, Clintoni ishte vullnetar për të ndihmuar me ushqim dhe veshmbathje për njerëzit që kishin mbetur pa shtëpi.

Gjatë vitit të dytë të studimeve Clintoni fitoi bursën e Rhod dhe shkoi në Universitetin e Oxfordit në Angli ku kaloi dy vite. Në vitin 1970, Clintoni u regjistrua në Fakultetin Juridik në universitetin e Yale. Shkollimin e pagoi duke punuar në punë të ndryshme. Këtu takoi Hillary Diane Rodham nga Chicagoja. Clintoni u diplomua për Juridik në vitin 1973 dhe shkon në Fayetteville në Arkansas për të dhënë mësim në Fakultetin Juridik të Arkanzasit. Ai dhe Hillari u martuan më 19 nëntor 1975. Ata kanë vetëm një vajzë, Chelsea Victoria Clinton.

Ai ka shërbyer më parë si Guvernator i Arkansas nga viti 1979 deri në vitin 1981 dhe nga 1983 deri në vitin 1992, dhe si Prokurori i Përgjithshëm i shtetit Arkansas nga viti 1977 deri më 1979.

Clinton është anëtar i Partisë Demokratike. Ideologjikisht ai i përkiste demokratëve të rinj, dhe shumë prej politikave të tij reflektonin një filozofi të rrugës të tretë centriste të qeverisjes.

Bill Clintoni gjatë kohës së mandatit të tij si president i shtetit më të fortë në botë ndikoi në miratimin dhe realizimin e vendimeve të OKB-s për ndërhyrjen e NATO-s në Luftën e Kosovës në vitin 1999.

Related Topics:
Continue Reading

Lajmet

Koncert i veçantë i Yll Limanit në Prishtina Mall, sonte dhe nesër

Published

2 days ago

on

July 24, 2026

By

Prishtina bëhet sonte dhe nesër epiqendra e muzikës dhe argëtimit, pasi në Prishtina Mall mbahet koncerti i shumëpritur i këngëtarit Yll Limani.

Dy net me radhë, publiku do të ketë mundësinë të shijojë performancat e një prej artistëve më të dashur të skenës shqiptare, me këngët e tij më të njohura dhe atmosferë të veçantë muzikore.

Koncerti pritet të mbledhë një numër të madh fansash nga Kosova dhe më gjerë, ndërsa organizatorët kanë marrë masa të veçanta për menaxhimin e qarkullimit dhe lehtësimin e trafikut për shkak të fluksit të madh të vizitorëve.

Për pjesëmarrësit janë organizuar edhe autobusë falas të Trafikut Urban, me nisje nga Prishtina drejt Prishtina Mall dhe anasjelltas.

Të gjithë adhuruesit e muzikës ftohen të bëhen pjesë e këtyre dy mbrëmjeve festive, ku Yll Limani pritet të sjellë hitet e tij dhe një atmosferë të paharrueshme në zemër të Prishtinës./A.K/

Continue Reading

Lajmet

Njoftim për qytetarët: Masa të veçanta të trafikut për koncertin e Yll Limanit në Prishtina Mall

Published

2 days ago

on

July 24, 2026

By

Ju njoftojmë se, më datat 24 dhe 25 korrik 2026, për shkak të koncertit të paralajmëruar të Yll Limanit në Prishtina Mall, nga ora 16:00 deri në përfundim të aktivitetit, do të zbatohen masa të veçanta për menaxhimin e trafikut.

Me qëllim të lehtësimit të qarkullimit dhe shmangies së ngarkesave në trafik:

• Qytetarët që udhëtojnë në relacionin Prishtinë – Shkup dhe anasjelltas, gjatë kësaj periudhe luten të përdorin Autostradën “Arbën Xhaferi”, për të shmangur vonesat dhe ngarkesën në trafik.

• Për vizitorët e koncertit janë organizuar autobusë falas të Trafikut Urban, me nisje nga Prishtina drejt Prishtina Mall dhe anasjelltas.

• Për automjetet që lëvizin nga Prishtina në drejtim të Prishtina Mall, pas rrethit të Marigonës do të vendosen kona në shiritin e majtë të qarkullimit, i cili do të rezervohet për vizitorët e koncertit.

• Për automjetet që vijnë nga Ferizaj në drejtim të Prishtina Mall, do të vendosen kona në shiritin e djathtë, ndërsa hyrja për vizitorët do të realizohet përmes rrugicës në të djathtë, para se të arrihet te rrethi i Prishtina Mall.

Kërkohet mirëkuptimi dhe bashkëpunimi i të gjithë qytetarëve, si dhe respektimi i udhëzimeve të zyrtarëve policorë dhe sinjalizimit të përkohshëm rrugor, me qëllim të garantimit të sigurisë dhe mbarëvajtjes së trafikut gjatë koncertit të Yll Limanit./A.K/

Continue Reading

Magazinë

Billie Eilish nis xhirimet e filmit “The Bell Jar”, debuton në një rol të madh në kinema

Published

2 days ago

on

July 24, 2026

By

Billie Eilish ka nisur xhirimet për filmin “The Bell Jar”, duke shënuar debutimin e saj në një rol të rëndësishëm kinematografik.

Këngëtarja 24-vjeçare do të interpretojë Esther Greenwood, personazhin kryesor të romanit të njohur të Sylvia Plath. Filmi trajton historinë e një studenteje të re që përballet me depresion dhe sfida të shumta emocionale.

Tema e filmit ka tërhequr vëmendje edhe për shkak se vetë Eilish ka folur publikisht për përvojat e saj me shëndetin mendor.

Në këtë projekt, ajo luan përkrah aktores fituese të çmimit “Oscar”, Carey Mulligan, ndërsa regjinë e filmit e mban Sarah Polley.

Pamjet nga xhirimet në Toronto tregojnë një transformim të dukshëm të artistes, e cila shfaqet ndryshe nga imazhi i saj i njohur për publikun.

“The Bell Jar” pritet të jetë një nga adaptimet më të diskutuara të viteve të fundit, duke sjellë në ekran një nga veprat më të njohura të letërsisë moderne.

Me këtë rol, Billie Eilish nis një kapitull të ri në karrierën e saj artistike, duke kaluar nga muzika në ekranin e madh./A.K/

Continue Reading

Magazinë

Dua Lipa dhe Callum Turner surprizojnë një mysafir me këngë ditëlindjeje në New York

Published

2 days ago

on

July 24, 2026

By

Dua Lipa dhe Callum Turner kanë surprizuar një mysafir gjatë një darke në New York, duke iu bashkuar papritur një kënge ditëlindjeje në një restorant në West Village.

Çifti po darkonte në restorant kur panë një grup miqsh duke kënduar për një person që festonte ditëlindjen. Ata vendosën t’i bashkoheshin momentit dhe t’ia bënin ditën edhe më të veçantë mysafirit.

“Ata menduan se do të ishte argëtuese të bashkoheshin me këngën dhe t’ia bënin ditën dikujt. Disa ditëlindje vijnë me një tortë, dhe kjo ditë erdhi me një serenatë surprizë nga Dua Lipa dhe Callum Turner”, thanë punonjësit e restorantit.

Sipas stafit, këngëtarja shqiptare dhe aktori britanik janë mysafirë të shpeshtë të këtij restoranti dhe preferojnë të shijojnë kohën e tyre larg vëmendjes.

“Atyre u pëlqen të ndihen të padukshëm. Ata thjesht duan të jenë në gjendje të dalin dhe të shijojnë pije dhe ushqim, si të gjithë të tjerët”, kanë thënë punonjësit.

Ndërkohë, çifti raportohet se së fundmi është martuar në një ceremoni intime në Old Marylebone Town Hall në Londër, ndërsa më pas kanë organizuar një festë me miqtë në Itali./A.K/

Continue Reading

Të kërkuara