Lajmet

Bie çmimi i naftës

Published

1 year ago

July 25, 2024

Betim Gashi

Çmimet e naftës u ulën të enjten pas pritshmërisë për një armëpushim në Lindjen e Mesme dhe shqetësimeve të kërkesës nga Kina, ndërsa një perspektivë pozitive e kërkesës në SHBA, e mbështetur nga të dhënat e inventarit nga Administrata e Informacionit të Energjisë (EIA) kufizoi rënien e mëtejshme të çmimeve.

Standardi ndërkombëtar i papërpunuar Brent u tregtua me 81,04 dollarë për fuçi në orën 10:19 të mëngjesit me orën lokale (0719 GMT), një rënie prej 0,8% nga çmimi i mbylljes prej 81,71 dollarë për fuçi në seancën e mëparshme tregtare.

Standardi amerikan West Texas Intermediate (WTI) u tregtua me 76,97 dollarë për fuçi në të njëjtën kohë, një rënie prej 0,8% nga seanca e mëparshme që u mbyll me 77,59 dollarë për fuçi.

Të dy standardet ranë të enjten për shkak të pritjeve për një armëpushim në Lindjen e Mesme, vatra e një pjese dërrmuese të rezervave globale të naftës.

Sipas raporteve të mediave izraelite të dielën, thuhet se një ekip negociator izraelit do të niset për në Katar të enjten për të vazhduar bisedimet mbi një marrëveshje armëpushimi në Gaza dhe shkëmbimin e të burgosurve me fraksionet palestineze.

Një deklaratë e kryeministrit izraelit Benjamin Netanyahu tha se ai mbajti “diskutime të thella” të dielën mbi përpjekjet për të arritur një marrëveshje për shkëmbimin e të burgosurve me Hamasin.

Ndërkohë, çmimet e naftës vazhdojnë të jenë në rënie nga të dhënat e rritjes ekonomike më të ngadalta se sa pritej në Kinë, importuesi më i madh në botë i naftës bruto, gjë që ngriti shqetësime për kërkesën për naftë të vendit.

Produkti i brendshëm bruto (PBB) i Kinës u rrit me 4.7% në tremujorin e dytë të 2024, nën pritjet e tregut, sipas të dhënave zyrtare, të cilat ndoqën shifrat që tregojnë një butësi në importet e naftës.

Pasiguria mbi kërkesën për naftë të vendit nxit frikën e akterëve të tregut se importet dhe aktiviteti i rafinimit mund të mbeten gjithashtu të ulëta.

Megjithatë, të dhënat që tregojnë një rënie të rezervave të naftës së papërpunuar në SHBA, vendi më i madh konsumues i naftës në botë, kufizuan lëvizjet në rënie të çmimeve duke sugjeruar se kërkesa për naftë po rritej./AA/

Lajmet

Ambasadori gjerman nderon Rugovën: Një avokat për rezistencën paqësore

Published

43 minutes ago

December 4, 2025

UBTnews

Ambasada e Gjermanisë në Kosovë ka nderuar sot figurën e Presidentit historik Ibrahim Rugova, duke rikujtuar rolin e tij si simbol i rezistencës paqësore dhe i zgjidhjes së konflikteve përmes dialogut.

Përmes një njoftimi në rrjetet sociale, ambasada ka bërë të ditur se ambasadori gjerman, Rainer Rudolph, ka vizituar varrin e presidentit të ndjerë, ku ka vendosur një kurorë me lule në shenjë respekti dhe mirënjohjeje për kontributin e Rugovës në shtetformimin e Kosovës.

“Duke nderuar trashëgiminë e Presidentit Ibrahim Rugova, një avokat për rezistencën paqësore dhe zgjidhjen e konflikteve pa dhunë”, thuhet në postimin e ambasadës në Facebook.

Fotografitë e publikuara shfaqin ambasadorin Rudolph pranë varrit të Rugovës gjatë ceremonisë së vendosjes së kurorës, duke reflektuar respektin e vazhdueshëm të Gjermanisë ndaj rolit të tij historik.

Lajmet

Dy raste dhune në familje në Prishtinë

Published

49 minutes ago

December 4, 2025

UBTnews

Policia e Kosovës ka ndërhyrë në dy raste të ndara të dhunës në familje në kryeqytet, ku është raportuar për kanosje dhe sulm fizik.

Një burrë kosovar është arrestuar nën dyshimin se kishte kanosur përmes telefonit një grua kosovare. I dyshuari u ndaluar dhe pas intervistimit, me vendim të prokurorit, është dërguar në mbajtje.

“Më 03.12.2025 është ndaluar dhe arrestuat i dyshuari mashkull kosovar nën dyshimin se i njëjti me datën e lartcekur kishte kanosur përmes telefonit viktimën femër kosovare. Me vendim të prokurorit i njëjti pas intervistimit është dërgruar në mbajtje.“, thuhet në raport

Në një rast tjetër, të raportuar rreth orës 21:50 të së njëjtës ditë, një grua ka deklaruar se është sulmuar fizikisht nga dy persona pas një mosmarrëveshjeje. Viktima ka marrë tretman mjekësor, ndërsa palët janë intervistuar nga policia. Me vendim të prokurorit, njëri nga të dyshuarit është arrestuar dhe ndaluar në mbajtje.

“Është raportuar se pas një mosmarrëveshje viktima femër kosovare është sulmuar fizikisht nga dy të dyshuarit meshkuj kosovarë. Viktima ka pranuar tretman mjekësor. Palët janë intervistuar dhe me vendim të prokurorit, njëri nga të dyshuarit është arrestuar dhe dërguar në mbajtje.“, thuhet në njoftim.

Rastet janë duke u trajtuar nga autoritetet kompetente./UBTNews

Lajmet

Dy të arrestuar në Prishtinë për sulm ndaj zyrtarëve policorë

Published

1 hour ago

December 4, 2025

UBTnews

Dy persona janë arrestuar të mërkurën në Prishtinë, pasi dyshohet se kanë sulmuar fizikisht dy zyrtarë policorë.

Sipas raportit nga Policia e Kosovës thuhet se incidenti ka ndodhur pasi policët u kishin shqiptuar një gjobë trafiku të dyshuarve.

Gjatë përleshjes nuk është raportuar për lëndime serioze dhe zyrtarët policorë kanë refuzuar tretmanin mjekësor. Me vendim të prokurorit, të dyshuarit janë ndaluar në mbajtje, ndërsa rasti po vazhdon të hetohet.

“Janë arrestuar dy të dyshuar meshkuj kosovarë, pasi që kishin sulmuar fizikisht dy zyrtarë policorë, të cilët i kishin shqiptuar një gjobë trafiku të dyshuarve. Zyrtarët policor kanë refuzuar tretmanin mjekësor. Me vendim të prokurorit të dyshuarit janë dërguar në mbajtje.”, thuhet në njoftm./UBTnews

Lajmet

Mbyllet zyrtarisht paraqitja e provave në rastin ndaj ish-krerëve të UÇK-së

Published

2 hours ago

December 4, 2025

UBTnews

Në çështjen gjyqësore ndaj ish-krerëve të UÇK-së, mbrojtja e Hashim Thaçit dhe Jakup Krasniqit kanë mbyllur zyrtarisht paraqitjen e provave në rastin ku klientët e tyre së bashku me Rexhep Selimin dhe Kadri Veselin akuzohen për krime lufte dhe krime kundër njerëzimit.

Këtë njoftim mbrojtja e Thaçit dhe ajo e Krasniqit e kanë bërë ndaras më 2 dhjetor 2025

Ndryshe, mbrojtja ka filluar me paraqitjen e provave të saj më 15 shtator 2025, ku për tri ditë me radhë u dëgjua ish-ndihmësi i sekretarit amerikan të shtetit, James Rubin.

Ndërsa, pas tij u thirr ish-këshilltari ligjor i delegacionit shqiptar në Rambuje, Paul Williams. Kurse, ish-këshilltari politik i komandantit të lartë të NATO-s, Wesley Clark, John Stewart Duncan filloi dëshminë më 22 shtator dhe e mbaroi më 23 shtator 2025.

Kurse, më 30 shtator nisi dëshminë James Peter Covey, ish-zëvendës i përfaqësuesit të OKB-së në Kosovë, Bernard Kouchner. Covey e përfundoi dëshminë më 2 tetor.

Më pas, ish-diplomati amerikan Christopher Hill filloi dëshminë më 10 nëntor 2025 dhe vazhdoi edhe më 11 nëntor 2025 dhe 12 nëntor 2025. E ish-këshilltari politik i Wesley Clark, Michael Durkee dëshmoi më 12 dhe 13 nëntor 2025. Ndërsa, më 17 nëntor e filloi dëshminë Wesley Clark i cili e përfundoi më pas më 18 nëntor 2025.

Në mbështetje të ish-krerëve të UÇK-së të cilët po gjykohen në Hagë janë mbajtur katër protesta në Prishtinë, Hagë, Tiranë dhe Strasburg.

Ndërkohë, më 15 prill 2025, Prokuroria ka njoftuar se ka përfunduar paraqitjen e provave në këtë rast./EO/BetimipërDrejtësi