Lajmet

Biden nënshkruan ligjin që shmang mbylljen e Qeverisë amerikane

Masa u nënshkrua vetëm pak orë para përfundimit të vitit fiskal, mesnatën e 30 shtatorit.

Published

4 years ago

October 1, 2021

Betim Gashi

Presidenti i Shteteve të Bashkuara, Joe Biden, nënshkroi legjislacionin për të shmangur mbylljen e Qeverisë amerikane dhe për ta mbajtur atë të financuar deri më 3 dhjetor.

Masa u nënshkrua vetëm pak orë para përfundimit të vitit fiskal, mesnatën e 30 shtatorit.

Biden tha se ligji “plotëson nevojat kritike dhe urgjente të kombit”, përfshirë ndihmën në raste të fatkeqësive dhe financimin e zhvendosjes së “aleatëve afganë në Shtetet e Bashkuara, pas përfundimit të luftës 20-vjeçare në Afganistan”.

Ligji paraprakisht kaloi në Dhomën e Përfaqësuesve me 254 vota për dhe 175 kundër dhe në Senat me 65 vota për dhe 35 kundër.

“Ka shumë më tepër për t’u bërë. Por, miratimi i këtij projektligji na kujton se puna dypartiake është e mundur”, tha Biden.

“Ky është një rezultat i mirë. Jam i lumtur që e kemi arritur”, tha udhëheqësi i shumicës në Senat, Chuck Schumer.

“Me kaq shumë gjëra për t’u kujdesur në Uashington, gjëja e fundit që i duhej popullit amerikan ishte ndalimi i punës së Qeverisë”, shtoi ai.

Ligji i sapomiratuar bën që agjencitë federale të mos kenë nevojë të mbyllen të premten dhe qindra mijëra punonjës të Qeverisë nuk do të duhet të marrin pushim pa pagesë.

Shqetësim të veçantë, marrë parasysh pandeminë e sëmundjes COVID-19, paraqisnin shërbimet shëndetësore.

Një plan i përgatitur nga Departamenti i Shëndetit dhe Shërbimeve Njerëzore zbuloi se deri në 43% e stafit të tij mund të dërgohej në shtëpi në rast të mbylljes së Qeverisë.

Me një krizë të shmangur tani, anëtarët e Kongresit mund të përqendrohen në legjislacionin për rritjen e kufirit të huamarrjes së Qeverisë, para 18 tetorit.

Nëse Kongresi nuk e ngre kufirin e borxhit deri atëherë, sekretarja e Thesarit, Janet Yellen, tha se Shtetet e Bashkuara nuk do të arrijnë të shlyejnë huatë – gjë që mund të pasohet me krizë financiare dhe recesion ekonomik.

Republikanët thonë se demokratët i kanë shtyrë përpara agjendat e tyre politike, pasi kontrollojnë Kongresin dhe Shtëpinë e Bardhë, andaj, sipas tyre, ata janë përgjegjës për rritjen e kufirit të borxhit.

Nënshkrimi i projekt-ligjit afatshkurtër të shpenzimeve nga ana e presidentit Biden u jep ligjvënësve kohë për të hartuar dy ligje të tjera të shpenzimeve, që përfshijnë prioritetet kryesore vendore të administratës Biden.

Demokratët, që kontrollojnë edhe Dhomën e Përfaqësuesve, edhe Senatin, po përpiqen të arrijnë marrëveshje në mes tyre për dy projektligje – një që do të shpenzonte rreth 1 trilion dollarë në infrastrukturë dhe një tjetër që do të shpenzonte 3.5 trilionë dollarë për të zgjeruar programet dhe rrjetet sociale dhe për të trajtuar ndryshimet e klimës.

Me shumicën e ngushtë në Kongres, demokratët nuk mund të përballojnë të humbasin shumë vota, nëse duan që agjenda e tyre të shkojë përpara.

Plani për infrastrukturë ka kaluar tashmë në Senat me mbështetjen e dy partive, por demokratët përparimtarë në Dhomën e Përfaqësuesve kanë kërcënuar se do ta bllokojnë atë, nëse nuk ka një marrëveshje për një plan më të madh të shpenzimeve në skemat sociale.

Kryetarja e Dhomës së Përfaqësuesve, Nancy Pelosi, tha fillimisht se Dhoma do të votojë të enjten për projekt-ligjin e infrastrukturës, por demokratët e anuluan votimin më vonë, pasi nuk arritën të sigurojnë mbështetje të mjaftueshme nga ligjvënësit e tyre./REL

Lajmet

Pesë kadetë nga Kosova diplomojnë në Akademinë e Forcave të Armatosura të Shqipërisë

Published

20 hours ago

July 30, 2025

UBTnews

Pesë kadetë nga Kosova kanë diplomuan në Akademinë e Forcave të Armatosura të Shqipërisë.

Ata do të vazhdojnë shërbimin e tyre si oficerë në radhët e Forcës së Sigurisë së Kosovës.

Kjo u bë e ditur nga ministri në detyrë i Mbrojtjes, Ejup Maqedonci i cili mori pjesë në ceremoninë e diplomimit me ftesë të homologut të tij nga Shqipëria, Pirro Vengu.

“Me mbështetjen e ministrit Pirro Vengu dhe të Shefit të Shtabit të Përgjithshëm, gjeneral Arben Kingji, është bërë e mundur që për vitin e ardhshëm të katërfishohet numri i kadetëve nga Kosova që do të ndjekin studimet në këtë akademi prestigjioze”, shkruan Maqedonci në Facebook

Lajmet

IPK-ja identifikon dobësi në pasqyrimin e gjobave dhe shkeljeve

Published

20 hours ago

July 30, 2025

UBTnews

Inspektorati Policor i Kosovës thotë se ka të meta në pasqyrimin e të dhënave në gjoba në raport me shkeljet dhe që këto “sjellin dyshime se mund të abuzohet gjatë kryerjes së detyrës zyrtare”. Kjo është theksuar me një inspektim që IPK-ja e ka bërë rreth përdorimit të teknologjisë për matjen e shpejtësisë së lëvizjes së mjeteve në trafik.

Përmes një njoftimi për media, IPK-ja tha se inspektimi është realizuar me kërkesë të kryeshefit ekzekutiv, ndër të tjera, bazuar në informacionet që IPK kishte pranuar se zyrtarët policorë për arsye të ndryshme nuk i gjobisin kundërvajtësit për shkeljet që i kanë kryer.

“Inspektimi ka vënë në pah se ka dobësi/të meta në pasqyrimin e të dhënave në gjoba në raport me shkeljet dhe që këto sjellin dyshime se mund të abuzohet gjatë kryerjes së detyrës zyrtare”.

Sipas IPK-së. gjatë krahasimit të të dhënave në gjoba dhe atyre të regjistruara në radar gjatë inspektimit janë hasur katër natyra të mospërputhjeve: Shpejtësia e lëvizjes së mjetit e përshkruar në gjobë është më e ulët se ajo e regjistruar në radar (në 55 nga 84 mostra/gjoba); Shpejtësia e kufizuar në radar ndryshon nga ajo e regjistruar në gjobë (në 23 nga 84 mostra); Lloji i shkeljes në gjobë ndryshon nga ajo e matur me radar (në 3 nga 84 mostra); Shqiptohet gjobë për tejkalim të shpejtësisë në bazë të një neni (paragrafi) jo adekuat të ligjit (në 3 nga 84 mostra).

IPK-ja në kuadër të Raportit ka dhënë shtatë rekomandime, që kanë të bëjnë me nevojën e nxjerrjes së një udhëzuesi lidhur me përdorimin e pajisjeve për matjen e shpejtësisë së lëvizjes, mbajtjen e një trajnimi shtesë për të pajisur personelin me njohuri të mjaftueshme, ushtrimit të kontrolleve në drejtim të eliminimit të dobësive sa i përket vendosjes së të dhënave në pajisjet e matjes, ushtrimit të kontrolleve në drejtim të eliminimit të praktikave të dëmshme gjatë shqiptimit të gjobave për kundërvajtje, përdorimit efektiv të automjeteve me pajisje inteligjente, monitorimit të procesit të shkarkimit dhe ruajtjes së materialeve të regjistruara nga pajisjet, aplikimit të praktikës së printimit të kundërvajtjeve.

Lajmet

Një aksident me fatalitet, Policia e Kosovës shqipton mbi 2 mijë e 200 gjoba trafiku brenda 24 orëve të fundit

Published

20 hours ago

July 30, 2025

UBTnews

Policia e Kosovës ka shqiptuar 2289 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 70 aksidente trafiku me dëme materiale, 35 aksidente trafiku me të lënduar kurse një aksident përfundoi me fatalitet.

Policia e Kosovës ka arrestuar 20 persona, 10 janë dërguar në mbajtje kurse një person është në vuajtje të dënimit.

Lajmet

Konfiskohen nëntë armë në formë stilolapsi, arrestohet i dyshuari

Published

21 hours ago

July 30, 2025

UBTnews

Një person është arrestuar pasi të njëjtit i janë gjetur nëntë armë në formë stilolapsi dhe katër fishek.

Policia në Pejë njoftoi se pas informacionit për një përleshje fizike në fshatin Carrabreg-Deçan njësitet policore kanë dalë në vendin e ngjarjes ku edhe i janë gjetur dhe i janë konfiskuar armë të dyshuarit.

“Nё koordinim me prokurorin e Shtetit, ёshtё kryer kontroll/bastisje ne shtёpinё e personit tё dyshuar mirёpo nuk ёshtё gjetur diçka e kundёrligjshme.I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё“, thuhet në njoftim.