Lajmet

Biden dhe Putin pajtohen të shtojnë diplomacinë në mes të tensioneve në Ukrainë

Kjo thirrje u bë në mesin e tensioneve afër kufirit të Ukrainës dhe Rusisë.

Published

4 years ago

on

Presidenti i Shteteve të Bashkuara të Amerikës, Joe Biden ka kërkuar nga homologu i tij rus, Vladimir Putin që t’i zbus tensionet, në një thirrje telefonike të enjten (30 dhjetor).

Kjo thirrje u bë në mesin e tensioneve afër kufirit të Ukrainës dhe Rusisë.

Gjatë thirrjes që zgjati 50 minuta, liderët patën një shkëmbim serioz për të vendosur bazën për bisedime në fillim të muajit të ardhshëm.

Kështu tha një zyrtar nga administrata e Biden, i cili foli nën kushte anonimiteti për shkak të çështjeve të ndjeshme diplomatike.

Zyrtarët amerikanë dhe rusë do të takohen më 9 dhe 10 janar në Gjenevë të Zvicrës për të diskutuar mbi kontrollin e armëve dhe rritjen e tensioneve mbi Ukrainën në kuadër të dialogut të tyre dypalësh të Stabilitetit Strategjik.

Më pas, një takim i veçantë i Këshillit Rusi-NATO do të mbahet në Bruksel më 12 janar, pasuar një ditë më pas me një takim në Vjenë në kuadër të Organizatës për Siguri dhe Bashkëpunim në Evropë (OSBE), ku përfshihen Shtetet e Bashkuara, aleatët e saj evropianë, Ukraina dhe Rusia.

“Biden e pa këtë thirrje si vendosje të themeleve për… diplomaci pragmatike dhe të orientuar drejt rezultateve” në takimet e ardhshme, tha zyrtari i lartë amerikan.

Rusia në fillim të këtij muaji parashtroi kërkesa gjithëpërfshirëse për garanci sigurie nga NATO, ndërsa grumbulloi rreth 100,000 trupa në kufirin e saj me Ukrainën, duke shkaktuar frikën e një pushtimi dhe një stuhi diplomacie, duke përfshirë një tjetër thirrje midis dy liderëve më 7 dhjetor.

Rusia po kërkon garanci ligjore që NATO nuk do të pranojë anëtarë të rinj që janë në kufi me Rusinë, duke përfshirë Ukrainën dhe Gjeorgjinë. Ajo gjithashtu dëshiron që NATO të ndalojë stërvitjet ushtarake pranë kufijve të saj dhe të reduktojë vendosjet ushtarake në Evropën Qendrore dhe Lindore.

Putin javën e kaluar i bëri thirrje Perëndimit që “menjëherë” t’i japë Rusisë ato garanci. Administrata e Biden ka thënë se disa kërkesa ruse janë “të papranueshme” dhe se secili vend ka të drejtën sovrane të zgjedhë aranzhimet e veta të sigurisë. Por Uashingtoni ka sinjalizuar gjithashtu se diskutimi i disa propozimeve ruse — duke përfshirë ato për kontrollin e armëve, dekonfliktin e forcave ushtarake dhe konfliktin në Ukrainën lindore — mund të japë rezultate.

“Të dy liderët pranuan se ka të ngjarë të ketë fusha ku mund të bëjnë përparim domethënës, si dhe fusha ku marrëveshjet mund të jenë të pamundura dhe se bisedimet e ardhshme do të përcaktojnë më saktë konturet e secilës prej atyre kategorive,” tha zyrtari i lartë amerikan.

Gjatë telefonatës, Biden përsëriti gjithashtu se çdo pushtim i Ukrainës do të përballej me sanksione dërrmuese ekonomike nga Shtetet e Bashkuara dhe partnerët e saj, si dhe një prani më të madhe të NATO-s në Evropën Qendrore dhe Lindore.

Putin i tha Bidenit se çdo sanksion do të ishte një “gabim kolosal” që do të çonte në një “ndërprerje totale të marrëdhënieve” midis Rusisë dhe Shteteve të Bashkuara, tha ndihmësi i Kremlinit, Yuri Ushakov.

Duke iu drejtuar një shqetësimi rus, Biden i tha Putinit se Shtetet e Bashkuara nuk kanë ndërmend të vendosin armë sulmuese në Ukrainë, tha Ushakov.

Shtetet e Bashkuara kanë dhënë më shumë se 2.5 miliardë dollarë ndihmë ushtarake për Ukrainën që nga viti 2014, duke përfshirë armë vdekjeprurëse për të ndihmuar forcat qeveritare të luftojnë separatistët e mbështetur nga Rusia në Ukrainën lindore.

Në përgjithësi, Ushakov tha se Rusia ishte e kënaqur me bisedën telefonike dhe perspektivat për diplomaci të mëtejshme në fillim të vitit të ardhshëm, të cilat, sipas tij kanë në qendër garancitë që Moska dëshiron nga Perëndimi.

Grupi Eurasia, një konsulencë për rrezikun politik me bazë në SHBA, tha në një njoftim për klientët e saj që thirrja e iniciuar nga Rusia nënvizon presionin që Putin po aplikon për një fillim të shpejtë të negociatave. Megjithatë, ata paralajmëruan se bisedimet do të jenë të ngadalta dhe “përballen me pengesa të rëndësishme”.

Megjithatë, thirrja ishte një mundësi për Putinin “për të thënë ankesat e tij, për të ndikuar në serinë e takimeve dypalëshe, SHBA-Rusi dhe OSBE në javën e dytë të janarit dhe, po aq e rëndësishme, për të formësuar ciklin e lajmeve për Rusinë para Vitit të Ri për të treguar se ai i adresoi shqetësimet e Rusisë drejtpërdrejt te presidenti i SHBA-së”, tha për Radion Evropa e Lirë, Yuval Weber, një ekspert i strategjisë ushtarake dhe politike ruse.

Rusia pushtoi dhe aneksoi Gadishullin e Krimesë të Ukrainës në vitin 2014 dhe mbështet separatistët në Ukrainën lindore që luftojnë një luftë gati tetëvjeçare kundër forcave të Kievit. Bisedimet e paqes për t’i dhënë fund luftimeve kanë ngecur pasi Moska dhe Kievi nuk bien dakord mbi interpretimin e kornizës së nënshkruar në 2015 të njohur si Marrëveshjet e Minskut. Gjermania dhe Franca po ndërmjetësojnë këto bisedime.

Zyrtarët amerikanë kanë theksuar se asnjë vendim në lidhje me arkitekturën e sigurisë së Evropës nuk do të merret pa marrëveshje nga Ukraina dhe aleatët evropianë.

Sekretari amerikan i Shtetit Antony Blinken foli me presidentin ukrainas Volodymyr Zelenskiy përpara thirrjes së Biden me Putinin për të përsëritur “mbështetjen e palëkundur të Uashingtonit për pavarësinë, sovranitetin dhe integritetin territorial të Ukrainës”, tha Departamenti i Shtetit.

Biden planifikon të flasë me Zelenskiyn menjëherë pas telefonatës me Putinin.

Weber tha se anëtarësimi i Ukrainës në NATO ose një aleancë ushtarake dypalëshe midis Shteteve të Bashkuara dhe Ukrainës “është ose shumë vite larg ose thjesht fantazi, kështu që është e lehtë për Biden të thotë se nuk do të ndodhë dhe me kënaqësi të pranohet nga pala ruse si një koncesion”./REL/

Related Topics:
Continue Reading

Lajmet

​De Bruyne: Nuk kam problem me trajnerin Conte

Published

12 minutes ago

on

October 2, 2025

By

Mesfushori belg, Kevin De Bruyne ka mohuar zërat për një përçarje me trajnerin Antonio Conte, pas fitores së Napolit 2-1 ndaj Sporting Lisbonës në Ligën e Kampionëve.

De Bruyne i cili kishte reaguar me nervozizëm kur u zëvendësua në ndeshjen kundër Milanit, tha se marrëdhëniet me Conten janë të mira.

“Me Conten nuk ka pasur kurrë problem. Jam fitues, dua të luaj dhe të bëj diferencën”, deklaroi ai.

De Bruyne ishte vendimtar në triumfin e Napolit, duke asistuar të dy golat e Rasmus Hojland dhe shpjegoi edhe rolin e tij në skemën e Contes, duke theksuar se shpesh lëviz në qendër, ndërsa shokët e skuadrës ndryshojnë pozicione në sulm.

Belgu iu bashkua Napolit këtë verë pas përfundimit të kontratës me Manchester Cityn dhe deri tani ka qenë një nga lojtarët kryesorë të ekipit italian./S.K/KP/Sky Sport/

Continue Reading

Lajmet

​Policia konfiskon armë, granatë dore, dhe drogë në shtëpitë e tre personave në Kamenicë

Published

23 minutes ago

on

October 2, 2025

By

Policia e Kosovës njofton se tre persona nga fshati Muqivërc e Kamenicës janë arrestuar nga pasi që në shtëpitë e tyre janë gjetur para, armë, fishekë dhe drogë.

Në raportin e Policisë thuhet se janë konfiskuar paratë, një granatë dore, një revole, rreth 345 fishekë të ndryshëm si dhe rreth 1.1 gram me substancë narkotike.

“Fsh. Muqivërc, Kamenicë 01.10.2025 – 04:00. Janë arrestuar tre të dyshuar meshkuj kosovarë pasi që gjatë kontrollit në shtëpitë e tyre janë gjetur dhe konfiskuar para të gatshme një granatë dore, një revole, rreth 345 fishekë të ndryshëm si dhe një sasi rreth 1.1 gramë me substancë narkotike. Me vendim të prokurorit të dyshuarit janë dërguar në mbajtje”, thuhet në raport.

Sipas policisë, me vendim të prokurorit të dyshuarit janë dërguar në mbajtje./D.B/KP

Continue Reading

Lajmet

KEDS-i njofton se sot do të ketë ndërprerje të energjisë elektrike në Prishtinë, Pejë, Prizren dhe Gjilan

Published

26 minutes ago

on

October 2, 2025

By

Kompania për Distribuimin e Energjisë Elektrike në Kosovë (KEDS), ka njoftuar se sot gjatë ditës do të kryhen punime të domosdoshme për siguri të sistemit energjetik në disa rajone në Kosovës.

Si pasoj e kësaj në disa komuna do të ketë ndërprerje të energjisë elektrike.

Në njoftimin e saj kjo kompani ka treguar se për cilat qytete bëhet fjalë.

Ky është orari i ndërprerjeve sipas rajoneve:

Prishtinë

Punime të domosdoshme për siguri të sistemit

1.

Nga NS 35/10[kV] Koliqi do të ndërprehet:

Dalja 10[kV] Koliqi (kodi: 14016002) nga ora 10:00 deri në ora 15:30

Vendet: Koliqi, Ballabani dhe Nishevci.

Arsyeja: Mirëmbajtje preventive. Intervenim në eliminimin e defekteve dhe të gjeturave nga inspektimi me dron.

2.

Nga NS 110/10[kV] Prishtina 6 do të ndërprehet:

NS 10/0.4[kV] SU 5/8 (kodi: 19100043043) nga ora 10:00 deri 13:00.

Vendet: Sheshi – Bill Klinton Bll- V- E 5 -Nr- 1.

Arsyeja: Ndërprerje për siguri. Ndërrimi i ndërprerësit 1250 A.

Punime në projekte investive

1.

Nga NS 110/10(20) [kV] Prishtina 7 do të ndërprehet:

Dalja 10[kV] J18 Grand Store (kodi: 19000030) nga ora 09:00 deri në ora 12:00

Vendet: Grand Store, Fjolla-Kavaja, Qagllavica 1, Bajram Krasniqi L. Janina, Lagja Marigona 1, Servisi i Gorenjes, Grand Store (Te Hysi), Lagjja Qëndresa 1, Lagjja Qëndresa 2, Trimi AL PVC te Grand Store, Trimi AL PVC te Grand Store, Lagje NICI-Veterniku, Lagjja, Katër Dardhat”, mbrapa Nicit, Afër servisit Gorenje- Janina 2, konsumatorët e lagjes Veternik-Naim Berisha, Naser Kelmendi-Nic holding, AL TRADE SH.P.K-TS 3, AL TRADE SH.P.K-TS 4.

Arsyeja: Ndërrimi i transformatorëve dhe i kthinave.

2.

Nga NS 110/10(20) [kV] Prishtina 7 do të ndërprehet:

Dalja 10[kV] J13 Fabrika e Kasetave (kodi: 19000039) nga ora 12:00 deri në ora 18:00

Vendet: Fabrika e Kasetave, Hajvali Vorret dhe Busia Petroll.

Arsyeja: Ndërrimi i transformatorëve dhe i kthinave.

Pejë

Punime të domosdoshme për siguri të sistemit

1.

Nga NS 10kV Klina do të ndërprehet:

Dalja 10 kV J09 Mahalla (me kod: 52000103) prej orës 10:00 deri në ora 16:00.

Vendet: Një pjesë e rr. Klinë – Gurakoc, Tigvesh Pompat e ujit, Kisha Katolike dhe lagjja Grabanicët.

Arsyeja: Energjizim i trafostacionit të ri.

Prizren

Punime të domosdoshme për siguri të sistemit

1.

Nga NS 110/10 [kV] Theranda do të ndërprehet:

Dalja 10 [kV] Shpenadija (kodi: 32000023) nga ora 10:00 deri në ora 15:30

Vendet: fshatrat: Caparc, Novak, Serbica e Epërme, Shpenadi, Smaç, Trepetincë dhe Velezhë.

Arsyeja: Mirëmbajtje preventive, intervenim në eleminimin e defekteve dhe të gjeturave nga inspektimi me dron.

Gjilan

Punime të domosdoshme për siguri të sistemit

1.

Nga NS 35/10[kV] Artana do të ndërprehet:

Dalja 10[kV] Slivova (kodi: 60024003) nga ora 10:00 deri në ora 15:30

Vendet: Fshatrat: Artanë-Llabjan (një pjesë), Artanë (një pjesë), Bostan, Brus (një pjesë), Dragoc, Kukavicë, Gelmivad (një pjesë), Izvor, Koznicë, Llabjan, Llajshevc, Manishnicë, Parallov (një pjesë), Prekovc, Vlasali dhe Zebinc.

Arsyeja: Mirëmbajtje preventive. Intervenim në eliminimin e defekteve dhe të gjeturave nga inspektimi me dron.

* * *

Punime nga pala e tretë

1.

Nga NS 110/35/10[kV] Vitia do të ndërprehet:

Dalja 10[kV] Vitia (kodi: 61067005) nga ora 10:00 deri në ora 14:30

Vendet: Rrugët: 11 Marsi (një pjesë), 28 Nëntori (një pjesë), Adem Jashari, Dëshmorët e Kombit, rr.Kongresi i Manastirit, Elena Gjika, Flaka e Janarit, Hafiz Ali Korqa (një pjesë), Hasan Prishtina, Hoxhë Jonuzi, Idriz Seferi (një pjesë), Isa Boletini (një pjesë), Mustafë Koka, Nikolla Teslla (një pjesë), Qerqiz Topulli (një pjesë), Sherif Frangu, Shote Galica (një pjesë), Banesa Euro Abi, Banesa Palma, Banesa Socilae, Viti, Qerqiz Topulli, Flaka e Janarit, Gjilanit (një pjesë), Habib Sejdiu, Xhemajli Ademi dhe një pjesë e fshatit Beguncë.

Arsyeja: Realizimi hyrje – dalje sipas pëlqimit elektro-energjetik.

2.

Nga NS 110/35/10[kV] Vitia do të ndërprehet:

Dalja 10[kV] J08 Binqa (kodi: 61067008) nga ora 10:00 deri në ora 14:30

Vendet: fshatrat: Binçë, Buzovik, Debelldeh, Kabash, Kolishtë (një pjesë), Ramnishtë, Shushtë dhe një pjesë e rrugës Agim Ramadani.

Arsyeja: Realizimi hyrje – dalje sipas pëlqimit elektro-energjetik./D.B/EO

Continue Reading

Lajmet

Arrestohen 39 persona me urdhëresa tё gjykatave në Pejë

Published

27 minutes ago

on

October 2, 2025

By

Policia e Kosovës njofton se nё Pejё, gjatё muajit shtator 2025, ka realizuar urdhёresat e gjykatave ndaj 39 personave tё kёrkuar.

Sipas njoftimit, gjatё muajit shtator nga data 1 shtator 2025 deri më 30 shtator 2025, janё arrestuar tridhjetë e nёntё persona tё dyshuar.

“Personat e arrestuar, tё dyshuar pёr vepra tё ndryshme penale, katrёmbёdhjetё (14) nga ta janё dёrguar nё vujatje tё dënimit nё qendrat e paraburgimit, ndёrsa tё tjerёt janё dёrguar në seanca gjyqёsore dhe pasi kanё bёrё pagesën e dënimit (gjobёn) janё liruar”, thuhet në njoftim.

Më tej thuhet se Drejtoria Rajonale e Policisё nё Pejё do tё vazhdojë me realizimin e urdhёresave tё lёshuara nga gjykatat kompetente./D.B/KP

Continue Reading

Të kërkuara