Kulturë

Bëni pyetje “të mençura” për të marrë përgjigje të mira

Published

6 years ago

April 30, 2021

Betim Gashi

Ndoshta bëni një pyetje të rëndësishme ose kufizuese. Një pyetje që supozon një përgjigje të caktuar është një tjetër opsion. Ju e bëni pyetjen e duhur, por a ju ka ndodhur të pyesni në mënyrën e gabuar? Këtu janë disa mënyra për të bërë pyetje shumë më të mira dhe si rezultat të merrni përgjigje shumë më të mira.

Filloni të bëni pyetje me një fjali (të përmbledhura)

Mos ngurroni të shprehni problemin ose të jepni në detaje. Përkufizoni pyetjen tuaj në një fjali. “Si mund ta rrisim produktivitetin?” “Si mund ta përmirësojmë cilësinë?” “Çfarë do të bësh nëse ishe ti në vendin tim?” Duke qëndruar në një fjali ndihmon që pyetjet tuaja të jenë të hapura.

Ndalo pyetjen/pyetjet

Thoni që keni një problem cilësor dhe keni dalë me dy zgjidhje të mundshme, pozitive dhe negative. Kështu, ju kërkoni të dhëna nga një punonjës. “A duhet të rishikojmë të gjithë punën”? ose “A duhet të japim gjithçka me shpresën që klienti nuk do ta vërë re”? Por, çfarë ndodh nëse keni lënë një mundësi të mirë t’ju ikë nga duart? Ja një mënyrë më të mirë për ta bërë këtë pyetje: “Ka defekte në të gjithë rendin. Çfarë mendoni se duhet të bëjmë?” Në vend të ndarjes së opsioneve, vetëm përcaktoni problemin. Pastaj pyesni: “Çfarë mendoni”? Ose “Çfarë do të bësh”? Ose “Si duhet t’a trajtojmë këtë?” Pastaj heshtni. Le të mendojnë njerëzit. Ata do të përgjigjen shumë saktë dhe shpesh do të dalin me ide që kurrë nuk keni pasur parasysh.

Filloni të bëni pyetje të qarta

Si një udhëheqës, ju duhet të keni të gjitha përgjigjet, çka do të thotë që pyetja e caktuar mund t’ju bëjë të ndiheni të pambrojtur. Por nuk duhet. Kur bëni pyetje, tregoni respekt. Ju tregoni besim. Tregoni se jeni të gatshëm të dëgjoni dhe mësoni. Fitoni, fitoni, fitoni. Plus, kërkimi për sqarim është i lehtë. Thjesht thoni: “Unë jam i impresionuar, tani pretendoj se nuk di asgjë për atë se si funksionon kjo. Si do të ma spjegoje?” Kjo tingëllon me të vërtetë mirë. “A mund të ma spjegoni edhe një herë?” Duhet të jeni i sinqertë. Mos pretendoni ta kuptoni kur nuk e bëni.

Ndaloni pyetjen kryesore

Të bësh një pyetje që merr një përgjigje të veçantë është e lehtë kur mendon se ke të drejtë dhe dëshiron që njerëzit të thonë se ke të drejtë. Për shembull: “A mendoni se ne duhet të presim më shumë se sa duhet për të marrë një përgjigje”? “A nuk mendoni se ne duhet të shkojmë përpara dhe të ndryshojmë renditjen”? “A mendoni se është koha që ta besoni projektin tek dikush tjetër”?

Çdo pyetje merr një përgjigje: Ju mendoni se duhet të ndaloni duke pritur për reagime, lirimin e porosisë dhe zëvendësimin e një udhëheqësi të projektit. Megjithëse disa njerëz mund të mos pajtohen, shumica nuk do ta bëjnë. Përgjigjja që dëshironi të dëgjoni është e qartë. Këtu janë mënyrat më të mira për t’i bërë këto pyetje: “Konsumatori nuk ka nënshkruar në prototip. Çfarë mendoni se duhet të bëni”? “Çfarë mendoni se duhet të bëjmë për atë renditje”? “Cila mendoni se është mënyra më e mirë për të trajtuar këtë ekip të vështirë të projektit?”

Asnjë nga këto pyetje nuk nënkupton një përgjigje të veçantë. Dhe secila, gjithashtu, lë vend për një shumëllojshmëri opsionesh.

Filloni të flisni sa më pak që të jetë e mundur

Ju tashmë jeni të vetëdijshëm për atë që dini. Pyetjet e mëdha janë të dizajnuara për të zbuluar se çfarë njeh personi tjetër. Qëndroni mirë dhe dëgjoni. Dhe nëse nuk qëndroni të qetë dhe nuk dëgjoni, nuk do t’a kuptoni se çfarë mund të keni mësuar.

Lajmet

Ndahet nga jeta në moshën 86-vjeçare aktori i njohur britanik Sir Patrick Stewart

Published

21 hours ago

October 30, 2026

UBTNews

Aktori i njohur britanik Sir Patrick Stewart, i shquar për rolet e tij ikonike si Kapiten Jean-Luc Picard në “Star Trek” dhe Profesor Charles Xavier në sagën “X-Men”, ka ndërruar jetë në moshën 86-vjeçare në shtëpinë e tij në Los Angeles. Njoftimi u bë i ditur përmes llogarisë së tij zyrtare në Instagram, ku u konfirmua se ai u ndaj nga jeta të mërkurën, më 28 tetor, pas një beteje të shkurtër me sëmundjen e Alzheimerit dhe demencën me trupat Lewy.

Në deklaratën zyrtare thuhet se Stewart u ndaj nga jeta i rrethuar nga bashkëshortja e tij, Sunny, si dhe familjarët e miqtë e ngushtë. Përveç karrierës së tij të bujshme në kinematografi dhe televizion, ai u vlerësua lart si një nga aktorët më të mëdhenj të skenës teatrale, fitues i dy çmimeve “Laurence Olivier” dhe një çmimi “Grammy”, ndërsa në vitin 2010 u dekorua me titullin “Kalorës” nga Mbretëresha Elizabeth II.

Karriera e tij e pasur përfshin dekada pune në teatër dhe film, ndërsa roli i tij i fundit i xhiruar do të shfaqet në filmin “Avengers: Doomsday”. Ndarja e tij nga jeta ka nxitur reagime të shumta dhe ngushëllime nga koleget, industria e artit dhe adhuruesit e tij në mbarë botën. /The Guardian/

Lajmet

“SARA” e Burim Halitit garon në festivalin ndërkombëtar në Milano

Published

2 days ago

October 29, 2026

UBTNews

Filmi dokumentar “SARA”, me regji nga Burim Haliti, është përzgjedhur në konkurrencën zyrtare të edicionit të 44-t të Festivalit Ndërkombëtar “SPORT MOVIES & TV 2026”, i cili po mbahet nga 30 tetori deri më 2 nëntor në Milano të Italisë.

Ky festival, i organizuar nga Federata Ndërkombëtare e Kinemasë dhe Televizionit Sportiv (FICTS), është i vetmi në këtë kategori i njohur zyrtarisht nga Komiteti Olimpik Ndërkombëtar (KOK). Ngjarja shërben si grand-finalja e rrjetit global “World FICTS Challenge”, që përfshin 27 festivale në pesë kontinente.

Shfaqja e dokumentarit të Halitit do të bëhet më 30 tetor, në orën 12:30, në “Cinema Centrale – Sala 2” në Milano. Përzgjedhja e filmit u realizua me mbështetjen e Komitetit Olimpik të Kosovës, i cili mundësoi dërgimin e tij për shqyrtim para jurisë prestigjioze ndërkombëtare. /A.K/

Lajmet

Bogujevci viziton përgatitjet për festivalin “Akordet e Kosovës”

Published

2 days ago

October 29, 2026

UBT News

Ministrja e Kulturës, Saranda Bogujevci, ka vizituar sallën “1 Tetori” në Prishtinë, ku po zhvillohen përgatitjet për edicionin e katërt të Festivalit të Këngës “Akordet e Kosovës”, që organizohet nga Radio Televizioni i Kosovës (RTK).

Gjatë vizitës, ajo ka parë nga afër skenografinë e realizuar nga Vesë Kraja dhe punën e ekipit organizues, vetëm dy ditë para nisjes së festivalit.

“Me një pjesë të ekipit të festivalit ‘Akordet e Kosovës’, duke parë nga afër përgatitjet dhe punën e mrekullueshme që po bëhet për festivalin, i cili nis këtë të premte në sallën ‘1 Tetori’”, ka shkruar Bogujevci në Facebook.

Ajo është pritur nga drejtoresha e përgjithshme e RTK-së, Zana Spahiu, drejtoresha e festivalit, Arta Avdiu, u.d. kryeredaktorja e RTK-së, Venera Xhoxhaj, si dhe punonjës të tjerë të transmetuesit publik.

Festivali i këtij viti do të zgjasë tri net, duke sjellë interpretime muzikore dhe artistë mysafirë. Një hapësirë e veçantë do t’u kushtohet edhe talenteve të reja përmes Festivalit të Fëmijëve, që do të mbahet më 1 nëntor.

Rikthimi i emrit historik “Akordet e Kosovës” synon të nderojë artistët që ndër dekada kanë kontribuar në zhvillimin e muzikës shqipe.

Organizatorët kanë paralajmëruar tri mbrëmje muzikore në Prishtinë, me synimin që festivali të sjellë para publikut artistë të njohur dhe zëra të rinj.

/A.K/

Lajmet

IKTK raporton rritje të të ardhurave dhe investimeve në trashëgiminë kulturore

Published

4 days ago

October 27, 2026

UBT News

Instituti Kombëtar i Trashëgimisë Kulturore (IKTK) ka publikuar të dhënat për nëntëmujorët e parë të viteve 2024, 2025 dhe 2026, duke evidentuar rritje të të ardhurave, investimeve dhe projekteve të konservimit e kërkimit arkeologjik.

Sipas të dhënave të institutit, të ardhurat janë rritur me 93 për qind krahasuar me vitin 2025, ndërsa investimet në pasurinë kulturore kanë shënuar rritje prej 400 për qind.

Edhe projektet e konservimit, restaurimit dhe kërkimit arkeologjik kanë shënuar rritje të ndjeshme. Numri i tyre është rritur me 282 për qind krahasuar me vitin 2024 dhe me 133 për qind në raport me vitin 2025.

Gjatë nëntë muajve të parë të vitit 2026, janë identifikuar 21 site të reja arkeologjike në disa zona të Shqipërisë, përfshirë Shkodrën, Lezhën, Lushnjën, Fierin, Korçën, Ersekën, Pogradecin, Divjakën dhe Sarandën.

Të dhënat tregojnë gjithashtu rritje prej 279 për qind të monitorimeve arkeologjike krahasuar me vitin 2025.

Në kuadër të forcimit të kuadrit rregullator, numri i akteve nënligjore të miratuara ka arritur në tetë gjatë vitit 2026. Ndërkohë, aktmarrëveshjet për monitorimin arkeologjik janë rritur me 32 për qind krahasuar me vitin 2025 dhe me 164 për qind në raport me vitin 2024.

Sipas IKTK-së, këto të dhëna pasqyrojnë zgjerimin e veprimtarisë në fushën e mbrojtjes, konservimit dhe studimit të trashëgimisë kulturore./atsh/A.K/