Lajmet

BE pret të hapë një korridor detar për ndihma në Gaza këtë fundjavë

Published

2 years ago

March 8, 2024

Betim Gashi

Presidentja e Komisionit Evropian, Ursula von der Leyen tha se një korridor humanitar detar midis Qipros dhe Gazës mund të hapet këtë fundjavë, si pjesë e përpjekjeve të shtuara perëndimore për të lehtësuar krizën humanitare në enklavën palestineze të shkatërruar nga lufta.

“Tani jemi shumë afër hapjes së korridorit, shpresojmë këtë të shtunë, këtë të diel”, tha von der Leyen, e cila po viziton Qipron.

“Ne po nisim këtë korridor detar të Qipros së bashku, Bashkimi Evropian, Emiratet e Bashkuara Arabe dhe Shtetet e Bashkuara”, tha ajo.

Misioni i ndihmës është një përpjekje e përbashkët e Komisionit Evropian, Gjermanisë, Greqisë, Italisë, Holandës, Qipros, Emirateve të Bashkuara Arabe, Britanisë së Madhe dhe Shteteve të Bashkuara. Ata njoftuan në një deklaratë të përbashkët se do të sigurojnë dërgimin e një sasie të konsiderueshme të ndihmave humanitare për popullatën e Gazës.

Shtetet e Bashkuara njoftuan se një mision i posaçëm ushtarak amerikan në koordinim me partnerët humanitar dhe vende të tjera do të krijojë një port të përkohshëm në Gaza. Kjo do të kryhet në koordinim të ngushtë me qeverinë izraelite, thuhet në deklaratën e përbashkët.

“Dorëzimi i ndihmës humanitare drejtpërdrejt në Gaza nga deti do të jetë kompleks dhe kombet tona do të vazhdojnë të vlerësojnë dhe rregullojnë përpjekjet tona për të siguruar shpërndarjen më efektive të ndihmës. Ky korridor detar mund – dhe duhet – të jetë pjesë e përpjekjeve të vazhdueshme për të rritur rrjedhën ndihma humanitare dhe mallra komerciale për Gazën përmes të gjitha rrugëve të mundshme”, thuhet në deklaratën e përbashkët.

Up Next

Prodhimi në Gjermani rritet për herë të parë në nëntë muaj

Don't Miss

Stubb: Stërvitja e NATO-s i dërgon mesazh Rusisë

Vendi

Mbi 100 gramë kokainë dhe marihuanë kapen në Vërmicë

Published

16 hours ago

June 19, 2026

UBT News

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Vendi

Mbyten dy vajza të mitura në Tale

Published

17 hours ago

June 19, 2026

UBTNews

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë. /E.A/

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

18 hours ago

June 19, 2026

UBTNews

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

20 hours ago

June 19, 2026

UBTNews

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/