Lajmet

BE kërkon nga Kurti ta bëjë Asociacionin

Published

5 years ago

on

Qëkur e mori detyrën, nuk e përmendi më si temë.

Mbase atë që kishte për ta thënë për Asociacionin e Komunave me Shumicë Serbe, kryeministri Albin Kurti e shprehu pak orë para se të betohej në Kuvend, më 22 mars të këtij viti.

“Tema e Asociacionit te Komunave me shumicë serbe është temë që rikthehet çdo javë. Nuk mund të kemi Asociacion një etnik” tha Kurti mes tjerash në ditën kur Kuvendi e votoi për shef qeverie.

Nga Kryeministria thonë se shefi i qeverisë këtu thirret në nenin 44 të Kushtetutës, që rregullon lirinë e asociimit.

Por, se a kanë plan konkret për krijimin e Bashkësisë së Komunave nuk treguan, ani se këtij

organizimi i dedikoheshin 6 nga 15 pikat e marrëveshjes së firmosur 8 vjet më parë në Bruksel.Andaj, Bashkimi Evropian si lehtësues i dialogut, po i kërkon Kurtit respektim të kësaj ujdie që ishte e para e parimeve për normalizimin e marrëdhënieve me Serbinë.

“Kjo ujdi u bë bazuar në mirëbesim nga të gjitha palët e përfshira, prej së cilës Kosova  asnjëherë nuk u tërhoq. Në fakt marrëveshja e vitit 2013 është ratifikuar nga Kuvendi i Kosovës me shumicë të votave prej 2/3. Duke vepruar kështu Kosova mori obligim ndërkombëtar për të zbatuar këtë marrëveshje” thuhet nga Shërbimi i jashtëm I BE-së.

Kurti e konsideron si fund të ujdisë edhe aktgjykimin e Gjykatës Kushtetuese të vitit 2015, i cili asociacionin e shpalli anti-kushtetues në 23 nene.

Po në përgjigjen për Klan Kosova, nga BE-ja e thonë të kundërtën.

“Vendimi i Gjykatës Kushtetuese më 2015 lidhur me Asociacionin rregullisht keqinterpretohet. Gjykata kurrë nuk ka thënë se Asociacioni nuk mund të themelohet. Prandaj ne presim që Kosova të respektojë angazhimet që i ka marr në Dialog”

Qendrimi final i Qeverisë për këtë çështje mund të dihet brenda pak ditësh.

Kryetarja e grupit parlamentar të Lëvizjes Vetëvendosje, Mimoza Kusari-Lila, tha sot se ekzekutivi së shpejti prezanton qëndrimet në raport me dialogun.

Related Topics:
Continue Reading

Lajmet

Dua Lipa dhe Callum Turner në muaj mjalti në Itali pas dasmës madhështore

Published

8 minutes ago

on

June 11, 2026

By

Këngëtarja me famë botërore Dua Lipa dhe aktori Callum Turner po kalojnë muajin e mjaltit në Itali, pas një dasme luksoze që raportohet se ka kushtuar rreth 1.5 milionë paund.

Çifti është parë në hotelin e njohur “San Domenico Palace” në Taormina, pranë Catanias, si dhe duke shëtitur në qytetin piktoresk dorë për dore.

Sipas raportimeve, dasma është zhvilluar në Palermo dhe në Villa Valguarnera, me rreth 200 të ftuar, ku kanë marrë pjesë edhe emra të njohur të muzikës si Elton John, Charli XCX dhe Mark Ronson. Në ceremoni, Elton John ka interpretuar këngën “Your Song”.

Pas dasmës, çifti ka vijuar festimet dhe udhëtimet në jug të Italisë, duke shijuar ushqimin dhe kulturën lokale në disa qytete të Sicilisë./A.K/

Continue Reading

Lajmet

Rreth 23 mijë semimaturantë i nënshtrohen Testit të Arritshmërisë më 26 qershor

Published

13 minutes ago

on

June 11, 2026

By

Rreth 23 mijë nxënës të klasave të nënta do t’i nënshtrohen Testit të Arritshmërisë më 26 qershor, i cili edhe këtë vit do të organizohet në një ditë të vetme.

Nga Ministria e Arsimit është bërë e ditur se testi do të përfshijë katër grupe lëndësh, duke përfshirë gjuhën shqipe, gjuhën angleze, matematikën, informatikën, si dhe shkencat shoqërore e natyrore.

Qëllimi i testit është vlerësimi i njohurive dhe shkathtësive të nxënësve, ndërsa rezultatet do të shërbejnë për orientimin dhe regjistrimin e tyre në shkollat e mesme të larta.

Njohës të arsimit vlerësojnë se testi ka rol të rëndësishëm në orientimin e nxënësve, por theksojnë se duhet të përmirësohet mënyra e administrimit dhe analizës së rezultateve për të rritur efikasitetin e tij./A.K/

Continue Reading

Lajmet

Tri raste të dhunës në familje në Malishevë, Gjakovë dhe Graçanicë

Published

16 minutes ago

on

June 11, 2026

By

Tri raste të ndara të dhunës në familje janë raportuar në Malishevë, Gjakovë dhe Graçanicë, ku si pasojë janë arrestuar tre persona të dyshuar.

Në Malishevë, më 10.06.2026 rreth orës 16:30, është arrestuar një i dyshuar kosovar nën dyshimin se ka ushtruar dhunë psikike ndaj viktimës mashkull kosovar. Pas inicimit të rastit, me vendim të prokurorit i dyshuari është dërguar në mbajtje.

Në Gjakovë, në të njëjtën kohë, është arrestuar një i dyshuar mashkull kosovar pasi pas një mosmarrëveshjeje ka kanosur verbalisht viktimën mashkull kosovar. Pas intervistimit, me vendim të prokurorit, i dyshuari është dërguar në mbajtje.

Ndërsa në Graçanicë, më 10.06.2026 rreth orës 02:00, ankuesja kosovare ka njoftuar se i dyshuari kosovar ka ushtruar dhunë psikike ndaj saj. I dyshuari është arrestuar dhe pas inicimit të rastit, me vendim të prokurorit është dërguar në mbajtje./A.K/

Continue Reading

Lajmet

Aksident trafiku me fatalitet në Prizren, humb jetën biçiklisti

Published

21 minutes ago

on

June 11, 2026

By

Ka ndodhur një aksident trafiku mes një veture, të cilën e drejtonte një i dyshuar mashkull kosovar, dhe një biçiklete në rrugën “Faik Konica” në Prizren më 10.06.2026 rreth orës 09:58.

Si pasojë e aksidentit, drejtuesi i biçikletës, viktimë mashkull kosovar, ka pësuar lëndime të rënda trupore dhe është dërguar për trajtim mjekësor në QKUK, ku gjatë trajtimit ka ndërruar jetë.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa i dyshuari është arrestuar dhe dërguar në mbajtje.

Continue Reading

Të kërkuara