

Kulturë
BBC-ja publikon listën e albumeve dhe këngëve më të mira të vitit, Dua Lipa pjesë e tyre
Published
4 years agoon
By
Betim GashiDua Lipa pjesë e listave “Albumi më i mirë i vitit” dhe “Kënga më e mirë e vitit”, të përpiluara nga BBC.
Mediumi i njohur britanik BBC i ka renditur albumet dhe këngët më të mira të vitit 2020, bazuar në 35 listat e publikuara në fundvit nga disa prej revistave muzikore portaleve, gazetave dhe radiostacioneve më me ndikim në botë.
Këtu përfshihen portal NME, revista “Rolling Stone”, radiot “BBC 6 Music” dhe “Double J” nga Australia, revista “Gaffa” nga Danimarka dhe të tjerë.
Këngëtarja me prejardhje kosovare, Dua Lipa ka arritur të jetë pjesë e dy kategorive duke u pozicionuar e nënta në listën e këngëve më të mira të vitit me hitin “Physical”, dhe e katërta në listën e albumeve më të mira me albumin e saj të dytë, “Future Nostalgia”.
“I hijshëm, i freskët dhe mjaft bashkëkohor, i mbushur me këngë atraktive të cilat të dërgojnë në kohë të ndryshme, si diskotekat ndërgalaktike me këngën “Levitating”, stërvitjet intensive me plot energji me këngën “Physical, që të gjitha të kompletuara me hitin e padiskutueshëm “Don’s Start Now”, i cili e kaloi një vit të tërë në maje të toplistës së 100 këngëve më të mira në Britani të Madhe”, kështu është përshkruar albumi i Lipës, nga BBC-ja.
Sa i takon pozitave të para të këtyre listave, “Albumi më i mirë i vitit 2020” është emëruar albumi “Fetch The Bolt Cutters” nga Fiona Apple, ndërsa “Kënga më e mirë” është shpallur “WAP” nga dyshja e njohur e muzikës rep, Cardi B dhe Megan Thee Stallion.
Magazinë
“Dështim?!”, Beyonce nuk po arrin t’i mbush stadiumet
Published
18 hours agoon
April 30, 2025
Pavarësisht se bëri histori me albumin e saj të muzikës country në Grammy të këtij viti , duket se Beyonce ende po përpiqet të shesë biletat e stadiumeve , me vende të shumta në dispozicion vetëm disa orë para natës së hapjes.
Këngëtarja 43-vjeçare e hitit Texas Hold ‘Em nisi zyrtarisht turneun prej 32 stadiumesh “Cowboy Carter” në stadiumin SoFi në Los Angeles të hënën në mbrëmje. Prej andej, superylli i popit do të performojë në SHBA dhe Evropë përpara se të mbyllë koncertin në Las Vegas më 26 korrik.
Javën e kaluar në stadiumin SoFi kishte më shumë se 3,000 vende të lira, me një numër të madh vendesh ende të lira vetëm pak çaste para se ajo të ngjitej në skenë të hënën në mbrëmje, sipas hartave të vendeve në Ticketmaster.
Duke folur për DailyMail.com, një burim i brendshëm pohoi se rishitësit – individë ose biznese që blejnë sasi të mëdha biletash koncertesh dhe ua shesin fansave me çmime të tepruara, janë fajtorë për pjesëmarrjen e kufizuar.
Burimi i brendshëm pohoi se Beyoncé dhe Jay-Z kishin mbetur me shpresë dhe ‘presin që më shumë fansa të saj të blejnë bileta sot e në ditët në vijim nëse rishitja bëhet më e lirë’. Por, kur bëhet fjalë për ndryshimin e biletave, Beyoncé po has vështirësi në krahasim me turnetë e mëparshëm në stadiume .
Një pjesë e kritikave të hershme erdhën nga adhuruesit që shprehën pakënaqësi për çmimet e larta fillestare.
“Jam shumë e lumtur që ndodhi kjo. Çmimet ishin absurde që në fillim”, ka shkruar një përdoruese në X (ish-Twitter).
“Daily Mail” citon një fans që krahasoi një biletë në tribunat më të larta me një menu të restorantit të njohur të ushqimit të shpejtë McDonald’s.
“Për shkak të kërkesës së ulët, biletat për turneun ‘Cowboy Carter’ të Beyoncét ($20) janë më të lira se menu ‘Minecraft’ në McDonald’s ($21.39)”, shkroi ai.
Megjithatë, shumë nga këto bileta të lira janë bileta të rishitura, pra jo të shitura direkt nga organizatorët, por nga individë që i kanë blerë më herët për t’i shitur me fitim. Kur nuk arrijnë t’i shesin, ata i ulin çmimet drastikisht, një fenomen i njohur në industrinë e muzikës live.
Një burim i brendshëm ka thënë për “Daily Mail” se “çmimet mund të bien në mbrëmje për disa data, nëse ulëset duken bosh”.
Kjo nuk është strategji e panjohur – është praktikë e zakonshme për të mbushur stadiumet deri në fund.
Magazinë
Pse duket gjithmonë serioz? Ben Affleck tregon anën që s’e shihni shpesh
Published
19 hours agoon
April 30, 2025
Ben Affleck ka sqaruar më në fund misterin pas shprehjes së tij gjithmonë serioze në foto që shpesh kthehen në meme: ai nuk është i mërzitur, është i turpshëm.
Në paraqitje në podcast-in “This Past Weekend”, aktori rrëfeu se ndonëse e adhuron aktrimit, fama e vëmendja publike nuk janë pjesë e preferencave të tij.
“Jam mjaft i turpshëm, nuk më pëlqen të jem para kamerave,” tha ai, duke shtuar se ka një ndarje të qartë mes të bërit filma dhe të përballurit me paparacët apo daljet publike.
Ai e pranon se nuk është tipi që frekuenton evente madhështore apo që del në publik. “Nuk dua që njerëzit të më shohin duke ecur me bluzë ose të brendshme. Do të doja që jeta ime private të ishte edhe më private,” u shpreh ai me një sinqeritet që rrallë dëgjohet nga një yll i Hollywood-it.
Paraqitja e tij në këtë episod ka tërhequr mbi 2.7 milionë shikime dhe mijëra komente mbështetëse nga ndjekës që e vlerësojnë për autenticitetin e tij.
“Media e ka ngacmuar për vite me radhë,” shkruan një komentues. Një tjetër shton: “Na duhen më shumë njerëz si Affleck në këtë industri.”
Duket se shpesh, pas një fytyre serioze fshihet një shpirt i qetë që do pak më shumë privatësi. Dhe ndoshta, më pak aparate fotografike të drejtuara nga ai.

Kjo smoothie është e pasur me antioksidantë dhe vitamina esenciale, proteina, fibra dhe omega-3 të shëndetshme, e përgatitur pa i shtuar sheqer.
Përbërësit:
– 2 lugë fara chia,
– 350 ml qumësht bajameje,
– 150 g boronica (bën edhe të ngrira),
– 1 lugë gjalpë/vaj kokosi,
– 1 lugë e vogël çaji vaniljeje ekstra,
– kanellë.
Përgatitja:
Farat chia qitni në një enë dhe shtoni 120 ml qumësht bajameje, përzieni mirë dhe lini të qëndrojnë së paku 15 minuta.
Merrni të gjithë përbërësit e tjerë dhe shtojani farave chia dhe përzieni derisa të përftoni tretje homogjene.

Mund të mendoni se banjo ka më shumë mikrobe në shtëpinë tuaj, por nuk është kështu. Janë peshqirët që janë të mbushur me më shumë baktere, dhe nëse po i përdorni për të fshirë fytyrën, ju mund të jeni duke i bërë dëm lëkurës.
Megjithëse tharja e fytyrës me peshqir duket si gjëja më logjike për të bërë, mund të bëjë më shumë dëm sesa mirë.
Ja arsyet pse nuk duhet t’i përdorni më peshqirët e çfarë të zgjidhni në vend të tyre
Mund t’ju shkaktojë puçrra
Tharja e fytyrës me të njëjtin peshqir që përdorni për trupin dëmton lëkurën shumë. Peshqirët janë kurthe të shkëlqyera për bakteret, se i mbajmë në tualet, aty ku ajri është i lagësht e krijohet mjedis i përsosur për rritjen e baktereve.
Kur fërkoni peshqirin në fytyrë, po i kaloni bakteret në lëkurën tuaj, gjë që përfundimisht çon në bllokimin e poreve.
Edhe nëse jeni duke përdorur një peshqir të veçantë për fytyrën, ka të ngjarë që nuk po e lani çdo ditë, dhe bakteret e padëshiruara përsëri mund të gjejnë rrugën për në lëkurën tuaj.
Lëkura juaj mund të plaket më shpejt
Peshqirët prej lecke janë shumë të ashpër për fytyrën, dhe përdorimi i tyre e bën atë të prekshme nga infeksionet dhe rrudhat. Sa më shumë që lani peshqirët, copa e tyre mund të bëhet e ashpër duke dëmtuar lëkurën tuaj.
Mund të irritojë lëkurën
Nëse keni lëkurë të ndjeshme, përdorimi i peshqirëve nuk është opsioni më i mirë për të tharë fytyrën. Për shkak se shumica e pëlhurave të peshqirëve mund të jenë të ashpër, fshirja e fytyrës rezulton në skuqje dhe acarim të lëkurës.
Mund ta bëjë lëkurën të yndyrshme
Mund të tingëllojë kontradiktore, por tharja e lëkurës mund ta bëjë më të yndyrshme. Meqenëse peshqirët heqin vajrat natyralë, lëkura ka nevojë të qëndrojë e shëndetshme, gjëndrat dhjamore nën sipërfaqen e lëkurës duhet të prodhojnë më shumë vaj për të ekuilibruar tharjen, e cila do të rezultojë në lëkurë tepër të yndyrshme.
Si ta thani fytyrën pa peshqir?
Në vend që të prekni fytyrën me një peshqir, lini ajrin të bëjë punën e vet. Tharja në ajër është më higjienike dhe e butë për lëkurën, dhe megjithëse kërkon më shumë kohë, lëkura do t’ju falënderojë për këtë.
Lani fytyrën si zakonisht.
Lëreni lëkurën të thahet natyrshëm.
Vendosni kremin tuaj hidratues të preferuar.

Si të balanconi sheqerin në gjak?

TikTok ndryshon rregullat e lojës – aplikacioni tregon se çfarë është përmirësuar

‘Oppo Find X8 Ultra’ shpallet si telefoni më i mirë i vitit 2025

Disa mënyra si të kujdesemi për trurin, sipas ekspertëve

Dita Ndërkombëtare e Punëtorëve, si lindi dhe historiku i 1 Majit?

Parashikimi i motit për sot

“Dështim?!”, Beyonce nuk po arrin t’i mbush stadiumet

Një lugë mjaltë para gjumit mund të parandalojë gërhitjen

Pse duket gjithmonë serioz? Ben Affleck tregon anën që s’e shihni shpesh
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Lajmet nga UBT3 days ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”