Lajmet

Banorët e ishullit La Palma ende në vështirësi një vit pas shpërthimit të vullkanit

Në ishull jeta vazhdon të mbetet e vështirë.

Published

on

“Plani ynë tani është… nuk kemi plane”, thotë Leticia Sanchez Garcia e përlotur, një vit pasi shtëpia e saj hyri nën llavë nga një vullkan që shpërtheu në ishullin spanjoll La Palma.

Pasi jetoi me miqtë për muaj të tërë, 34-vjeçarja më në fund mundi të transferohej në maj, së bashku me partnerin dhe tre fëmijët e saj të vegjël, në një shtëpi të parafabrikuar prej druri të siguruar nga qeveria.

Megjithatë, për të dhe shumë të tjerë në ishullin e vogël, jeta mbetet e vështirë.

Të hënën, do të bëhet një vit në ditë që kur vullkani Tajogaite, i njohur më parë si Cumbre Vieja për kreshtën në të cilën ndodhet, ka shpërthyer.

Ndonëse një vit më vonë, Sanchez dhe të tjerë si ajo përballen me një të ardhme të pasigurt.

Sanchez punon si asistente infermiere geriatrike, por kontrata e saj skadon në dhjetor. Partneri i saj humbi punën kur plantacioni i bananeve ku ai punonte u shkatërrua nga vullkani. Tani ai është i punësuar si pastrues rrugësh, por edhe kontrata e tij përfundon në dhjetor.

Familja mund të qëndrojë në shtëpinë me tre dhoma gjumi për një vit pa pagesë.

Nga oborri, Garcia mund të shohë vullkanin që përmbysi jetën e saj dhe shpatin e malit ku dikur ishte shtëpia e saj. Por ajo i shmanget shikimit në atë drejtim, tregon ajo.

Vullkani ishte aktiv për 85 ditë, duke nxjerrë hi dhe lumenj llave që gëlltitën më shumë se 1000 shtëpi.

Ai shkatërroi gjithashtu shkolla, kisha dhe qendra shëndetësore, shkatërroi autostradat dhe mbyti plantacionet e bananeve që mbanin gjallë ekonominë e ishullit.

Deri më tani, qeveria ka dhënë më shumë se 500 milionë euro për strehimin e përkohshëm, riparimin e rrugëve, pastrimin e hirit dhe mbështetjen financiare për njerëzit që humbën punën.

Por shumë vendas ankohen se ritmi i rindërtimit është shumë i ngadaltë.

Deri më tani, vetëm pesë nga 121 shtëpitë e parafabrikuara të blera nga qeveria u janë ndarë njerëzve të mbetur pa shtëpi nga vullkani, thotë qeveria rajonale.

Rreth 250 persona, shtëpitë e të cilëve u shkatërruan, vazhdojnë të jetojnë në hotele, sipas Platformës së Viktimave të Vullkanit, e cila lobon për ata që humbën pronën e tyre.

150 të tjerë janë duke qëndruar me miqtë dhe familjen.

“Askush nuk vdiq nga shpërthimi”, tha presidenti i grupit, Juan Fernando Perez Martin, një ish-mësues i shkollës së mesme 70-vjeçar që vuan nga poliomieliti.

“Por disa prej nesh më parë do të preferonin të vdisnin sesa të vuanin të gjitha këto emocione të forta, të gjitha këto probleme me të cilat po përballemi”.

Shtëpia e tij u fundos nën më shumë se 20 metra./UBTNews/

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara