Komisioni Qendror i Zgjedhjeve do të vazhdojë me mbajtjen e mbledhjeve, në fokus të të cilave është vendimmarrja për përgatitjen e zgjedhjeve lokale të cilat do të mbahen më 12 tetor 2025.

Në pikën e parë të rendit të ditës, KQZ pritet të vendos për decertifikimin e kandidatëve që i takojnë partive të ndryshme politike, si Vetëvendosje, LDK, Guxo, Alternativa, Bashkimi Demokratik, Kosovski Zavez dhe Koalicioni Vakat.

Por, përveç përgatitjes së zgjedhjeve lokale, KQZ pritet të vendosë për pjesëmarrjen e këtij institucioni në dy ngjarje jashtë Kosovës. Në mesin e tyre është pjesëmarrja e KQZ-së në vëzhgimin e zgjedhjeve lokale në Estoni nga data 17 -20 tetor 2025, pra vetëm 5 ditë pas zgjedhjeve lokale në Kosovë.

Rendi i ditës i plotë për mbledhjen e 52-të të KQZ-së:

1. Hyrje: z. Kreshnik Radoniqi, Kryesues i mbledhjes së KQZ-së;
2. Aktivitetet e Zyrës

2.1. Rekomandimi 97: Rekomandim për de certifikim dhe certifikim të kandidatëve: Partia Politike Lëvizja VETËVENDOSJE!, për Zgjedhjet Lokale 2025;

2.2. Rekomandimi 98: Rekomandim për de certifikim dhe certifikim të kandidatëve: Partia Politike LIDHJA DEMOKRATIKE E KOSOVËS – LDK, për Zgjedhjet Lokale 2025;

2.3. Rekomandimi 99: Rekomandim për de certifikim të kandidatëve: Partia Politike GUXO, për Zgjedhjet Lokale 2025;

2.4. Rekomandimi 100: Rekomandim për de certifikim të kandidatëve: Partia Politike ALTERNATIVA, për Zgjedhjet Lokale 2025;

2.5. Rekomandimi 101: Rekomandim për de certifikim të kandidatit: Partia Politike Bashkimi Demokratik, për Zgjedhjet Lokale 2025;

2.6. Rekomandimi 102: Rekomandim për de certifikim të kandidatit: Partia Politike KOSOVSKI SAVEZ , për Zgjedhjet Lokale 2025;

2.7. Rekomandimi 103: Rekomandim për de certifikim të kandidatit: Koalicioni KOALICIJA VAKAT, për Zgjedhjet Lokale 2025;

3. Këshillat e KQZ

3.1. Këshilli për Marrëdhënie me Jashtë

3.1.1. Shqyrtimi dhe miratimi i pjesëmarrjes së KQZ në punëtorinë rajonale të ODIHR: Ruajtja e Integritetit Zgjedhor në Ballkanin Perëndimor – Forcimi i Mbikëqyrjes dhe Rritja e Besueshmërisë (Varshavë, 16–17 shtator 2025)”.

3.1.2. Shqyrtimi dhe miratimi i pjesëmarrjes së KQZ në Programin e Vizitorëve për Zgjedhjet e Këshillave të Qeverisjes Lokale 2025 në Tallinn, Estoni, 17–20 tetor 2025.

I dërguari special i BE-së për dialogun midis Kosovës dhe Serbisë, Peter Sorensen, ka thënë se i dëgjoi me kujdes bashkëbiseduesit e tij në Serbi, duke theksuar se normalizimi i marrëdhënieve është i rëndësishëm për shkak të njerëzve në terren.

Sorensen ka shkruar në platformën X se kishte zhvilluar bisedime përgatitore në Beograd për takimet e ardhshme si pjesë e dialogut.

“Pas vizitës sime në Prishtinë në fillim të gushtit, isha në Beograd për bisedime përgatitore për takimet e ardhshme në kuadër të dialogut. I dëgjova me kujdes bashkëbiseduesit e mi dhe theksova rëndësinë e normalizimit për hir të njerëzve në terren”, ka theksuar Sorensen.

Në pikat kufitare të vendit mëngjesi ka nisur i qetë me kolona të pakta në numër.

Sipas Qendrës Kombëtare për Menaxhimin Kufitar, kolona ka vetëm në dalje të Merdarës deri në 40 minuta.

Në hyrjet dhe daljet në pikat tjera kufitare kolona nuk ka aspak.

Një grua ka qenë duke ecur me biçikletë në drejtim të Korçës kur është përplasur nga mbrapa nga një mjet, duke e lënë të dëmtuar rëndë, por ka vdekur sapo ka mbërritur në spitalin rajonal të Korçës.

Sipas burimeve të siguruara gruaja mendohet se po vinte nga arat ku ka punuar gjatë ditës dhe në biçikletë kishte të ngarkuara prodhimet bujqësore.

Segmenti i rrugës Voskopojë – Korçë është i pa ndriçuar çka ka bërë të vështirë për drejtuesin e mjetit fushëpamjen, aq më tepër kur gruaja me biçikletë nuk kishte shenjë ndriçues nga mbrapa, raporton “Euronews Albania”.

Policia në vendin e ngjarjes po heton për shkaqet e këtij aksidenti me pasojë vdekjen.

Duhet thënë se ky aks rrugor edhe për shkak të lëvizjeve të fermerëve që kanë tokat e tyre anës rrugës është bërë burim aksidentesh.