AI

Axel Springer do të ulë vendet e punës, paralajmëron se inteligjenca artificiale mund të zëvendësojë gazetarinë

Kompania synon të përmirësojë rezultatet me rreth 100 milionë euro gjatë tri viteve të ardhshme.

Published

2 years ago

on

Publikuesi më i madh gjerman, grupi mediatik Axel Springer, ka paralajmëruar stafin se do të shkurtojë numrin e vendeve të punës në Bild dhe die Welt, dy nga mediat më të njohura të lajmeve në Gjermani.

“Do të ketë reduktime të konsiderueshme të vendeve të punës në fushat e prodhimit, paraqitjes, korrigjimit dhe administrimit”, i tha stafit të martën përmes një letre kryeshefi ekzekutiv i Axel Springer, Mathias Döpfner.

Nuk u dha ndonjë shifër konkrete, megjithëse kompania synon të përmirësojë rezultatet me rreth 100 milionë euro gjatë tri viteve të ardhshme.

Ai theksoi nevojën që Bild dhe Welt të zhvillojnë abonime digjitale dhe të qëndrueshme. Të njohura më së miri si dy nga gazetat më të shitura të vendit, të dy këto media që sa kohë janë në internet dhe tani po përpiqen të degëzohen në transmetimet online.

‘Bërthama gazetareske’ nuk do të zvogëlohet

Më parë, Döpfner shpjegoi se do të shkurtohet numri i vendeve të punës në të dy markat. Aktualisht grupi mediatik ka 18 mijë të punësuar në mbarë botën, në mesin e tyre 3 mijë e 400 gazetarë. Një pjesë prej tyre janë edhe në Shtetet e Bashkuara të Amerikës, ku edhe ndodhet media Politico.

Të martën, Döpfner theksoi në letrën e tij drejtuar stafit se “standardet gazetareske të kompanisë janë të larta dhe ato do të bëhen edhe më të larta”. Prandaj ai u zotua të mos zvogëlojë “bërthamën gazetareske” (raporterë, autorë dhe redaktorë specialistë), por të investojë dhe ” të bëjë përmirësime cilësore”.

AI mund të zëvendësojë gazetarinë

Në letrën e tij, Döpfner paralajmëroi gjithashtu se gazetarët rrezikojnë të zëvendësohen nga inteligjenca artificiale.

“Inteligjenca artificiale (AI) ka potencialin ta bëjë gazetarinë e pavarur më të mirë se sa ka qenë – ose thjesht ta zëvendësojë atë”, tha CEO i Axel Springer.

Kompjuterët që përdorin AI mund do të jenë më të mirë në “grumbullimin e informacionit” sesa gazetarët, sipas tij.

Ai tha se mediat duhet të përqendrohen në gjenerimin e lajmeve ekskluzive ose komenteve dhe veçorive origjinale nëse duan të mbijetojnë. Gazetaria investigative, tiparet e drejtuara nga personaliteti dhe mbulimi argëtues po bëhen “gjithnjë e më të rëndësishme” për biznesin e medias, tha Döpfner./UBTNews/

Related Topics:
Continue Reading

AI

Meta njofton se do të zgjerojë prodhimin e kufjeve të realitetit të përzier

Published

2 months ago

on

October 1, 2024

By

Të martën Meta njoftoi se do të zgjerojë investimet në inovacionin e inteligjencës artificiale në Vietnam, përfshirë prodhimin e kufjeve më të fundit të realitetit të përzier nga viti 2025.

Kjo u bë e ditur pas një vizite të presidentit për çështje globale nga kompania Meta, Nick Clegg, në Vietnam, vetëm një javë pasi ai u takua me presidentin vietnamez, To Lam, në New York.

“Nga viti 2025, Meta do të zgjerojë prodhimin e pajisjes së saj më të fundit Mixed Reality Quest 3S në Vietnam”, tha Clegg në një deklaratë.

Në Vietnam, Meta ka dhjetëra miliona përdorues të Facebook-ut./UBTNews/

Continue Reading

AI

Mira Murati largohet nga OpenAI

Published

2 months ago

on

September 26, 2024

By

Shefja për teknologji e kompanisë OpenAI, Mira Murati, ka njoftuar se po largohet nga kjo kompani pas gjashtë vjet e gjysmë.

Murati kishte shërbyer si shefe ekzekutive e kompanisë vitin e kaluar në kohën kur kishte pasur një puç të dështuar kundër themeluesit të firmës, Sam Altman.

Përmes një njoftimi, që ajo ua ka dërguar punonjësve, të cilën e ka shpërndarë edhe në X, Murati tha se “kam marrë vendimin që të largohem nga OpenAI”.

Largimi i Muratit vjen pasi një sërë zyrtarë të lartë të kompanisë së inteligjencës artificiale, që mbështetet nga Microsoft, janë larguar gjatë këtij viti, përfshirë edhe themeluesit Ilya Sutskever dhe John Schulman.

OpenAI, kompania që ka në pronësi ChatGPT, është një prej kompanive që ka përjetuar më së shumti rritje në botë.

“Asnjëherë nuk është momenti i duhur që të largohesh nga vendi që e vlerëson, por sërish, ndiej se ky është vendimi i duhur”, tha Murati, inxhinierja 35-vjeçare nga Vlora e Shqipërisë.

“Lansimi i modeleve tona për të folurit të Open AI o1, shënojnë fillimin e një epoke të re të ndërveprimit dhe inteligjencës – arritje të mundësuara nga zgjuarsia dhe mjeshtëria juaj”, tha Murati në njoftimin dërguar punonjësve të OpenAI.

Murati tha se po largohet nga kompania sepse dëshiron të krijojë “kohë dhe hapësirë për të eksploruar”. Ajo shtoi se fokusi i saj kryesor do të jetë që në kompani të ketë një “tranzicion” të lehtë pas vendimit për t’u larguar nga kompania.

Shefi ekzekutiv i OpenAI, Sam Altman, përmes një postimi në X e falënderoi Mira Muratin “për gjithçka”.

Ai tha se Mira Murati ishte një person shumë i rëndësishëm për OpenAI, “për misionin tonë dhe për ne të gjithë personalisht”.

“Jam jashtëzakonisht mirënjohës ndaj saj, për ndihmën që nga ka ofruar që të ndërtojmë dhe arrijmë, por mbi të gjitha ndiej mirënjohje personale ndaj saj për mbështetjen dhe dashurinë në kohë të vështira. Mezi pres të shoh se çfarë do të bëjë ajo tani”, tha ai.

Rritja e OpenAi është përshpejtuar që kur më 2022 lansoi aplikacionin ChatGPT. Aktualisht, besohet se vlera e kompanisë është më shumë se 150 miliardë dollarë./REL

Continue Reading

AI

Drejtori i “Titanic”, James Cameron i bashkohet bordit të Stability AI

Published

2 months ago

on

September 25, 2024

By

Stability AI njoftoi të martën se James Cameron, regjisori i filmave “Titanic” dhe “The Terminator”, i është bashkuar bordit të startup-it të inteligjencës artificiale.

Rritja meteorike e inteligjencës artificiale gjeneruese ka tërhequr vëmendjen e Hollivudit në një kohë kur kostot e prodhimit janë rritur. Drejtuesit dhe agjentët e Hollivudit u takuan me kompaninë për të diskutuar përdorimet e mundshme të teknologjisë, thonë burimet e brendshme të industrisë.

Emërimi i Cameron e afron Stability AI më afër qëllimit të saj për të “transformuar median vizuale” duke u ofruar krijuesve një portofol të plotë të mjeteve të AI, tha CEO Prem Akkaraju.

Stability AI që ndodhet në Londër, e cila mblodhi rreth 80 milionë dollarë fonde në fillim të këtij viti, prodhon një mjet për gjenerimin e imazheve të inteligjencës artificiale që rivalizon ato të prodhuara nga Alphabet’s./UBTNews/

Continue Reading

AI

OpenAI lanson modelin o1

Published

3 months ago

on

September 13, 2024

By

OpenAI ka lansuar një seri të re modelesh të cilat “mund të zgjidhin problemet më të vështira” sesa modelet e mëparshme të inteligjencës artificiale gjeneruese (GenAI). 

Kompania e cila ndodhet në Kaliforni njoftoi të enjten se do të sjellë një vrojtim të hershëm të serisë, të quajtura zyrtarisht o1-preview dhe o1-mini. Modeli ka emrin e koduar Strawberry.

Në njoftim thuhet se modelet e reja performuan njëjtë sikurse studentët e doktoraturës në detyra sfiduese në fizikë, kimi dhe biologji dhe dolën mirë në matematikë dhe kodim.

Kompania gjithashtu njoftoi  se e testoi modelin në një provim kualifikues për Olimpiadën Ndërkombëtare të Matematikës (IMO), një konkurs matematikor i shkollave të mesme./UBTNews/

Continue Reading

Të kërkuara